Linda姐's Profile

今次同朋友黎到深水埗 ,朋友話有間唔錯嘅茶記想試 見好耐冇食過 即管試試! 入到黎餐廳 環境唔錯 最重要嘅係 座位舒服!我地點左海南雞 ,海南雞一黎到 就比佢精緻嘅賣相吸引 通常茶餐廳一般都係賣相好求其 但呢間就好精緻 仲要幾大份 如果鍾意食雞 不妨試下呢個海南雞,配上醬油 啖啖肉 好好味! 份量啱啱好 之後仲點左個糖醋麵,麵嘅質地軟綿滑溜 非常吸引! 又熱又脆 配埋糖同醋 口感非常好 真心正😍如果怕太膩 不妨2人share一碟 壓軸出場嘅係反沙芋 賣相真係好靚! 佢有好多糖比你夾住芋頭食 口感爽脆而不膩 大讚! 真係一流…Read More

應約到長沙灣食飯，人生路不熟，原來食店就在黃金附近，估唔到呢個地段會有韓國菜。小店的門面都幾特別，好多粉色韓文，睇得出係心思之作。店內模仿家居的感覺，都幾得意。有一幅上有三個好chill girls同卡通韓食，睇黎sister Korean cafe 個名就係甘黎。 餐牌的設計都係充滿玩味，好有趣。食物整體的味道不俗，韓食中偏向輕口味，迎合到大眾。賣相好特別，十分有心思。 漢拿山芝士蛋溶岩豚肉炒飯，聽落個名好激動。但食落不肥膩。賣點絕對係星形的賣相，同Oppa親自0係我地面前炒的心思。飛機醬缸醃蟹有很香好原始的海鮮味，感覺不會太膩。泡菜蠔仔煎餅，唔太辣而加上洋蔥，同傳統韓食有點點不同。簡單的食店，價錢相宜，食得出的是一番心思同誠意。點點玩味為食客帶黎唔少樂趣。…Read More

夜晚同朋友到旺角搵野食，因為呢頭太多各種唔同類型既餐廳真係好難選擇,於是去為食仔食野為食仔係用蜆黎做主菜同埋可以當打邊爐咁食，於是我同朋友去食呢間餐廳!於是我就叫左原味卜卜蜆煲。當主菜呢度時都已經好香，開始食既時候入口鮮甜，好爽口同口感非常好唔會因時間過得太耐而影響蜆既鮮味同埋成個盪底既味道完全無遮蓋蜆既味道之後我再加埋牛肉落去，牛肉味道都唔錯鮮味十足好新鮮咬感唔錯，份量十足。菜類都好新鮮,唔會用D唔新鮮既菜去比客人,依度值得一讚.而且菜盤都比較大,食完咁多肉再食菜,可以消化下大家可以一試。…Read More

話說近排愛上居酒屋嘅氣氛，而且可以一邊傾談，一邊品嚐小食，雖然食物份量唔多，但可以試到更多不同款式。一直都想試呢間人氣小店，平時一定要book位先可以食到，好彩預先有訂枱咋。店子不算大，但裝修精緻，好有日本小店感覺。餐牌似一些日本放題店將食物分類，再印上紙仔上俾食客剔選，非常方便。我們各自剔選了一些燒物，小食一同分享。煙肉荔枝卷煙肉包著茘枝肉，煙肉香口，荔枝肉juicy生燒牛利芯牛利芯燒得剛剛好，爽脆又鮮嫰一口牛牛肉味濃郁又夠juicy芝士蚧肉玉子燒我最愛玉子燒，內裏軟綿綿，加上芝士同新鮮蚧肉，蛋味香濃，非常滋味。芝士蝦球蝦球外層金黃酥脆，蝦肉彈牙，芝士夾心呈流心狀態，完全有拉絲嘅感覺。豚肉露筍卷豚肉鮮味，露筍爽嫩汁燒金菇肥牛卷肥牛一啲都唔肥而且肉質鮮嫩多汁，加上燒汁真係好美味呀！汁燒牛肉飯雖然碗仔細細但份量都好足夠，牛肉嫩滑又濃味，燒汁甜甜地，配飯吃一流啊！…Read More

