Aiku_eater的個人專頁

同朋友去yoho食午飯，我提議去food court醫肚。 見到一間新開嘅burger店，本身鍾意burger同薯條嘅我梗係要試下啦。 我哋兩個人叫咗burga，酥皮龍蝦漢堡，三色薯條，炸雞搥同埋可樂。 我哋揀咗個窗口位，可以望到好開揚嘅風景，令我地個午餐增加咗風味。 個招牌burga係雙層芝士牛肉漢堡，兩塊漢堡扒煎得好香，有牛肉味又juicy，加埋芝士食得好滿足。 酥皮龍蝦漢堡真係第一次見到，有創意! 靈感係咪嚟自酥皮龍蝦湯呢？ 個酥皮焗到熱辣辣又有牛油香，龍蝦肉漢堡份量唔細，炸得酥脆，好食啊! 三色薯條賣相好靚，薯條、蕃薯條同埋紫薯條，每條厚切又炸得香脆。我地揀咗兩個醬，黑松露醬同鹹蛋黃醬，味道同啲薯條都幾夾。好香嘅薯味，三款我都好鍾意，我朋友就最鍾意番薯條，話夠曬香甜，啱曬佢。 炸雞搥大件又熱辣辣，燙手㗎! 炸皮脆又唔厚，雞肉juicy，好好食。 熱辣辣嘅burger、炸雞同薯條，同凍冰冰嘅可樂真係絕配啊。 我哋食完都攬住個肚走。另外不得不提，呢度嘅店員有禮貌友善。 整體用餐體驗很好。…查看更多

最近朋友帶我嚟呢一間日本嘢，話環境好嘢食又好食。一上到去，個裝修真係好正，好有日本風味，非常有心思。好開心我哋可以坐喺吧枱比起order枱更加有特色，對住一盤盤同一櫃櫃嘅海鮮，風味十足，打卡一流! 仲可以見到師傅製作食物添!餐牌上嘅選擇非常之多，小食、刺身、壽司、主食、串燒等等，真係應有盡有。 我哋兩個人即刻有選擇困難症，於是就唔諗太多，想食咩就叫啦。江戶前玉子燒呢個同平時食到嘅玉子燒唔同，有啲似一件蛋糕。 非常之綿密又帶點鬆軟，呢種整法通常我喺比較高級的日本餐廳會食到。壽司劍魚腩壽司 - 我嘅最愛，肉質有少少咬口，魚油非常之香，正!火炙平目魚背壽司 - 火炙過之後，接近入口即溶，魚脂甘香。穴子壽司 - 厚切又juicy，穴子嘅味道香濃，呢個有驚喜!油甘魚腩壽司 - 肥美又甘香，份量都唔細日本金鯖魚壽司 - 鯖魚嘅味道本身比較濃，味道都幾特別。伊佐目壽司 - 清香嘅魚味總括嚟講，壽司質素唔錯，份量適中，食材新鮮，握得幾好，每一件都好食。 我同朋友都好滿足。燒三文魚飯糰呢個我同朋友都覺得有驚喜。因為佢係一舊類似飯焦咁嘅飯團，比起平時純白色嘅飯糰唔一樣，香脆可口，而且飯有調味，係一個滋味嘅小食。 本身我冇為意呢個嘢食，係朋友提議試下，好彩冇錯過。串燒雞小肉 - 外脆內軟，又燒得唔乾，好食。雞肉大蔥串 - 雞肉同埋蔥好夾，令平時唔太食蔥嘅我都覺得唔錯。雞翼 - 都幾大隻，雖然個皮好邪惡，但係我都食曬，因為嗰個皮燒到好脆，又惹味，而雞翼嘅肉就好juicy嫩滑。雞軟骨 - 脆卜卜，調味適中，兩個人咁快就分曬 ，好好食。牛舌 - 厚薄適中，唔會韌，味道香濃。牛肋肉 - 牛味都幾重，我幾鍾意呢個。串燒帆立貝 - 帆立貝同個醬好夾，而且大大隻，啖啖肉覺得好滿足。呢個份量啱啱好呀，非常滿足!嗰日係平日嚟，晚上7點開始已經差唔多坐滿，真係要訂定檯穩陣啲。好開心同朋友食咗一餐美味嘅日式居酒屋晚餐。…查看更多

