hermanmsc0904's Profile

今日行街見到有間新開嘅餐廳叫牛脾氣，睇名以為淨係得牛食，原來餐牌好多元化😍仲有刺身飯，日式小食同期間限定 menu, 一於入去試下。極尚刺身飯🐟 : CP值極高，有吞拿魚蓉，蟹膏，帆立貝，甜蝦🤩最特別係飯底加左左囗魚邊，蟹肉同蟹籽，為成個飯增加鮮味，又唔驚食曬 d魚生就會變冇餸飯鹽燒和牛飯🐂: 呢度主打牛，一定要試下。睇餐牌見到呢度可以揀唔同 grade嘅牛，我叫嗰個已經係最低 grade, 但係個牛嘅油香已經好正🤤想像唔到如果叫再靚 grade d嘅會有幾好食佐賀名水豚🐖: 呢個豚肉夠特別，係係佐賀用雪山溫泉水飼養，真係唔係度度有🙊肉質彈會好 d, 亦都冇平時豬肉嘅腥臭味。佢係用石燒爐上，自己燒啱啱燒到熟可以食到 juicy嘅肉汁，燒耐少少燒到脆又好香雞皮餃子🐥: 又係一個好特別嘅小食，用雞皮包住左餃子，上枱嗰陣仲滋滋聲，由於新鮮整起，個皮好脆，又唔驚油膩紫薯甘栗餅，一口芝士，一口忌廉蟹肉薯餅 🥔: d小食全部都新鮮炸起，外表非常脆，炸粉又夠薄，唔會好厚。紫薯餅一塊初初以為好少，但原來係剪開可以夠 4個人食…Read More

放工去開旺角，緊係搵間cafe chill chill坐下la, 今次去到呢間樓上cafe😛離遠就見到個招牌，就試試佢龍蝦湯：睇落賣相唔錯，有忌廉汁既拉花🙊口感夠濃郁，仲好重蝦膏味，帶點咸香得黎又唔會渴喉😋士多啤梨乳酪：乳酪應該用攪拌機打出黎既，口感唔算濃郁，反而比較綿密有空氣感，有士多啤梨醬既清甜☺️黑松露野菌意大利飯：個賣相已經好吸引😍好多黑松露粒撈埋d飯度，飯面仲有一塊塊既芝士碎🙊食落真係好濃味，成陣芝士同松松露味湧哂出黎🤤飯粒煙煙韌韌，口感好creamy, 好足料👍🏻👍🏻薰衣草,茉莉茶,檸檬草馬鞭草：用蠟燭座上，keep住熱👍🏻相對起黎薰衣草既香味最出，唔會苦澀，無太多雜味，口感亦好順滑唔鞋口😌香蒜白酒蜆意大利粉：蜆既份量不容忽視🤭目測起碼有成20隻🤤仲隻隻有有肉，唔會得個殼，雖然食到一隻有少少沙，但問題不大👌🏻蒜味同酒味唔算好濃，但蜆既鮮味好出😍😍最後個底仲有好多汁，個鮮味同易入口程度令人不知不覺飲哂🙊🙊…Read More

落雨濕濕，無咩心機食野，行下行下搵到呢間，個名一下就吸引左我個目光la🤓入到去坐低，發現餐牌好多小食可以揀，最後食到好飽好滿足😂上湯油菜：叫左娃娃菜，用個大碗上😍份量非常之夠，仲浸住上湯夠哂熱辣辣招牌薑湯米線：薑湯本身唔會話好重薑味，薑味主要來自面頭既薑絲，怕辣既朋友都可以叫👍🏻今次叫左好多餸😋豬潤有3塊，夠爽口又彈牙，一d苦味都無，處理得幾好🥰鴨血有4舊，夠入味，口感唔錯😋花雕醉雞卷拼醉蛋：扎得夠實淨，雞味都幾濃😌如果可以重酒味會好d鱻之湯飯：有成條炸魚，好吸引😍條炸魚唔會炸到無哂鮮味，仲好重魚味，而魚腩夠哂滑，同樣好濃魚味😋👍🏻魚湯奶白，不過就咁飲會有少少咸，配埋飯食就岩岩好😎糖脆雞中翼：面頭夠脆夠哂甜，又唔會食到個嘴痴立立，入面仲好juicy, 好滑😋😋非常推介🤤女人四十：薑汁同蜜糖好易沉底，飲之前一定要攪攪佢🙈蜜糖夾雜薑汁，薑味好出又唔會辣🤓👍🏻正…Read More

