Eating.time's Profile

今次去左食椰子雞煲俾左 2 個新鮮椰青同清遠雞🤤老闆教我地一開始食左雞先, 水滾落雞煮番滾, 熄火等 5 分鐘就食得😚 個雞真係好嫩... 同好香椰子味, 阿姨都話要飲埋湯先, 冇介紹錯, 個湯好甜 !同隻雞一啲都唔肥同好濃雞味🤗 見附近4, 5 枱 有 3 枱都係叫 椰子雞, 好彩冇叫錯叫左2 人海鮮拼盤 有蠔, 海蝦, 蟶子同鮑魚, 要提下個鮑魚真係好鮮味! 值得推介 鯇魚片都好新鮮 厚厚切 真係脆既 👍仲為手打 蟹籽墨丸, 啲蟹籽多到直情見唔到啲墨丸 😂 成粒橙色既 😂 好正 👍…Read More

放假經過門口見到有下午茶餐牌，由2點至6點，唔肚餓既，但都想買啲嘢返屋企食吓，見到佢哋出名手打魚肉同莞茜燒賣，就買嚟試吓啦，買埋比屋企人，開心些牙😋🌟炸芫茜燒賣(3粒) + 滷水雞中翼 $38🌟好少地方有莞茜燒賣食，加上係莞茜愛好者，仲要係炸既方式，梗係點都要試吓啦，炸燒賣平時都少食，估唔到係另一個風味，好香脆可口，又唔會遮蓋左莞茜香味；配搭埋滷水雞翼係口痕佳選，肉質嫩滑入味😋🌟 ~全日手工餐~凍黑糖似草奶茶手工燒賣王(2粒）牛腩芝士蛋三文治（半份) $57🌟手工燒賣非一般魚肉燒賣，係同出面食既唔同，食得出魚肉比例係比較多，有魚味；牛腩芝士蛋三文治記得要襯熱食，味道更佳，牛腩同芝士好夾，加埋蛋，滿足曬三個願望，一流😍…Read More

平日黎小火焰諗住會易d 搵位，但。。。。 真係唔好扮醒。傳說中長期都坐爆人，原來係真架。any肥，好彩唔算等左好耐。究竟魔力何在? 睇下menu, 價錢都好合理，加上款式種類多。睇到我都好心動... 樣樣都想order 🙈🙈 避免眼闊肚窄，最後我同朋友order 左3款。其中最值得推介既係 芝士×農夫包×炸雞🍞🥐🥖🥨🍗🍖🧀《溶岩芝士炸雞麵包》呢個set HKD 188, 有沙律菜，炸雞，脆片，芝士農夫包，份量十足。芝士仲有質感有濃度岩岩好，無論係點炸雞，脆片定麵包都好滋味。食左幾件濃味野，又食返少少沙律菜，清下口腔，所以話呢個組合好貼心。最後，不得不提~ 農夫包，係我食過最好味道既農夫包。做到外脆內軟係有點喜出望外，除左賣相一流，仲依然保持到麵包新鮮，內裡芝味十足，配合埋其他調味粉，真係好野味，食一件已經好飽肚。…Read More

平時烤魚，雞煲都係同一大班fd 仔去食。今次唔同啦～ 我帶家姐2人黎《fd 子強烈推介》尖咀烤魚。一入餐廳，感覺都好乾淨，好企理，感覺唔錯。我地叫左半隻巴辣鮮雞煲《$148》同原條江團烤魚《$358》。烤魚係一個set, 可自己配搭4款配菜。我地order 左薯仔，豆卜，腐竹，大豆牙。說遲時那時快，原條烤魚就呈現我眼前。幸好枱上有2個電磁爐，夠位比我地放2大烤爐。烤魚真係好足料，好夠份量。烤魚&配菜cover 整個爐，好豐盛，呢個組合真係一流。d配菜放落烤魚到慢慢煮，超吸味，令我更加可試清楚個魚湯底。 d魚真係好滑，魚肉同骨都分明，好易食😋😋…. 另外，食一啖個雞煲，真係不得了。立即比下去，雞煲夠野味，岩曬重口味既我....  雞煲醬真係無得輸.... 之後我掛住食雞煲已經忘了份烤魚🤣🤣 最後，好在有家姐幫我包底💕…Read More

