sunflower18503's Profile

上一次嚟叫咗個鐵板，等咗20分鐘，後面的號陸續 出餐， 我都仲未有 ，一問之下原來漏咗單，咁唔緊要，佢話幫我整過啦，點知再等多20分鐘， 都係未有，原來重係未整，再等落去都唔係辦法，嚟到都唔夠時間食，亦唔知佢要整幾耐，餓住個肚走人。啲單都忍住手唔寫食評，但今次呢煲蘿蔔牛腩真係超超超唔掂，啲蘿蔔鹹到要lur，廚師試一試味先啦，啲鹽 而家唔使錢咩…Read More

而家咁嘅時勢，不如快啲執咗佢好過啦，做生意做到咁嘅。 原本打算快快手手買個外賣就走， 淨係見到牆上寫住套餐$52，咁是但啦叫個咕嚕肉跟飯啦， 呢個時候佢先至話冇， 咁我問佢有冇餐牌， 個阿姐就比咗個餐牌比我， 我就快快手手叫個菠蘿咕嚕肉， 加$16轉套餐（ 跟埋熱飲同白飯）， 等咗一陣都仲未落單，原來係等入面煮緊麵個阿姐出嚟落單， 佢完全冇話比我聽幾多錢，直接就叫我都八達通， 之後我叫佢出返張單比我，一睇點解無端端熱奶茶會加$7， 佢話我個奶茶$7同白飯$13係另外叫， 我話乜唔係套餐咩，佢話而家冇套餐，我嗰個係舊餐牌，我咪話：阿姐,個餐牌係你比我睇㗎嘛，唔係我自備㗎喎。跟住佢話啲嘢全部煮緊一定要比錢。…Read More

直頭茂整餅， 好地地西多士唔得嘅， 夾硬係中間加多塊芝士， 又鹹又甜超難食，根本就唔夾味，費事嘥嘢，唯有刮曬啲芝士出嚟食埋佢，都唔知邊個天才設計出嚟😡 佢自己究竟有冇食過㗎（ 圖中右下角就喺嗰pad芝士) …Read More

佢冇改錯名，真係伏，下午茶餐叫咗椒鹽魷魚鬚加凍胚芽奶茶，魷魚鬚油淋淋，個粉漿好後， 凍胚芽奶茶真正伏，基本上見唔到胚芽咁濟， 但飲落一陣油膱味， 但又淡茂茂，飲咗幾啖真係唔想再飲落去。 唔怪得其他鋪要排長龍，呢間咁多吉枱。…Read More

門口排隊混亂， 佢一副唔憂做嘅態度，以後都唔會再幫襯， 近來仲加咗價， 就算黃店都大把選擇， 食物都不算出色。 好多時會送漏食物， 例如蒜蓉包。 晚餐叫奶茶， 佢係用lipton茶包， 極度難飲， 毫無誠意。…Read More

羅宋湯腸仔通粉同丹麥多士幾好味，個炒蛋好鬼大份 ，以我炒蛋嘅經驗，起碼炒咗四隻蛋落去🤣，咁嘅價錢算係合格以上啦~有個似乎係新請返嚟嘅後生侍應姐姐，好nice🥰，平日好少嚟呢區，冇乜機會再翻兜。…Read More

煎隻餐蛋都衰過人，正方形煎蛋， 油淋淋嘅蛋乾，碗味精湯通粉勁難食， 通粉係最平嗰隻快熟通心粉， 同啲味精湯又唔夾味， 味精敏感嘅千祈唔好試， 一定食到你頭痛，奶茶都唔掂， 不過都叫正常， 唔怪得其他地方星期六早餐時間都要等位，排長龍排到出門口， 呢度都仲有吉枱，完全明白晒!…Read More

雖然係黃店， 但人多咗幫襯， 就越嚟越差， 有位中年女侍應， 態度差， 尤其對門外排隊人士， 呼呼喝喝的，食物水準不過不失，其實不算特別好吃，40元一份早餐，只可說正常價錢， 整個鴨脷洲沒有什麼選擇吧，其實黃店多的是，這店不吃也罷。…Read More

環境衛生差，待應態度差，上菜超慢，叫份早餐，落單後20分鐘抬面依然空空如也，連水都冇杯，吹下佢，話嚟緊，等咗25分鐘，終於有杯奶茶，再等多10分鐘，上埋碗蕃茄肉碎通粉，不過一上抬我重以為碗通粉比人食過嚟，份量少，通粉發到淋patpat,見到都唔開胃，等咗45分鐘，終於上埋件多士，難為呢個屋村得嗰一兩間餐廳，不過真係寧願行遠少少食好過！…Read More