之前喺屯門食過木玥巷，覺得幾好食。有一晚喺元朗行過，見到佢開咗分店，就好有興趣再幫襯。個門面同屯門本店好似，都係木嘅主題。 入到去，覺得餐廳好乾淨企理，座位舒服。我哋兩個人，叫咗三樣嘢食同埋兩杯飲品。檸檬蜂蜜朋友覺得好啱而家個天氣，因為最近開始轉涼，同埋比較乾燥，杯熱飲甜甜地又滋潤，真係非常適合。雪菊蘋果茶都係熱飲呢，甜甜地又有蘋果味，味道唔錯。三杯皮蛋雞配白飯呢個嘢食一上枱，已經好香，我哋一分好個白飯 就即刻食。 雞肉好惹味又香口，表面有輕微嘅脆而裏面係juicy嘅，真係送飯一流。 除咗啲雞肉，個皮蛋都好正㗎! 蒼蠅頭配刈包呢個嘢食個名好有趣，就叫嚟試下。係將一堆肉碎放落去個包度一齊食，連埋脆口切粒嘅蔬菜，惹味又有咬口，真係好正。我哋都盡量將個包塞到好滿，但啲肉碎分量都幾多，食哂啲包最後都有剩。最後我哋將呢佢打包咗，第二日攞嚟送飯，一樣好好食。蟹肉金絲炒新竹米粉啲蟹肉嘅份量都唔少，米粉都炒得乾身，而且熱辣辣，好好食。呢個係我哋喺屯門分店食過，覺得好有驚喜，所以嚟呢度再叫。呢度嘅嘢食分量都唔細，我哋最後打包咗兩樣嘢食。 呢個價錢cp值都幾高，元朗分店繼續keep到水準，抵讚。另外呢度嘅店員都幾有禮貌，整體用餐經驗良好。…查看更多

之前同朋友喺元朗見過呢間火鍋店，覺得幾特別，於是就約好秋天嘅時候試一次。平日夜晚都好多人， book定枱穩陣啲，餐廳係以中式宮廷做主題，裝修、餐牌嘅設計、同埋餐具都好有特色。店員叫我哋先揀湯底，我同朋友都未食過卜卜蜆，就趁呢個機會試下啦! 仲可以走青(我地麻麻地唐芹 )。湯底好快就送嚟，啲蜆數量都幾多，感覺都足料。然後我哋先再order火鍋生料，我哋叫咗牛肉、餃子、丸類拼盤、醉雞、滑雙拼。喺火鍋生料嚟之前，我哋就食咗啲蜆先。 啲蜆每一隻都冇沙，又鮮甜，而且數量都好多，我哋兩個覺得好似食極都有咁。另外，呢個湯底本身有好多芽菜，我覺得啲芽菜索咗啲湯底都幾正，我 食咗好多。酒香陳年花雕浸牛肉百零蚊份量都唔算少，啲牛肉淥十零秒就食得，酒香啱啱好，唔會太濃但又夠入味。 牛肉嘅質地比較軟嫩，亦都幾有牛味。肉丸拼盤有五款丸，每款兩粒。食得出每粒都好新鮮，同平時買嘅急凍丸係兩回事。 尤其之前我哋都係比較多喺屋企用急凍食材打邊爐，突然食番啲新鮮嘅手打丸，真係覺得好大分別! 啲丸嘅質地係比較滑，又有少少彈牙，亦都食得出鮮味。 呢個真係必點呀。陳年花雕醉雞同牛肉一樣，酒嘅味道啱啱好，雞肉好嫩滑，味道都唔錯。鳳尾鮮蝦雲吞呢款餃子幾特別，第一次食。佢係一個有豬肉餡嘅餃子，再加埋原隻嘅蝦喺入面 。所以一煮熟，個餃子就會曲埋。 味道唔錯，餃子幾有鮮味，隻蝦都幾爽口彈牙。蟹子蝦滑 瑤柱乾貝滑 雙拼其實同啲丸都好似，應該都係同一樣或差不多嘅材料。 反正我哋對個丸類拼盤非常滿意，可以再encore 類似嘅嘢食，都幾開心。 個干貝滑係第一次食，好好食。呢個份量兩個人啱啱好，非常滿足 估唔到最後仲有甜品送呀，呢個奶凍又滑奶味又重，凍凍地，好正呀!除咗食物，呢度嘅服務都好好㗎，我哋張枱主要由一個阿姐serve嘅，佢好有禮貌，而且效率都好高。令到我更加享受呢一餐。我同朋友都話下次再約其他朋友打邊爐，都會提議嚟呢度。雖然呢度收費不便宜，但係食得出啲食材係靚又新鮮。想食平啲啲嘅，可以留意佢嘅時段優惠，咁就可以慳番少少啦。…查看更多

