Helenbobo39's Profile

今晚和朋友相約，我們選擇了一家位於灣仔船街的fusion 菜式餐廳作為晚餐地點。鹹蛋黃醬凱撒沙律$158醬汁用左鹹蛋鹹魚黎整，加上有粒粒米通和鹹魚乾，口感鹹香帶脆脆口感，非常開胃。脆窩夫油封鴨髀$298，鴨肉用油封的方式烹製，保持了肉質的嫩滑和鮮美。伴碟配有洛神花和蘋果蓉的醬汁，清新香甜，配搭鴨肉來食可以解膩。喜歡濃郁味道的話，店員就推薦可以界開蛋黃，鴨肉撈蛋黃汁食，味道更有層次和油香更突出。窩夫非常酥脆，可以窩夫和鴨肉一起品嚐，口感更佳。黑松露露荀意粉$158，配以黑松露醬、蘑菇和露荀，帶濃郁黑松露香氣，露荀切粒處理並融入黑松露醬裏，切粒後可增加口感又同時減少草青味；意粉面條口感非常好，有彈性，吃起来很有嚼劲。…Read More

最近一直好想試的餐廳 Tera Pancake 🥞，店舖裝潢走米色日系木色風格，海報以讓人垂延的抹茶pancake 作招徠，直教人不自主地走進店舖。這晚主菜點了明太子意大利麵和櫻花蝦乾義粉。意粉非常掛汁，每口都充滿了明太子的鹹香和濃郁醬汁香味。櫻花蝦乾意粉醬汁帶濃香海鮮味，配爽彈蝦肉，味道不錯。榛子焙茶疏乎厘pancake 是今晚的主角。鬆軟濕潤口感，配合微苦的培茶香氣，還有榛子的甜香，味道層次豐富，非常不錯。…Read More

位於K11嘅Awesomenism Cave，是Awesomeism服裝品牌的副綫。餐廳由品牌設計師，國際荷里活雕塑製作人𝗞𝗘𝗢.𝗪所開辦，裝潢以銀和黑色為主調，以宇宙太空為設計，簡約型格。店裏面空間寬闊，不會有壓迫感。花生醬鹹蛋黃單骨雞翼，濃郁的花生醬和鹹蛋黃醬汁，包裹住炸到酥脆嘅單骨雞翼，鹹香十足。冬陰功烤粟米，甜香的粟米，配合冬陰功醬汁的酸辣醒胃，非常新穎有創意的配搭。墨汁海鮮意大利飯，墨汁夠濃，飯粒軟綿，口感豐富。最推薦的是英式鬆餅配果醬及奶油忌廉，即叫即做，上枱時鬆餅溫熱，外層脆，內裡口感卻是非常鬆化，蛋香濃烈。飲品也是創意十足。…Read More

轉食Keto Diet之後，出街食飯要選無糖無澱粉質嘅餐單，有時都會覺得好煩惱。好彩俾我地發掘到呢間新餐廳，主打慢煮健康便當。餐牌主要有魚湯泡飯，糙米飯，同沙律便當，Keto 中嘅我地就揀咗慢煮雞胸同三文魚沙律便當。雞胸是經過一小時慢煮，用低卡路里的醃料醃製後，微微煎香。慢煮處理的雞胸，肉質極度粉嫩，更保留了雞肉的鮮甜味。軟嫩度可媲美三文魚。慢煮三文魚的肉質鮮嫩到就好似食魚生。沙律菜也只是用了沙律醋調味，極度健康。出街食飯要食得健康，價錢又要相宜，呢到絕對可以滿足需求。…Read More

