kkkobi3310's Profile

朝早去完大館睇展，見到原來ShariShari搬左係正大館隔離，咁順路即刻黎食多次先! 呢個新鋪位地點比之前更加方便，我估應該會更加多人排隊，結果未到營業時間已經有6-8人排隊等開門，好彩好快一夠鐘就即刻有得入座~新鋪座位+空間都多左唔洗坐得咁迫，感覺環境更加舒服！夏日炎炎正午時間，就叫左季節限定既青檸忌廉芝士味，夠特別又消暑!本身都有d 擔心青檸會唔會好酸，唔知同cream cheese夾唔夾:$  但食完先發現 Cream cheese 先係個精髓，同青檸的酸甜十分之夾，令到個口感更加綿滑，加埋刨冰中間有d椰果粒，感覺好完滿~!…Read More

同事 farewell book 左呢間環境幾舒服，可以坐得多人既餐廳，電話訂左位去到即刻就可以入座煙三文魚沙律伴檸檬油醋 比想像中大碟，4個人share 每個都分都4-5啖，自己一個食的話應該都幾飽，好啱做女仔輕盈午餐~黑松露醬薯條黑松露醬好夠濃郁！食豬手果陣都有繼續點黎食 xdd，黑松露控必試！白酒忌廉汁煮新鮮藍青口味道一般，青口新鮮但個酒味好似太重，唔太啱口味蜜糖燒脆皮豬手配薯蓉大推~! 大大隻豬手外脆內嫰，外皮好脆身入面juicy 唔會韌，同埋唔會好乾身或者熱氣，好啱一group 人一齊share，下次會想再黎食多次～有氣西柚咖啡本身好中意飲西柚汁同咖啡，覺得combination 幾得意叫左黎試下，非常之有驚喜！冇諗過兩樣野幾 match + fresh，感覺似係清新版 americano，下次黎必飲！XD…Read More

返工晏晝約朋友食lunch，就係公司附近搵左呢間好評cafe試下~訂左位唔洗等即刻可以入座，午餐時段限時70分鐘。餐廳環境好舒服，侍應們服務nice，可以好好地放鬆同朋友傾計(:法式班戟配火箭菜班尼迪蛋巴馬火腿之前未試過食咸既 pancake，諗住試下新野，估唔到幾有驚喜! 法式班戟口感少少煙韌，配埋火腿+蛋味道好夾，中和左巴馬火腿既咸味，食落又唔會好腬～食物睇落雖然好似薄片一塊咁，但其實同朋友share 都好飽英式炸鯛魚柳配薯條同朋友都唔係太肚餓，所以就咁叫多 fish & chips share~ 估唔到塊魚柳都幾大塊，份量十足！整體味道口感中上，魚柳炸漿唔會太厚又唔會太熱氣，配埋沙律更加 fresh，好啱炎炎夏日light lunch!另外有叫左 mocha 同 cappuccino, 屬於正常水準好飲的咖哩，下次可以再試下佢d 特飲～整體食物+服務+環境都好好，係openrice 訂位仲有9折，下次會再幾其他朋友黎食飯(:…Read More

呢排又焗又熱，聽好多朋友介紹呢間刨冰店，夜晚食完飯黎食多個甜品消下暑! 好好彩去到未算好多人排隊，等左2-3枱客已經可以入座。侍應都幾friendly，但餐廳policy只可以落一次單，感覺有d rush~Strawberry Special $90見到隔離枱食緊呢一款，有原粒新鮮士多啤梨係頂，粉紅色刨冰加埋d cream，打卡一流🤣 下面d冰唔係死甜既士多啤梨味，淡淡清新甜味好消暑！Matcha Cream Special  配白玉 $105諗住叫左個偏甜既士多啤梨味，就叫返個茶味中和下！綠茶配白玉經典配搭，綠茶味好濃好好食，我覺得如果冰入面可以加d細細粒既麻糬或者白玉的話應該會更加豐富(:雖然每碗冰都大大碗好足料，但價錢確實係偏貴，加上入面環境有d 迫又望住出面條人龍，唔係果種坐得舒服寫意地食甜品的感覺😂。但單純想食個甜品刨冰既話，佢一流既味道+外觀會令人想再專程黎食多次~! (((:…Read More

