justeatandshare's Profile

成記牛什粉麵。琴晚想試但摸門釘，於是再去試試。好彩有開門🧐整碟腐乳通菜先。菜比起江仔記那些通菜，好像巨人版🤪牛雜河走膀牛雜尚算幾稔，不過唔算話好香好入味。河粉都係偏向厚身，唔算特別滑。湯底正常。主角現身，淨牛丸。牛丸應該有七粒。唔係平常彈牙牛丸，但又不是肉丸質感。介乎兩者之間。幾香，入面有d 蒜定冬菜之類的料頭。就咁食都幾夠味，點埋辣椒油仲正。埋單$75。有三樣嘢食為返$25一味算好好了。有機會可以再食：）…Read More

本來想去試成記，特登搭車過去。點知去到成9:30 時，佢貼出休息一天。由於做完野未食飯，所以求其搵間食算。見到附近有呢檔合利潮州粉麵就試下。牛筋幾夠稔。牛腩帶少少肥膏，所以唔太柴，都有少少牛味。河粉略嫌厚身同唔算滑，飽肚角度可以但食感就差少少。腩河嘅湯普通，冇乜特別。阿姐有問要不要辣椒油，原來枱上冇得自己加。可能因為辣椒油係店的主打之一，有得買樽裝，所以只會俾少少。圖中那碟就是我得到的。老實講，如果好味想人買，可以俾多少少，等食客可以試真些少啦。味道不算太特別，但這價錢都唔可以要求太多了。…Read More

一間多年前去過的吧，近來發現她因Excelsior 改建而快將結業，所以再次常常到訪。吧的環境清靜，除非是週末或星期五晚，一般下午黃昏去也很舒服。飲品方面，有多種draught beer 選擇。其中最喜歡Boddingtons Pub Ale Gin Tonic 也不錯 - Hendrick’s Gin食物方面, 由於去過幾多次，都試過幾款食品。Chicken Tikka Masala 醬汁香濃，微辣，雞肉不乾，炒飯非常乾身挺身，薄餅普通。Potato skins 比較乾身，略為失望，可以不叫。Spicy calamari 醬汁比較濃厚，因為偏甜，份量頗多所以一個人吃會太膩。Nachos 非常大的份量，香脆，guacamole 都幾香，如果辣些少就好了。不過我一個人食，都幾滯下。Apple crumble 非常香脆，蘋果醬甜甜酸酸，味道很好。三月底將會結業，有興趣的朋友可以去試試！…Read More

近來食左兩次，都係因為聽講炸醬麵幾好食，諗唔到食乜同埋行入去有位唔使等。炸醬麵，份量細，基本上可以幾啖食完😅。麵的質地幾彈牙，不過兩次都帶些少濕。甜辣味也有，略欠點酸味，細個食好似有甜酸辣味。我只是普通食客，所以不知是否這樣才是正宗。上次也試吃了雲吞及鮮蝦腸粉。雲吞細粒（有8-10粒左右），都算新鮮同有點香。跟麵的湯都幾清。腸粉皮不算特別薄，帶點黏所以不太滑，蝦幾大隻。上次埋單好似差不多兩舊水。今次又係諗唔到食乜，行過又入去食下，試下水準是否穩定。炸醬麵差不多，今次辣味多了些少，都係有甜味冇乜酸味。另外試了細份白灼腰膶（90幾蚊共6-8件），新鮮冇「壓」味，不過偏貴。 奶茶可以不叫，沒有太特別。題外話，今天侍應阿姐送來奶茶時，因為茶色很深像華田，我多口問了一句，「請問是否奶茶來的」，阿姐指指白糖，沒有回答之後就和她的同事在旁咬耳仔，我沒有聽清楚內容，我估大概都是「不是奶茶是甚麼。」後生阿姐見我望住就提醒那位阿姐別説。其實我只是想搞清楚點單而已，我也不是沒禮貌，之後那位阿姐好像不時眼神怪怪的望著我，這點令我有點不高興。當然，茶比較濃，沒有甚麼奶味。整體來說，不太差。公道說，也不是全部侍應也這樣，上次的阿姐非常有禮。可以一試，又或者我會試下其他分店，看看到底水準是否統一。…Read More