llhhmm的個人專頁

疫情關係，媽媽已兩個多月沒外出用膳，更加沒去串門探親友。今早，媽媽應表妹邀請，入大埔探細姨一家，順便到表妹新婚新居坐吓。今天是星期六，沒事情趕著要做，做個孝順女陪媽媽一天。表妹表妹夫熱情招呼，還帶我們遊大埔，去了鐵路博物館。下午三點幾，找個地方坐吓傾吓計，來到太和中心芝加哥串燒酒場。可能是日間，客人不算多。場內有部超大電影在播足球比賽片段，表妹話，有球賽時，坐到出門口，有錢都無位坐。酒場環境雅緻，不停播著廣東歌、國語歌、日語歌、英文歌，有新歌(潮流時尚的感覺)，有舊歌(熟悉懷念的感覺)，有氣氛的酒場。媽媽不愛喝酒，表妹為她點了 Pineapple Mojito，一種用蘭姆酒、青檸汁、糖和薄荷調成的雞尾酒，再搭配台灣鳳梨。我拿來喝一口，迷人的酸甜滋味，蘇打水帶來夏日沁涼，讓微微氣泡感如在炙熱太陽下的一陣徐徐涼風，讓人心曠神怡，真的好清爽好好飲，非常適合受不了酒的辛辣和苦澀的人。我就點了 KIRIN(FZ)-Osmanthus 麒麟啤酒，桂花味豐富，上面一層又是泡沫又是沙冰的「酒蓋」，非常吸引。燒宮崎去骨雞腿：我從來不吃雞皮，但實在香脆不油，破例一次。雞腿多汁嫩滑！香蒜燒鮮鮑魚：當然的鮑魚鮮味，肉質彈牙，伴有炸蒜、香蔥，好惹味！芝士雞髀肉串和芝士和牛串：烤過的芝士，少少融化，包著雞髀肉粒、和牛肉粒，好香口，喜愛芝士的一定要點，就算你不好芝士，吃過之後，你會愛上它！培根車厘茄串：即是煙肉包著車厘茄，煙肉咸咸地，車厘茄清甜， 絶配！一口和牛串：和牛嫩滑，肉汁豐富，超吸引！鹽燒鮮白鱔串：鱔皮燒得香脆，鱔肉素來都是油脂多，但用燒烤這烹調方法，反而能將鱔肉油份減去部份，鱔肉嫩滑不油膩，有驚喜！燒日本博多雞子：雞子不是火煱時才會點的嗎，原來雞子都可以燒，炭燒後除去雞子腥味，值得一試！XO 醬燒廣島蠔：XO 醬不用多說，蠔肉滑、蠔汁鮮！味增甲羅燒：外表不是太美麗，但蟹肉鮮甜、蟹膏濃郁，味道取勝！燒雞泡魚乾：最初以為會硬繃繃，食落輕鬆易咬有口感，送酒一流！燒紫菜年糕串：圓圓偏偏好可愛，煙煙韌韌好痴纏！怕熱氣怕出痘痘的朋友，我提供一個方法(媽媽教的)，未食嘢之前食兩粒牛黃解毒片，餐後再食兩粒，就不會熱氣出痘痘。…查看更多

今晚呢個薑蔥魚雲煲好好食首先好夠鑊氣啦完全做到嗰種出邊脆，而入邊繼續有魚既嫩滑感覺火候拿捏啱啱好同埋食得出本身個魚頭質素都唔差味道都做得好好，唔會太鹹例湯嘢飲白飯，仲有糖水送今晚嘅糖水係咋喳，不過不失呢個價錢食到魚雲煲，喺將軍澳都算係咁高質有驚喜服務態度都幾殷勤，見同街坊嘅關係好似都唔錯環境就正常茶記咁啦，不過就唔算好多位杯凍檸茶嘅檸檬就麻麻地，同埋叫咗少甜，但佢似走甜我見佢加$3有冰鎮奶茶，下次試吓先…查看更多

