ice sze's Profile

家人中有馬來西亞華僑，從少便接觸東南亞食物，沙嗲/加多加多/印尼糕點/榴槤…🤭據我所知，路德圍有間回x印尼餐館，本人試過一次便夠🙈最近响鱟地方巷仔發現了 indo mami,本著一試無妨，叫了沙嗲與最愛的Rojak(羅惹)沙律🙆🏻‍♀️即燒沙嗲就不用多講了，基本上必食😋👍🏻想介紹下Rojak ，與大家常接觸加多加多沙律，是兩種截然不同嘅風味。加多sauce 徧甜平易近人，Rojak sauce 有蝦醬/辣椒/花生碎等，相對惹味得多😆由於醬汁濃味，一般會配搭蔬果，呢度就係菠蘿/青瓜/沙葛/蕃薯，食落非常清爽可口😍小試牛刀後，本人叫過多次外賣/到會。推介店主限定:風味咖哩螺，係細細粒尖尾螺🤫店主細心剪走尾部，食嗰陣輕輕一吸就滑入咀，咖哩汁係自家製，唔會太辣但會令你一口接一口追住食，我介紹過俾幾個朋友都讚不絕口～無論餐前小食/宵夜/睇波都係首選🤩PS.尖尾螺賣點係肉細而嫩，有啲人會覺得冇乜肉食，始終不同於東風螺大隻，但徧硬又唔入味🫣該店名物:手打撈麵🍝，麵每朝即製，就連叉燒魚蛋都係自家製，唔食得辣嘅朋友要試下，入口清淡配料豐富，少少的店有滿滿的誠意💁🏻‍♀️另外，巴東牛肉飯肉軟淋又入味，牛肉始終係貴價野所以只有四舊，唯有加啲小食😜炸物首選係魷魚圈/鹽酥雞/杏鮑菇，鹽酥嘅調味料，可以重手少少就perfect 😚該店有賣印尼鳳梨酥，係店主姨姨親手製，同台灣土鳳梨餡差唔多，都係酸酸甜甜，但係外皮就唔一樣，大家都可以試吓😊該店主打外賣，入口响齊拍林後面巷仔內😛…Read More

見谷友介紹，27th 收工去試，叫了芝士漢堡外賣，等了半小時，拎回家急不及待就試，首先包冇搽牛油齋烘，呢個可接受，應該新開忙得滯，菜新鮮，但冇酸瓜/洋蔥，最重要係塊牛肉...乾，硬，有筋😰30th經過🤔心諗既然係黃店就俾多次機會la，叫了豬柳蛋班堡餐轉甜薯條+$8，班戟鬆軟唔乾，炒蛋夠滑，芝士半溶，唔錯🤩甜薯雖然唔夠熱但好味，本人怕熱氣所以OK，同埋唔係週圍食到😚今次拎嘢食時順便俾左意見，希望會改善牛肉質素，如果有酸瓜/洋蔥就更好，身為街坊嘅我都想繼續有好嘢食😝…Read More

小妹經常飲各式台飲，至愛comebuy tea，身為抹茶控嘅我，今次想轉下口味:焙茶。因為香港抹茶飲品嘅水準越來越高，反而焙茶唔係間間有，好冇飲亦要睇彩數😜叫左凍焙茶latte少冰半甜轉豆奶，因為胃唔多好，無奈要放棄店主自家整嘅黑糖珍珠...😣飲品到手，入口係***超濃郁焙茶味🤯😍，可能配豆乳關係，茶香同順滑兩者兼備😚，另外飲到尾，冰溶晒都冇話淡如水🤩，呢點係非常難得，明就明😏之前响k11 tea express 飲過熱焙茶latte，果次覺得奶味重左啲，蓋過左茶香，今次呢杯真係 my cup of tea 期待該店其他茶飲🥰…Read More

