Piggy_Yi's Profile

之前Tea time經過哩間專賣漢堡嘅小店，所以專登入去望下有咩食😆諗住試下啲特別啲嘅嘢，所以冇揀到漢堡，而係揀咗下午茶餐入面嘅焗蕃茄芝士多士😝仲有加咗個薯條🍟老闆話焗嘢都要啲時間，所以我就行開咗去㩒下錢，買咗少少嘢，返到去嘅時候已經有得拎👍🏻.🐽焗蕃茄芝士多士🐽多士上面有兩塊鮮蕃茄，然後上面再有芝士咁樣去焗🔥本身以為焗完之後塊蕃茄可能會變到好乾，但食落原來都仲有保留少少蕃茄汁🍅加埋芝士有少少拉絲咁，幾好味😋而隔離仲有啲沙律菜架🥗.🐽炸薯條🐽唔係講笑，個炸薯條真係幾好味，一拎嘅時候已經聞到好香，搭叮叮嗰陣都聞到香到要偷食兩條🤤因為新鮮炸起，食落又熱又脆，唔使點茄汁都已經覺得好好味🤣不過因為焗住返去，到真係食嗰陣淋咗少少，不過依然都好好食，好夠味，薯條又長，係會令人食唔停口，覺得好唔夠喉咁🤪.總括嚟講幾鍾意食哩間，尤其係佢嘅薯條😻下次會再去試埋漢堡🥰…Read More

哩間係出名慢煮嘅一間小店🤪之前撞啱朋友生日，佢話好想嚟試哩間好耐，所以專登book咗位😆雖然望落鋪仔細細，但其實有兩層，上層都幾多位架😛小店嘅裝修係復古工業風，店內氣氛幾好，好啱幾個朋友一齊去食👭🏻👬🏼.🐽美式芥末豬仔脾🐽見有好多人推介哩個豬仔脾，就一於都叫嚟試下🐷慢煮令到佢啲肉好淋，搵刀輕輕一切已經可以將肉同骨分開😳而且佢雖然望落唔大隻，但食落都啖啖肉，肉質都幾鮮嫩多汁🤓上面仲要配埋好濃郁嘅BBQ醬，好惹味🤩仲會有啲芥末醬，有啲開胃咁，夾埋啲肉嚟食好好味😋.總括嚟講覺得幾好，環境唔錯，嘢食又好味，如果有啲特別日子例如朋友生日咁都好推薦嚟哩間慢煮工業試下😝…Read More

而家嘅天氣成日都忽冷忽熱咁，明明前兩日仲好涼所以著咗厚嘅長袖衫，但今日突然有大太陽搞到好熱🌞天氣咁熱嘅時候最啱就係去食甜品🤪成日都見有個哥哥係銀城廣場出面派哩間雪糕店嘅Coupon，今次終於有機會去試下🤓其實都真係幾平，宜家$10就有兩球，仲有好多款唔同嘅味揀，所以同朋友一人叫咗兩球嚟食🍨.🐽尊貴金莎雪糕🐽金莎雪糕好濃朱古力味🍫入面仲要有少少榛子粒粒，令食嘅時候口感會特別啲🤓而且仲有啲榛子醬喺入面，不過因為咁可能會甜咗少少，但我本身好鍾意食甜嘢所以都覺得ok，不過如果你唔鍾意太甜可能就要試下第二隻味啦😉.🐽日式豆腐雪糕🐽本身已經好鍾意食豆腐味雪糕，而哩間嘅豆腐味好香濃，口感黏糯，甜甜地好好食🤤好推薦大家試下😍👍🏻仲要可以呃下自己豆腐味會健康啲，食完都冇咁內疚😼.🐽冧酒提子雪糕🐽豆腐雪糕以外我第二鍾意嘅就係冧酒提子味雪糕🥰佢幾濃冧酒味，而且入面都幾多提子粒粒架🍇所以都推薦大家試下😚.🐽榛子繽紛樂雪糕🐽繽紛樂味入面有好多朱古力碎碎同榛子醬，食落真係好似繽紛樂咁嘅味🤣不過同金莎味一樣都係偏甜，但我自己就覺得唔錯😜.總括嚟講覺得幾抵食，$10就有兩球😁而且佢仲有好多特別嘅味e.g.黑糖珍珠奶茶/焦糖脆餅/提拉米蘇等等，啱哂鍾意試新口味嘅人😆不過我最推介嘅都係豆腐味同冧酒提子味，大家經過都可以買嚟試下🤩…Read More