將中裝修之後開咗好多新食肆，金田家係其中一間 ，日本拉麵不嬲間唔中我就會食下。入到嚟見到好多拉麵舖都會見到嘅凍水壺，仲有芝麻，同埋七味粉。拉麵舖嚟講佢選擇算係幾多。我叫咗一個黑蒜拉麵，蒜香味好重，湯底都好濃郁。 因為本身個拉麵筋嘅係腩肉叉燒，所以我叫多咗個黑豚叉燒，諗住兩隻肉都試下味。啲叉燒肉味好香， 同埋作為腩肉叉燒嚟講，佢唔算好肥。不過 如果厚切啲，同埋可以冇咁乾就應該更加juicy啦。溏心蛋係一流嘅！雖然十幾蚊一隻，但我都覺得係值得加嘅！好好食！蛋黃超級香！ 同埋完全做都溏心嗰個效果！質地非常好，出面嘅蛋白亦都好彈。要讚一讚佢呢個炸雞炸得好食過kfc 真心高質！出面嘅皮唔會好厚，完全做到炸香，裏面嘅肉好juicy，嫩度啱啱好。 而且佢仲要配咗三隻唔同味道嘅粉，包括係綠茶粉，梅子粉，同埋咖哩粉，點三隻都好好食，味道有唔同嘅層次！老公點咗個柚子辛口拉麵， 我想講個湯底真係勁有柚子香味，同埋酸味，好開胃！勁鍾意！下次嚟我都會點呢一個！總括而言佢都係我食過幾好食嘅拉麵店，軟硬度有得揀，蒜多蒜少有得揀，油多油少都有得揀！ 香港人最緊要有得揀！…查看更多

每次想食放題又想打邊爐就會諗起倫哥，質素有保證得呢食得又飽。而且兩樣都可以食到，唔使二揀一心思思。 去佢分店都可以儲返個collection，而家真係開到成行成市。先嚟花膠鮑魚， 煮好再等你一開頭有啲嘢落肚先，唔使等其實食咗雞煲先打邊爐呢個到底係邊個發明嘅食法嚟㗎呢？我次次食完個雞煲都已經ok飽。佢個雞煲一如以往好香。刺身唔算多，但係已經好大路夠我食啦。而且每一次都好鮮甜。食完雞煲上邊爐，就係海鮮出現嘅時候喇！而家打邊爐真係好少食肉，通常都係食海鮮。 佢嘅海鮮好新鮮而且都幾多款式。 我通常唔使encore就已經飽咗。話就話少咗食肉但佢呢個牛肉都係不得不食嘅。每一次食完佢呢個牛肉呢都覺得出面食唔到呢個香同埋呢個口感。最鍾意佢就係將兩片牛肉切啲唔切啲咁樣黐埋一齊，個口感好豐富。今晚叫嘅蕃茄濃湯，堅濃！呢個檸檬薏米水甜咗啲，所以飲番個烏龍茶中和就差唔多啦。食完仲有椰汁燕窩浪口做甜品真係好正呀！大滿足…查看更多

行落街市買外賣，本身都係諗住買個燒味飯，點知發現原來多左間西餐，係街市開西餐真係幾搞野，不過見個樣都唔錯就俾個機會佢啦！揀左兩個意粉，幾份小食。個presentation外賣黎講都算唔錯。我揀左個帶子雜菌黑松露扁意粉，帶子幾好食，都煎得幾香，黑松露味岩岩好，唔會太over，雜菌好多，個sauce都唔錯，幾creamy。老公就揀左個雞扒蕃茄汁意粉+温泉蛋。件雞扒不過不失，煎得幾香，蕃茄汁唔假，都食到蕃茄，蛋蛋可以再大隻D，但質地真係唔錯既。小食有炸魚，薯角，兩種雞翼。我老公鍾意黑椒雞翼，我就覺得柚子雞翼好食D，佢個酸度好岩我。anyway, 味道唔錯，可以encore, 個蜂蜜綠茶都幾好飲，豆漿就Normal。…查看更多

