nanonanometernano的個人專頁

平日晚上喺銅鑼灣食咗呢個白切雞飯，雞嘅份量非常之多，而且俾ge部位好靚，唔使特登加$15轉雞髀，食落冇味精，溫和嘅雞件，冇海南雞咁鹹，有一種住家嘅感覺～餐廳好好，就算一人餐都可以加錢要勁多小食，無限量咁樣添加，海蜇沙律，非常清新，作為前菜一流！黃金豆腐，外皮深脆內軟豆腐，大人細路都啱食😌最值得一提係蝦棗，包住腐皮，脆卜卜，食落Juicy，好考功夫🤗不過蟲草花湯略嫌未夠濃郁，但佢都俾咗好多蟲蟲花同埋肉粒～…查看更多

以前細個阿爸阿媽都會帶我去食油渣麵，依家大個咗就少食咗然後到油麻地食咗呢個新之食油渣麵，有返童年嘅感覺，油渣微脆，加埋東坡肉，增肥之選🤣上海麵粗幼適中，好好吸湯👍🏻咖喱牛腩飯，咖喱汁偏紅色，但食落去有咖喱味，生日啲辣，但接受到，牛腩好多，有埋薯仔同蕃茄，抵食！😌有幸叫埋個煎餃子， $22/5隻，唔貴，仲要好大隻，有韭菜同白菜味，我哋揀咗韭菜，煎得非常香口🤪整體嚟講餐廳唔貴，唔使$200已經可以食到咁多樣嘢，好難得，支持一下本土餐廳！…查看更多

拌刀削麵常溫刀削麵，用咗泡菜果種韓式辣醬整成，醬汁非常掛麵，麵條煙靭，介乎上海刀削麵同烏冬之間，幾有口感，配上紫菜非常惹味，牛腱有3塊，仲以為係素tim😂但略嫌少少柴🙈豆汁冷麵非常健康嘅感覺，用咗豆漿整成，配合爽口嘅青瓜絲，非常清新，好啱夏天食，但大家記得要落鹽去食喔！😏五花肉泡菜煎餅個人認為係全店最好食嘅🤩 雖然外表唔出眾，但食落非常有驚喜，脆卜卜外邊，配合薄薄嘅五花腩，非常可口，同埋香港較少有韓式煎餅食，而且份量唔會太多，價錢親民，絕對係必叫…查看更多

頭盤分別叫咗鷹嘴豆、茄子泥、菠菜酥餅及檸檬蒜蓉蝦。其實我完全未食過鷹嘴豆，對於今次呢個頭盤係我嘅新嘗試。意外地俾我煥然一新嘅感覺。鷹嘴豆嘅口感配搭附送嘅薄餅，就好似麵包搽花生醬咁，主要係鹹香味為主，中間帶少少甜。我同男朋友都好鍾意食。茄子嚟相較起嚟味道衝擊冇咁強，但食落都有淡淡嘅茄子味。而且雖然係泥狀，但仍然有顆粒感，口感非常獨特，比較適合味道唔太濃烈嘅嘢食嘅人士。蒜香檸檬蝦顧名思義，檸檬同蒜蓉嘅味都非常之配合，另外感覺亦都有落到唔少嘅橄欖油，有着將各種味道包括蝦味，檸檬味，蒜蓉味混合埋一齊嘅效果。提升咗整個菜式嘅完整性。菲達菠菜酥坐低嘅時候見到呢一個菜式名，非常吸引，就忍唔住叫咗件。佢唔單只係普通嘅酥餅。裏面加入咗菲達芝士、以及不同的香料。令我想起一道印度菜式都係會將芝士同菠菜加入香料融為一齊。而用酥皮包裹後，香味就會爆發出嚟，配上酥皮本身嘅油香，簡直係最強配搭。美國牛肋肉燉秋葵呢一道菜最主要用咗各種香料以及蕃茄燉煮牛肉和秋葵。牛肉非常軟腍，幾乎已經吸收全部嘅香料同蕃茄味，最驚艷係秋葵嘅部分。竟然可以將大部份滑潺潺嘅感覺去除…查看更多