疫情放緩回復正常，又開始要同人逼車，收工唔想逼車返屋企住，佗佗佻佻食下happy food，吹下水先返屋企平日放工時間幫襯嘅人都唔少，落柯打之後都唔係等好耐就有得食，我地兩個人一個叫咗美式之堡，另一個叫滋味雞堡，另外又叫咗忌廉磨菇雞翼些牙食其實佢地個經典漢堡好好食，漢堡扒充滿肉汁，入口又充滿肉香，但每次都會想有少少嘢唔同，菠蘿或磨菇都係個好選擇，不過今次想惹味d，所以揀咗有煙肉嘅美式之堡，果然不負所望，脆香嘅煙肉，滲透住燻香肉油，加埋芝士，食落果然更加惹味，再加鮮甜埋蕃茄同爽口生菜平衡滋味雞堡塊雞扒好大塊，雞肉肉質又鮮嫩，啖啖都好juicy，因為見到menu個度 滋味雞堡有個辣椒icon，不過食落又唔辣，有少少落差，不過雞肉口感好嫩滑，所以都食得好滿足忌廉磨菇雞翼因為無相，以為係淋汁，估唔到帶來驚喜，睇落燒得好靚，外皮香脆多汁，咬口除咗雞肉外，原來雞翼入面仲有磨菇同溶化軟綿綿嘅忌廉芝士，一啖就有幾種唔感，複雜嘅味道，麻雀需小五藏倶存，而且互相都好夾，一啖就好似食咗一個世界落肚咁慢慢地吃完快樂晚餐，也沒很晚，但人潮已散去，再緩緩地順暢踏上回家之路…Read More

放工..就最期待同fd子出去食下野，透下氣... 當然唔會待薄自己，我地今次搵到觀塘一間靚靚餐廳~ Le Monde .. (聽講之前都係觀塘䇄立左一般時間，呢度係新搬位置)一入去有一種 高貴舒適優雅感，真係唔敢令人相信餐廳係煩喧鬧市中。睇下menu .. 價錢都算合理《而呢個環境黎講，算係屈機》… 我地order 左龍蝦湯，鵝肝配紅酒啤梨，安格斯牛柳。🥣Signature Shrimp Bisque 🥣 HKD 85龍蝦味重，夠鮮味，濃郁度夠。🍳Foie Gras w/Pear 🍐HKD 108呢個價錢有鵝肝食已經係驚喜，仲要煮得唔錯。鵝肝唔可以煮太老身，否則失去左本身既精髓始終係內臟，處理清洗程序及存放都重要。否則好易壞掉了.... 🍗Tenderloin Stroganoff 🥩 HKD 158真係有少少失望。或者上一道菜係鵝肝，好明顯高低之分... 雖然份量好足，但牛好似煮過熟《每人口味不一》，令人覺得有點可惜... …Read More

呢排疫情緩和左，就帶家人去食放題happy 下。首選當然係滿屋啦～ 除咗入座好充足，餐廳嘅準備都做得好足，熟食冷盤同酒水飲品提供都好豐富，有一樣好 吸睛嘅就係豉油大雞脾，好入味雞肉好嫩，啖啖肉好滋味，另外見到金黄炸物又係忍唔住手，熱辣辣脆卜卜，未開始剔紙揀食物就食咗咁多...不得不提係令我地一家最念念不忘係榴槤炸彈。只要食過一次就必定encore…榴槤炸彈係即叫即炸，新鮮熱烘烘... 一口咬下去，榴槤好快流出黎，外層係好似麻糬甘，煙煙unun真係perfect match… 平時想食榴槤都要買一大個有排食，又唔個夠唔夠熟，呢款榴槤炸彈可試到榴槤回甘香味，份量又唔大。作為甜品真係一流，少食多滋味😋😋…Read More

土瓜灣食肆林立，內藏不少隱世高手。但唯獨日本餐廳真係少之有少，可能關人口結構issue.. 始終土瓜灣係舊區，加上人口老化問題嚴重，真係未必甘多人岩食日本菜。所以當我知道》禮；進駐土瓜灣真係天大喜訊 … 門外簡約，沒有過多裝飾，加添~禮~神秘感。一打開門，場內都有8成位滿《只不過係閒日》。最吸睛都真係要數數bar 台既大大個月亮，地方細細但仲有打卡位👍👍服務員招呼周到，貼心為我地推介左呢度既招牌菜；價錢方面都有平，中，高。《原來日本菜都係可以係大眾化價錢，但最重要都係食得開心，甘就物超所值la 》~ 脆皮鱔肥美嫩滑，外脆內嫩。燒到岩岩好，又唔會太老身。鱔魚難得無骨，可以一啖一口😋😋~鹹蛋豬肉棒呢款係推介菜式之一，鹹蛋豬肉，我諗起蒸肉餅，本身都怕食到成口油/肥豬膏。食過之後，呢個配合做小食出奇地討好，完成打破我固有想法。~蟹羔玉子燒玉子燒係好滑好滑好滑，正正常常。特別在內藏蟹羔，師傅真係比到好足料，一點都無馬虎。~黑松露A6和牛3文治呢份真係重頭戲啦～ 黑松露配和牛。雖然只得4件，但每一件都真材實料，厚厚和牛，肉質靚，煮得岩岩好。食每一啖都有層次感~~8件壽司拼盤新鮮就係好味。無得輸~生蠔日本餐廳有得食生蠔已經有驚喜，仲係$116有2大件。好新鮮，叫2件真係唔夠喉。…Read More