無得旅行嘅呢一年幾，時不時都會諗起旅行個陣去過嘅地方，食過嘅美食，齋諗都已經流曬口水。有次同男友講起，我地一致覺得最掛住喺印尼一個叫Yogyakarta島仔，喺酒店食過嘅印尼餐。喺香港要好食又價錢實惠嘅印尼餐，我會推薦銅鑼灣班蘭葉印尼美食。餐廳細細間，但食物款式選擇超級多。印尼餐離不開炸野。我記得在Bali當地人的餐廳食過，幾乎所有菜式都是炸的。當地盛產椰子，剝開拿出椰肉之後，椰子殼會用來生火煮食。用椰子殼作燃料炸出來的食物好像特別好食。香港當然唔會用椰子殼生火，但可以邊食住個炸雞髀椰子飯，邊想像個畫面，想像力補救。店員會提供即棄膠手套，當然你也可要求提供刀叉。對我來講，食炸髀當然要用手食才特別有風味！雞髀炸得香脆不在話下，肉質依然嫩口。最喜歡呢個飯搭配的辣汁，有濃濃印尼香料芳香。蛋也是油炸過，油香十足。我地加了個小食炸魚仔。飯與炸魚仔一併食，魚仔脆口、鹹香帶微辣提升飯的味道和口感。男友說如果飯配埋花生粒，就與我地喺印尼食過的無異了。每一口的味道都彷彿勾起了旅行的回憶。男友食嘅花膠湯粉皮。粉皮煙韌，花膠爽口，不是食炸的話，這一是個不錯的選擇。…Read More

位於銅鑼灣的咖啡小店，陽光從窗外折射進來，咖啡吧檯旁懷舊黑膠唱片機正在播放古典音樂，而老闆在吧檯後聚精會神地爲我們製作水沖咖啡，上週末就是在咖啡香氣和輕鬆的氛圍下度過了個悠閒下午。飲手沖精品咖啡，聞咖啡豆香氣是其中一種享受，Barista對每一種咖啡豆香味的介紹，引領著我們探索著香氣的各種層次。我地尤其喜歡一隻帶有芒果香氣的咖啡豆，有著多端變化高中低調的不同味道。閒談之間，咖啡店老闆對咖啡研究甚深，每一個細節都帶著學問。沖泡咖啡原來不能一氣呵成，反而應該分開幾次，而且每一次都要去掉頭與尾段的水，因爲沖泡之間的停頓會令水珠冷調，出現溫差。杯的設計也會影響到咖啡風味。用圓底的杯，這一杯飲到的風味和層次較爲平均，頭短甜，到尾段帶酒酸。用尖底的杯，味道突然變得直接，很快就嘗到尾段的酸，而且酸度會極度濃烈，非常有趣。…Read More

如果不能旅行，就去趟居酒屋，食件壽司再加一點幻想搭救吧。六貫壽司盛有金目鯛、海膽、三文魚、魚子壽司等等。先讚一下承載壽司的碟子頗精緻。金目鯛和三文魚幾新鮮。吞拿魚壽司，吞拿魚肉鮮甜黑松露唐揚炸雞是男友最愛。脆炸表面，雞肉嫩滑，點埋個黑松露，獨特香氣令整體味道更加分。個人覺得外皮調味鹹味偏重，如果擺碟加一小塊檸檬，添加檸檬汁的鮮甜，味道會更平衡。個人更喜歡他們的燒烤料理。煙肉蘆筍、燒秋葵多汁，牛舌和牛小排牛香甚出，明太子雞翼非常惹味。這裏有瓶日式胡椒，味道帶點檸檬薄荷香，撒點在燒肉上面，味道更顯層次芳香。…Read More

同唔少朋友介紹過Lockeroom ，每個食完都大讚不絕。起初喺因為男友喺超級球迷，首先去左佐敦個間Lockeroom express朝聖，蔗渣價錢燒鵝質素，從此愛上。鍾意到我地甚至上埋哂佢油麻地同旺角分店，呢兩間行高級西餐路線，兩間之中，我偏好油麻地。油麻地分店位於譽發大廈，空間感夠大地方更闊落，由於喺高層，大玻璃望出去，景觀開揚。呢度同佐敦分店一樣，舖頭掛左好多阿仙奴波衫，足球主題嘅佈置，男友一到已經忍唔住周圍影相。餐包多士、沙律同餐湯味道不錯，令人極度期待主菜。Wellington Beef這道讓人趨之若鶩的西式名菜，做起來步驟麻煩，要做到酥皮脆牛肉嫩，絕不容易，所以唔多地方有得食。Lockeroom 居然有得嗌，點都要試下佢。上檯個陣，見到佢整到成個心形酥皮，配菜仲要棄薯蓉改用紫薯泥，齋個賣相已經加左分。切開酥皮，酥皮微微酥脆，中間牛肉粉嫩多汁，牛香濃郁。如果情人節或者紀念日食住呢個，配埋紅酒，真喺浪漫到爆。原隻龍蝦白松露忌廉意粉都驚喜十足。意粉彈牙而且每條都掛滿忌廉白松露汁，濃郁松露香氣於口腔四溢，龍蝦肉爽口，好食到不得了。整體而言，環境舒適，食物質素令人喜出望外。呢個食物質素同環境黎講，人均消費$250左右算是非常相宜的價錢。…Read More