南豐紗廠大大話話都有4~5間cafe ，但只有呢一間，離遠已經聞到咖啡嘅香味~今日嚟到內心响到交戰緊，扮文青飲latte食crossiant定係填飽肚皮好呢?最後都係揀左老闆推介嘅滷肉飯。因為非常好奇滷肉飯配咖啡究竟會係咩一回事呢?我問店員可否轉其他咖啡，佢話set左呢隻茶感重啲手冲咖啡所以冇得改，等左幾分鐘飯就嚟到。先講咖啡:茶壺裝咖啡感覺有趣之餘，相信亦能做到保溫效果，咖啡入口微酸順滑。滷肉:半肥瘦滷肉整得唔錯入口鬆化唔會死實實，但後面兩片就真係肥得滯(小妹係鐘意食東坡肉嘅人)，cafe嚟計算整得唔錯!*建議可配上蘿蔔/醃菜飯同蛋就正正常常咁啦~總結:可以一試，手冲咖啡減輕左滷肉飯嘅肥膩，整體配搭亦唔會話非常突兀，叫我眼界大開。原來咖啡除左跟麵包西餅外，亦可嘗試搭配唔同嘅食物!…Read More

朋友排減價豆花，我就去左試$30大甲芋頭鮮奶(熱)，想叫半糖，店員話杯飲品本身係唔會額外加糖。攞上手即刻試下傳聞中嘅芋頭泥先...果然有濃郁芋頭味，咬落仲有沙沙嘅口感。第一兩啖飲落，略帶微甜，因為煮芋泥時點都要加少少糖嚟吊下味嘅，後來與明治奶充份混合後又覺啱啱好喎總結:芋頭控一定要嚟試下，小妹好耐未飲過咁足料嘅芋頭鮮奶香港真係好難揾到，呢杯大甲芋頭鮮奶，真係有台灣味道，用最簡單方法，就可以品嚐到芋頭嘅原始味道。…Read More

喜歡飲台茶，喜歡飲‘濃‘茶味嘅。Comebuy tea嘅厚奶炭焙烏龍，係我嘅至愛，可惜全港只有3間分店。而最近終於揾到响屋企附近又值得返轉頭嘅台茶店。第一次:我話鐘意飲濃茶味嘅，店員介紹左鐵觀音奶茶(半甜)，試左唔錯有回甘，比較下combuy tea嘅厚奶係蒸餾過，所以奶味會再重啲。第二次:奶霜藍伯爵(半甜)，佢地有兩隻earl grey，一隻有柑橘香，另一隻有花香，今次嘅藍伯爵就係花香味。第一啖茶底的確夠濃夠甘，微微帶有花香，就咁飲略帶苦澀，配上芝士味奶蓋就啱啱好舖頭仲有冷泡茶/沙冰/水果茶etc，如果有唔飲咖啡嘅朋友，真係可以嚟試下*我平時麻麻地奶蓋，因為之前飲嘅通常會冚晒茶味，而且响街上邊行邊飲，一係就成口奶蓋，一係就飲極都只係茶，始終好難攞到平衡…Read More

兩人去叫左3樣嘢，最先上枱嘅係牛肉炒粉絲（$78），第一眼感覺份量徧細吾緊要，因為我相信味道先係最重要。點知我一路分碗一路發覺吾對路，牛肉嘅份量…係非常十分極之少，基本上只可稱為“牛肉碎“，我同侍應反映完，有個疑似經理男仕走過嚟，點知佢一句吾好意思都冇，仲要勁串咁話：係丫，我地牛肉一向係咁嘅份量!於是我話：咁另外果兩樣幫我取消去啦。經理立即用愉快語氣答：好丫~🤤我想講果碟牛肉粉絲嘅牛肉，就係原本上菜嘅份量，我地一啖都冇食過，因為啲牛肉根本就碎到一個點，我要用筷子揾一陣先可以集中影到相😫最後我冇食到碟嘢，朋友吾想浪費所以食埋，佢話味道徧咸，冬菇未熟。跟著我地轉場再食過。真心奉勸大家吾好去。😒…Read More