先講講環境先，門面唔算起眼既，係路邊行樓梯落去先入到，可能因為呢個原因，起呢區呢度算比較少人既餐廳🥰入到去見到掛左幾件親筆簽名既波衫，拎野食既牌仔都貼哂波衫貼紙😳落足心機，仲播住細細聲既音樂，算坐得幾舒服🤤自助湯bar: 呢度有個自助湯bar既，今日係番茄湯😌唔會太濃，唔洗怕飲完要係咁灌水🤓龍蝦汁雜錦海鮮飯：番茄味好出而又唔會搶😋雖然吸哂d汁，但飯粒依然粒粒分明有咬口😋。海鮮唔會話好有鮮味好濃味🙊，但勝在份量唔錯啖啖都有海鮮🥰配埋番茄汁好惹味波士頓龍蝦意粉：呢個價錢食到龍蝦，勝價比真係贏哂😎龍蝦本身加左千沙律醬去焗既，入味之餘，龍蝦會好香口😍重點係竟係有蝦子! 即刻加分🤤。意粉方面，偏意粉真係索汁d😋餐廳仲一d都唔吝嗇，就咁睇已經見到好多松露，忌廉汁包住d麵，好濃味！大滿足🤤🤤冰島鮮蝦菠蘿漢堡：今日最鍾意係個漢堡🎉首先個包好軟熟，而且一d都唔乾，仲好有香味，入面仲搽左牛油，好香口🤤個蝦餅好厚身，個皮又薄又脆，入面仲好彈牙又keep到好juicy好濃鮮蝦味👍🏻大讚，菠蘿有燒過，夾埋千島醬perfect match😎心太軟：面頭鋪左一大塊薄朱古力片，食落多左份香甜味🤭紅棗茶：同樣非常足料😋好多紅棗片起底，食落仲有淡淡甜味☺整體黎講食物水準貼誠意，加埋環境同老闆娘親切既服務態度，呢間絕對係呢區值得encore既餐廳😎😎…Read More

星期五晚上，今次黎到灣仔呢間樓上印度餐廳😋一去到門口已經冇種好古典晚裝修，入面又有一排排晚酒，感覺好有氣氛😌脆炸薄圓球：整到一口size好方便😛， 仲開左個窿比你倒汁入去，個皮好薄脆，入面好明顯食到薯蓉同香料味，我就鍾意倒滿滿晚汁，再起口入面一下咬爆，爆汁晚感覺好衝擊🤪而配有兩個汁，一個甜既係芒果汁，似芒果乾味既😙，另一個就酸酸地帶少少辣既，個人比較鍾意芒果汁，感覺無咁hard core🤓烤印度芝士：芝士鐵板上好有鑊氣，個面仲煎到燶燶地，真係好香口😳，芝士既口感算扎實，而且香味亦好夠，食落唔會係好漏，亦唔會好咸好濃味👏🏻順帶一提，配菜比鐵板燒到熟哂，都好好食😜安得拉芒果咖喱魚：又係切到一口size👍🏻👍🏻未食魚已經忍唔住先試汁，個汁酸甜，帶微辣，本身已經好有魚味😋再食魚，口感竟然一d都唔乾唔鞋，反而仲幾juicy。食到最尾無哂d魚，但因為個汁酸甜太惹味，一羮羹咁差唔多飲哂d汁🙊牛油鮮奶鬆餅：真係好鬆軟😍咬落仲好煙韌，而且佢本身已經有味，真心唔洗點汁已經好好食Ambi panna: 好重青椒味🙈，口感濃郁既咸乳酪Masala chaach:飲落飲泰式咸話梅特飲😂…Read More