呢間喺中環蘇豪區嘅Dino主題餐廳，約我個朋友去試下晚餐。餐廳嘅裝修好有心思，入到去有啲似一個森林咁，仲有好多打卡位，都係Dino做主題嘅佈置，真係好得意。唔講唔知，原來呢度係食日本嘢㗎，而腐皮壽司亦都係呢度其中一樣招牌菜。我哋叫咗多款腐皮壽司，同埋一客蜜糖牛油單骨雞翼。啲壽司嚟到嘅時候真係好吸睛呀，大大件，色彩配搭好靚好精美。我哋叫咗：蟹膏厚燒玉子： 蟹膏嘅海鮮味，配上甜甜地嘅燒玉子，好食。牛油蒜香赤蝦： 呢個配搭簡直係無敵呀，個蝦勁香。灸燒甜蝦： 灸燒過香啲，蝦又甜甜的，好食! 柚子左口魚： 魚嘅味道幾香，有少少入口即化。灸燒蟹沙律： 味道好清新黑松露帶子： 個帶子厚切鮮甜，仲有黑松露調味。牛油果三文魚 & 蔥吞拿魚拖羅蓉： 啲魚生份量都幾多㗎。我食咗五件腐皮壽司，已經差唔多飽喇，因為真係估唔到佢都幾大份。個蜜糖牛油單骨雞翼到喇! 炸得好靚呀，食落口又香又脆，啲肉仲好juicy㗎!呢度有特色又可以打卡，畀人感覺好有活力好young，係一個好有趣嘅體驗。…查看更多

都有成兩年冇食過自助餐，於是我同朋友提議搵日一齊去食。我哋揀咗喺旺角嘅仕德福酒店，見佢openrice訂座有優惠，而且價錢亦都唔貴。我哋平日夜晚去到，安排咗係一張窗邊嘅四人 枱。每人會有四隻生蠔 同埋 蒜蓉粉絲蒸帆立貝 附送。 啲生蠔肥美又大隻，口感creamy，感覺新鮮。 帆立貝嘅味道都唔錯。然後我哋出去拎嘢食，張放嘢食嘅枱，好整齊又乾淨職員會定時檢查食物係咪需要refill，而且好細心，喺我打開熱盤嘅時候，會提我小心熱。第一round先拎咗冷盤先。 一口沙律有煙三文魚 或者蝦喺入面，啱曬我呢啲鍾意沙律有海鮮嘅人。第二round嘅冷盤，我哋拎咗藍青口、蟹仔、三文魚刺身，同埋凍蝦。我特別鍾意藍青口，滑又鮮甜，而蟹仔蟹肉鮮甜又有微微嘅海水味，蟹殼已預先整到半碎，食嘅時候好方便。食完冷盤係時候食啲熱食我拎咗 乾燒伊麵、 咕嚕肉、豉椒炒蜆、燒豬仔骨 同埋 炸墨魚餅。個咕嚕肉真係好好食呀，炸得啱啱好，唔會硬，而且啖啖肉，唔多肥膏，又有口感，有驚喜!  另外炸墨魚餅都唔錯，個炸漿唔厚，而且保留到墨魚餅嘅鮮甜同埋滑，抵讚!飲品方面都多選擇，有部飲品機有多種飲品斟，我揀咗蜜桃紅茶，甜甜地又有茶香。食完呢啲已經超級飽，甜品都唔係好食得落。 但係都試咗個梳乎厘，熱辣辣，好creamy好正。 除咗梳乎厘，仲有各式各樣嘅蛋糕，自製班戟，同埋一盒盒嘅movenpick雪糕。 想食多啲甜品嘅朋友記得要留肚喇!總括嚟講呢間自助餐，唔貴得嚟，嘢食都唔錯 ，性價比高，而且侍應有禮貌又細心，令我哋有一個愉快嘅用餐體驗。…查看更多

