ikik515's Profile

生日想去啲有情調格調嘅餐廳，上年12月曾經同朋友試過green既西餐，感覺幾好，所以今次就再試。Book 了晚上7點，但我同老公預早到左，侍應好welcome 我哋先入座。我哋分別叫了「香草焗法式蝸牛」同「香脆龍蝦餛飩」兩款前菜，兩款都好美味。以前我唔太敢食法式蝸牛，覺得會味道怪怪，但食落覺得易入口。餐湯龍蝦湯味道夠濃烈，而且有啖啖龍蝦肉，完全冇偷工減料，好味道。至於main course 我地分別叫了「海陸盛宴（即燒龍蝦伴牛柳）」同埋「焗琵琶蝦尾」。老公叫既海陸盛宴係好好味，龍蝦肉夠鮮甜，牛柳又夠juicy, 超好味。而我點既焗琵琶蝦尾略嫌味道淡了點，呢道有少少可惜。整餐晚飯，我哋仲可以任叫飲品，無論紅酒白酒，sparkling wine, 指定cocktails & mocktail 都得，無限添飲真是值得讚賞！整體都非常滿意呢餐晚飯！👍🏻👍🏻👍🏻👍🏻…Read More

之前經過山林道見到呢間Cafe 好多人，想試好耐。襯住同朋友食生日飯慶祝就黎試吓。入到餐廳，環境好舒服，擺設是小清新既文青feel, 非常喜歡。我哋叫咗一份香蒜露筍巴馬火腿意大利麵，一份燻牛肉Bagel sandwiches 同黑松露薯條。份pasta 唔算太大份，份量適中，而且蒜香味濃，好味道。燻牛肉Bagel 配埋芝士一齊食，味道好夾好好味，而薯條就香口又好味。我亦另外叫了牛油果奶昔，呢個真是好好飲。朋友就叫了玫瑰花茶。總括來說，以上食物份量對於我哋3個女仔都好足夠，唔會話太細份。呢度亦是一個適合同朋友閒聊享受美食，打下卡既一個好地方。…Read More

難得星期六放假，約了好姊妹一起幫襯黃店。知道新蒲崗有不少良心美食店，所以就入新蒲崗搵食啦。「窩子」是我係新蒲崗想試既其中一間黃店，聽講佢哋既甜品非常有水準。我哋叫了一份千層酥同一份窩夫，再額外叫了一杯Green tea latte & 普通Latte。甜品真是好好味，千層酥好鬆脆，配埋雪糕，cream同吉士漿簡直是絕配。窩夫額外配埋芋泥蓉，真是甜到入心，非常邪惡。食左呢兩份邪惡甜品，真是好滿足。不過有少少罪惡感，所以我哋食完就決定由窩子行返屋企。🤣🤣🤣🤣P.S. 有質素又好味既黃店多數都要等得耐啲，特別是星期六/日，所以大家記得預留時間等位。利申，我哋兩個人等左大約30mins。…Read More

平時好少去法國餐廳，因為慶祝結婚3週年，才會破費一次。入到去，環境非常舒服而且有情調，我哋選了室外的位置。我們訂位時已選了$988的套餐。而且訂套餐可以$48點house red/ white wine。我地都各自點了white wine。Appetizer有”紐西蘭托托蜆配香草牛油白酒汁”,前菜已經令我們覺得很讚，托托蜆新鮮而且肥美，配上香草牛油白酒汁非常夾，好美味。Salad 有”西班牙辣肉腸田園沙律配柚子蜜醋汁”,味道也不錯。再試上他們的”法式龍蝦濃湯”,這龍蝦湯是超濃超入味，真是好好飲！（若試過法式牛扒屋的龍蝦湯就知道，這家的龍蝦湯完全有得揮呀！）飲畢龍蝦湯仲貼心地送上”青蘋果雪葩 “比我哋中和下龍蝦湯的濃列味道。不可睇少呢個雪葩，是一點也不馬虎，好清新清甜架！食完覺得好fresh!到Main Course喇。我選了”西班牙黑毛豬配蜜糖芥末汁”,而老公就選了”法國油封鴨脾配雜莓紅酒汁”,兩款都很美味。特別是鴨髀，雜莓紅酒汁同鴨髀是非常夾，而且鴨髀煮得好淋，入口個下是會有幸福的感覺！而黑毛豬若可以再淋點會更美味。最尾甜品是焦糖燉蛋，也是十分美味。總括而言，由前菜，到餐湯，main course 都超美味，令我同老公食完都有幸福嘅感覺，老公仲讚不絕口！真是值得推介比各位！…Read More