朋友係港島區收工，係中環搵間就腳又可以坐低慢慢傾計既餐廳，見呢間環境感覺唔錯就試下先! 唔洗點等位，侍應好快帶左我地坐梳化位，服務幾好熱情有禮，主動介紹佢地啱啱轉左新menu 邊d 菜式好食~ 不過唔知係咪坐正係喇叭附近，背景音樂好大聲，同朋友傾計要好大聲講野先聽到😂叫左 Margherita Pizza＋ Galletto Alle Erbe  ＋ Spaghetti Al Pomodoro，整體份量偏細，最奇怪既係每道菜都唔係熱辣辣地上菜😂，全部都係暖暖地咁，好似廚房出左菜隔左段時間先拎上枱，但明明現場客人唔多😂😂食物溫度既關係，令到d 野食味道感覺都好一般般，如果係熱既應該會好食好多，希望可以改善一下~…Read More

朋友生日決定黎呢間裝修幾得意既餐廳慶祝~!一入門口已經係充滿藝術玩味既裝修，Menu 都係一貫搞笑創意風，叫野食都叫得特別有趣 (:#唔算基本野：海洋生物沙律 $122同個菜名一樣幾有驚喜，蝦同魷魚煎炸得好香口，估唔到加埋有d雜莓係入面，好fresh 好開胃! #點解個個都叫軟殻蟹比薩架（仲要有菠蘿）$138有完整一隻軟殻蟹係上面，每人都肯定分到幾啖蟹唔洗爭(:  批底算係偏薄既底，唔會好滯。菠蘿甜甜地配埋軟殻蟹好夾!#熱情的沙漠 $48其實係比個名吸引左叫黎試下，原來係熱情果茶，飲落有d d似凍檸茶。杯野飲泥黃色好配合返個沙漠既意境XD#甜品 - 柚子芝士蛋糕 ＋ 黑芝麻芝士蛋糕  $128/2pcs訂位既時候有mark 定甜品寫Happy Birthday，有點埋蠟燭上菜，可惜係可能前面幾道菜都好好，有期待之下甜品就比較遜色。味道非常普通，似係現成批發果種蛋糕，對比返個價錢CP 值偏低，唔太推薦 ):整體上，環境食物同服務都好高質！如果甜品再改善下或者加多d款式就更加完滿~!…Read More

係旺角想搵間靜靜地、舒服、坐得耐d既餐廳, 就試左呢間地點幾方便既樓上cafe!餐廳員工比較少，有d似自助式cafe，但勝在唔會有職員催趕，坐耐d傾計做自己野都比較自在舒服~#日式炸雞咖哩飯擺碟幾有心思，將d炸雞同咖哩汁用飯隔開就唔驚浸到淋哂。咖哩汁係傳統日式微辣果種咖哩，飯混合左紅糙米更加有咬口，汁配埋d飯感覺好野味，不自不覺食哂d飯! 炸雞幾有驚喜，外脆內軟，入面d雞肉好滑同juicy，唔會好油膩同熱氣(:$68 份量好足夠，cafe 黎講都幾抵食!上菜時間的確會等得比較耐(~15mins)，但本身都坐得耐 做自己野既話，其實又ok 影響不大~如果係好追求服務/打卡果類cafe，呢度可能未必好啱你，但如果係想搵個寧靜舒服傾計既cafe，呢度會係幾推薦既選擇~!…Read More

公司附近經過見到呢間新開既麻辣野即刻試下先!可以預先用 QR code 網上落單，放飯時間去到餐廳唔洗排咁耐隊，幾方便！鋪頭姐姐忙到爆都依然好有禮貌，服務加分!去返食物質素，可惜地有d伏 #金湯酸菜魚飯 (轉土豆粉)#酸菜魚同土豆粉分開左2個罐頭式包裝。酸菜魚湯底偏化學的酸味而冇辣味，有4-5塊好薄既魚片，口感比較梅。土豆粉完全冇味又冇湯非常乾，口感似烏冬。全個set 要靠自己撈埋包辣椒油先覺得好味d d。$55黎講份量好少，味道都麻麻，唔會想再食):#海帶結#一串有3舊，非常非常之鹹，但冇浸過麻辣湯汁，會覺得係唔合格的串串 ):本身食串串就係期待夠辣夠野味，但結果食物令人好失望，服務再好都難以挽救，希望會改善下啦!…Read More