冷泡藝伎咖啡果茶：店員好有心又專業🤓放低左杯果茶之後會慢慢介紹比你聽飲品既特色👍🏻原來所謂既咖啡果茶係用咖啡果肉去沖泡😳所以飲落咖啡味唔會太明顯，口感唔太重，而聞落有d乾果既酸香味，入口飲落有少少酸梅湯味😂煙三文魚意大利飯：飯粒口感實淨，有少少咬口得黎，又唔會有太多硬身既感覺😋仲加入左少量生洋蔥粒，令綿密既意大利飯中有爽脆既口感，口感更加豐富🥰完整既三文魚有一整塊，其餘係切碎連埋飯一齊煮，食落每一啖都有滿滿既三文魚味🤤烤雞菠蘿漢堡配檸檬乳酪醬：有好香口既薯仔粒做伴碟😋😋，外面仲有薯皮包住，入面炸到軟淋，仲食得出落左d香草🤤，帶香味又微辣，非常驚喜，而個烤雞都唔錯，雖然唔會話好多肉汁飛哂出黎咁，但外皮少少脆，入面仲幾嫩滑🤓乳酪醬酸酸甜甜，唔會比酸味搶左，配搭得好好手沖咖啡：唔記得左隻豆係咩名🙈🙈聞落lemongrass既香氣好鮮明，入口有甘菊既微甘，而餘韻就有微微既柚子皮苦，整體黎講口味算清新易入口既🥰🥰…Read More

今次經朋友介紹，專登揸車黎新蒲崗試下呢間串燒小店，門口有街邊泊車位，超方便🤓仲比我見識到有警車經過，各店會互相提醒既人情味🥰入到餐廳，牆試掛住一串串既燈泡，以暖色為主，成件事睇落好溫暖🙊 今次叫左都幾多野食，仲要打聽到好多菜式都係店主自己研發，醬汁同味道出面都食唔到👏🏻👏🏻👏🏻等我慢慢介紹下la🤓鹹檸七：夠多冰👍🏻唔會過咸，本身已經督好左，汽水罐裝分開上，唔會呃秤😀爸b串燒花膠： 比較少見既串燒，點都要試一試佢，😚口感煙韌，唔會一patpat野咁😋有少少花膠既香味煙肉車厘茄：煙肉唔會過咸，車厘茄夠飽滿多汁，配搭得岩岩好🤩鮑汁燒花菇：燒完既花菇仲好多汁，外面微微既甜味😚出奇地有少少西多士味🤣日式雞皮串：燒到脆口唔再講la😳最正係入口食到內裡雞脂肪既油香同軟滑，但因為切凶成條狀咁燒，感覺唔會好heavy雞心串：心仔細細，吸哂d醬汁味，食落唔會好重內臟味，口感煙韌😋 醬燒雞髀菇：口感爽彈，外面同樣有少少甜味香辣炒粉絲：上枱熱辣辣，口味偏重，好多蒜同肉碎，好惹味👍🏻👍🏻🤩椒鹽雞軟骨：好香油炸味， 但食過唔食得椒鹽既死咸，咬落脆口又唔硬😎食真仲會食到d雞油味炭燒豬頸肉：切到細細塊岩岩好一口size😳唔知係咪燒既關係，食落唔食好膩，配埋自家製既酸辣汁，好醒胃好清新😍燒蟶子：睇到個殼燒燶哂好治癒🥰燒完唔會好韌，仲有肉汁浸住😎七味燒飯團：真係有驚喜😎個外層燒到焦燶，口感好得意辣汁柏葉：做型好有街頭風味🤣用碗裝住，外層用豆卜圍住，牛柏葉配金菇擺起中間，唔會好辣，幾好食😛香辣炒蜆： 好多蒜，仲有金菇做配菜，蜆隻隻都好飽滿，唔會炒到收哂水，入口仲脹pop pop🙊價錢以質素黎講唔算貴，感覺野食都好用心唔會粗製濫造🥰最後細心留意下餐牌，仲有雞煲，店主話係自己研製既醬汁，偏乾身較入味，唔同季節仲會出唔同既食品期間限定😛😛下次真係要試下…Read More

😡人手嚴重不足！做得promotion, 但成間鋪得幾個人，經常無人收單，d單又亂哂，收左單又漏單，有時又將d單調亂哂，就算無漏單，平均等3-4個字先有野食😤😤坐多過食。話幫你跟跟張單，但根本就耍你既。錢就收足，但無預過人手同材料。食到最尾個水既雞翼，連味粉都少埋，根本睇得出連味粉咁基本既野都預唔足🤗 cocktail好似咳藥水味咁，飲啤酒好過總結黎講，似由一班無經驗既人，是是但但搞個快閃雞翼放題🤷🏻‍♂️…Read More