家姐難得接我收工，我就當然要介紹返佢鐘意既日本餐廳比佢食。之前去旺角試過吉列牛都唔錯，加上性價比高，令我念念不忘。所以今日又有藉口去再食多次，今次我地去銅鑼灣果間食😋😋餐廳坐爆曬是常識吧… 好彩我地等得唔算好耐就可以入去坐啦… 一坐低就拿拿淋order 吉列牛啦… 忌廉雞肉烏冬。家姐話想加多一款小食，我地就叫左辣辣雞翼 😋講返個吉列牛，真係真係真係好juice… 鬆軟多汁，入口即溶。餐廳比埋個迷你鐵板燒，自己可以控制牛熟程度，又可以玩下又有得食又有得打卡，正牙....  另外，忌廉咖哩烏冬用日本咖哩，咖哩偏甜，但野食仍然，烏龍比忌廉濃濃的包圍著，真係好入味。…Read More

估唔到牛頭角有性價比咁高嘅隱世餐廳，雖然係平日夜晚，但用餐嘅客人都唔少，不過好在座位距離好足夠，坐得幾舒服點完菜，未上餐前就有麵包，而且唔係普通麵包，有鬆軟嘅蕃茄乾麵包，入口就散發著蕃茄嘅香氣，仲有香草面包條，好似餅乾咁香脆，而且仲配黑松露牛油，感覺前菜面包已經咁豪華蒜蓉牛油雞翼未到已經聞到味道，蒜蓉嘅香氣四溢，再加上邪惡嘅溶解嘅牛油，明知食完個肚腩會內疚，但都係抗拒唔到呢份邪惡，所以好迅速從碟上殲滅，香噴噴外皮脆卜卜，單骨雞翼好易食，好快食完一隻又一隻另外香辣茄汁尤魚墨汁魚麵，賣相好精緻，紅色醬汁加上黑色嘅墨汁面，畫面好艷麗，有惹味香辣又加上甜甜酸酸嘅茄汁配合，食落好醒神，加埋爽口彈牙嘅魷魚，成道菜好活潑，食完好有活力BBQ豬肋骨上檯已經好震撼，好大盤，豬肋骨搶眼鮮艷橙紅色反光嘅外皮，下層墊住金黄色粗條薯條，加上清新嘅沙律菜伴碟，一陣撲鼻嘅燒烤豬肉香，肉質嫩滑，口感鬆軟，燒烤醬好入味，BBQ醬有另外分上，本身好惹味，所以都唔係好需要，拎嚟點薯條，令人食指大動，呢道菜色香味俱全，而且好適合大班人分享…Read More

夜mama…  去到馬鞍山搵朋友仔食飯。朋友仔帶我去呢間食西餐，貪呢度坐得夠舒服😚環境的確唔錯，坐位十足，加上長長梳化設置，空間感舒適度大大提升。另外，深啡色格局突顯出西餐優雅味道。~ 安格斯牛扒朋友仔怕太生，而我又怕太熟.. 當我地1516之時，經理貼心走黎比建議我地.. 最後佢安排7成熟牛扒比我地。牛扒唔難切，7成熟就真係做足7成... 岩岩好，唔會un… 一切下去，仲有少少血，但仍然鎖緊肉汁。咬一口，牛味道濃濃的滿載口腔內，真係唔捨得吞落肚。~ 紙包魚 眼見呢道菜甘特別，就叫黎試試先~ 首先呈上既係一件藝術品，用厚厚紙包住魚同香料《帶來一絲絲神秘感》。一打開之下，香草檸檬味散發出黎，未食都個夠曬味。酸酸味味好開胃也~…Read More

响觀塘APM人真係太多，間間都等位，寧願行過少少响商貿區揾食，食完又可以去海濱長廊行下，估唔到選擇都幾多，見呢家丼瀛都幾滿座，食完呢家日本嘢，覺得性價比都幾高海之幸丼嘅賣相好吸引好特別，好似一隻高腳酒杯盛承名貴山珍海一樣，刺身多而且好大塊，大蝦好大隻色澤好通透，肉質好彈牙，三文魚同吞拿魚都好鮮甜，仲有蟹肉蟹籽同玉子，款式多放滿滿响碗，好似品嚐緊海洋松葉蟹肉甜海膽蝦丼，海膽好鮮甜，估唔到响香港呢個價位食到咁高質海膽，蟹肉同魚籽份量都好多，幾乎食每啖都有，松葉蟹嘅鮮甜充斥住整個口腔，三文魚籽好大粒漲卜卜，响口入面發放鮮味，仲有幾隻甜蝦，呢個丼內容都好豐富什錦天婦羅有好多款式，大蝦有三隻，大大隻鮮甜又彈牙，仲有紫薯、南瓜、茄子、秋葵，都幾驚喜有秋葵，平時多數係涼菜，但估唔到天婦羅都幾好食，南瓜同紫薯都好甜，可能秋天當造，就算唔點汁都好好食仲有明太子醬燒玉子，上檯熱辣辣，外面有少少香脆可口，玉子口感香軟順滑，加上明太子少少辛口，兩者好夾…Read More