香煎澳洲穀飼革架羊架大大舊，非常厚肉，而我好鐘意煎香左嘅羊架脂肪係有住好香濃嘅羊味。另外配菜嘅處理都非常好，蘆筍同菇都炒得好好食，加埋焗咗嘅蒜頭，一流！三文魚子配原隻磯煮鮑魚沙律鮑魚都夠腍，因為連殼嘅關係，食得會麻煩啲，有三文魚子做點綴令成個前菜生色不少😆自家製生牛肉他他牛肉他他係一道我自己好鐘意嘅前菜。呢個生牛肉嫩滑嘅口感加上酸酸地嘅調味非常開胃。另外加埋鵪鶉蛋黃撈埋一齊，將整體嘅口感再提升左一個層次。唯一缺點就係唔夠食，想食多啲😂😂法式油封鴨配南瓜蟹肉意大利飯最初以為蟹肉只有少少，點知每一啖都充滿着蟹肉香味，加埋南瓜蓉有好健康嘅感覺，配合埋鴨髀，絕對夠飽☺️自家製牛骨髓牛油包每個set dinner都會附送，牛油放入牛骨髓裡面，濃郁嘅牛味同埋鹹鹹地，配合埋麵包，好夾😌…查看更多

香煎澳洲穀飼革架羊架大大舊，非常厚肉，而我好鐘意煎香左嘅羊架脂肪係有住好香濃嘅羊味。另外配菜嘅處理都非常好，蘆筍同菇都炒得好好食，加埋焗咗嘅蒜頭，一流！三文魚子配原隻磯煮鮑魚沙律鮑魚都夠腍，因為連殼嘅關係，食得會麻煩啲，有三文魚子做點綴令成個前菜生色不少😆自家製生牛肉他他牛肉他他係一道我自己好鐘意嘅前菜。呢個生牛肉嫩滑嘅口感加上酸酸地嘅調味非常開胃。另外加埋鵪鶉蛋黃撈埋一齊，將整體嘅口感再提升左一個層次。唯一缺點就係唔夠食，想食多啲😂😂法式油封鴨配南瓜蟹肉意大利飯最初以為蟹肉只有少少，點知每一啖都充滿着蟹肉香味，加埋南瓜蓉有好健康嘅感覺，配合埋鴨髀，絕對夠飽☺️自家製牛骨髓牛油包每個set dinner都會附送，牛油放入牛骨髓裡面，濃郁嘅牛味同埋鹹鹹地，配合埋麵包，好夾😌…查看更多

花雕麻油雞湯麵藥膳嘅湯底，另上咗一杯仔花雕酒，配上冬菇杞子等等配料，十分足料，雞卷啖啖肉，肉質嫩滑，得略嫌麻油味唔算太重，但係咁樣會冇咁肥膩，健康啲🤓紅燒牛肉麵牛肉非常軟腍、分量仲好多有4、5舊。麵質係烏龍麵，非常掛湯之餘浸得耐都唔會腍哂非常正。仲有好多配料、紅蘿蔔白蘿蔔都大大舊，好滿足，營養都好平衡古早滷水拼盤（牛腱、雞翼、豬耳、魯蛋）以2人份量嘅小食拼盤而言都真係非常豐富。有4種食物分別係豬耳、牛展、雞翼同滷蛋。我特別鍾意牛展同滷蛋，滷蛋非常入味令我諗起去台灣旅行時每日都好想食嘅勁入味滷蛋。牛展都係非常驚艷，唔會韌而且非常有牛味！…查看更多

Chucney Signacure Buccer Makhani Sauce 招牌奶油咖喱餐廳唔單止有Butter Chicken，仲可以揀蝦或者牛，我哋就揀咗蝦，佢哋嘅蝦爽滑彈牙。最重要係個奶油咖喱醬汁，濃郁得黎帶少少甜味，食落完全唔會有油膩感，食指大動👍🏻Lamb Shank Nalli Nihari 慢煮羊膝咖喱Slow Cooked Lamb Shank, •Classic From the Streets of Old Delhi.羊膝簡直係一絕，首先份量嚟講已經非常滿足，唔單止圖見到隻羊膝嘅肉，個鍋入面仲有好多羊肉。而且羊肉非常軟腍，本身我仲諗住要拎把刀出嚟切，點知一叉落去啲肉已經散開晒。咁軟腍嘅肉質當然非常入味，如果有碗白飯就一流🤩Malaysian Inspired Clams 馬拉炒蜆甜甜辣辣，醒神開胃，蜆肉無沙，夾埋紅椒一齊食好夾☺️Tawa Prawn 酸甜醬炒蝦球同炒蜆果味差唔多，不過無咁辣，偏酸甜，蝦肉彈牙，好啱小朋友食🤓…查看更多