呢間新開既日本野好蟹人😂好彩早去食姐🙊蒲燒原條鰻魚定食：因為想食清少少所以轉左豚骨拉麵，佢個湯唔會奶濃好咸，反而個半隻溫泉蛋應該浸左醬油，少少咸好入味😋麵既比起出面麵算大碗，唔會怕唔飽😛鰻魚原條上份量夠哂，肉質嫩口，而皮就非常彈牙，feel到滿滿既骨膠原🥰醬汁亦唔會慳，非常濃郁飛魚子拌魷魚刺生：魷魚唔係非常彈牙，但同飛魚子配搭得非常好🥰，食緊魷魚滑捋捋既口感個陣，有飛魚子爽脆中和番，飛魚子既咸味又幫助調味，係唔錯既😋海膽手卷：雖然睇得出唔會係最靚既海膽，不過仲算粒粒分明，入口creamy, 而且唔會腥😌火炙刺身丼：有油金魚、劍魚腩、三文魚、帶子，每樣有兩件。仲有隻牡丹蝦同三文魚子，款式同份量都唔錯🥰驚喜既係連片玉子燒都帶火炙味🤓火炙海鹽鵝肝壽司：壽司飯唔夠實淨，但鵝肝size搭夠😎鵝肝表面香脆，油香stay起口入面好耐，唔會爆哂入，食完都無好膩既感覺🤩蟹肉蟹膏軍艦：蟹肉係蟹棒絲黎，蟹膏好鮮又唔腥👍🏻唔錯炙燒原隻魷魚筒：肉質實淨彈牙，而且仲好有魷魚味👍🏻👍🏻呢個抵讚，因為真係食過一d魷魚筒只係個汁有味🙈🙈…Read More

原條照燒吊筒：呢個價錢食到原條上魷魚唔係度度有，份量夠哂😎魷魚淋上濃濃既照燒汁，加埋木魚碎，成條魷魚充滿香味，口感亦夠林，唔洗怕會韌😌黑松露牛肝菌醬卡邦尼意粉：煙肉份量夠😎，食落芝士味好出，入口帶有少少咸香味🤤，黑松露聞落雖然唔太出，但食落好夠味，用上左扁意粉，d汁掛哂上去，口感好creamy好實在😋屬性:龍系奇異花：一上枱就聞到燒過既蝦殼味，成個氣氛好香口😂蕃茄意粉鋪左起開邊龍蝦身上，睇黎就係叫奇異花既原因🤣睇落醬汁好濃郁，掛哂起意粉度，亦都意外地因為咁，吸左龍蝦既鮮味🤤海鹽櫻花奶昔：一飲落有陣鹽漬櫻花味，仲會飲都有一粒粒海鹽有陣fresh嘅味道，不過建議攪勻先飲如果唔係好意忽咸忽甜🙊曲奇馬上瘋：曲奇味都幾夠既😛，夠哂凍，口感唔會太奶太傑，不過相對出面既奶昔有少少偏甜，下次可以叫定少甜😂…Read More

