joycekuan's Profile

Swinning完, 同BF兩個人餓餓地, 決定5理咁多食餐勁。心諗唔係唔放題 邊爐, 就係韓燒。原本諗住去試 apm 隔離新起果橦野既9樓食漢和。但漢和我都覺得貴貴地 @$168 + 10%。所以決定去望下超個10年既景福宮先。去到樓下睇價錢 9:30pm 好似係 @$98 + $10 + 10%。抵wor。又5駛等。望過D野食。都OK啦。決定食呢度。入到裏面... 真係... 好old school feel。但果種old school唔係陳舊, 而家懷舊。就係果D懷舊味令我係咁周圍望, 好似發生新大陸咁。食韓燒 我只對一樣野食有要求, 就係五花肉, 其次牛仔骨。我對五花肉絕對有情意結, 果種半肥瘦, 果種金黃色, 果種豬油香味, 肥都抵。同埋我要包生菜食, 感覺會清新D。仲有, 佢呢度D爐係兩用式既舊爐。我之前未試過。覺得好似燒既位好少。不過兩個人是OK的。甜品櫃有好多選擇, 五顏六色既Jelly好靚。仲有果部架雪糕機, 好正, 係要拉低個手抦果D, 好正, 只有菠蘿味, 好light。兩個人食1.5hrs係夠既。滿足滿足 ;)其實我都有睇過其他人既評語, 冇諗過係講到咁差, 但其實佢地講果D野又o岩, 係事實。我建議對食物冇乜要求, 唔怕舊唔怕選擇少, 又唔會乜野都食既人黎食。因為話嗅果D野食我都冇食過所以我避過左。…Read More