今日放工約左朋友去銅鑼灣食飯，去左一鳴燒,朋友都對我既建議唔抗拒。一入到去，店員好熱情咁招待我地😊。因為一鳴燒既食品種類都幾多，我哋又再次選擇唔到食啲咩 🤔 店員就誠意推介左人氣串燒比我地🙈。甲羅燒都幾肥美🤤，仲要係成隻咁上，而且烹調嘅水準又高，鍾意食蟹膏嘅朋友仔一定要試下😎!喺熟食方面，我哋就叫咗一個鰻魚石鍋飯。鰻魚成條上都大大舊😍，價錢又抵，。更何況仲要好新鮮，無咩雪味，好抵食👍。而我朋友就叫咗芝士帶子燒，都唔會覺得炸到好油膩😗好好味，食完都唔覺得肥😜。下次放工一定會再去食多次，試埋佢其他款式嘅串燒先😋!…Read More

尖沙咀做完Facial 素顏樣衰衰，叫老公喺附近等我食晚飯，最好就去啲暗啲嘅地方啦！之前世界盃佢成日到 616 睇波. 咁一於近近地食個靚牛火鍋。裝修都幾清新，門口仲有個好似酒吧嘅設計，用平板點菜，最鍾意佢就係每一款肉都有介紹又有價錢。而且店員拎左個沙漏埋枱，原來話 first order 保證 20 分鐘之內全部食物材料會到齊。咁有服務態度值得讚！今晚又想食刺激啲所以要咗個 鴛鴦鍋底。有清淡好味嘅牛骨湯底+辣到流鼻水嘅酸菜湯底。今次真係 經典 +開胃的完美配搭。我覺得最特別係有串燒小食食, 醬燒牛柳串 $48 已經有兩串。胡椒沙嗲醬汁好味到冇得彈，牛柳肉肉質嫩滑多汁，入口溶化。小食嘅炸牛肉雲吞$48，4件 分量啱啱夠兩位食，香脆可口，滋味無窮。滑尾龍 $48 鍾意佢有隻雞蛋，可以整碗蛋花滑牛烏冬食。澳洲和牛～牛胸肉 $48，牛肉味濃郁，肥瘦適中，入口即溶。牛丸 $28 有半打，好似乒乓波咁大粒，又彈牙又多汁。最後要左啲菊花桂圓露 $12，清熱潤喉。好多$48 嘅牛肉可以選擇，今餐真係好抵食！…Read More

首先我真係好鍾意去日本，所以個富士山月餅盒吸引左我，但我真心覺得成個節日都真係好唔環保，但係中國人嘅人情有一定要做，所以我揀咗個自己鍾意嘅盒一盒6個，佢話所謂嘅日式冰皮月餅，我食唔出有乜嘢唔同，清一色白色囉！咁係咪就叫做SNOWy?細心D睇原來六個都唔同味道，咁我老公就話好想試吓焦糖芝士，口味係新鮮特別嘅，幾香嘅焦糖味，凍冰冰好爽，但可能係太凍啊就好硬，可能如果在喺室溫放下，等佢可以軟啲嘅話就會似芝士餅。另一個牛乳芝士都唔錯。…Read More

今年大頭蝦竟然唔記得咗去攞月餅，之前買到斷晒市嘅美心流心，突然間望下個日期先知道過咗期。好彩銅鑼灣翠園仲有得攞，即搭車過嚟，排隊搭lift就最花時間，然後大家提早慶祝中秋節，酒樓逼到人山人海。如果你問我好唔好食，咁又唔會話難食嘅，但係好似搶購咁呢就誇張啲啦！同埋中秋慶祝佳節咁傳統，我自己就鍾意食返啲傳統嘅月餅啊！所謂潮流，二百幾蚊食八粒西餅仔，都係搵錢嘅產品。去酒樓食流沙包仲流啊！不過老公好鍾意食奶黃，佢一個人兩啖就食一個。佢打算獨食讚不絕口出年中秋節都繼續會買，因為個潮流興呀嘛！…Read More