隔咗一段時間冇黎cafe，因為覺得cafe啲嘢食冇乜質素。 不過今晚有friend話嚟呢間，咁就嚟試下啦。 認真今次覺得佢啲嘢食好食咗無論係個friend叫嘅鰻魚飯， 定係我個焗豬，真心都覺得唔錯！ 係一開頭呢個湯都仲有啲改善空間啫。呢個沙律幾好食，菜嘅款式好多，又唔會淨係得啲醬原條鰻魚飯個鰻魚都幾好食， 而且份量都唔曳。焗豬舊豬扒夠厚，啲飯都幾香蛋味。我哋一個叫咗個芒果milkshake，另外一個就叫咗杯秘製咸柑桔。正！兩個都好飲！兩條友喺cafe其實都唔係好玩到好多嘢。不過都可以UNO/ 冚下棉胎最後件cheesecake甜咗少少。…查看更多

好友生日，決定食餐素慶祝一下~餐廳將每一套餐具都放係枱度，都幾方便既！本身自己都幾中意食PIZZA，所以一定要試佢個素食PIZZA喇！芝士蕃茄味，皮薄又脆，個人覺得唔錯！再試埋放係PIZZA附近既墨西哥卷，入面加左辣椒醬，唔太食得辣既朋友應該會覺得好辣，雖然食完即刻想飲番啖水，但令我有想食多舊既衝動。墨西哥卷隔離仲有個素漢堡扒，口感都有D似肉，食落去都幾IN UN又唔會有滯既感覺。另一樣我比較欣賞既炸物係芝麻芋圓呀，一啖咬落去就有啖啖芋泥同埋青蘋果蓉，D味都好夾，同埋足料既！除左食煎炸野，我地都食左唔少涼拌菜，大熱天時食就最岩喇！好中意佢個萵荀，爽口開胃。另外仲有芋絲炒菇，再加左D三色椒，都係配搭得唔錯，味道又唔會太濃。廚師仲整左豉油皇腸粉，因為加左D豉油，食落D味就冇咁寡喇！甜品方面，最中意佢個涼粉，加少少淡奶已經好好味，同埋整到細細粒賣相都唔錯！芋頭西米露都同甜品鋪個D有得揮呀！因為今次係慶祝朋友生日，咁岩餐廳有壽包，加枝蠟燭仔即刻可以許番個願同吹蠟燭呀，蛋糕都唔駛買！…查看更多

講明先，係專程去食半價晚餐set嘅，所以先會話係抵食！😂😂侍應有介紹埋清酒放題嘅，但係覺得太早所以廢事飲咁多，只係叫左一杯柚子highball。套餐就每種食物都有得order，方便哂咩都想試嘅人。柚子highball就冇乜特別啦，飲得重酒精嘅人會嫌淡。不過以我嘅口味就夠嘅。先黎個沙律，呢個係要加錢叫的。但係值架，魚生同啲生菜都幾新鮮嘅，魚生分量唔少。👌🏽清酒煮蜆老實說有點失望的。話哂係餐廳推介呀，但啲清酒味有啲淡喎。分量還可以啦。😐一聽到話有原板海膽即狗衝，但係實物同相片係有些少出入嘅。🙊不過個分量夠架啦兩個人每人都食到三四卷嘅。不過質素平平啦，勝在每件都大大件。😛燒蠔串係唔錯架，一串3至4粒，size都唔錯嘅。蠔嘅味道都濃郁，個內裡都係軟嫩嘅唔會燒到硬哂。😋炒飯就正正常常啦！整體黎講炒得幾香嘅，蟹味就唔好太高期望，始終都係炒飯黎啫。但分量就搭夠啦兩個人每人食到兩碗架。😝雪糕反而有驚喜，但係係岩我口味多。因為佢有茶味之餘亦都好香奶味。平衡得唔錯。😋😋…查看更多

