唯食女王's Profile

係中環度過期假而且住係威靈頓呢邊，要出動覓食了。上午時間，行左成圈，見有餃子食，又有咁多介紹的報章，又撞正佢剛剛開門，所以就膽粗粗入左去有啲唔同的雞絲粉皮，粉皮好薄，個汁就酸酸地 我中意 我家人很不喜歡 最後被我食光 因為落左醋吧 所以味道酸酸的，其實都開胃啦叫炸餃子要加錢的，不過都有10粒，脆脆的，又細粒，咬左一啖啲肉汁會漏出來 如果多啲會抵食啲 不過係呢區 呢個價算好實惠隔離店係日本人遊客拎書黎嘅，兩人都叫左蒸餃子 食得津津有味叫左個湯麵，蠢左 唔應該叫雞絲湯麵，可是叫左先知，雞絲湯麵個湯底好淡，麵條口感還好 唔太林身 不過雞絲需要加強一下，比雞絲粉皮的更差 完全冇食到的。青瓜絲同成個麵好不搭，感覺係畫蛇添足了…Read More

在北角渡假，酒店沒甚麼好吃的。於是出外游游，尋尋覓覓找到呢間店 被佢嘅咸菜豬肚煲吸引入去 可是最後忘了拍照 好喜歡店主的擺切，最適合唔知點揀菜式的我們，而且提供了意見炒回窩肉（忘了菜名）太耐了味道偏濃，菜好林而且好入味，豬肉用左三層肉/五花肉，厚度好適中，可是味濃了點，唯有狂食飯我最愛的四季豆，第一次食唔知呢到啲野咁重味，呢到係食剩的，雖然浪費，但味道還好，只是有點濃。四季豆炸過黎，再炒，所以好juicy 肉碎都係咸左啲最重要而又吸引我地入去食的豬肚煲忘了影相，味道香濃，而且豬肚夠林身。只是份量相當大。食極都仲有見到人地都叫雲吞雞，下次可以試下PS如果店主唔用咁多味精我會常來的…Read More

其實成日都會黎食 除左譚仔 呢到我常來的，每次都加$5要個酸菜不過平時外賣多，所以今次見堂食就影相啦。食親都係豬扒 因為最好食以前試過食雞絲同埋雜錦但都覺得雞扒最好食最難食係韭菜水餃雖然家人不認同不過口味呢家野 每個人都唔同我中意食中辣以上家人只食清湯咁當然唔會明白點解我咁中意食啦豬扒醃得夠味 而且拍得夠鬆，又薄 再浸落啲湯食好和味啲花生唔夠脆啲酸菜唔夠多 所以我再加$5要多啲 真係多左好多繼續努力 我會繼續支持的…Read More

星期六同小朋友去報名上堂，試完堂就搵食了，小朋友嘈住要食佢 雖然我真的很不愛食 但佢中意 大人邊有計呢叫左佢最中意的雞翼，一個芝士pizza,一個番茄意粉，一個佢最愛的三文魚沙律同一份三文魚，任飲汽水，埋單都係$1XX價錢的確好平，不過質素，意粉同pizza都好差，雞翼好啲最差呢個，冇番茄味，好淡，而且芝士粉同呢個番茄好唔夾，再加上咁林的意粉 我真係唔識欣賞了，不過小朋友中意食，冇辦法啦四色芝士pizza 其實食落冇咩味，芝士真的食唔出有多於一種，而且茄汁唔出，好淡個pizza批好冇誠意，交貨嘅我係嘉頓都買到，事關佢真係好平，唯有接受啦煙三文魚小朋友最愛食了。有4-5片，好有誠意而且又唔貴三文魚沙律，沙拉菜算新鮮，汁太多，但我地自己問題 冇叫少汁唔怪得人，而且性價比佢成日都叫住要食的雞翼，的確味道都不錯！不過我食開土匪唔識欣賞呢個總結 小朋友開心就好，我都會陪佢黎…Read More

今日提早左收工，就同同事去左尖沙咀行街。行到好累，又經過金巴利街，冇理由唔食下韓國野，因為要回家食好晚的晚餐 就上開飯搜尋下啲野食，見呢間好似好唔錯就試了，點知中伏了等左4個字，又咸又鞋的雞，我真的不明白點解可以咁嘅樣。食左兩口（每人一口）狂飲韓國飲品（每人兩罐）先止到咸然後狂食 食剩的沙律呢個沙律一落完單，5分鐘送上，味道酸酸的，唔錯。份量同性價比都還可，本來食剩的，後來因為個炸雞同雞串太差嘅關係 食晒了從未食過咁難食的炸雞，黑晒，而且超級硬，想點呀？個汁更加不知所謂唔酸唔甜唔咸，啲花生碎又益左 仲要等左30分鐘以上，唉，伏來的，如果不是開於金巴利街（韓國街）恐怕早已關門了。只可安撫自己呢到做游客生意 係咁架了…Read More