街頭豬肘拌飯豬肉份量好多，有好多片，味道好似東坡肉咁，但薄切，啖啖肉，食完有少少罪惡感😂鐵鍋米線你都見到一Pat豆泥，仲擔心會唔好食，點知食勁好味，配合埋肉碎，成個米線好出色，而且米線比平時譚仔嗰啲更加幼滑，唔怪得知話出名食米線😍爆漿芝士雞排食嘅時候要小心，原來外層係雞肉，好似麥樂雞咁，入面包住芝士汁，雖然冇拉絲，但芝士嘅味道滿滿☺️磁粑油條平時鍾意食紅糖糍粑嘅人一定唔可以錯過，估唔到用油炸鬼夾住糍粑，加上黑芝麻糖，又鹹又甜嘅感覺好夾🤩家人認為呢個必要， $18超抵食！三仙冰粉涼其實都係好似冰粉咁，但再加咗其他嘢簽過材料，令口感豐富啲，樣貌好吸睛，但都係比較推薦上面嘅糍粑多啲😎香辣木棉豆腐唔覺得辣，係凍食嘅豆腐，有啲似台灣豆乾零食咁樣，甜甜地😌…查看更多

之前經朋友介紹去過一次覺得唔錯，今次同另一啲朋友冇book枱walk in上去，餐廳冷清，但侍應招待熱情，態度良好三人行，每人一個set兩次都有叫威靈頓牛扒，上次等咗半粒鐘，今次相對快少少，酥皮鬆脆，夾住的牛扒非常腍，二百幾蚊價錢食到，性價比真係好高，而且有好多薯條同沙律菜，薯條會似係壽x郎嗰種味道質感，所以店員提醒選擇餐湯，因為主菜都已經有沙律，餐湯只有羅宋湯，但都好足料，有少少牛腩碎喺入面整太都覺得餐廳好好，一定會再嚟同介紹朋友，希望大家支持一下…查看更多

碳燒7OZ南非M8 9和牛牛柳扒牛柳以肉質較瘦嘅部位黎講非常軟淋，而且表面有碳烤嘅香味，以7oz嘅牛肉嚟講都非常滿足，仲有食極唔停口嘅薯條，所選用嘅係粗身薯條，非常有滿足感！海鮮拼盤有魷魚、翡翠螺、魚柳、大蝦、帶子五種海鮮集結。每種海鮮都經過調味烤製而成。我特別鍾意裏面嘅帶子，有時候帶子整得太老會好韌。但係呢間餐廳整得帶子軟腍腍度啱啱好，中間仲有少少粉紅色😌西班牙蒜味蝦最推薦的😻 上菜嘅時候已經勁香，鍾意蒜味嘅人一定唔可以錯過，每隻蝦充滿蒜蓉香味，而且爽口彈牙，夠晒大隻，同埋份量都唔少👍🏻配埋鬆脆嘅蒜蓉包，一流🤤🤤檸汁醃八爪魚慢煮八爪魚唔會覺得靭，加上酸酸地嘅他他，非常開胃，令人食指大動🤩另外值得一提係心太軟，呢個價錢真係超值，心太軟外脆，中間嗰層做到朱古力海綿蛋糕感覺，再食落去就係流心朱古力，整個火候做得啱啱好，配合埋雲呢拿雪糕，四重享受，為晚餐畫上一個完美句號，大家去到記得要嗌，同埋預留時間俾佢去整😍…查看更多