上個月同朋友去黃埔aeon買嘢，經過呢一間日式烤肉店，聞到好香，上網搵個資料見啲嘢食都幾吸引，於是就約定嚟試一下。入到去個餐廳，乾淨企理，座位舒服。 我哋兩個人，安排咗張四人枱畀我哋，空間非常寬敞，嗌多啲嘢食都擺得落!呢度落單好方便，用個qr code就ok我哋叫咗個 二人前套餐 宴， 一人一份大判燒黑毛和牛西冷，同埋一個海鮮拼盤。個大判燒嚟到，一望就知塊牛好靚，啲油花已經解釋咗一切，非常期待!店員會幫我哋燒，燒完之後捲起佢，放落碗溫泉蛋度食。大判燒加咗蛋之後好滑，牛味都好香， 食完之後真係好滿足，口腔充滿和牛嘅甘香!個二人前拼盤超豐富，淨係影相打卡已經一流，除咗有牛肉仲有雞肉。特上牛胸腹肉 ~ 好juicy，佢個汁好正，有果香味，同牛肉嘅味道非常之夾。胸前小排 ~ 肉質有咬口，好juicy，牛味香濃。板腱牛排 ~比較薄身，肉質比較腍鹽味牛舌 ~ 個調味好夾，牛舌個厚度適中 ，完全唔覺得韌。若雞雞腿 ~ 雞肉燒到外微脆內嫩，肉唔乾， 連埋皮食，好食。若雞雞脛柳 ~ 呢個第一次食到呀，覺得好特別，肉質比較爽口，而且都 juicy。海鮮拼盤烏賊 ~  厚切得嚟又唔韌，肉質彈牙! 有少少調味，啱啱好好正。 分量亦都唔少，我哋每人食到幾塊，超級滿足，我特別鍾意呢個!海老 ~ 啲蝦勁大隻，又有膏，啖啖肉，燒完勁香。帆立貝 ~ 放咗喺錫紙兜入面，有埋牛油，成個兜放入去燒， 好快牛油溶曬， 再燒多陣，肉質飽滿嘅帆立貝就索滿牛油嘅香味，味道好夾!我哋兩個食肉獸食完咁多烤肉，好滿足。 食埋呢個甜品就啱啱好。個賣相好靚，係杏仁奶凍 同埋雲呢拿雪米糍。 我特別鍾意個雪米糍呀，嗰個雪糕creamy又香。呢度啲嘢食真係好高質，而且有令我覺得去咗日本嘅感覺。另外呢度嘅店員，有效率又有禮貌，叫佢換燒烤網完全冇問題，好樂意!有機會我都會想再嚟呀!…查看更多

星期五唔想煮飯，所以就同屋企人都決定買外賣，天氣咁熱，食啲辣嘢同埋涼拌會更加開胃， 經過路德圍見到呢間外賣店好吸引，就決定買來試一試。我哋揀咗兩盒飯，一盒五香料理三拼同川麻料理三拼，每個拼盤都可以各自揀三款小食，分別有葷菜同素食。食辣嘢就梗係要配飲品。之後就急不及待返屋企開餐喇。川麻料理三拼($55)：辣拌牛柏葉同辣滷金錢肚夠哂入味又有口感，藕片好爽脆，份量亦都好多呢個川麻料理我真係非常鍾意，佢嗰隻麻香喺口入面嘅感覺歷久不散，而且令人非常回味，佢隻麻香係令人食完一件又想即刻追住食另一件嘅感覺，屋企人食完之後都同我講下次即使喺屋企煮飯，都可以買一盒拼盤嚟加餸，因為非常方便而且真係好好味。五香料理三拼(50)：牛腱好香又大大件，豬耳很爽口，四喜烤麩索哂汁味，正！講下個飯，我覺得東坡肉飯($40)非常出色望到佢個光澤已經非常開胃，咬落口有肥膏香味但又唔會覺得油膩，調味亦都好好，非常入味，最吸引嘅地方係佢真係炆得好腍，配飯一流。牛腩飯($45)個牛腩都好入味，辣味好香，而且份量亦好多。另外要講一講飲品，桂花烏龍($30)一打開個樽蓋已經聞到有桂花嘅香味，非常值得一讚， 而佢嗰種花嘅幽香同烏龍茶真係非常之夾，清香得嚟又唔會搶到茶味。至於羅漢果菊花茶($30)，食辣嘢當然要下一下火，羅漢果菊花茶除咗因為佢清熱嘅功能，味道亦都非常之好飲，都係有清香嘅感覺，亦有羅漢果嗰種甜味，估唔到連飲品方面亦都非常出色。…查看更多