今日經過長沙灣，一間裝修比較新穎既米線餐廳，感覺幾清新，就去試下佢😌玫瑰洛神花茶(凍)： 獨立支裝上既，淡既橙紅色，飲落玫瑰味好出，帶有少少清甜🤌🏻，唔好話好酸搶哂d味，唔錯唔錯🥰麻辣墨魚咀拼軟骨：用醋汁做底，面頭有麻辣醬同蒜粒，酸咸味，好開胃好惹味🤤，份量夠哂多, 每粒墨魚嘴都一開二，方便入口👍🏻👍🏻。墨魚嘴鮮味好出，入面軟林 外皮有有墨魚既煙韌，而軟骨主要係口感爽脆既麻辣鴨血：相對唔會太辣，份量都有6-7舊，唔怕到喉唔到肺🤓，鴨血本身煮到好入味，絕對同出面既鴨血唔同，唔會得個汁有味，口感扎實唔會水🥳麻辣涼皮：今次叫左bb辣，跟左雞翼同萵荀。涼皮真心特別，相比外邊食到既偏厚身，但口感一樣咁滑一d都唔鞋口😳，入口有種入口即融既錯覺😂好過癮。萵荀好厚身好大片，食落涼浸浸好舒服😊雞翼都好入味麻辣豬骨濃湯米線：配左滷水雞腎同牛柏葉，原來d料全部壓哂起底😂仲等我影相個陣係咁搵。湯底唔會好咸好重味，反而口感會有少少奶既口感，好耐無試過食豬骨湯會飲到落底🥰蜜桃烏龍茶🍑：有淡淡蜜桃甜香,叫熱飲佢會用茶壺裝住，可以跟據個人想要嘅濃淡慢慢倒出黎，又唔驚佢好快倒哂同凍哂😛食到最後，店員有問我地夠唔夠飽，原來呢度做緊優惠，可以任添米線😳😳真你唔洗擔心唔夠飽…Read More

終於開番晚市🥺🥺係時候食番夜晚先會食既野，就係打邊爐la😜今日呢間成都老碼頭火鍋，內外裝修都好有特色，格調鮮明，起對面街已經認到佢la😳配備方面，一入去就每個人比個膠袋仔入口罩，而佢每張枱都會有一盒全新既紙巾，非常貼心今日叫左香港風味輕辣既無渣紅油麻辣湯+宮廷藥膳湯底。前者湯底既味唔會好濃好鹽，但紅油辣味夠，後者相對味道較出，岩岩仲可以直接飲🥰老碼頭筷子牛肉：真係有筷子墊底🤣牛肉切成條狀，用辣醬預先醃好，牛肉軟林，但中間會有少少筋，但問題不大👌🏻蒙古羊肉片：食落完全唔韌，無筋，但肉味夠濃👍🏻好食爽脆牛黃喉：本身無咩味，主要食口感😁口感似牛柏葉咁，爽脆，但唔會韌😋甜心咸蛋流心丸：丸身唔算脆口，不過勝在帶有魷魚既鮮味😋入面一咬開咸蛋黃流哂出黎，好邪惡😏功夫千層肚：即係平時食到既白牛柏葉，不過佢既功夫在於全部都切到好幼細，會更加掛湯🥰而且因為幼，所以就算耐左都唔會韌🙊老友鬼鬼：今次飲食界c朗實在淥耐左，差唔蛋淥左10分鐘先記得食，搞到個油炸鬼林哂，最好睇住墨魚滑一熟就起，再起湯度壓一壓油炸鬼等佢索湯就最正la😚醬料方面，有款預先調配好既秘制醬油，個人比夠喜歡呢隻，唔太搶口但夠惹味🤓另外佢有罐自家制既油，去到可以一試😃…Read More

今次呢黎左一間古舊同藝術感合成既餐廳，店內既燈光係帶有懷舊味既鎢絲燈，配合埋顏色鮮艷既櫈，好有古舊既味道🥰好舒服香辣蕃茄白酒煮藍青口：碟就唔算大，但份量夠，😋都有十幾隻青口，個汁煮得都算濃，帶有幾強烈既香辣味🤭，青口口感唔會太實太韌，仲有淡淡既海水味，同酸辣既蕃茄汁幾夾慢煮秘製燴羊膝：舊肉有成兩個拳頭咁大😳，夠哂份量，伴碟有cream味好重既薯蓉🤤，滑得黎仲有少少顆粒，口感豐富。羊膝方面，竟然帶有少少乳鴿味🤭唔算好多肉汁，不過肉味好濃，口感岩岩好，厚實得黎唔會韌，就算筋位都好焾，而整體黎講唔會太重騷味，鍾意食騷味重既可以食近筋位秘製伊比利亞火腿卡邦尼意粉：火腿有4-5塊👍🏻，偏厚身。一黎篤穿佢隻水波蛋🤣，再將d蛋汁同芝士汁撈埋，個汁咸咸地，芝士味好濃好邪惡🤤醬汁好掛身，意粉偏粗身，size有少少似拉麵，口感偏實淨，但唔會好痴牙單眼佬蜂蜜話梅啤 : 一睇個 menu已經覺得呢隻味好特別，一飲會 feel到蜂蜜嘅甜味出 d, 之後再開始有話梅嘅甜酸同麥味，個味道比較易入囗，係 menu都屬於 light 類別，好適合女仔飲…Read More