位於朗屏嘅是但求其期食，試過之後，大膽講句，食物一啲都唔求其。食住套餐中嘅餐包同忌廉餐湯，一路望住牆身包圍著三邊牆嘅螢幕，播放著海洋魚類游來游去畫面，悠然寫意，一路等主菜同小食上檯。金蛋雞翼，脆炸單骨雞翼外面包裹著鹹蛋汁，脆口惹味。孜然焗皮薯，上檯時孜然香撲鼻。薯仔撒了煙肉碎焗脆，甚具鹹香，薯皮焗至脆口。帶子原隻龍蝦燴飯，飯的份量足夠二人食，燴飯帶濃郁海鮮鮮味，配鮮甜爽彈啲帶子同魚子粒，飯裏面有已經拆殼的龍蝦肉。黑松露pizza，薄底而且餅邊焗至脆口，撒上大量芝士同黑松露，芝士濃郁鹹香加上誘人黑松露芳香，好食程度喺剛上檯無幾耐，我地兩個已經光速食哂成個pizza。我地叫左兩杯飲品。鴨屎茶葉泡嘅檸檬茶同青檸梳打。聽店員介紹，鴨屎茶葉其實是茶葉品種之一，類似茉莉花茶，由於用左靚料黎沖，呢杯檸茶著實比一般飲嘅特別香醇回甘。連一杯凍檸茶都落足心機，可見呢到一啲都唔求其！不論主菜還是小食，都喺色香味俱全。店鋪空間感足夠，坐得舒服，價錢亦都相宜，值得再訪！…Read More

位於海港城新開的Lady Nara，是泰國曼谷Nara姐妹品牌，主打泰國fusion菜式。餐廳分開兩邊，一邊主打泰式料理，而我今次食的是餐廳另一邊的西式泰國fusion菜式。佈置以花花粉紅少女風為主，中庭的花花韆鞦，更是讓人停住腳步，打卡至上。靠窗的座位更有海景景觀。午餐可以選套餐或是A La Cart，A La Cart食物選擇不算多，但菜式看落更豐富。前菜選了生蝦水牛芝士。擺碟非常精緻，除了水牛芝士、番茄和生蝦，配上青醬醬汁，更以食用花點綴。雖然平時食開生蝦配蒜片泰式辣汁，青醬與生蝦的配搭，食落很是不錯。冬蔭功海鮮意大利飯口感非常creamy，雖說是冬蔭功，但只帶其香氣，實際上沒有任何辣味，不會嚇怕不好辣的人。牛扒龍蝦配薯條，薯條份量超多，還有番茄，蘆筍伴碟。…Read More

約個一排無見嘅朋友出黎食飯，地點要就腳，首選旺角。阿來泰式想試好耐，咁岩約旺角，一於試下。泰式香芒蟹肉炒飯，將甜香芒果炒飯，聽落奇怪，但呢種泰國特色，食落又估你唔到嘅夾。通常食泰國菜，都會叫一碟炒菜，可能喺馬拉盞定蒜炒嘅椰菜苗或通菜。呢次我地就叫左豬頸肉炒椰菜苗，朋友話呢個抵食，碟炒菜仲有埋肉可以食。蝦膏炒大蝦喺我地幾期待嘅一道菜。大蝦應該油炸過，然後再用蝦膏炒埋，惹味適合送飯。小食嘅蝦餅，食落幾爽口。…Read More

