kl7351的個人專頁

師傅煮既野好不一，同一道菜，一時太淡，一時較咸。又唔平，同佢反映，好似唔憂做咁，愛理不理。冇下次。BY THE WAY,有個女人（疑似老板娘），遇上男食客叫野，佢就冇乜野，笑面迎人（基本上，做生意都應該咁）但係女食客order，就黑晒口面，男客有特權？6…查看更多

好難食既椒鹽豆腐，用錯豆腐整，茶記一定好味過佢，佢果隻唔係滑身，咬落去係臭豆腐入面果隻，即有窿，應該人地驚蒸排骨果 d囉。仲要$88,垃圾。如果一定要去呢間野食，記得唔好叫，煎釀三寶一定好味過佢，食咗二舊，真係越食越嬲，掉咗去，一路食一路閙，金銀蛋筧菜入邊好多殼，成間野唔知攪咩，一個椒鹽豆腐都可以咁失敗，考慮執咗去罷，嗚呼😔之前試過堂食，有個女人，應該老板娘，態度惡死，外賣多人唔接，好巴閉。唔知憑咩🤔…查看更多

見新開張試下啦，由於堂食位置不太好，近aeon出口既一排櫈坐位比人等果隻既food court，所以選擇了外賣，可能第一日（5/1星期五），員工錯漏百出，等咗好耐。整體麵貴過飯，賣相吸引，因為外賣，所以想試咖哩飯，怕麵外賣會冇咁好食，點知咖哩6點已經賣晒，唯有試下麵啦，於是買咗個蝦湯蠔麵外賣，第一啖，湯好有蝦味，不過越食越咸，要溝返好多水，否則怕個腎負荷唔到。d配料都好味，但個湯真係太咸。8/1（星期一）問員工：豚肉同义燒係咪同一樣野，因為見佢一個標明义燒，一個就話豚肉，點知收銀答我唔係，一個一塊，一個三塊，頂，我唔係問數量，我係問個食物呀😓。最後試了個咖哩蠔豚肉飯，即三隻蠔同一塊豚肉，要記住，豚肉意思係你一塊，义燒意思係三塊🤣。見上次食唔到就呢次試下咖哩啦。都係外賣，呢次個炸蠔勁多油，個膠盒底濕晒，攪到隻炸蠔變咗濕蠔，但唔係熱到倒汗水果隻。咖哩麻麻，食過就算，可能價錢整體來講飯係平過麵（都幾多），飯$5x，麵$7x，所以上次咖哩飯好快賣晒，但試過唔會再食佢咖哩，有陣怪怪地味，但可接受既怪😑最後，請員工注意，食店最緊要係衛生，隨付杯茶加咗料 - 頭髮。新開張都有呢種問題，贏唔到口碑喎。有待改善。…查看更多

招牌豆花豆漿，次次外賣都唔同，有時返到去，豆腐花係碎晒，以為自己係熱關係，第次凍又係咁，但之前買過唔係咁，有時直情唔甜，靠運氣先買到個正常。今次仲慘，比錯外賣，我冇可能次次對咗先走架，只買一樣，人流唔多都咁，有冇心做，冇下次😔…查看更多

我絕少寫食評，不過試了過十次，並唔係個別情況下，我決定要破戒寫。鋪頭標榜係黃而吸立好多年青人幫襯。正正咁，我都去試下份情義。老實講，食物真係一般。甚至比不上好多附近的泰菜。但可能偶然失手，耐何去了起碼十次，當中亦有外賣。最後都搵唔到藉得再比機會既原因。可能食物份量係大。如你重量不重質，係可以接受。以下係個人意見：-1. 員工態度愛理不理；2. 冇水冇紙巾，要叫先比；3.午市食套餐（平價）既可以去左邊鋪，食正價才可去右邊。耐何午市睇落套餐平，諗住泰式差極有限，而且佢真係泰國菜嫲。點知，午市套餐衰過2餸街市飯，食完超口渴，冇諗過爭咁遠。4. 外賣通菜莖多過葉。多油，叫咗少油都一樣。可想到，已經比了好多次機會。5. 外賣收$1明白的。但估唔到膠袋再收多$1...酒樓都唔會咁。幫襯咁多間外賣，佢係第一間，不如收埋餐具啦。。有時，用黃來做號召力，但唔該唔好亂來。真係會影響晒真黃架。…查看更多