cherylchingching's Profile

第一次去食，見Open Rice 同 Google Maps 都幾高評分。我係鍾意食泰國嘢，所以喺香港都會搵唔同嘅泰國餐廳食，但係哩一間係暫時食過最難食嘅泰國餐廳。係咪轉左手？ 火山排骨係湯渣，椰青亦都唔係泰國貨。.首先好彩係有七七折（7:30pm前離座）同埋嗌得唔多嘢食，多謝。.我係book咗6:00pm ，佢係QR code落單嘅，成個System都未run好就已經嗌人入去坐，掃code見到幾樣嘢都係空白，我問係咪冇得嗌，原來係未run好，等咗幾分鐘再叫我開過。見到QR code落單嘅餐牌同實際門口嘅餐牌價錢有出入，我再問個侍應先知道原來有啲食物係加咗價例如生蝦實體餐牌係$138 ， QR code餐牌係$148。話係加咗價，不過嘢飲就有減咗價，例如百香果青檸梳打有$38變成$28。.好啦，我最想食嘅火山排骨嚟到簡直係災難。完全係可以用山泥傾瀉嚟形容，啲排骨係一條條，應該係用嘅肉材同出面嘅泰菜唔同，煮到好「鞋」，口感好粗糙，好似煲完湯嘅湯渣，同埋肉材都唔新鮮。火山排骨嘅汁係少到好似就嚟乾水嘅池塘，汁嘅味道同埋肉嘅味道基本上係完全分開，所以啲肉係唔入味㗎。但係我見到餐廳門口都有貼咗幾份雜誌訪問嘅報道，係關於火山排骨，當時食到好失望，完全係另一樣野。所以先至懷疑係咪轉咗手？.另外，我鍾意飲嘅椰青都好失望，完全飲得出唔係泰國嘅椰青，個椰青入面嘅肉係完全刮唔到落嚟食，個味道都唔同，係比較燥熱（？），外觀上都見到比較偏米黃色同修長。平時飲到嘅泰國椰青係比較白色，平滑同圓潤。.仲有朋友嗌咗杯百香果青檸梳打都一般般啦，另外有一碟青木瓜沙律一般般啦，不過朋友話食到啲蝦處理得唔夠好食得到有冰鮮味。.其實仲嗌咗碟魷魚，但係等咗差唔多40分鐘都仲未到，原來係漏咗單，咁我就嗱嗱聲cancel啦，都食到咁失望，費事再嘥錢食多樣嘢，未夠七點已經埋單走人啦。.環境就尚可接受啦，明白喺唐樓地下一定係會比較污糟同有少少味。其實仲嗌咗碟魷魚，但係等咗差唔多40分鐘都仲未到，原來係漏咗單，咁我就嗱嗱聲cancel啦，都食到咁失望，費事再嘥錢食多樣嘢，未夠七點已經埋單走人啦。.環境就尚可接受啦，明白喺唐樓地下一定係會比較污糟同有少少味。…Read More

環境衛生一般，首先地方係大嘅，但係開放式廚房完全係感覺十分唔通風。有烏蠅飛黎飛去，地下枱面有食物殘渣都冇好好清潔。雖然係2樓，但係係要行4層樓梯，即係4個迴旋😮‍💨。係有一兩個打卡位打下卡咁，夜晚去，但都幾靜，冇乜客。成個menu食物選擇唔多。質素亦唔係好同特別，但價錢又地鋪cafe一樣。寵物友善餐廳，分左一個area係有帶寵物嘅客人，但係餐廳內嘅燈光係好平均，一啲地方係比較暗一啲地方比較光，燈壞咗又冇換。而且唔明點解要用紙杯斟水俾客人飲？用返水杯感覺會好好多，而且放得耐左，紙杯係會變軟，要就住拎。沙律配嘅醋太酸，薯條太咸，茄汁唔係平食到嘅味道。…Read More