難得約得齊朋友來個南豐紗廠偽文青遊，見到木衛二的環境非常舒適，就跟朋友一起點了手製飲品坐下來慢慢品嚐。我點了奶霜觀音，鐵觀音配上厚厚的芝士奶蓋，味道非常夾，芝士味濃郁，真是好好飲呀！下次再來要試下其他口味。😙😙😙…Read More

這星期放大假，想請媽咪吃自助餐，在OpenRice 見到訂位做6折優惠，所以就選了柏景餐廳。可能是自助午餐關係，感覺冷盆選擇不太多，只有蝦、青口及螺。螺算是不錯，幾新鮮，幾甜。而壽司刺身選擇也是不多，味道就一般般。其他熱盆也不過不失，而甜品算是幾好味。cheese cake 及焦糖布丁都好好味，是我杯茶。整體來說，6折價錢，味道不錯，也吃得飽飽，媽咪都話食得開心！…Read More

無意間同幾位朋友去到The One, 想搵個地方食下tea,傾下計，就搵到Lifetastic patisserie. 見到他們有最出名的草莓西瓜蛋糕，見到個賣相已經好吸引好想試了！因為真是唔多cake shop 會用西瓜來做蛋糕。另外我地仲叫了其他四款cake, 分別有荔枝玫瑰蛋糕、抹茶紅豆蛋糕、芒果熱情果蛋糕，仲有香蕉巧克力蛋糕。每款都好美味。我自己最喜歡是草莓西瓜蛋糕同埋芒果熱情果蛋糕，一來西瓜加草莓呢個配搭好fresh，而且唔是一味既甜。而我原本是十分好芒果既人，所以呢款我都覺得好好味。下次再約朋友high tea, 可再試呢間呢！😛😛😛…Read More

好耐無經過廣華醫院呢邊，難得經過，心癢癢好想食呢邊有名既媽咪雞蛋仔。呢間舖是即叫即整，我叫了一份抹茶紅豆雞蛋仔，抹茶味濃郁，而且粒粒紅豆唔算好甜，這種配搭非常好！店家真材實料，每粒雞蛋仔裡面都有粒粒紅豆Tim 架！去開個邊真是要叫一份慢慢嘆！…Read More

相約閨蜜聚舊，要開心盡情享受。大家都未試過西班牙菜，見這餐廳也蠻新，就試book。這是我們第一次品嚐西班牙菜。一入到La Postre, 裝潢好有格調，特別喜歡這種cool cool 的藍色。我們總共點了4個菜式及2款甜品。大啡菇竹炭漢堡--》大啡菇好juicy, 好味道西班牙海鮮飯--》海鮮算新鮮，而西班牙飯帶有少少辣味，好惹味，正。華倫西亞豚肉燉飯--》呢個豚肉燉飯好香，感覺無平時食 Risotto 個種食完個胃會變得好heavy 既感覺西班牙豬手--》 最愛是呢個豬手，製作需時要45mins, 平時我已經好喜歡食德國豬手，今次西班牙式豬手，佢地上碟時已經好窩心將豬手切到細細件等客人可以就咁叉來食。而在醬汁上再淋上一層蜜糖，甜甜的醬汁配肉淋皮脆的豬手，真是一流！超級推介！抺茶麻薯窩夫--》喜歡抺茶的味道，而且厚厚的窩夫夾雜了層煙韌的麻薯，配埋紅荳同雪糕，正！女皇麻薯窩夫--》只是賣相已經超靚超吸睛！食落去都是好好味架！荔枝汁加少少蜜糖味，再有埋新鮮生果配襯，真是巧巧味呀！其實食完4樣菜式我地已經好飽，不過女人是有兩個胃，見到甜品咁吸引，點都要食啦！好彩我地有叫到咋！再值得一讚是侍應的服務，他們超好，見我地一飲左半杯水，是超快手會來幫你添水，完全唔洗叫，介紹菜式亦很好！讚！下次我要同老公再黎試其他美食。😚😚😚…Read More

難得星期六有假期，老公卻要返工，就自己一個到處閒逛。走到銅鑼灣街頭，發現了這間Cafe,裝潢設計很有格調，亦坐得非常舒服。我點了杯Rose Latte, 真的非常好喝。店員為我弄了無嘴貓的拉花，雖然我唔太喜歡無嘴貓，不過好喝的Rose Latte已經蓋過一切！邊嘆咖啡，邊看書，非常悠閒寫意的週末。在店內，展示了很多不同拉花的照片，最出名應該是龍貓咖啡拉花。下次來一定要試一試其他咖啡。或者試一下這邊的all day breakfast 或者蛋糕。😚…Read More

