goodwestgoodmood's Profile

暫時是在香港吃過最好吃的漢堡包，我選的是烤大菇牛堡，手打牛肉果然名不虛傳，肉質鮮甜，肉汁滿滿，份量也不惹小，一個包足以飽到上頸。再加上邊吃邊爆汁的菇，吃的時候完全不覺口乾，有菇的堡就是好。 至於炸物，覺得中規中距，沒太大感想。 唯座位較窄，點得太多也不夠位置放。 …Read More

因為MINO杯套應援而黎，下午茶時段人小小，夠清靜，食得舒服。同之前上黎裝修有啲唔同左，多左啲打卡位同雲石花紋既枱墊，不過就係膠既，可能用耐左，張野有啲癡手，我個人黎講就不太接受到🙈今次點左3.7牛乳湯拉麵($72)，牛奶味好濃，但唔會覺得好漏，麵身夠爽滑，個溏心蛋都整得好好食😍不過塊叉燒我嫌煮得太老，食落有啲「鞋」，但整體黎講味道唔錯，次次食過返尋味，算係咖啡綠茶既必食菜式之一。至於野飲我就揀左熱鮮奶焙茶($42)，算係呢度既特色飲品之一，茶味濃厚，味道有小小苦，但鮮奶既香味中和左苦味，所以易入口左，有啲似咖啡但又唔係咖啡，都幾特別，黎親都係飲距。…Read More

雖然呢間鋪一直都係度，但一路都冇試，最主要係因為自己個人黎講不太好川菜，不過個日想食個間冇開到，所以唯有當試新野。我自己就叫左個涼拌雜錦豆花米線($45)，叫左小辣，其實就唔算好辣，不過麻辣個種香都好出，同啲炸醬都幾夾。雖然撈埋啲榨菜會有啲咸，但因為有豆花同青瓜絲既關係，咸味中和左，咸辣度岩岩好，而且有小小汁，所以唔會太乾，味道真係唔錯。唯一缺點就係食到最後，啲米線浸得耐左吸曬啲咸味變得太咸之外，整體黎講都幾好食，適合我呢啲食唔慣川菜個種麻辣既菜式。另外朋友點左個蒜泥白肉($38)，加多$5就會有個白飯，我自己就覺得呢款涼菜味道辣味太搶肉味，川菜個種特有既「麻」味太勁，對於食唔慣川菜既我黎講未必好接受到，不過朋友就冇乜意見，所以真係好因人而異。…Read More

呢間台灣餐廳好似都開左一段時間，不過一路都唔為意(明明鋪位勁大😂)，就一直都冇黎試。之後聽朋友講味道唔錯，所以就過黎品嚐下。距個午市套餐都算多選擇，有飯有麵，不過因為冇食早餐，所以揀左個飯黎食。 今次試既係嘉義雞肉飯($55)，包一杯台式飲品同一碗湯，仲有三款小菜，份量真係唔講得笑😆 講下個飯先，嘉義雞肉飯算係清淡野黎(因為呢排太熱氣所以要食清啲)，但食落去雖然清淡但唔會太乾，雖然冇醬汁但有啲炸蒜同油撈埋食落去都夠濕。 至於個小菜都幾好食，有青瓜、 螺肉同芽菜，全部都有調過味，所以送飯一流。另外距仲有送個湯，出面其他餐廳既餐湯好多時溝勁多水，又落味精，所以次次飲兩啖已經唔想飲。但係距地個湯真係好真材實料，俾左好多湯渣我，仲要好夠火喉，同呀媽既老火湯有得揮😍所以碗湯除左有舊大肥肉我冇食到之外都飲到渣都冇得淨。食到呢度已經飽到上頸，最後我杯凍烏龍茶要拎走之後再飲先搞得掂😂 杯茶茶味好濃，唔甜所以好正(飲慣濃茶)，補差價仲可以變珍珠奶茶，下次會黎再試😊…Read More

南山邨除左有品香樓，其實係隔離既意粉工房都唔錯。本身係叫糖室，專做甜品，依加轉左手(定轉左型😂)主打平民意粉，甜品就聽聞係夜晚9點後會有(好似係🙈)。先講下麻辣鴨胸意粉($48)，麵身唔會太冧，因為唔想食太辣所以叫左小小辣，鴨胸煎得好香，呢款意粉都幾惹味。份量以我晚餐咁細食黎講，都算ok。飲品跟餐半價，或者加10蚊乳酪雪糕筒又得。另外我又試左個香蒜欖油哈哈哈意粉($50)，係用蝦、蝦乾、櫻花蝦煮成，口感層次分明，蝦肉夠爽滑，蝦乾有咬口，加埋啲香蒜，配搭中式得黎又唔突兀。總括而言，呢間餐廳既意粉走既係有小小偏住家意粉既風格，意粉黎講價錢親民，值得一試。…Read More