夜晚去沙田除咗新城市廣場，隔離有個細商場～偉華有一間性價比高嘅台式餐廳，有夜市風味，主食大部份價錢都係$68左右，價錢親民🥰如果做埋會員就有更加多嘅優惠🤭台灣鐵路大排骨便當排骨好大塊，而且又入味，加上有好多配菜：滷蛋，粟米等… 鍾意佢嘅粉絲🥰 味道簡單，純正台灣風味紅燒牛頰肉便當琴日肉類份量好多，牛肉入味，並且好冧，老人家都啱食，不過有啲會比較多筋，就要咬多幾下，而且好有營養更加入紅蘿蔔同南瓜，包埋小棠菜，可以攝取返啲纖維☺️夜市炸魷魚可以加錢要小食，用咗九層塔一齊炸，更巨台灣風味😍餐廳有食得多獎得愈多嘅積分計劃，住沙田ge可以做飯堂😆依家仲有迎新優惠，快啲join la！…查看更多

雖然呢間Cafe遠離地鐵站，但佢嘅開心果沙冰實在太好味la！如果想坐低靜落嚟 做吓嘢 chill吓或者傾吓偈都好啱~PISTACHIO CHILL只有一個size14安士，但對我嚟講都可以飲好耐，因為佢係比較稠，但又唔會咬到一粒粒細冰粒，呢個size已經好足夠，飲完都飽咗4成😂 而且超濃郁開心果味，唔會假同死甜，真材實料！COOKIES 'N CREME有啲似麥當勞嘅曲奇麥旋風咁樣，經典之作，一定唔會差😆Beef Meat Ball & Mash本身隔住櫥窗睇已經覺得薯蓉好滑，好似蒸水蛋咁樣，食落去的確非常幼滑，加埋瑞士式牛肉丸，好似迷你版手打牛肉漢堡配薯蓉，好味Artichoke Potato Salad整個沙律低熱量兼營養豐富，係一個健康健身好選擇，就好啱素食人士添！…查看更多

半殼紐西蘭新鮮青口（配多士） w/White wine聽吓可以選擇其他口味，包括辣蕃茄、冬陰功…，而我就揀返最經典嘅白酒，青口比起平時嗰啲大隻肥美，配合埋脆脆嘅蒜蓉包，呢個開胃菜食得開心，如果再多啲醬汁就更好了☺️香煎歐洲鱸魚配白松露焗薯魚嘅份量唔多，（適合細胃嘅女仔🤫），肉質柔軟，配合下面惹味辣辣地ge紅椒醬汁，加埋整第魚落咗小小檸檬甜味，酸酸辣辣，幾過癮，有東南亞風味似，加埋煎香咗嘅薯蓉，幾夾🤗澳洲M3和牛肉限扒 Medium 牛扒邊邊位切出嚟粉紅色，但中間會熟番d，應該唔使隻鑊受熱唔夠平均，但整體肉嘅質素唔錯，好冧，但牛味可以再多d，始終M3油脂分布差小小🤏🏻同埋要留意佢比較薄，性價比一般la🥹整體環境舒適，部份座位有海景，飲品價錢亦都合宜，仲有啲好特色嘅飲品，適合同朋友飲杯嘢傾吓偈☺️…查看更多

平時見好多大埔街坊食呢間海南雞飯，今次去試吓～招牌雞飯雞肉嫩滑，俾嘅部位都幾靚，完全冇骨，驚喜係油飯加咗乾蔥，令整個飯再昇華咗🤩細骨茶好足料，都有幾舊排骨，份量一啲都唔少，兩個人都夠分，味道屬於偏甜，小朋友都啱飲咖喱牛腩飯偏向馬來西亞風味，香中帶甜唔會好辣，唔會食到滿頭大汗，牛腩軟冧，唔會好乾好柴，仲鮮有地有牛肉香氣，最欣賞係個薯仔，本身煎咗少少，所以外層有薄脆感，為整個咖喱嘅口感同風味上提升幾個層次老街雞腿卷（2條）油香充足，外脆內軟無味精住家湯（碗）當日係南瓜湯，的確無味精，清甜足料，隨每個餐奉送👍🏻凍龍眼冬瓜茶…查看更多