AdaLeeyikman's Profile

非常差奉勸你唔等得唔好嚟帶住小朋友嚟食午餐點心任食放題等咗一個鐘頭一樣熱食都冇嚟過仲要同我哋講話90分鐘用餐時間一個鐘之後我哋問佢哋點解啲嘢未到佢先至同我哋講話可能廚房出唔到單叫我哋逐樣落過心諗點解你廚房出唔到單唔同我哋講？點解等咗成個鐘先至要重新落過單？肚餓到飛起一個鐘之後仲要等仲要諗係咪90分鐘乜嘢都冇食過就要走?…Read More

Teriyaki Soba Noodle初頭怕佢好重Teriyaki 味但係出奇地相對清淡所有材料同個source 味道恰到好處食得好舒服明明一黎到話好多點知食食下成個食晒Curry Hedgehog Mushroom Pie老公嗰個就唔多掂佢話個Pie入邊有蘋果同其他材料味道唔多襯旁邊仲要有大家樂式沙律😅我自己冇試過不作評論不過有可能係因為我”引渡”佢陪我食素佢唔鐘意既😅😅哈哈哈Vegan Foie Gras Pate with Toasts個味唔似不過都好食嘅上面truffle 好香唔錯既…Read More

幾年之前嚟過呢間食,當時未同pizzeria Italian combined 埋一齊, 淨係佢自己一間Ricos, 仲記得有個男人老細好熱情, 今次做完野經過想再試返, 因為我非常之鍾意食Tapas, 記得呢間他，tapas係好味既! 都懷念佢嘅味道啲酒又好飲！可惜今次返去望一望個menu 已經感覺伏伏地, 個餐廳名係一樣但係菜式唔同咗, 連最基本嘅fried pardon peppers都冇🙈叫咗兩杯洒難飲到爆,冇酒味又勁多冰(唔知關唔關happy hour事🤷🏻‍♀️）啲嘢食一樣難食過一樣, 見其他人留言話service 好差, 我今次嘅經歷係OK啦又唔係勁差,係冇笑容囉,是但啦如果你啲嘢好好食我都算, 不過真係好難食,點搞🤯順帶一提,佢廚房裏便啲人係全部都唔戴口罩嘅,就算有帶都係掹咗落嚟侍應都係會突個鼻出嚟嘅🤷🏻‍♀️而家疫情咁嚴重呢啲嘢都係做好啲....所以啲嘢都唔係好夠膽食食咗一大半算好好佢見我個碟仲有嘢食係咁叫我食埋佢你理得我啫不如你自己食下🙈…Read More

因為好味嘅關係我好快就食完, 唔記得咗影相🤣呢張係我好快清晒之後先醒起要留影一張寫下食評🤣成日經過見佢新開但冇入去試, 直到最近見佢每日都有唔同湯水所以試吓(本人鍾意飲湯☺️）我叫咗一個香煎手打肉餅飯(唔記得叫佢加蛋(加$5)所以番到屋企自己加左隻蛋), 菜心走蠔油走豉油, 是日既湯係蘋果雪梨馬蹄仲有其他配料而家唔記得左😅總之總括嚟講所有野都滿意, 鐘意佢個湯夠清甜飯又多蔥, 最重要係佢應該冇加味精, 所有食物既味道恰到好處, 係住家飯既味道, 我鐘意! 會常來幫襯😍…Read More

今日同老公係上環辦點事, 原本諗住行去蘭桂芳果邊Lunch, 但係因為天氣實在太熱嘅關係, 經過南豐大廈就上咗去搵野食~ 行行下見到新開呢間餐廳有lunch set, 出面reception 個女仔又非常甘有禮貎所以就入左去試🥰我叫左個西京燒定食($228)同熱柚子蜜, 老公食燒鳥丼定食($158)同凍柚子蜜. 個定食好豐富, 有麵豉湯, 主食, 飯, 海蜇, 沙律, 蒸蛋, 仲有甜品綠茶厥餅, 每一樣都好好味,我全部清晒, 我試左老公幾舊燒雞都燒得好juicy 好惹味🤤🤤🤤仲有隻溫泉蛋, 可以好好送飯🤤 佢另外2:30仲有下午茶set, 價錢平D, 如果唔太肚餓可以試吓, 總括嚟講我食完覺得好滿意好滿足😊…Read More

之前係多倫多生活, 嗰邊有好幾間專食土豆豬骨煲嘅鋪頭, 全部由韓國大媽主理, 非常咁好味。返到嚟香港之後發覺香港冇乜幾間韓國餐廳有土豆豬骨煲供應, 呢10年裏面我不斷咁樣搵, 周圍去試周圍去食, 可惜一來好多地方冇,二來有嘅話都又難食又貴! 好慶幸搵到呢間, 佢個味真係好似回憶中嘅味道, 冇九成都有八成㗎啦, 真係幾好味! 而且午餐時間佢只係賣$68! 抵食又好味! 食完真係可以開心幾日🤤另外佢嘅炸醬麵都值得推介! 麵質好煙un好好味🤤我本身住港島特登揸車入嚟大埔食都係值得嘅💛…Read More

幾年前未搬嘅時候嚟過呢度食,當時覺得好好味, 搬咗之後都係第一次嚟, 個個留言都話要等好耐,但係以我個人經驗上次同今次都唔係等好耐, 都係正常速度,而且今次仲好快就有得食, 我叫咗無菌雞肉飯,都仍然係咁好食😊原本想嗌多幾樣小食,不過得我一個人又驚食唔晒,下次我會叫多啲朋友一齊嚟再食👍🏻👍🏻👍🏻…Read More