我去過一次越南短線旅行，最有印象就係佢悶熱嘅天氣同埋美食，因為我真係唔鍾意越南又熱又濕，所以冇再去一次旅行嘅衝動。但係香港我就久不久都會去品嚐一下越南美食。最近係旺角炒散，所以大把時間喺附近啲商場搵吓有冇平靚正好嘢食。同事話俾我聽最近佢哋都有一個好舒服嘅蛇竇，聽講係新開嘅，我哋一於去試吓。原來就係銀行中心旁邊嘅商場，上一層就見到啦！行到門口已經聞到香噴噴的美食香味。首先飲一杯冰凍三色冰，我成日都諗緊一條條嗰啲好似 jelly 是什麼，配合椰汁真係好好飲。越南美食一定要品嚐 米紙卷是常識吧！特色扎肉加粉絲同蔬菜，配合埋自家製酸辣汁，更加滋味。而我最有興趣就係辣椒膏炒大蜆，每一隻蜆都好大隻，肉厚而且肥美多汁，加上辣得惹味刺激的辣椒膏，唔想浪費一月追加一條法國包，吸晒所有醬汁的精華，而且夠飽肚。同埋我覺得這店的串燒特別好食、特別推介、而我自細就喜歡食燒雞翼囉！最後當然都要來一下甜品，芒果糯米飯不能錯過吧！鴛鴦糯米飯夠特別，黑白配上椰汁，芒果鮮甜，開開心心又吃到一餐美味的越南美食。…Read More

旺角周圍都人擠人，但係就真係好方便，約朋友大家都鍾意喺雅蘭老地方等。已經第二次幫襯品越，一般店員服務都很好有笑容。而且我鍾意佢裝修有啲特色同埋座位夠晒闊落。每一次睇Menu都有新鮮嘅感覺，今次我一定要試吓招牌菜式 火焰燒春雞配秘製香橙酒 $188。限量供應㗎！製作需時請耐心等候！用心做嘅食物真係要啲時間，原隻春雞上枱，由 經理 serve 我哋，經理好搞笑問我地準備好手機影相未？！首先淋上香橙酒，然後點火，說時遲那時快火燃燒着春雞，然後有一陣香氣撲鼻。經理再幫我地切開隻雞，原來內藏玄機。燒春雞裏面有黃姜飯，飯吸收晒雞裏嘅精華，有雞油香味所以更加惹味。皮脆肉嫩又多汁，係我嘅好味推介！就算普普通通一個馬拉盞炒芥蘭，辣得特別惹味，顏色翠綠，食落又唔會話好油膩。峴港焗扇貝煮法有越南特色，外層金黃色嘅醬汁包裹着大大粒嘅帶子，厚厚實實，肥美多汁。三色冰夠特別，顏色靚之餘又唔會太甜。 最後嘅香芒糯米飯，見到心心嘅外型，心都被溶化了，加上芒果夠晒甜，perfect ending 。…Read More

今日part-time返元朗，又可以跟住其他同事去捐窿捐啦搵嘢食，靚女帶咗我去食車仔麵，佢話係非一般好味的。個名叫篤篤車，好泰國口味嘅風格。下午茶時間都仍然滿座，店員叫我地等一陣順便可以劃定order紙。最快到嘅就係我杯特色飲品，好似去咗泰國渡假一樣嘅薄荷青檸梳打，清新涼透心。跟住我碗九大簋嘅車仔麵送到上台啦！睇到都覺得好正！滿滿的好開心！最緊要就係揀個特色湯底，我一見到就想食牛腩湯，揀咗小辣，點知原來都真係幾辣！車仔麵當然個麵好緊要啦！傳統粉面我就揀咗粗麵啦！特別有口感。車仔麵好少有得食海鮮，所以我揀咗墨魚仔，好鮮甜。至於車仔麵嘅餸係可以自由配搭嘅，我第一眼就離不開咖喱魚蛋，元朗先食得到呢一種風味，雖然細細粒但係好紮實！牛腩同埋金錢肚都好入味，並唔係一般嘅質素，係真係傳統車仔麵嘅出色味道。而我冇諗過車仔麵可以食響鈴真係好得意。套餐嘅小食我就要左香脆炸魚皮，真係又薄又脆口，配埋秘製醬，特別清新好有夏天的味道。有營蔬菜 我揀咗腐乳唐山菜，越食就越想食。真係忍唔住要俾個讚！咁豐富嘅一餐都係唔使 $100，真係好味到不得了！…Read More