約咗朋友喺銅鑼灣行街食飯，佢book咗一間日法fusion菜，喺銅鑼灣永光中心，地點非常方便。餐廳乾淨企理，燈光暗暗地幾浪漫。我哋經侍應推介叫咗一個5道菜晚餐同埋一個set dinner首先嚟嘅係麵包，仲係熱㗎，聞到香噴噴!芝士麵包，好好味，麵包鬆軟，有香香地嘅芝士味。牛角包，外脆內軟，又唔油，正啊!配上橄欖油牛油，麵包更加香。我先講5道菜嘅晚餐時令生蠔 澳洲青蘋果 青檸雪葩面頭係柚子爆珠，感覺好得意。生蠔飽滿新鮮 配上雪葩凍凍地又fresh，呢個組合好神奇。北寄貝刺身北寄貝切開咗， 質地爽口鮮甜， 配上個醬汁 酸酸地又有啲惹味，呢度菜好開胃。脆鱗甘鯛個魚鱗整到勁脆，啲鱗一切落去已經聽到好清脆嘅聲音，食落口，香脆可口，魚油或魚味都香，勁好食!下面嘅大根索咗鰹魚高湯，勁入味又夠淋，燒龍蝦配龍蝦意大利飯一人份量嚟講，呢隻龍蝦唔算細隻，個龍蝦整得好好食，爽口彈牙而個意大利飯充滿著龍蝦汁，又唔會過鹹，飯嘅軟硬程度啱啱好，而且食完都唔會覺得“溜“。精選甜品朱古力炸彈個甜品好靚，真係好似一個炸彈! 切開佢係香濃嘅朱古力mousse，鍾意朱古力嘅朋友，即係好似我咁，一定會非常鍾意! 炸彈下面嘅脆脆都好好食㗎，仲有嗰球雲呢拿雪糕，牛奶味幾香，整體好唔錯。Set dinner朋友食嘅， 為食嘅我每樣都偷食咗少少香燒八爪魚配甜粟米個醬幾好食，甜甜地。八爪魚彈牙得嚟又唔韌，整體都幾好食。南瓜湯都幾creamy，感覺好足料，好好飲。澳洲M5和牛肉眼牛扒好大塊呀，如果一個人食，份量真係都幾多，兩個人share就啱啱好。牛扒煎得好有水準， 煎到外面微微地脆，又鎖住到肉汁，牛味香濃，肉質嫩滑得嚟又有啲咬口。而且本身塊牛扒，肉同脂肪嘅比例都好均勻， 加埋就成就到一道美味佳餚。甜品勁得意呀，係一隻粉紅色嘅豬仔真係唔忍心食佢呀。切開裏面係一啲mousse，甜甜哋。呢個甜品打卡一流呀!呢度整體嚟講，食物環境服務都好好，回頭率都好高。…查看更多

同個喺中環返工嘅朋友食晚飯，佢帶我嚟呢間日本嘢，話平時食lunch都成日幫襯，cp值好高，一定要帶我嚟試下。餐廳地點都幾方便，好易搵，喺上環新紀元廣場行上少少就到。餐廳內外都好有日式風格，鋪頭貼咗好多海報，好有心機佈置，好似去咗日本嘅居酒屋咁。 環境舒適，啲枱都幾大張，空間寬敞又好坐。我哋兩個人，侍應安排咗呢一張枱畀我哋，真係四個人坐都好夠。我哋喺前菜、小食、 麵食、壽司每類都嗌咗一啲。蟹子沙律我最愛嘅前菜之一! 青瓜絲爽脆，蟹籽份量唔少， 係一個好fresh嘅前菜。日式煎餃子煎得好靚呀，熱辣辣，皮脆，餡juicy!我本身特別鍾意食餃子，所以平時去居酒屋或者食日本拉麵都會叫餃子。呢度嘅煎餃子真係好好食，推介!壽司六件賣相好靚，分量唔細，而且睇得出好新鮮。（左至右順序介紹）珍寶甜蝦 - 大大隻爽口鮮甜炙燒右口魚 - 魚油味好香，有少少入口即化，勁好食帆立貝 - 飽滿鮮甜，呢個size 口感十足金目鯛 - 魚味清甜深海池魚 - 魚味比較香濃大拖羅 - 接近入口即溶，魚味濃郁，魚油嘅甘香充滿喺口腔好正。我同朋友覺得啲壽司每一件都新鮮又好食，同埋握得幾好，飯唔會散 。汁燒日本特大魷魚筒魷魚大大隻，彈牙又唔韌。個汁好正， 同魷魚非常之夾，好食。咁大隻魷魚兩個人食真係好滿足，食到最後一件都唔嫌多。串燒大蔥雞肉大蔥同埋雞肉要一齊食，因為佢哋好夾，雞肉燒得幾好，夠香又鎖住到肉汁。日式冷烏冬呢個好適合夏天食，感覺好清新，煙煙靭靭咁幾好，仲有適量嘅菜同蘿蔔，感覺好健康。食咗餐美味嘅日本料理，又傾咗好耐偈，大家都心情大好。 真係冇介紹錯，難怪朋友一個月都嚟食幾次lunch。好鍾意呢度食物多選擇，又款款都整得好食。 多人嚟食嘅話，咩都嗌啲就好適合。另外不得不提，呢度嘅員工超級有禮貌。其中有位男侍應，好有心機去介紹食物，而且仲會同我哋傾下偈，又問下啲嘢食好唔好食。呢度畀我感覺係一間好溫暖嘅家庭日式小料理，好有心機去經營。 有機會我會再嚟，同埋會介紹畀多啲朋友識。 咁有心又高質嘅餐廳，真心想支持一下。…查看更多