最近放寛咗，所以都想出去，所以去咗燒烤放題大解放，座位好夠闊，同其他檯都有足夠距離星期五放工嚟到見人唔多，不過坐低之後就越來越多人，有多調味料，孜然粉都有三款，另外仲有蜜糖燒汁、泰式辣雞汁 同沙嗲汁一坐低無耐就上咗海鮮同茄子，有燒青口同扇貝，扇貝好鮮甜，上面嘅粉絲吸收晒鮮味，茄子蒜香好濃，加d孜然粉就更加惹味到主腳串燒啦～ 不.... 係串燒既燒烤爐先係主腳... 係呢度燒烤爐係自動轉，只要掛好串燒係中間，唔洗睇火就可原汁原味品嘗到d 地道串燒。真係又好玩又好味~ 巧得意😍😍…Read More

睇op 見餐廳食物幾高質，一於帶媽媽去試試... 餐廳位於長沙灣廣場隔黎 _ 億利工業中心。搭貨lift 果陣真係有少少心驚驚.... ((心中諗... 會唔會中伏架😖😖))一開門，又好似入左另一個世界甘。真係估唔到有間甘似樣既西餐廳坐落於工業大廈，的確係卧虎藏龍之地。一坐底就急不及待睇menu 落order 😋😋豬手 × 薯條一睇要賣相，真係呃like 首選😚 薯條夠味又有口感。炸得脆口而又唔油膩，難得既係咬每一口薯條都滿滿薯蓉，真係好好好好味😋😋 另外，今日無豬仔骨，餐廳用豬手去代替。豬手又好，豬仔骨都好啦… 最緊張係好味。any肥，係煮得好入味。外面既脆皮，炸得脆卜卜。選用靚豬皮，煙煙unun，好新鮮好彈牙。空口食脆皮，就令我好想飲返支啤酒🍺🍺 肉質都ok , 豬有豬味，無過多味精cover 食材本質。但啖啖肉，食多幾件就好飽肚😅😅波菜水牛芝士雲吞 × 香草醋汁掛住食豬皮，食食下.... 令呢道菜上枱一段時間先食，真係有點對唔住d 雲吞😖😖面對眼前6~7粒小小雲吞，不自覺有點輕視，以為無咩料到 ? 錯了，每一粒雲吞都濃濃芝士包圍，真係好rich… 加埋醋汁呢個組合，令我胃口大開😋😋…Read More

中午一入餐廳就就覺得好開揚好光猛，窗外望到天空，令人覺得好精神感覺，座位都好鬆動，前菜點咗路易斯安雅特色蟹餅，比預期中嘅份量大，啖啖蟹肉，每一口都充滿鮮味食呢度招牌菜 Seafood Platter海鮮拼盤，上檯嘅present 好特別，侍應抱住一個滿滿嘅藍色網包住嘅大袋，侍應會搖晃大袋，讓牛油汁沾滿所有食材上，當包住網嘅大袋打開一刻，就好似打開捕魚網，檢視漁獲嘅一刻，而今次漁獲超豐富，而且香氣四溢，令人食指大動，散發濃郁嘅牛油味，我地揀蝦 、蜆 同青口，每款有十件，其實都幾多，不過一睇到漁獲唔止係海鮮，仲有豬肉腸、粟米、薯仔 等等配菜，海鮮本身就好鮮味，其實白灼應該已經好好味，不過用牛油就實在太邪惡😈，聞嘅時候已經心知不妙，食落去除咗鮮味，仲有濃厚嘅牛油雖然份海鮮拼盤份量好足，但無粉麵飯落肚就好怕自己係《虛飽》。衣家係出面好少餐廳會有蝴蝶粉，所以我地order 左黑松露野菌蝴蝶粉。呢個配搭真係好正，蝴蝶粉既形狀岩岩好可以托起黑松露野菌醬。黑松露味好濃，啖啖都好rich，好creamy… 岩曬我口味，停唔到食食食食，之前幾飽都唔記得曬啦🤣🤣…Read More