一坐低，就覺得呢度個環境好有親和力la🙊播住廣東歌，佈置又簡單得黎又舒服，唔會太多花巧野，仲但係白色既梳發，坐得好舒服🥰今次叫左兩個餐，都係各加35蚊就送多個沙律同蛋糕跟餐沙律：有一個飯碗咁大，份量唔少，唔會係細細一兜一啖親食完咁，仲落左好多麻醬，一d都唔吝嗇，一定夠食到落底👏🏻👏🏻蟹肉雜菌忌廉闊條麵：我見到佢呢度d熱食都係即叫即整既，上枱仲熱辣辣😳蟹肉鋪起個面，想食啖啖蟹肉都無問題，份量唔少，仲要唔會淡味，仲食到好鮮既蟹味，不過少不免一定會有少少碎骨既🙈忌廉唔會太多，唔會浸到成個麵麵係，起碼食落唔太膩先墨西哥香辣肉丸燴意粉：睇個樣會比佢嚇親🙈仲以為會好辣，但食落就唔會好濃味同太辣，肉丸實淨既，個味有少少似漢堡扒😛BBQ單骨雞翼：雖然有少少乾，不過個醬夠哂易入口，其實偏似茄汁，但相對無咁酸，會甜少少😋😋甜品方面要讚下個藍莓芝士蛋糕，食落真係好滑，滑到完全唔會鞋口😋真係好難得…Read More

食串燒最怕食到一半會凍哂🙊，店家好貼心咁由第一道串燒開始，就由熱石上枱，之後到既燒物都會放在同一塊燒石上保持溫度👍🏻泰式鹽燒鯽魚：用鹽包住未打鱗既鯽魚燒，魚身足足有一隻攤開既手掌咁大😳, 肚入面塞左香茅等香料，一𠝹開層皮，熱辣辣，d煙同魚香飄哂出黎🤤。就咁食，用仲好足水份，一d都唔乾，鮮味仲keep到👍🏻帶有淡淡咸香。另外跟泰式酸辣汁，辣椒味偏重，個人覺得唔點汁都夠好食，點左就增添泰式風味燒芝士響鈴：好脆口，好薄身，一咬落去口感好鬆化，無油膩感，入面芝士唔算太濃味，偏向清新既口味黎👌🏻燒紅酒燴原條香辣牛肋條：好淋好淋，用牙輕輕撕開已經得😋，肉汁雖然唔係超多，但正好將d味留哂起肉入面，食落竟然似牛腱味😂燒黑啤牛仔骨：好厚切，但唔會韌，中間好多肉汁，唔會有太濃既黑啤味，只會帶有淡淡既香味，反而牛肉揀得唔錯，好濃牛肉味👍🏻燒紐西蘭羊架：目測最少7成熟，同樣唔韌，肉汁足夠，可惜既係唔太騷，但竟然食到肥膏位有d紫菜味😳燒玉桂焦糖金菠蘿：加左肉桂粉去燒，未擺入口已經聞到，面頭有層脆焦糖😍，外甜內微酸，菠蘿燒得岩岩好，唔會有太多筋，仲好多汁燒蜜汁叉燒棒：呢個有驚喜👍🏻👍🏻，雖然唔肥，但唔似一般瘦叉咁咁鞋咁乾，肉質仲keep到好彈牙，帶埋蜜汁既微甜，比一般叉燒更好食燒山賊雞翼：7味粉一d都唔吝嗇，鋪到成個面都係，味道唔洗講la, 個皮燒到脆身，因為雞翼攤開左燒，所以唔會爆哂肉汁咁，但同樣絕對唔會乾👌🏻蒜蓉牛油焗娃娃菜：用炸蒜去焗，會比生蒜多左陣咸香味，平民價錢，令你食到蒜蓉牛油帶子既味道😂燒汁洋蔥：唔會燒到過熟，仲keep到爽脆既口感，唔會仲帶洋蔥個種辣味，反而帶少少清甜味…Read More