朋友喺元朗嘅新居入伙，於是上網搵間好餐廳book定位去慶祝。 發現有間新開嘅日式鐵板燒，同類型餐廳喺元朗比較少見，而且睇過網上嘅餐牌，價錢比市區都平幾多，於是就訂座。門面同裝修都好日式，帶點時尚。呢度嘅佈置都好有心機，連啲餐具碗碟，都相信係精挑細選， 好靚好精美，打卡一流。我哋叫咗個 “和“ 二人前 套餐 （HK$1,680）1. 沙律個沙律都幾特別，有：日本白粟米，parma ham包蘆筍，車厘茄，藍莓 配 麵豉油醋汁白粟米 - 都幾甜，比較清香，粟米粒爽口parma ham 包蘆筍 - 呢個組合原來都幾夾，好味。2. 前菜賣相勁靚， 貝殼同埋蟹仔擺喺舊石上面，真係似一個裝飾品多過一道菜式。鬼爪螺 - 聽就聽得多，我係第一次食，要搣開外面層衣先食到入面嘅肉，味道比較清甜。汁煮日本花螺 - 個汁勁正，螺肉滑得嚟又有啲爽甜。小澤蟹 - 炸過嘅蟹仔，原隻食，香脆可口。鐵板燒嘅主菜嚟喇，師父畀我哋睇下今日嘅食材， 一望就知好新鮮，啲料好靚!3. 鹽焗南非鮑魚 配 鮑魚肝醬鮑魚爽口彈牙，一定要切開佢點醬食。個醬超級香濃，似係好多隻鮑魚嘅濃縮，可以將鮑魚嘅味道提升到另一個層次，並有提鮮嘅作用。4. 喜知次 配 明太子汁 及 龍珠果喜知次有深海紅寶石嘅稱號，亦都係其中一款我非常之鍾意食嘅魚。師父煎到皮好脆肉又香，魚油又發揮得啱啱好，令到魚肉嘅鮮甜昇華，仲有少少入口即溶嘅口感! 每一啖都係滋味!5. 北海道帆立貝 配 海膽忌廉汁 松葉蟹膏蟹肉 三文魚子帆立貝煎到恰到好處，飽滿彈牙，蟹肉拆得好好，一啲殼碎都冇。 三文魚子清甜，完全冇腥味。6. 虎蝦 （連蝦頭嘅蝦膏一齊烹調）一上枱就有撲鼻而來嘅香味，令人食指大動! 隻蝦大隻到足夠兩人分享。肉質超級爽口，可以媲美龍蝦，我地都覺得係全餐最喜歡嘅一道菜。7. 鵝肝配 自製鍋粑 黑醋汁 無花果肥美嘅鵝肝同脆脆嘅鍋粑係兩種口感，鵝肝好香。無花果最後食，味道清甜有解膩嘅作用。8. 美國封門牛柳 配 鹽焗海苔 wasabi牛嘅生熟程度啱好，外微脆，內軟嫩，一啲都唔韌，牛味都濃。鹽焗海苔有啲似魷魚乾。9. 魚湯好勁嘅奶白色，超級濃味勁足料!熱辣辣，大家都讚好好飲。因為平時我都會煲魚湯，所以飲得出係一個好足料煲得好好嘅魚湯。10. 砂糖多士蜜糖味甜甜地，烤到薄脆嘅多士真係好正。11. 炒飯熱辣辣， 炒得乾身，粒粒分明，有少少薑味，感覺健康又好食!12. 甜品最後甜品係雪糕，有芝麻、綠茶同埋柚子味揀。我要咗芝麻，芝麻味都幾濃，朋友話柚子味幾fresh。 甜品為今餐劃上完美句號。服務方面，店員有禮，介紹食物都幾清楚，亦都幾勤力加茶。我地好開心喺元朗搵到間咁正嘅鐵板燒，難怪閒日晚上都full曬。…查看更多

