or#Tm66199175's Profile

每次黎親呢間都一定必點番茄蟹肉檬粉🤌🏻次次都keep到水準，叫呢個一定唔會錯！66蚊已經有大大碗好夠飽，正常呢個份量去第二度食一定80蚊起，真心抵食夾大件🤩…Read More

呢間餐廳絕對唔會再去！份量同質素覺得俾人敷衍我想講呢個份量女仔都唔飽…本身以為餃子得5隻，塊牛舌會大少少啦，點知細過手掌，薄過我塊面，餃子餡少得可憐，空左一半空間。味道方面十分普通，無咩調味。煎餃子個皮係淋嘅，食唔出黑豚餡同普通豬肉餡有咩唔同，如果想慳錢又食得飽唔會係呢間，9樓嘅滾餃餃子性價比會更高用料足、新鮮，蕃茄湯有誠意。呢餐最多值$40，食到好空虛特惠套餐A $68•煎餃5隻/水餃6隻•煎牛舌/豬扒/豬肋條/劍魚腩…Read More

經OpenRice 平台book咗火鍋套餐有折👍🏻不過唯獨無包埋蔬菜，所以另外叫左個皇帝菜～基本上成個2人套餐已經好飽，無需要再加單💁🏻‍♀️《秋意滋補椰子雞海鮮火鍋套餐》二人用-$738首先值得一讚嘅係佢個鍋煮野係超快熟！椰子雞大火煮5分鐘就搞掂，煮海鮮都唔洗2分鐘就食得，眨吓眼就熟好誇張🫨落左兩個椰青水嘅湯底係超級清甜！完全冇另外加水，而且唔會甜到漏，係令你飲完好順喉舒服嘅爽快感🤩雞有雞味，唔洗點豉油都正😋海鮮食得出爽彈質感係幾新鮮，台山蠔熟左依然同生個時咁大隻！蝦都大隻鮮甜！脆肉環同墨魚仔就還好，可能本身比較淡味道，不過都新鮮嘅～我覺得呢間係食過最正嘅椰子雞👍🏻…Read More

==============感想概括==============呢個無論係視覺、嗅覺、味覺都帶俾我衝擊嘅一餐🙂🤢🤮價錢同質素完全唔成正比⋯我諗得薯條同蔬菜係正常😥==============重點點評==============《自家手打雞漢堡配黑松露薯條》$128我想講開頭我以為員工叫螺絲粉外賣食，原來係呢個包發出嚟嘅味！！佢黃色啲醬有陣酸荀味好臭！🤮🤮啲雞肉無味⋯《蒜蓉牛油黑豚梅頭扒配薯菜》$98塊豬扒得手掌咁大🖐️又薄又乾，啲茄汁浸住啲薯條真係O曬嘴，個底仲有層油😓《香草咖喱牛腩飯》$88一上碟就首先見到兩大棵西蘭花🥦跟著啲牛肉好少，我見唔到有咖喱嘅蹤影，有啲汁撈白飯咁囉，成個配搭我以為自己去左茶餐廳。非常唔滿意嘅一餐仲要收加一，真係背脊骨落！…Read More