心血來潮，想食韓式料理。行經海港城LCX韓式Cafe-奇納百川店舖外面可愛的插畫吸引到🥰🍴醬油元蹄香辣沙律，切開雞蛋讓水汪汪蛋液流下，將蛋漿同沙律菜豬蹄混合，因為有泡菜的關係，會有少少辣，整體口感清新爽口，🍴原味炸雞配芝士，芝士在鐵板上霹靂啪啦作響並冒出令人熱氣，帶芝士冷卻一點下來，將芝士包裹著炸雞來吃，芝士的鹹香，基本上沒人能抵擋。🍴明太子飯卷，飯卷包住脆黃瓜等韓式配料，點明太子醬汁食，非常有韓式風味。…Read More

最近去了不少印度餐廳，佐敦呢間屬於價錢平實，坐得舒適得黎，食物質素也是不錯。胡椒餅是餐前小食，點薄荷醬汁，辣辣地幾清新。坦然我是頭一次知道有尼泊爾餃子，很好奇同中式餃子的分別。薄皮，口感和中式餃子分別不大，主要分別是哪濃鬱帶微辣的香料醬汁，甚有風味，說真話，我很喜歡。香濃茄汁燴牛舌很少在印度餐廳餐牌上見到牛舌（應該是我見識少），見一般都煮牛肉塊或牛肉片。醬汁帶茄汁酸甜，微辣，香料味道是重的，個人認爲醬汁再濃稠一點會更好。牛舌煮得腍身，外爽内軟，加上有牛香，回味啊！食印度餐總不能不食烤餅。蒜蓉烤餅，蒜香突出。牛油烤餅是我的最愛，極具牛油香氣，底部烤得脆，裏面柔軟煙韌。…Read More

久未經過天后，最近一次搭叮叮去到維園附近交收，交收後在附近逛逛，原來我同熊少爺最喜歡去的居酒屋對面開了個新food court。Food Loft裝修不錯，地下一層有十幾間鋪頭，行左一陣，鎖定了目標-德利酸菜魚。兩個人兩個套餐，水煮牛肉同招牌酸辣粉，小辣，加兩款小食成都口水雞同胡麻茄子，每個套餐$77。店員話我地叫小辣就無錯嫁啦，佢地就係專門做小辣，知道大部分食客都唔係食得好辣，但又追求哪種麻香。買完之後，搭電梯上一樓有少量座位。胡麻茄子要先食，茄子裹上薄薄一層炸粉，皮脆得不得了! 裏面的茄子軟腍多汁，好食到不得之了!口水鷄，辣汁帶甜味，甜甜辣辣，俘虜了我的舌頭。我直情覺得係我食過最好食嘅。水煮牛肉，麻香非常重，小辣完全做到就算是不太食得辣的人都接受到。酸辣粉，味以麻香爲主，酸度適中。薯粉爽口，雲耳，花生，酸菜，湯裏面也有不少配料。…Read More

難得的燭光晚餐夜，選左黎呢間位於尖沙咀厚福街H8的Amitie Kitchen，聽過不少好評，今晚終於可以親自品嘗。點完餐之後，餐包無耐就到。餐廳驚喜地提供了三款，普通牛油包，提子酥同麵包條。烘熱過的提子酥，咬落酥脆；麵包條脆，帶鹹香，配士多啤梨果醬食來不錯。點左個Appetizer法式香草牛油焗田螺。田螺帶濃鬱香草牛油香。香菜汁同田螺汁溢出，流到墊底焗到帶點焦香的薯蓉，好味極了！加拿大海膽松葉蟹膏蟹肉忌廉汁意大利麵，上臺個陣已經聞到蟹肉海膽的鮮味。意粉彈牙富嚼勁，完美熟度。每條意粉掛滿濃稠的蟹膏蘑菇汁，食落嘅每一啖都極度濃鬱鮮甜。啖啖鮮甜的蟹肉，清甜道軟滑的海膽，仲有蘑菇同紅椒黃椒襯托帶來的清脆口感，口感和味道配搭，簡直完美！呢個紐西蘭西冷扒絕對係我食過最好食的牛扒之一。牛扒肉質非常軟腍而且多汁，還帶有陣陣炭燒味。伴碟的椰菜包炒雜菜，微酸，味道可以。完美晚餐不能缺少甜品的點綴。朱古力香蕉金寶，剛焗起的金寶，香蕉蓉和微苦朱古力有著説不出的魔力，甜度足以讓人融化。兩個人$600左右埋單，呢個食物質素味道黎講，實在超值!…Read More