今日星期日，我地又外出覓食，去到荷里活間間鋪都人海人海 幸好12點幾嘅時候呢間野唔太爆，有位坐。不過我地食緊果陣已開始多人了。呢到好光猛而且又多位，都舒服啊！男人每次都叫牛架了，佢話呢間牛比越一好食。湯底呢，就會比越一好，好濃味，我試了口，都覺得好正我叫左雞絲湯檬，本想食撈檬，可惜太想試人地個湯底，所以都係食湯啦，個湯底都好唔唔錯 比上次同家姐試果間觀塘樓上鋪3越好好好好好好多倍，呢啲先叫越南粉囉再加左個小食份量好少，味道都麻麻。始終似交貨黎嘅野食啊⋯⋯而且裡面啲料都有陣怪味下次只會再食湯河或試食撈麵臨走先知有外賣。…Read More

今日落錯車經過呢間 男人去即興去馬會，我咪同小朋友就附近搵野食。想食湯麵野就入左呢間，叫左兩個午餐加個小食春卷好似叫做做三牛河，有三種牛的，國牛丸，牛腩，牛肉（男人食的）所以冇睇到個名食越南野我都好中意 雖然戒左牛 但都飲個湯好似好難全戒了 慢慢來吧罪過罪過湯式算好，不過都未到最好 未夠濃 但好食過我之前同家姐去觀塘果間樓上越南店多多聲囉我叫左個雞翼湯檬，雞翼炸過龍，雖然好夠味 但過左就乾了 影響個味份量都好夠的加左個小食，好似成20幾蚊得2條，而且炸到咁黑 咬落又唔好食 好一般，食左一啖比左男人試 佢都唔肯再食埋另一條 平時都冇咁挑 證明左呢個菜式的味道有幾總結 下次可以試 因為湯麵都唔太差 但炸物就可免即免了…Read More

成日都黎食架啦 今次寫食評主要係發表下希望佢地負責人可以改善下我地今日二人星期日黎食中午，點幾黎 要排隊 完全明白，叫飛 我地行慢一步 然後飛左我個號比下一個都算啦 啲態度呢（你懂的）然後再排過都唔緊要 咁你張飛唔好寫（如叫號超過5個必須重新排隊等字眼啦）算啦 鬼叫自己唔夠人大聲 又唔夠人行得快咩好啦 我地等多4個字終於坐低左，叫左個腰果雞丁，牛展麵，小龍包牛展唔太好，男人話啲牛肉質好硬，唔係應該係林身啲？我戒左牛 冇食過唔知了。只是$7X個麵再加一再加茶水 都要成百元啦，得幾片會唔會小氣左啲。算啦 反正質素麻麻 佢都冇食晒麵湯完全好淡味 好似冇味咁 唔知點解同之前分別大左咁多 真係好似飲緊熱水咁腰果好食，有益冇林到，但係雞丁醃得太差，得表面有味，裡面有雪味，完全係食完腰果然後啲雞冇咩食過囉小龍包質素最正常 新鮮出爐，而且多汁係我地兩人食八件好漏 如果推出4-6件會好開心下次仲黎唔黎？應該唔再黎呢間分店 去第二間囉…Read More

今日男人生日，上次已試過了午餐，好回味，上次300有找。今晚食左$1300有找當然食的質素大大提升啦我地揀左個$520的帶子套餐，生日假惠有半隻炸雞送同埋飲品，另外叫左個極貴牛套餐，三杯飲品。然後，炸雞外賣，牛肉同帶子食晒了.....帶子套餐個冷麵，3大人一小朋友食，每人兩啖到啦，職員會幫手撈埋 唔錯呀 服務幾好，而且味道都好開胃，啲麵質感好好，好涼爽。帶子拼盤$520好抵有豬，有蝦，有帶子，有牛，有雞總體咩都有，最好食係護心肉同帶子蝦都處理好的，小朋友最愛！而且唔梅爽口的餐的沙律菜，好大碟好新鮮。我一人食晒了免費添加的泡菜，夾埋燒肉食最好食！好開胃最重要的韓牛，點解我會冇影相淨係影左佢嘅出世紙，小朋友同男人極愛食，因為好嫩又有肉味，韓牛係唔同啲，建議大家唔好燒咁耐，燒到兩邊收色就食最好味好嫩總括；比中午食貴左4倍但質料好好！下次都係食中午加叫韓牛就夠了…Read More