其實之前食過另一間分店，覺得質素正常，冇乜驚喜。經朋友介紹話中環呢間分店好食d同埋轉左新menu，所以黎試試佢先。🧐先叫左飲品，有幾款圍繞住春天做主題既野飲而我叫左杯cocktail。佢上枱個陣夠哂gimmick，有杯乾冰係底，可以叫佢幫你倒杯熱水落去，自己玩又得。🤓一倒就出哂啲仙氣出黎呀，美中不足係佢放返杯cocktail上去之後啲仙氣會經隙縫衝出黎形成左個v字就冇咁優雅嚕。講返主角先，果味重酒精濃度不太高所以驚酒精味嘅人可以放心飲。其實menu上有好多吸引嘅主菜，但我見到牛又係招架不住。塊牛扒分量好夠，難得仲配埋舊牛油俾你。一切落去其實有啲驚，因為好難切開🙊，諗緊會唔會係太生呢。點知食落口反而係好嫩口，係近期食嘅牛扒最好嘅一次，而我懷疑係把刀唔係切肉嘅刀🤣，什至扯開啲肉仲容易過切，就知其實一啲都唔韌。重點係，個汁好好味，個汁好好味，個汁好好味🤣🤣🤣。因為佢唔係普通燒汁，入面加左好重手嘅黑松露醬，超級香超好味。薯條就普通啦，但反而蔬菜有心機，唔係純粹烚熟淡而無味個啲喎係有調味同熟度岩岩好嘅。叫呢個鬆餅嘅時候個侍應話要30分鐘或以上，但我同朋友都好想食就照等。點知準時由落單到上菜係exactly 30分鐘🤣size唔細架其實4個人食都得。一切開啲醬真係流出黎，同埋真係好好味！有蛋香，超鬆軟，唔會濟，超級好食呀！😭兩個人就ko左佢嚕超級滿足！…查看更多

佢啲座位都好闊由其梳化位，一班朋友坐都幾舒服😌食物都係一般cafe會有嘅，不過啲飲品名好得意😂但會寫成分嘅。我杯飲品叫幸運之輪，係士多啤梨橙梳打。入面有士多啤梨粒，唔會好甜，算係咁啦。小食叫左個雞翼，主菜係三文魚意粉。先講意粉，煙三文魚好味呀😋，大大塊又厚肉又唔會乾，意粉汁好濃忌廉味嘅，意粉係普通啲但至少佢煮得岩岩好，唔會太稔又唔會痴住👌🏽。雞翼好重黑椒味，都有少少酸味但唔太似一般墨西哥雞翼嘅味。可能係黑椒味太重但因為咁所以夠辣。…查看更多

咁多好評但7點半去都係得一兩枱喎竟然，不過其實坐一陣就full哂嚕，好彩有訂枱啫。食物係唔平架即管試下啦。🤔先到野飲，如其名係好重熱情果味但唔會太甜喎，好開胃。而且有幾塊薄荷係入面真係好清爽，好味道！🤤叫左碟青口，一上菜我同朋友都O左咀因為明明係小食但係好大碟，我地仲驚要外賣走😨。個汁好好味，因為有少少辣又好濃椰汁，而且青口大小剛剛好，唔係外面買急凍咁細細隻，但當然唔會超大隻，食食下又食哂嚕因為個汁好出色。😋主菜叫左T bone因為唔係度度都有架，賣相好靚架佢個底仲有成舊燒蒜頭，燒到個面少少焦，內裡都係好稔架。T bone叫左5成熟，建議下次叫七成因為個牛味可以再出啲😄，但唔會韌。而且本身調味已經好夠，再點佢側邊啲鹽就會太鹹架啦。🙊整體來說係高質架，由其係個青口好impressive我下次會再嗌！…查看更多

