lamkei2003's Profile

為偉大嘅母親大人慶祝生日，她說想要試試這間，見評價都唔差，就試試，一到餐廳，環境各方面都很好坐得舒服和乾淨，坐底後便睇餐牌叫野食，見到餐牌嘅價錢，會對食物質數或量會有要求，因為真係唔平。本身想叫set，但想單叫試試先，好彩無叫set, 但到差不多千三埋單，都唔知自己食過乜，最後選擇轉場。只是先單點試試平時去食串燒會叫嘅野食，重要時刻串燒到了，完全係無令你有意欲去影相，牛舌芯$88一串，但4塊薄過指甲，無燒過嘅口感，$68燒白鱔 爽口但有骨，$78燒羊架，似煎完全無燒嘅口感。燒雞皮$42唔止唔脆，仲要一咬落去啲油唧曬出黎。心想，串燒唔得，燒飯團🍙唔會唔得架，都係燒得唔脆，好明顯係求其燒燒個面有燒過嘅痕跡，並唔係燒脆，最慘飯團下有塊紫菜，林曬，其實有基本知識嘅都知紫菜遇熱係會林，如伴碟不如選用其他，如連飯團食就不如分開上，我地太熱心了，照同這餐廳員工反映，當然係唔會理我哋啦，見之後再叫嘅原味飯團都係照舊，最搞笑係見到坐隔離有好幾位，應該係佢哋老細叫上黎食野嘅朋友啦，佢不停咁話自己啲乜嘢好食，叫佢地比意見，真係嘅客人好心比錢比意見，就無視。係咩玩法？ 算啦，最後我哋選擇放棄，馬上搵其他串燒地方，完成埋個娘親生日飯。…Read More

好耐無寫食評，這間真係直得再encore我同我老公經常四處去食All day breakfast & Benedict egg, 間間都差唔多，只有這間連茄汁豆都唔同味😋😋😋工業風裝修簡單又舒服服務態度好，食物質素好，食得出有用心去煮嘅早餐…Read More

當日係我同老公結婚14週年日，本想二人世界，食餐好嘅，去之前本想改變主意去第二間，但老公堅持話book咗就去啦！咁我當然好聽話照去啦！入到餐廳感覺係舒服嘅，但waiter嘅態度好不親切，不過又未到好黑人憎令到我想掉頭走。咁就照坐底，落order叫了兩個扒，生蠔和魚生。過程完全係無人理我哋兩公婆架。都會唸可能疫情關係要保持距離嘛。我真係好阿Q精神架。先黎個湯，其實個湯好味，但次序錯晒，應該先比生蠔同魚生我哋先，再到這個好味又濃嘅湯，啲生蠔刺身咁清嘅味道，幾鮮都因為飲咗個超級濃嘅湯影響曬。厲害嘅時刻到了，兩個扒🤦🏻‍♀️，又硬又凍又無味。真係切兩下，我就已經放底把刀仔。完全放棄。心唸搞咩呀！邊有可能差成咁。可以讚嘅只有個湯同啲蠔囉，真係無言。…Read More

30號，幾位老友係時候要聚一聚，見到這間酒鍋嘅相，覺得好特別咪試下囉。先講環境，無敵海景夜景係靚嘅，打邊爐望下個景，食都開心啲嘅！食物就真係唔得，湯底係好特別嘅 睇落，但真係好睇唔好食。食材就真係應該用咩字形容呢🤔🤔，差又未到差嘅，但連平常嘅火鍋質素都唔到囉。服務就真係🙈🙈🤦🏻‍♀️🤦🏻‍♀️，可能係我地唔好彩啦，我見有其他都好似幾好嘅，係咁啱企正係我坐果邊果啲差囉！結論，想試新野要打卡影相係可以一試嘅，但對食物有要求就唔好抱有期望。…Read More

其實8月尾時已知這間茶餐廳，之前一直唔敢試，因怕中伏，但係逸東真係無乜得選擇，唯有勇敢試一試啦。一食就連續食咗幾晚晚餐，真係好少何😊😊，無論扒飯，鐵板，海南雞飯，車仔麵，都好食，價錢也可算合理。最重要係唔止我一個覺得好食，連屋企果4口，每晚問佢地食乜，都話食涌口，希望唔會咁快食厭。強烈推薦鐵板厚切牛扒，和扒飯。厚切牛排雖然唔係次次都算厚切（因為試過有次係認真薄）但咁嘅價錢，都係抵食，這店的醬汁好味。另外，車仔麵都好食，但記得落埋枱上的菜舖，因湯底比較清淡。希望此餐廳可以keep住一直做好，生意都越來越好啦，到時可以擴充加多啲枱。…Read More

為同個女慶祝生日，她勁愛韓風，所以選了此店作晚餐，一家5口，我地叫7個不同口味嘅野食，只有草莓雪冰可以接受，其他的真的不提也吧。確實失望。無類雞肉和牛肉的肉質乾身，要脆嘅不脆，又唔滑。但環境和服務是可以的。…Read More