Say cheese 可以話係我將軍澳嘅飯堂，叫得飯堂即係我成日會嚟食，而且食物質素好之餘CP值都要高。呢度價錢實惠，貨真價實，地鐵站一出，上條扶手電梯直行到尾好方便。門口色彩繽紛容易認到。尤其是有我最愛嘅 movenpick 雪糕.一入門口見到店員都係年青後生有活力，招呼都幾好，用餐環境舒服又輕鬆。打開Menu。見到好多嘢食，其中甜品同埋飲品係一定要留肚試真啲嘅。首先我習慣都係叫杯飲品嘆下先！奶蓋系列係我真心推介！奶蓋即係面嗰層嘅泡泡，零舍濃郁又香嘅芝士口味，蘋果金柚 $32 真係有新鮮果肉，茶味清香。接着先來法式龍蝦湯 $38，果然與別不同，入口忌廉香滑，濃郁的龍蝦鮮味，兩者配合得很好。香腸拼盤 $88，有三款不同嘅特色德國腸，腸仔皮烤得很脆, 熱辣辣好味道。加上鴛鴦醬，即係茄汁同埋介辣汁更加滋味！仲有好清新嘅沙律菜，大大盤好抵食。我自己都鍾意食白肉，所以主食我就揀咗香草燒春雞 $98。雖然半隻份量都好大，雞髀大大隻肉嫩多汁，皮脆肉滑。另一個特色美食就係黑松露野菌手搓粉 $98。濃郁嘅黑松露香味，野菌清香，手搓粉特別而且口感非常彈牙，掛滿了美味的黑松露醬汁。甜品方面我就叫左一個超級清新又有新鮮生果嘅雪糕杯。四季果伴雲呢拿&士多啤梨雪糕 $62，既然出咗糧冇幾耐我就決定食豪華啲，加咗$18 一個 movenpick 雪糕球,果然好味得很呢！好有心的餐廳，我會繼續幫襯！…Read More

我又來探契媽啦！就去老人家膝頭哥痛唔好行咁遠，落樓下街市平台式就最好啦！尤其是價錢經濟實惠，唔使$100兩個人就食飽飽。佢好鍾意扶手電梯上緊第一間，就算兩個人都唔會比卡位我哋，店員嘅服務都幾有禮貌，尤其是會好照顧啲老人家。雖然話食清淡D，但契媽就最鍾意食豬扒烏冬。試過有幾次好似豬扒縮水，今次又大件返喎啖啖肉，成碟裏面有一啖咁多嘅雞蛋，煎得好鬼香。肉片炒可其實同乾炒牛河差唔多，尤其是我加埋啲茶餐廳辣椒漿落去味道更加一流。熱奶茶味道濃郁，不過入口就唔夠滑啊！都好飲…Read More

之前有聽過人討論 farewell lunch 同埋散水餅嘅問題，其實都係講心意。冇話規唔規矩，有啲人都諗住走咗一世唔會返轉頭㗎啦！咁佢覺得請你食餅咪洩底囉！其實一件餅可以平到$5雞，山水有相逢，何必慳果100幾十呢！我成日都要減肥，所以通常多謝左之後我都唔會攞件餅，浪費我quota。所以個同事問我食唔食山水餅，我都笑笑口話多謝有心啦！如果$4.2 嘅 cake 就可以慳返我係真心叫佢慳返啲錢嘅。最後我都指明要$17件芒果蛋糕先至會食 OK芒果甜嘅唔係好酸，慕絲蛋糕入口都有啲空氣感。其他果幾件朱古力蛋糕就留俾其他同事啦⋯⋯我會有期…Read More

呢間野唔平， for 啲老闆去食就差唔多,因為貪佢坐得舒服同埋 靜靜地，有時都會播下輕音樂。幫襯幾次係因為食物質素都唔差，每一次嘅服務都係好一般，尤其是出菜好慢，需要知道打工仔得壹個鐘頭午飯時間，除咗餐湯係幾分鐘就嚟之外，主菜要等上半個鐘，仲要唔係話好多客人，我唔追你就真係九個字先比野我食跟住我就要用10分鐘食個主菜，然後再用五至10分鐘等一杯咖啡。咁樣慢活嘅生活只係適合去旅行，二百幾蚊 set lunch 出咗糧先捨得食。豬扒質素係OK，個沙律我本先想食牛油果，但係來到我見到好多黑色一點點，即係唔新鮮或者爛咗？！…Read More