朋友同我都鍾意食生蠔，佢帶我去一間位於上環海味街嘅隱蔽生蠔吧晚餐。 裝修好有心思，門口樓梯級旁有一幅好靚嘅畫，欣賞咗一陣。 餐廳裏面裝修好grand，除咗有畫之外，亦都有好多同蠔有關嘅照片。 我哋叫咗 半打嘅生蠔拼盤，慢煮雞胸，意大利燴飯，同埋一個甜品。 生蠔拼盤 6隻時令生蠔，款式就係牆上黑板上寫嘅 。（由上到下是淡到濃味的順序）DoorielPattedoieSentinelleLambertOstra RegalGillardeau 侍應教我哋逆時針方向咁，由淡至濃味去食。 我同朋友每人三隻，大家都覺得啲蠔好新鮮。 而且開蠔嘅功夫好好，完全冇生蠔嘅殼碎。 聽講話呢度負責開蠔嘅師傅，經驗非常豐富。 如果坐吧檯嘅客人就有機會欣賞到佢嘅手藝啦。 每一隻都好好食，可能我比較鍾意濃味，我覺得最好食嘅係Gillardeau。慢煮雞胸肉 配雞汁 舞茸 西蘭花苗 酸椰菜花 黑松露薯蓉 擺盤非常靚，香味撲鼻，完全做到色香味俱全。 雞胸肉非常juicy，完全唔韌， 而個醬汁同雞肉好夾，配菜味道都唔錯。好鍾意個薯蓉加咗黑松露，特別香， 味道提升到另一個層次，口感覺亦都好滑。夏季蔬菜燴意大利飯 呢個蔬菜主題嘅意大利飯，好健康，顏色係青bb嘅。 同平時食嘅意大利飯有啲唔同，佢唔會話好多汁好多醬食幾啖已經覺得滯，呢個係一個好fresh嘅意大利飯，而且賣相都好靚，係一道心思之作。自家製意大利芝士餅 呢個甜品一啲都唔細杯! 兩個人食一個已經夠啦 。口感幼滑，咖啡酒味恰到好處，整體亦都唔會過甜， 好好食。 呢度嘅服務都好好，serve我地嘅係一位女侍應，佢好有禮貌，又會問我地啲食物好唔好食。 總括嚟講，整體用餐體驗非常好，尤其適合鍾意生蠔嘅朋友。喺menu 見佢有生蠔版omakase, 又幾有創意喎! 有機會下次試下。…查看更多

同朋友食飯，佢以為食法國菜一定會好貴，於是我帶佢嚟呢間，地點好方便，中環娛樂行附近，放工約食飯之選。餐廳唔算好大，但都坐得舒服，唔會迫。我地兩人食咗：焗古也芝士洋蔥湯洋蔥加埋芝士，真係好夾又好飲! 個湯焗過仲提升咗個香味。而且好足料，係一個食得嘅湯。法式焗蝸牛賣相幾靚，蝸牛口感軟軟地，好香。 薯蓉都幾好食。 每人三隻真係唔夠，會令人想食多幾隻。香蒜牛肝菌意粉意粉煮得剛好，口感彈牙。成碟充滿蒜同橄欖油嘅香，牛肝菌同菇又有咬感，美味。慢火煮紅酒和牛面肉牛肉份量對兩人嚟講都算多，肉質好腍，個汁好香同牛肉好夾，我地每件牛肉都沾滿汁先食。是日甜品 榛子雪糕麵包布甸侍應推介嘅特式甜品，不在menu上，話間中會轉。雪糕榛子味好香，麵包布甸熱辣辣，一冷一熱，好得意，味道不錯!服務方面，全場只得一位侍應，餐廳幾乎滿座，但佢都應付到，效率非常高，而且一直超級有禮貌又親切，真係抵讚。…查看更多