老公難得收早，我就揀左呢間，叫左1 set dinner+1 意粉：頭盤：蟹肉沙律＆魷魚茴香沙律，兩款都吾錯，茴香味比想像中淡主菜：Ribs食得出堅係入爐焗至熟透，肉質有口時又入味😍，吾係出面烚完先焗嘅行貨意粉：香草大蝦意粉面頭鋪滿芝士片，意粉夠 al dente😋甜品：黄金心太軟😜即係港式口味流沙版，非常大膽嘅嘗試，幸好味道亦似模似樣不會太甜（set 甜加$25可升級任何口味心太軟）總結：真心推介呢度嘅ribs👍，二人埋單只係三百頭咋😢，仲要餐廳食物服務環境都吾錯，只係地點有啲吊腳，我就一定會再幫襯la~😁…Read More

已經多年冇寫食評，為左吾想好味嘅小店消失，所以再次執筆😁小妹已幫襯過多次，以下係心水推介：1.滴滴咖啡：峴港旅遊後一直對當地咖啡念念不忘，餐廳嚟計呢間已經係我飲過最接近嘅味道，夠濃郁回甘味重😍（好飲到我要買返屋企自己冲）2.蟹膏湯檬：雖然蟹膏係現成貨，但湯底濃郁加上勁多配料，尚算不俗😉（本人覺得份量味道好過深水埗第一X）3. 香茅豬肉炒米通粉：香茅味足， 米通係越南訂過嚟，食落煙韌彈牙😁4.咖喱牛腩配法包：份量足法包脆，但咖喱相對比較淡口🤗5. 越式豬肉鴨蛋飯：呢個有啲似東坡肉咁，我間吾中會食下🙄6.牛油果沙冰：呢個同第一X一樣咁好飲🖒（本人係牛油果怪）反而小食類法包三文治就覺得普普通通😜…Read More

今日收工專登東鐵再轉巴士,1820去到得三四個人等緊,即刻order左target:紫薯雞蛋仔。5分鐘左右到手,食左兩粒開始覺得吾對路,個口一陣苦澀味。我行去街燈下一睇...好明顯成底都over cook!吾講仲以為食緊朱古力味!!完全食吾到蕃薯只有味囉!!!如果我求其响街邊買嘅就話抵死啫!點解我要攞$22蚊去買底烘燶雞蛋仔先?!我真係想問下鋪頭:1)點解你烘燶嘢要客人俾錢幫你啃?我應該拎返轉頭叫佢响我面前食晒''呢底傑作''囉!2)究竟一底雞蛋仔成本重要定鋪頭聲譽重要先?抑或已經出左名所以吾志在呢?3)平時客多你夾硬開大爐火俾啲望落有色,咬落得陣粉漿味嘅半熟雞蛋仔都算,今日吾忙你又俾啲黑忟忟嘅即係想點呢?!最後想補充:香脆同摻口有好大分別囉!…Read More

同男朋友食完生蠔,見肚空空咁去左呢度食糖水~唔想再食凍嘢於是叫左:1)芝麻湯圓($14):糖水夠薑味,湯圓細細粒,味道正常~2)蕃薯栗子糖水($20):算小妹見識少,真係未見過糖水店會用呢一種蕃薯!!(我淨係知黃/紫/紅蕃薯,有冇人可以話我知呢種係咩品種?)最重要係果啲所謂嘅蕃薯咬落''硬掘掘鞋拾拾兼夾完全冇味''!!我地仲以為佢係連皮煲!!!跟住見到原粒栗子已深感不妙...點知入口居然好淋??!!原來係日式甜品裝飾用嘅糖漬栗子..仲甜過碗糖水!!唔怪得三粒栗子要收$6!可惜味道同中式糖水係完全唔夾...寧願佢用返最普通嘅$10/3包即食栗子!記得明師傅响舊鋪果陣,我試過佢嘅招牌焦糖燉蛋同杏仁豆腐,雖然店方主力係西式甜品,試食後只覺很普通...反而今次就印象深刻得多!佢地為左慳時間功夫,就咁拾熟啲蕃薯(注:熟唔等於淋),然後放落雪櫃(注:已經唔夠淋仲要雪返硬),等有order果陣先''切件''加薑糖水煲返熱就算!!(注:咁都過到骨油麻地間佳佳咪聽執?!)其實如果店方嫌煲中式糖水麻煩,不如取消唔好賣..總好過求其''堆砌''啲糖水俾客人... =.=…Read More