上次有朋友帶我到漢發食豬膶麵，食完之後，真的不能再去別處食了，尋日再一家大細食多幾款野，真係全部心機整的，每一個小食都唔馬虎，一間可以一家4口都一致通過, 好食的一間食肆…Read More

係香港食過好多唔同嘅拉麵，有平有貴，間間都唔會令我好快又想再去食。日日經過都見佢排曬長龍，見到條龍次次都唸洗唔洗呀？有冇咁好食呀？四日前終於去試下，排隊嘅時候都有問下排我前面嘅客人，係咪真係好好食，答案全都話係，好食，還會係成日黎食。入到店裏真係好迫，坐就真係唔係坐得好C服。當個拉麵到見到個湯同啲叉燒就感覺到有心機兩個字係這碗拉麵度。個湯底唔油，至少我食完無肚痾，平時食過嘅有啲食完都會痾因太油，不過係我個人問題，腸胃比較敏感。又唔咸，唔會係咁要飲水。唔咸得黎係濃味喎。真係喎識形容。總之係好食。叉燒方面都好滑,有口感。都真係唔知用咩字黎形容😂😂😂。我會再好快忍唔住去再食。…Read More

睇完（食玩瞓）條介紹片，見那位小朋友食得咁開心，決定元宵節一家大細去試下，到門口就已經感受到用心嘅服務態度，好窩心。食物方面，海鮮真係好新鮮，係菜單上每款嘅海鮮都好新鮮，大家真係要試下特別係「琵琶蝦」，兩個仔都話琵琶蝦外型似風之谷裡果條巨蟲，開頭點都唔肯食，點知試完少少之後，就秒殺食曬，搞到我差啲無得食。一個字*正*一向唔鍾意食野嘅細仔，都竟然好雀躍。點心真係超超超正，強力推介吮吮包，紫薯流沙包，牛肉球，燒賣，糯米飯及棉花白兔仔！紫薯流心包同埋吮吮包encore3次都唔夠皮，紫薯流心真係一個人食5個都得，唔甜唔漏，真係正，由於時間想再encore 都唔得了。…Read More

星期一先食完，真係未試過食完咕嚕肉會心掛掛，今日又忍唔住去再食，真係唔明點解可以外脆內軟，食到尾有汁咁長時間都係外脆內軟。小籠包同鍋貼都好好味，汁多皮薄，但又唔會一夾就穿底爆汁。奶油津白都可以不過就奶味太重，唔接受到奶味嘅人，就唔好叫這奶津白，砂鍋津白，好正，這啲湯渣都食埋。一滴不留服務好，不過都好睇個睇場經理嘅帶領，星期一果位肥經理係門口未入座已經覺得佢服務一流，今日唔見佢，個個都好似唔係好想做咁。唯一一個食到打冷陣嘅係碟魚（椒鹽小黃魚），都係自己唔識叫，叫咗個有檸檬潔x亮味嘅煎魚較為失望。…Read More

每年11月，偉大嘅母親大人生日，必會4出搵好野食同佢慶祝。佢話要食魚翅，所以搵了這間，訂了星期六嘅7點枱，點了菜大半個鐘，服務員才同我說點了嘅豆苗同乳鴨都無，再等了好一陣了魚翅終於送到，好濃鹹味，鹹得制叫啤酒，啤酒係室溫嘅，服務員已說係最凍果支，真係喊出黎。炸子雞有雪味-失望。黃金蝦不是鮮蝦-失望，炒粉絲=炒粉碎，不過不得不讚是羊腩煲同紅酒牛尾，係成晚可說是較好嘅菜，羊腩煲成煲都無得輸，紅色牛尾好味（我個人覺得較甜）。…Read More

係逸東住真係幾慘, 咩都要硬食, lee間麵包店, D包係ok, 但D員工每日都係黑口黑面,由朝到晚都係, 由其是果果主管, 唔想做唔好做呀, 比錢買野重要睇面色, 所畏一日之計在於晨, 每朝買早餐, 都要睇面色同受氣, 已經幫襯小咗家啦! 以前日日幫襯, 到現在一星期先幫襯一兩次, 咁都要受氣, 係得逸東村開的做嘅緊係街坊生意, 態度差就算有親都怕咗佢啦! 今日買包, 一個$3.00, 一個$2.50, 咁我咪比$5.50羅, 之後佢態度好差同埋講野無尾音咁話我地唔收亳子wor, 我: (咁$5.50點樣唔比毫子啊!), 佢: 我地只係收一個五毫子, 唔收咁散家. 講真有幾散啊, 兩個$0.20, 一個$0.10, 再講, 你唔收態度都好D啊! e.g. 小姐唔好意思, 我地唔收一兩毫家, etc...........)之後我話: 你地唔收毫子, 就唔好set個價要人比毫子啊!, 毫子唔係錢啊?佢: 我地係唔收家啦. 真係火都黎, 我之後買都費事買,…Read More