sylviiiii's Profile

金髮收銀女員工態度極差，有喺呢間買嘅都知我講邊個，去得手搖店其實我都唔expect有咩service，行上前落單，佢不斷整理自己手上物品，唔緊要，明白佢忙，咁正常落得單就會俾signal客人，等到佢抬頭，同佢對望咗幾秒，佢先一副俾人阻住收工嘅樣講：「要咩」，把聲細到幾乎聽唔到。唔緊要，門口擠滿等野飲/甜品嘅人，等咗十五分鐘，期間佢不材料入甜品碗嘅時候，不斷大力冚蓋，放甜品上枱俾客人嘅時候更加成碗跌咗落地，跌咗竟然要個排隊等落單嘅客人幫佢拎返上嚟，仲要問個客人有冇漏到出嚟，然後見冇，就照俾點咗呢碗甜品嘅客人。該位客人完全沒有得到道歉、亦沒有被詢問介唔介意拎一碗跌落地嘅甜品，甚至嗰位客人根本完全唔知道呢件事嘅發生。然後，甜品就咁樣直接放上枱面等客人自行拿取，沒有袋，沒有餐具，我上前詢問係咪冇膠袋？該職員望都冇望過我，繼續用蚊滋嘅聲講咗句：「袋要收一蚊」。其實收錢時可否問一句需唔需要膠袋？係咪當每一個客人都係回頭客？好笑嘅係，我並唔係第一次喺度買嘢，每一次我都冇主動提出過要膠袋，亦都冇俾人問過需唔需要膠袋，但每次我拎甜品嘅時候都係有膠袋及餐具。請問迷客夏會否提供多一點員工培訓？或者有冇俾清晰指引或監察過分店員工工作？員工趕客事少，損失嘅只係 貴品牌，但員工暴躁地預備食品，甚至食品當住十幾個客人面前跌完落地都繼續俾其他客人食嘅話，我無法想像我哋望唔到嘅空間入面發生過幾多次跌咗落地嘅事件。希望迷客夏認真對待食品同加強員工培訓。…Read More

奉勸大家落單前三思，呢間譚仔質素真係極差。喺附近返工，每次食晏一定幫襯。開頭好好嘅，份量足料質素又好，蒜泥白肉好食過三哥。點知嘢食越嚟越縮水，今日叫兩餸米線，豬膶同竹笙，豬膶竟然可以得兩嚿，竹笙得嗰三條。另外同事叫過橋米線都係得嗰兩嚿豬膶，兩條手指咁幼嘅竹笙，火腿細到幾乎搵唔到。 對上兩三次都己經發生過呢個問題，除此之外，佢個蒜泥白肉份量少咗，同埋曾經食過幾次，堂食同外賣都試過食到成碗米線都有怪味，食落似有番梘味（好微量，對面位同事都察覺唔到，當時以為自己問題，所以冇同員工講），但食到尾發現源頭應該係腐皮醙咗，因為之後第二日再叫嘅時候味道就正常返，所以好確定當時嗰碗係有問題。因為自己真係好中意食譚仔所以就算發生之前咁嘅問題都仍然keep住叫，一星期少極都有兩餐lunch會食譚仔，仲要康城鋪係貴出面幾蚊，但今次真係太失望，康城其實好多選擇，食其他好過。…Read More

山長水遠大埔入到去將軍澳諗住食期待咗好耐嘅屋子，餐廳好靚，見到人哋枱面上面嘅蛋糕都好靚，可惜俾staff們「招待」完，已經唔想再去。喺門口企咗三分鐘，冇staff出過嚟，其實門口完全冇人等緊，於是我哋行入去餐廳嘅reception枱前面，想問staff有冇位（見到都有幾多空枱），企咗喺度5分鐘，全部staff都望到我哋但冇理過我哋，直行直過，有個高嘅男staff直頭見到我哋望咗一眼行咗去抹枱，抹完又望咗我哋一眼，可以話俾我知係入得？唔入得？定係點？我係咪去咗社企開俾聾啞人士啲餐廳？？？定呢度係自助入去唔洗staff帶㗎？之後先至有另一個staff同我哋講，lunch set已經冇晒，原來佢哋識講野㗎！當時兩點半都未夠，咁簡單嘅一句點解唔可以一早講？野食外貌係好靚嘅，但啲員工咁嘅態度真係不了，冇下次，未開始已結束。…Read More