本身好鐘意食越南野，不過連鎖個啲(如越X)既味道同質素真係好一般，所以成日都會揾下邊啲越南小店好食。係黃埔呢間既越之味已經幫襯過好多好多次，不但湯粉做得出色，連越式法包都做得好好食。先講下個粉，今次我食既係大蝦蟹膏蟹肉湯河($78)，個湯真係好鮮甜，平時好少係街食湯粉會飲曬啲湯，但食距地個啲湯河/檬就會不知不覺飲曬，而且食完都唔係好口渴，食個陣擠啲青檸汁落去，鮮味更加出。 另外個越式法包真係不得了，我幾乎次次都係食慢煮燒牛肉法包($48)，個牛肉唔係全熟但唔會覺得好難入口，啲酸白蘿蔔好爽口，配上黃芥末醬真係估唔到咁好食! 最重要係你可以揀包既軟硬度，食唔到硬野既人可以揀軟包，不過我自己就鐘意硬包多啲，香啲又脆啲，口感一流😚…Read More

自己一直都係「越南亞呂」既半個熟客仔，後尾因為重建既關係執左，睇網上新聞知道係隔離街開返叫「新越南亞呂」，就打算去幫襯下。但黎到見到鋪名唔同左，好奇向老闆八卦下究竟係點樣既一回事，原來係因為呂師傅做左冇幾耐就冇留係度，所以老闆唯有重新執過個Menu 同煮法，姐係係呢度就唔會食到呂師傅既味道。 Anyway，一場黎到，都係要試下味道既。 我自己就因為唔太餓，所以就叫左春卷撈檬($38)，朋友就叫左生牛肉湯檬($38)。春卷撈檬其實好難整得唔好食，距地撈檬個汁都算唔錯，唔會太酸，調配得幾好。另外個春卷做法就同呂師傅既好唔同，個外皮唔係網面既，而係好似中式炸春卷咁既樣，中規中矩，個餡都足料，係當區越南菜黎講都幾平幾抵食。 至於個生牛肉湯檬，第一次見到有豬紅既時候都有啲嚇親，冇諗過會有豬紅做配料😂本身都想試下個湯底，耐何朋友真係好食辣，加左爆多辣椒之後我再試個湯底已經辣到試唔出係咩味，唯有下次再試過🌝 不過朋友既 feedback 都覺得唔錯既。下次我會再黎試下湯底🙈雖然依加食唔返呂師傅既味道，不過老闆都好努力做出自己風格，價錢又不算太貴，鐘意食越南野但預算不太多時都可以一試。 最令我滿意(?)既地方係距地個下午茶時段係去到6點鐘，真係好少有😂…Read More

成日行過都想試，耐何飯伴們都不太感興趣，咁岩今日打算去獨食既鋪頭冇開，就決定試食呢間既招牌雲吞麵。雲吞麵周圍都有得食，但麵同雲吞都好食既就好少。個人黎講，我覺得雲吞麵就係要食幼麵個浸鹼水味😂 剛好距地既幼麵非常之爽口彈牙，鹼水味恰到好處，十分對到我胃口。至於雲吞真係冇得頂，入面勁多蝦超足料，勁大粒之餘啲蝦非常爽口，啲皮又唔會太厚，十分高質又抵食，今時今日27蚊單拼黎講，性價比真係高到冇朋友😍 最緊要既係以呢類麵店黎講，環境其實都幾乾淨，絕對會有下次😃…Read More

突然之間好想食拉麵，上網睇左幾間，有小小想試下豚道樂，一於早啲去食。夜晚六點左右，鋪頭完全未有人😗可以放心慢慢揀慢慢食，鐘意蒜既我見到特上黑蒜油拉麵($93)諗都唔洗諗就決定要食距，朋友就食特上日本芥末拉麵($93)。 留意返唔揀特上都得，會平13蚊，不過冇溏心蛋、紫菜同少兩片肉(好似係)。 麵方面我就揀左曲麵，朋友就揀左直麵，曲麵粗啲同真係曲既，直麵就幼啲。硬度我係揀左硬，食落爽口啲，就算浸耐左係湯都冇咁快淋左。問過侍應辣醬唔辣，心思思都係加左，同個湯撈埋真係冇得頂，辣醬既香辣味令黑蒜油既味道好出，搞到我連個湯底都就快飲曬。至於日本芥末拉麵都幾特別，睇到個湯係綠色以為會伏，點知又幾好飲，唔會好似食壽司個啲wasabi咁攻鼻，配上芝士粉就冇左芥末原有既清淡味，真係值得一試。…Read More