自從係觀塘返工之後，我真係覺得好累，加上工作常常要OT,太可憐了難得今晚大佬話要請食飯，我當然舉腳贊成。有同事食開呢到的午餐，提出要黎。我呢，記得上年好似黎過食BRUNCH啦⋯⋯果陣老板娘（應該係，除非唔係)仲問我意見今晚到來，都見到(應該係佢，髮型唔同左)我地一行三人，半小時前電話訂位，好慶幸有位。之前同事都講呢到星期四五晚比較難訂。黎到都7:40，有幾張台，所以環境好清靜，被安排坐左一邊角落頭，好正，好適合我地三個咁嘈的人，哈⋯⋯然後睇左菜單，有散叫，有套餐，套餐108起，去到218左右，有前菜，湯，主菜，甜品飲品。竟然有二人餐，分別係298,338,398⋯⋯大佬請食飯，當然要食$398啦。我地睇過，398的二人餐係最抵的因為比一人晚餐多左個小食，而且全部主菜都係牛，豬手，春雞，羊膝呢D貴價野。見佢一人餐要食羊同豬手都要208-218所以我地今晚揀左個二人餐($398) ＋1個1人餐$158(燒春雞），我地加左錢轉飲朱古力珍珠，兩杯美祿恐龍埋單雖然係大佬比錢，但每人應該大約$190-200位。至於份量呢，去圖~雞扒田園沙律(二人餐)份量較大，不過以菜為主，我地係食晒的，而且有兩個汁可以選擇，一個係泰式汁，另一個係芝麻醬⋯⋯我地揀左個芝麻醬。我大佬超愛食呢。。。。沙律菜好新鮮，係用西生菜，另外再加粟米、青瓜、車喱茄、燒雞扒等等⋯⋯雞翼拼薯角（二人餐小食)幾好味，有熱辣辣辣味薯角，真係即炸，我一啖擺晒落口，辣親我，搞到比D同事取笑，以為我好餓，好魚。。。。原來雞翼上面好開胃的醬同春雞上面果D係一樣的紅酒慢煮牛肋條，睇份量好似好少咁，最後二男一女，叫左一個二人餐一個一人餐，最後都食淨左一舊牛肋條。職員收碟上甜品時好驚訝咁問係咪唔o岩胃口，其實唔係，我地好飽咋，我戒左牛，但唔知個燒汁係用牛慢煮而成，錯口食左口，罪過。但味道真材實料唔係開粉的。真心讚，不過如果除左西蘭花、甘筍同小棠菜之外，可以擺其他菜就好了。因為呢三隻我麵唔食，反而我好中意一人餐的前菜(肉燥茄子)好多汁好JUICY⋯⋯豬手配薯角(二人餐主菜)，冇錯又係薯角，雖然好好食，但食多了都會。。。（你懂的)，所以建議餐廳應該要減減D份量或改配其他)外皮好脆，食落都唔覺鞋，可能食開出面果D都會比呢到鞋，所以感覺呢到還好。係我角度，食雞胸同食咸豬手，都唔會食到嫩的。相反大佬好欣賞佢地個豬手皮，因為好脆，仲同我拗左陣點食豬手最好味，大佬你係男人當然中意食皮，我係女，我中意食瘦瘦的肉，我地咁都嗌一輪真係無語了。總體而言，呢個價錢，呢個豬手質素，收貨。我指定要食的春雞（一人餐）頭盤我揀左肉燥茄子，好味！不過唔記得影相，太肚餓了。春雞都算大隻（對女仔而言）呢到D野看似細份，食落都幾飽。可能我地叫套餐啦春雞係燒的，而且上面D醬好惹味，用黎點雞胸食最正，我舊面皮地問職員要多左D醬黎點雞食。薯角太多了，冇食過，因為小食又有，豬手又有，牛肋條都有，好FULL！呢個甜品同我想像的有D唔同，原來係特別送上。我地三人講野太大聲，職員同老板娘講，我地係咁話好飽。於是，佢地將個甜品拼盤改成水果盤，將原來好普通的水果，變成一份有需要的心意，果然有D心機。。。水果即切即上，所以好新鮮，干時食的奇異果都好生，呢到的都甜甜的，我一人KO了，同事食的火龍果都好甜我覺得心意好重要，而且人地又願意為你改變。好窩心⋯⋯⋯⋯所以今次呢個笑面要比你啦。希望你地再努力維持水準啦⋯⋯下次會同同事再試下你地的午餐(聽聞都好爆)希望訂左位會好D啦…Read More