由荃豐中心行到尾就係昌寧商場,門口轉左就見到樂天喇~呢間鋪頭主要係賣健康素食,門口凍櫃放左幾款中式糕點,全都係老闆娘親手造嘅低糖健康糕點!1)芝麻糕($7):入口軟滑!香濃芝麻味加上粒粒芝麻口感!!係小妹食過最滿意嘅芝麻糕~2)紅莓南瓜糕($7):唔會似坊間嘅南瓜甜品咁落好多奶 =.=呢度食得出清新嘅南瓜味,配上健康紅莓粒,亦係小妹必食item!3)紅豆西米糕($3)小本經營下通常只有芝麻/南瓜味..今日見到有新口味!軟滑彈牙嘅西米包住少甜紅豆,唔錯唔錯~仲有:紫米糕($6)幾好味可惜紫米略硬...綠茶草餅($10/4):茶味夠但皮過厚...靈芝羅漢果茶($10):有羅漢果味又唔太甜!呢个OK喎~假如鍾意食芝麻糕嘅你,覺得坤記雖有層次但濃香不足...大記自從獨立包裝後大不如前...>0<咁啱又經過荃灣嘅話,不妨試下呢間啦~…Read More

期待已久的cafe,特來一試~1)Baileys Cuppacinno ($39):賣相一流,入口除了酒味還是只有酒味...完全唔覺飲緊咖啡??!! Bailieys嘅份量起碼可以減半...2)茄子牛油果三文治($48):熱烘嘅dark rye bread 食落香脆,加上鹹香嘅 芝士,係一份正常水準嘅三文治!總結: 環境服務小食都可以,主打嘅咖啡反而麻麻地,相信一百蚊嘅下午茶,我可以有更好嘅選擇囉...…Read More

新店開張,一邊係魚旦燒賣,另外一邊係獨立檔位專賣台灣手抓餅!見佢可以加唔同配料好似好pro咁~我就要左个最基本嘅原味!可惜塊餅叫左冇耐已經到手,唉~實係一早煎定...放入口只算微暖,仲要又乾又硬!!尤其條邊好似''趙''柴皮咁我真係頂唔順,攞左去餵垃圾桶!!超市果啲急凍貨好味過佢百陪囉~第一日開張就俾的咁差貸色以後仲點幫襯丫!!??以後都係行多兩步去小倆口~…Read More

小妹經常幫襯,最愛素食三文治,近來新寵係即叫即煎手抓蔥油餅''手抓''喻意用手抓鬆麵團以增加口感層次!其實最重要係整麵團對摺嘅層數,同puff pastry原埋差唔多! 今次我揀左手抓餅+雞蛋&黑糖奶茶(另可加火腿/芝士)基本上熱辣辣嘅手抓餅應該同半溶芝士最夾...無奈要減肥 見到老細响度慢慢煎,食呢个唔可以心急架~如果求其煎一陣,表面好似冇問題,外圍睇亦夠鬆軟,但當你咬多兩啖,就會發現中間仲係死實實一團粉...真係諗起都冇胃口! 所以只要俾啲耐性,一份地道嘅台式蔥油餅就會出現喇~拎住燙手嘅蔥油餅,急不及待放入口,滿滿酥香鬆軟嘅感覺~~因為加左雞蛋,蔥味不算太特出,細嚼之下竟然甜甜地嘅?!原來老細响中間搽左台式醬油,正好中和油膩感!抵讚~呢度嘅黑糖奶茶係好飲,但如果可以配埋豆漿就perfect喇~…Read More