見個dinner set都唔算貴又有牛排，至愛牛排嘅我又落左搭啦。所以叫左個full set有餐湯，沙律，小食，主菜同甜品。咁多野食都只係$388其實真係抵嘅。不過食物質素先係重點！黎左飲品同沙律先，茶係唔需要加錢而且無限添加水嘅。沙律就正正常常啦，啲醬望落唔多嘅但其實已經撈好哂，所以每塊都會有味而且算新鮮。然後到蘑菇忌廉湯啦，因為佢係用真蘑菇打成湯，所以又濃又有蘑菇粒粒，飲得出真材實料。香酥蟹肉餅切開會見到一條條嘅蟹肉絲，用薯泥做餅所以個餅好入味，外層亦都冇炸粉只係一層薄薄地嘅bread crumbs所以完全冇用粉墊大舊啲架。到主菜牛排啦，哇好q大塊呀！係個碟都擺唔哂要疊埋佢個種大！叫左5成熟，但其實我覺得似3成。肉眼排真係好夠肉味，而且唔會韌。而且伴菜都好多又好食，薯條無論擺幾耐都係脆架！最後可以去佢個甜品櫃睇叫咩甜品，又中意抹茶又中意cream嘅我自然俾呢件千層蛋糕吸引左。但係進步空間好大😅😅每層pancake都好厚，而且好硬🤭但好嘅係調味唔會太甜又夠抹茶。整體黎講比較遜色啦⋯不過全個餐黎講個性價比係唔錯嘅。…查看更多

餐廳主打沖繩名銜，裝修都有日本風，有齊哂卡位，望住師傅嘅吧檯，什至tatami嘅位都有。呢度最低消費係一杯飲品同佢地盛惠二十港元嘅頭盤小菜，一坐埋位就會俾條暖毛巾你抹手同每人一碟小菜，係一件鰻魚冷盤。前兩日先食完件極品鰻魚，絕對係將個standard拉高左，心入面驚緊呢件貌似普通嘅鰻魚會令人失望。點知！係驚喜！首先係一啲腥味都冇，而且唔係用汁去蓋過陣味，因為作為前菜調味唔會太重！肉質脆，最重要就係冇骨！其實唔係冇，而係明明見到有，但食落係冇感覺到骨。加分！然後上左飲品，叫左杯Highball，店舖以首間引入日本高壓製梳打水機為selling point，飲落真係好順滑，唔“喇”喉嚨，正！漏左一件事，因為一埋位就已經好忙，佢地仲會推架車仔show佢地啲新鮮魚同價錢，會即刻劏魚做料理，刺身同熟嘅料理都會推介俾我地。但我地偏偏睇中嘅係生蠔，因為160蚊半打真係好抵！隻隻都好大隻，食第一隻淨係加檸檬汁，成個口都係海水味，但唔係鹹而係鮮甜！可惜嘅係俾啲蔥搶走左啲味。所以第二隻我撥走左少少蔥，加少少佢地特製嘅果凍醬汁。perfect池呀！鮮之餘啲果凍係吊左更多海水味出黎，仲有少少甜甜酸酸，我一度懷疑係啲類似柚子醬油嘅汁煮成。然後係雞軟骨肉餅，每次上菜店員都會介紹點咩醬汁，今次係生蛋黃！😍第一下咬落去就標左啲肉汁出黎，肉餅好嫩又多汁又有啲雞軟骨咬口，點蛋黃真係天堂呀🤩雞肝炒韮菜芽菜係用鐵板上，日本人店員就算唔識講廣東話都會用英文提醒鐵板熱，貼心👍🏽主角係雞肝，果真係好多舊雞肝🤣，份量唔講得笑。啲汁好濃稠所以韮菜芽菜好夠味，黑椒味好重。明太子芝士餅一上菜我有少少驚喜，因為同想像中唔同🤔。不過食完就覺得好特別，雖然明太子不太出味但係舊芝士好好食！外層係芝士原本硬硬地個層野，再燒就更香，個心係超級軟，食入口就融左可以慢慢嗒😋。芝士本身就唔會太鹹，所以明太子鹹鹹地嘅配搭就岩岩好！整體黎講性價比極高👍🏽，好似去左間高級居酒屋但價錢不離地。由其係佢新鮮即劏嘅海鮮料理！唔怪得之都有唔少明星黎食啦（咁岩坐左係隔離檯😛）…查看更多