已經食過好多次，平均兩星期食一次。蕃茄湯底非常出色，直至現時為止每次都會嗌蕃茄湯底。除非同屋企人食試過鮮魚湯底，都好出色。-雖然有時候可能廚房人手唔同，蕃茄湯底有時會偏鹹，或者有時會稀啲”杰”啲，但係都係正嘅。-配菜先至係重點，新鮮同超好食。選擇多，份量多，大力推薦豬紅，墨魚餅，豬大腸，韭菜水餃。都推薦花枝丸，螺旋藻，雲吞，芝士腸。炸醬OK，最好要求分開碗仔上。-豬紅好juicy，墨魚餅口感豐富因為有加入墨魚，唔係就咁出面普通嘅一餅粉團。-反而覺得炸饅頭同埋皮蛋小食一般般。-服務方面係有時會有一兩個姐姐講嘢會有啲串。…Read More

唔好意思 因為前菜帶子已經唔好食 唔夠熱 所以之後都冇影相餐湯分別 係 蟹肉龍蝦湯 同 黑松露雜菌湯 ok主菜 西冷牛 同 慢煮豬 都唔夠入味 差啲想問拎鹽 同埋 牛係切好一件件 三分一都係肥膏 都係唔夠熱架甜品係自家tiramisu 細件唔緊要 兩件擺埋同一個碟都唔緊要 但真係屋企跟住食譜整都好食過佢 冇酒味 冇咖啡味 唔夠可可粉top 唔夠cream 成件似蛋糕服務okla$498一set，埋單$10xx，食啲咁嘅食物，係好唔值架啦，都要俾嘅唯一讚就係裝修靚…Read More

同一位朋友第一次去食，用餐整個過程都好好，食得好開心，服務好，已經推薦左其他朋友去食。-黑松露薯條聞落係好香，不過食落反而比較淡味，但見到用料都好重手。-蟹肉意大利飯，超好味，好大份，已經好夠飽，夠3-4個女仔食。因為只有兩個人，唔應該嗌pizza，浪費左少少食物🥲-Pizza西班牙海鮮，皮整得夠薄夠脆，芝士拉到絲，茄汁底真係有新鮮蕃茄味，唔係就咁蕃茄醬。-3D公仔咖啡，值得嗌杯打卡，製作非常用心。-嗌左3樣野食加兩杯咖啡，連埋加一，$620，食物質素高，環境佈置都乾淨用心，所以係非常抵食。-最重要係清水唔需要另外收費，因為最近去咗另一間餐廳，要水竟然要額外收費，整體質素亦低好多，所以寫咗個食評，亦都覺得既然差嘅餐廳要寫，好嘅餐廳就更值得要寫…Read More

第一次去 第一次分享食評-未知該店是否由bar轉bar & restaurant 的初期。我同3位朋友未試過去間普通餐廳，要杯水係要收費。因為朋友先抵達餐廳，好似話要開枝裝水，冇提要加幾多錢，朋友唔想俾啲咁嘅錢餐廳賺，未能達成一致要水，所以冇問係要收幾多錢。-其實去食野要水，除左飲都係想過一過口同清一清腸胃。如果一間普通餐廳要水加錢原因係要客人一定嗌野飲，可以寫每人需要消費一杯飲料(不過冇留意有冇寫)。-黑松露薯條，薯條同醬嘅份量係唔岩比例，醬少一半。放醬嘅兜接近空嘅時候，我問可唔可以俾啲醬，同我講要+$5，茄汁免費。又要加錢，我當場笑左出黎，好啊加啊。仲叫我地拎起個兜俾佢唔想掂到啲食物，ok原因合理，我就話，咁你唔係拎過兜新醬黎？佢話都得嘅...-卡邦尼意粉，本人平時極少食，覺得ok。不過其他朋友都覺得難食...-豬手 okRisotto ok最有驚喜係 八爪魚 幾好-服務ok 某位態度比較差氣氛ok環境 乾淨-總括而言，唔貼心，成餐唔係食得特別開心。去該店原因係其中一位朋友係ig睇到推薦，點知係伏嘅。朋友s話blacklist，本人唔會再去，會推薦其他朋友第二啲選擇，因為同樣價錢可以食到整體質素更好嘅餐廳。…Read More