是日同家人去牛頭角辦事，順便在附近覓食。眼見呢間新開，而且裝修唔錯就入左去食了。二人叫左一個拉麵，因為我不餓的關係只叫了一份小食。好似係$40，黎到見到兩件有啲失望，不過我唔餓就當然冇問題了。可是$20/隻雞翼似係交貨的質素，如果係自家製相對會比較有誠意。味道一般，有甜甜的，熱度足夠，賣相都唔錯！叉燒三件，湯底唔夠濃同埋唔夠熱，食拉麵除左麵嘅硬度之外，湯底同熱度超級重要呢到令我有啲失望了。湯底唔濃，而且似加左好多調味劑，麵的質感太淋，如果可以硬身啲會更好。希望以後店主會考慮比客人選擇拉麵的硬度，而且可以做到客人要求的。PS:食完一個鐘後飲足1公斤水，家人快中水毒了…Read More

是日附近工作，見完客已經九點，唯有食快餐。點知撞到熟人，好野...不用再一人食晚餐....我地叫左個扒同好大件的焗雞扒飯呀！扒冇咩賣相，啲汁好薯通，不過咁嘅價錢，收貨啦....扒overcooked的，咬起來很淋應該係落左添加劑。配菜有誠意，因為有新薯，有翠肉瓜，而且仲有甘筍，食菜怪嘅我好岩！友人叫左好大件的雞扒飯真係好大件，啲雞扒好厚身好啖啖肉，可惜啲肉冇口味只有一陣美極味。但個飯好食嘅，有粒粒炒香左嘅蛋炒飯.....加上佢開胃嘅汁。友人食左一啖雞扒就放棄了，我都試食左一啖，嗯，是咁的，真的可一不可再，下次食海南雞扒會比較穩陣一點...總結：我應該沒下次了......…Read More

是日誠品日當然唔放過黎hungry Korea 的機會啦！一場黎到當然要叫我至愛的紫菜包飯！今次食魷魚加左15$食小食三寶，十年如一，沒有變的～泡菜，薯蓉，魚餅.........我今次覺得泡菜好辣呀 半碟都食唔到 ......可能太耐冇食，差左。包飯都係雞肉好啲，因為食魷魚好似比其他配菜嘅味蓋過晒，食唔到魷魚咁，可能太多泡菜了 比起以前食今次有啲唔同。但我都會再黎架！下次要食鐵板加油呀hungry Korea 聽聞有間就係淘大開！以後可以常食了！…Read More

是晚收工與家人食飯，家人說要到觀塘食打冷。打冷唔係應該要去九龍城咩⋯⋯好不明白但都跟來了。凍魚-200$好細條，有點貴但唔緊要啦最緊要味道唧，點知，味道都唔太值。第一 魚太細肉好痴魚皮，夾到一係散晒一係夾唔到 可能我要再練下啲筷子功夫。魚肉好硬，感覺擺左好耐，媽媽話下次會整條大啲，好食嘅比我食，唯有期待下啦叫左個拉盤，好似88。勁多肥肉係底，3件紅腸，少量鵝腸、魷魚，豬耳，好彩有芽菜，不然就太油了。呢個係三寶，我太蠢了叫錯野，不過係全晚最好食嘅，兩人都各叫一碗粥黎送佢，好味呀！花生好脆，反而最簡單的最好味，最平的最好味下次食三寶加粥就夠了…Read More

是日睇羅浮宮日，開睇之前當然要食個早餐先啦。先買好飛就搵位了。呢到行自助買飛，然後就坐低等啲員工拎野比你。都幾好，既慳人手，又可以節省等候落單的時間了。我叫左all day breakfast (素食版）晨早洗洗，唔想食咁多肉，扮下素食者啦有薯餅有沙律菜有兩條大甘筍有茄汁豆，炒滑蛋，有蕃茄，有蘑菇，有我最鍾意食嘅牛角包。整體未到都可以嘅！唯一嘅美中不足就係薯餅太淋同埋沙律菜唔新鮮。番茄原隻焗好淋身好多汁，好好味，再配茄汁豆，岩晒我個茄怪。蘑菇都可以嘅，係落唔夠味，比較淡口。中意極清淡嘅岩晒。因為朋友已到搞到掛住傾計唔記得影餐廳相。下次可以再去嘅一間餐廳！…Read More