6點左右到埗食個early dinner，驚遲啲就會排哂隊呀（事實真係一個鐘後就要排隊等位啦）。一入到去右手邊有幾張二人枱，前面就係普遍拉麵店可以望住廚房嘅bar枱，隔離仲有幾張二人枱。雖然對住廚房，但睇得出好整潔而且用電磁爐所以冇熱氣冇油煙，係賞心悅目呀。我叫左招牌鰻魚飯同溏心蛋，皆因望住師傅燒嘅大大塊厚肉鰻魚好吸引！😍目不轉睛雙手冇停過咁塗汁啦又要反轉又要火槍燒，平日唔太食鰻魚嘅都要叫。溏心蛋係拉麵店必食，冇食拉麵要補叫返！🤓鰻魚飯要等，但溏心蛋先上。個蛋黃超正，比起平時食嘅溏心蛋冇咁鹹又夠香。😋鰻魚真心好厚，右上角有碗清淡嘅魚湯加芥末八爪魚做小食。望落飯量唔多，但舊鰻魚都食飽你。平日不愛鰻魚因為食落就係又薄又俾啲汁搶哂味，又要擔心啲骨🙁（雖說好多人話食得😅）。但今次完全唔使擔心，啖啖肉又冇俾啲汁蓋過魚味。表面脆同鬆化，再咬就係滑嫩到爆嘅魚肉，極品！😍…查看更多

知己相聚更要找間靚靚餐廳啦😍！今天我們去了屯門市廣場GIRL X BOSS食嘢，這餐廳選擇多，環境又靚。選擇太多下，我們選set 是最佳的，因此我們點了Bossy Royal Set(2 個沙律＋2個半份前菜＋1個Main Course +2個半份意粉丶飯或pizza ）一個價錢能有7款菜式，我們越食越開心。未上菜前，待應取了一個三層架到我們桌上。當時我們覺得很奇怪，但原來是有很大的用途。我們覺得餐廳為顧客細心的準備，不用桌面上放很多的餐點。我們點了......三文魚柚子檸檬玻璃杯沙律沙律杯外觀很靚，未食已令人心曠神怡。柚子汁配上沙律菜，將爽脆的菜加添清新味道。再配上數片的新鮮青蘋果，令人胃口大開。牛油果鮮他他賣相非常之吸引及色彩很豐富，底層為牛油果粒，中層有章魚粒及蟹柳粒，面層有綠色及紫色沙律菜。章魚粒爽口彈牙，牛油果不會過熟，而沙津菜與海鮮和牛油果會給妳一次過享受到多重口感。最重要是醬汁都非常好味。煎鵝肝白酒煮蜜桃烤爆谷一整塊鵝肝，超於一只义齒。鵝肝煎得很香，味道很濃。再加上伴碟的蜜桃，兩者有相輔相成的效果。烤蒜蓉牛油龍蝦蒜蓉牛油醬汁好味，龍蝦新鮮。烤焗時間剛好，不會令蝦肉過火。巴拿火腿四重奏芝士薄餅餅底爽脆，利用芝士鋪面，再加上火腿面再放上水牛芝士，口感豐富。半份的薄餅來說，份量都不少。煎帶子芝士蘆筍意大利飯帶子鮮嫩彈牙，芝士意大利飯味道不會過膩，蘆筍爽口。全碟一人吃完都沒有問題。雪糕甜品選了軟雪糕，與一般不同是帶有微小碎冰。牛奶味很香濃，再加上彩色脆球。又靚又好吃！雪糕還能外賣而不需堂食呢？😍正！…查看更多