老友突然話想食餐好，於是我哋揀咗呢間喺銅鑼灣嘅廚師發板，米芝蓮推介㗎。呢度裝修比較時尚，座位舒適，環境光猛整潔。我哋每人嗌咗一個1288嘅廚師發板套餐前菜1. 冰菜蕃茄配胡麻醬 冰菜好脆，蕃茄不酸 ，好開胃2. 麥粒麵豉青瓜麵豉不太咸 ，青瓜爽脆3. 螢光魷魚配薑蓉魷魚裏有好似膏嘅嘢，一咬落去就會爆出嚟，好好食! 鮮甜又唔韌刺身五款1. 真蠔勁肥美，口感非常creamy，味道鮮甜， 蠔味都突出2. 深海池魚清香嘅魚味3. 伊佐木魚皮帶香 ，肉質實過上一款4. 中拖羅魚味超香濃，入口即化 ，香味久而不散5. 劍魚腩好甘香，有少少爽口好開心啊，我最鍾意嘅中拖羅同劍魚腩都有齊 ，仲好好味!和食鮑魚配牛油海帶醬鮑魚預先切好，好細心，方便進食。鮑魚本身爽口彈牙，已好好食，點埋牛油海帶醬食味道勁香，估唔到咁夾!壽司五款1. 牡丹蝦 上面有燒過嘅蝦頭膏， 好香。蝦鮮甜爽口2. 馬糞海膽味道ok, 飯有醬油漬幾夾3. 赤身濃魚味4. 石鯛肉質稍為實淨，味道都不錯5. 銀雪魚 富魚油香，甜甜地，好食!麵食和牛烏冬牛肉質柔軟，帶甘香。烏冬煙煙靭靭，味道唔錯。 成碗麵清清地，一解頭先魚油重嘅感覺。甜品焦糖果仁蛋糕有時食焦糖嘅甜品，焦糖嘅味道會過份突出。但係呢一個蛋糕清清地略帶甜，整體味道都好平均，我覺得好好食，而且食完成件都唔覺得滯。我同老友對於呢餐好滿意，而且仲有限時優惠做到六月尾，惠顧滿指定金額就可以有減免優惠，都減得幾多㗎，減完之後呢餐即刻平咗唔少。…查看更多

呢間喺H8嘅餐廳真係好受歡迎， 好彩有訂枱， 同lift有兩pair人想walk-in都唔成功。呢間西餐廳都好多選擇，我哋兩個人真係諗食乜都諗咗好耐。 除咗本身嘅餐牌，佢仲有黑板上面一啲特別推介，而且都好多款。我哋決定叫：阿根廷紅蝦刺身伴柚子醬油 98蚊加拿大海膽松葉蟹膏蟹肉忌廉汁意大利麵 198蚊低溫慢煮法國雞胸日式年糕半黑松露番茄汁 148蚊餐前麵包 有三款，有埋牛油同果醬，三款都幾好食。 我特別鍾意嗰個有少少鹹味嘅麵包條 。首先嚟嘅係 阿根廷紅蝦刺身伴柚子醬油啲蝦比想像中大隻，而且仲有六隻咁多。每一隻都又爽又甜，同柚子醬油都幾夾。不過個人覺得點少少醬就ok，咁就唔會搶咗蝦肉嘅鮮甜味道。下一道係 加拿大海膽松葉蟹膏蟹肉忌廉汁意大利麵唔止賣相靚，海膽蟹膏蟹肉份量都唔少。 我同朋友兩個share食都覺得份量ok。意粉都算彈牙，成碟都好creamy好香，仲有我最鍾意嘅菇。  我留意到呢碟都幾多人叫㗎 ，真係冇揀錯。低溫慢煮法國雞胸日式年糕半黑松露番茄汁雞胸嘅份量都多又厚，而且肉質都腍又 juicy，一啲都唔韌。啲年糕幾彈牙，同嗰個蕃茄汁都幾夾。 呢個配搭好新奇，似西日fusion菜。兩個人計埋加一 ，五百蚊有找。 我哋覺得呢度嘅食物，係畀番價錢相應嘅份量同埋味道你。而且呢度選擇非常之多， 如果多啲人share食嘅話，就非常之適合，可以一次過試好多種食物。…查看更多