其實已經來過coffee art 好幾次了。之前幾次同朋友來，今次就得自己一個，因為我掛住呢度既咖啡啊！今次點了「烤香草大啡菇配迷你蟹肉意大利包」及Ice hazelnut Latte。大啡菇夠曬juicy ,蟹肉意大利包亦都好好味，蟹肉調味唔會太喊，味道剛剛好。👍🏻而Ice hazelnut Latte也是好香濃，保持到咖啡既水準，正！雖然我去呢段時間是午市超忙，但店員都好有禮貌，食物亦都好快送到。享受了一頓開心午餐🍽🍄🥖☕️…Read More

第一次試GOODDAY Cafe, 踏進餐廳，簡單的裝潢，利用木製餐桌，播著輕鬆的音樂，整個感覺很和諧舒服，而且帶少少文青feel!我跟朋友分別點了至尊烤珍寶蘑菇手打牛肉芝士漢堡及是南瓜蓉雜菜意粉。另外餐飲我叫了一杯冰的hazelnut latte。 特別要讚的是至尊烤珍寶蘑菇手打牛肉芝士漢堡，因為蘑菇及牛肉真的很juicy 及入味，整得好好味呀！我同朋友分別食半個burger 都已經飽飽地。而南瓜蓉雜菜意粉及hazelnut latte就不過不失。不過總括而言，能無憂無慮的慢慢坐，與朋友相聚吹下水及享受美食，都是一個開心的一餐。…Read More

今次是第一次來Go inside kitchen, 入到去環境好舒服。因為我地有3個女生，食量不算太大，所以叫了兩個set dinner。 叫了煙三文魚芝士pizza & 西班牙海鮮意大利飯。原本西班牙海鮮意大利飯不列在set dinner menu 中，但值得一讚是侍應主動話叫這款飯加$90差額，就可享用appetizer +湯+甜品+餐飲。（原本set dinner E 海鮮飯都要$258，所以咁樣反而抵左）前菜叫了prama ham配密瓜田園沙律 &大啡菇沙律。Parma ham salad 配黑醋汁是美味之選。不過大啡菇salad 同我想像中有好大出入，只得幾條大啡菇😅。至於餐湯蕃茄湯味道幾濃幾好味。而我覺得最好味是煙三文魚芝士pizza, 芝士味濃郁，亦喜歡佢pizza 底厚薄適中，煙三文魚卷到花既樣裝飾亦夠顯誠意，所以最喜歡就是呢個pizza(本人好喜歡吃芝士🧀🧀🧀😛）意大利飯就不過不失，帶子煮得好味。甜品有士多啤梨泡芺同雲石蛋糕（呢個無影到相），味道也是不錯。總括而言，呢餐飯是幾好食，價錢亦合宜。下次可以同老公一齊來。P.S. 在OpenRice 訂位超方便，而且有全單85折。亦可以儲Asia mikes, very good 👍🏻👍🏻👍🏻…Read More

之前在FB 已見到L tea Room的介紹, 今次親身試真是覺得唔錯！第一，環境看得出店主所花的心思，用了很多粉紅粉紫等絲花及此色系物品去裝飾，而且有不少道具可供客人拍照，誠意滿分呀！亦十分適合喜歡high tea 的少女/靚女/靚太來。第二，食物無論甜點鹹點味道也不錯，我個人比較喜歡牛角酥及焦糖燉蛋。tea set 有兩款可供選擇（其實裡頭食物一樣的😂），有「秘密花園」及「鐵塔下的粉紅下午茶」，看看大家喜歡傳統英式Tea set 架，還是喜歡浪漫巴黎鐵塔。兩款也是吸晴，拍照一流呀！我和好姐妹就選了浪漫巴黎喇！第三，這裡的花茶是可根據自己的濃度喜好，請店員再額外加茶包的，大家可自己選擇淡或濃。整體而言，是一次舒服享受的high tea 體驗！☺️…Read More

今次是我第二次來食喇。第一次也是男友帶我在情人節來品嚐。兩次都好好味呀當晚我們叫了兩份Set Menu A，平時我是不好鵝肝架。但呢度既鵝肝真是好好味，入口好濃郁既味道，讚。而龍蝦湯也是非常濃的蝦味，完全用料十足，也是我飲過最好飲而且真材實料的龍蝦湯。到main course牛扒喇，五成熟真的最好味，肉質夠嫩，剛剛好呀。到甜品有我最愛的朱古力心太較，大愛啊！好好味。雖然平時好慳唔多去食貴野，但一年裡難得的拍拖紀念日，豪一豪食貴點也值得！…Read More