哩間小店嘅位置唔係好起眼，係喺汕頭街行到差唔多最尾先見到，不過好彩佢鋪面用咗鮮橙色，比較易認😝佢係以外賣速食為主嘅，店面好細，得幾個位俾人堂食，所以就決定買外賣啦🤪店主好nice，我叫完外賣之後佢都同我講要等一陣先有，叫我係前面嘅一張長凳仔度坐低等外賣🥰.🐽忌廉煙肉野菌意粉🐽意粉嘅口感啱啱好，唔會太淋，有啲彈牙咁🤓仲要好足料，會見到上面有好多野菌/洋蔥/煙肉😆而且個汁真係好好味，夠濃味，亦好Creamy!! 😻.總括嚟講覺得好好味，喺港島區嚟講個價錢已經有個咁好食嘅意粉都算係咁🤑而且份量啱啱好，一個女仔食嘅話可以食飽，唔洗驚嘥嘢👻其實佢仲有得揀Lunch set，可以自己揀要咩意粉/醬汁/配料，但我有選擇困難症所以先揀個現成嘅意粉🍝除咗有意粉仲有好多小食，下次會嚟試下佢嘅雞翼同薯條😊…Read More

見好耐冇食過越南嘢，知道大埔哩間小店嘅廚師全部都係越南人，所以專登去試下🤓小店門口裝修好簡約，要行上一條短短嘅樓梯入店內😛Lunch time去嘅時候唔算太多人，一個人去都唔使搭枱😎佢餐牌都幾多選擇，有已經配好哂嘅飯麵套餐，仲有自選套餐，最後揀咗個越式雞飯試下🤪.🐽越式雞飯🐽佢嘅雞好濃雞味🐥肉質夠嫰滑，配菜又好開胃，可以中和雞肉嘅油膩感😝不過佢嘅份量十足，如果大家胃口唔大嘅話記得叫少飯，唔好做大嘥鬼呀👻.總括嚟講覺得唔錯，份量好多好抵食，而且雞飯嘅質素都唔差，會再去試下其他嘢🥰.題外話：留意到佢餐牌上有幾款食品都有素食標記，所以素食者都可以去試下架🌱…Read More

厚福街出名多好嘢食，而第一次去哩間小黑糖嗰陣都係無意中經過，見佢望落唔錯咁所以先試下，但試咗一次之後就愛上咗佢❣️宜家差唔多每次去尖沙咀都會去飲，已經飲過好多次，應該係我暫時最鍾意嘅一間飲品店😻.🐽小黑糖珍珠厚鮮奶🐽雖然佢有好多唔同款嘅飲品，但可能因為我本身特別好甜又係黑糖珍珠鮮奶嘅超級愛好者，所以試咗幾款之後最鍾意飲嘅都仲係佢嘅小黑糖珍珠厚鮮奶🤤一拎上手嘅時候杯底仲係熱嘅😆因為佢嘅黑糖珍珠好入味，好濃黑糖味，仲要珍珠大細啱啱好，咬落軟糯又煙韌🤓仲要係用咗4.3牛乳+奶霜，飲落好滑同好重奶味🥛🤩.總括嚟講極推薦大家飲！要我日日飲都應該唔會厭😍…Read More

買電子腦嘢/電話卡都好鍾意去深水埗，夠多選擇又夠平🤣今次去咗深水埗就順便食下附近嘅美食😋哩間任仔點車仔麵鋪面唔算大，點餐嘅餐牌係可以寫完擦走，連連儂牆都係用白板筆寫，唔會嘥紙好環保😉選擇真係好多，湯底/粉麵/辣度/配料全部都係自己揀😳不過幾鍾意佢餐牌嘅餸全部都有圖，啱哂我哩啲懶得睇字嘅人🤣.🐽清湯+烏冬+日式糖心蛋+響鈴+鮮腐皮+紫菜🐽由於真係太肚餓所以叫咗加底，嚟到真係好大碗，食到好飽🐷第一次試哩間就決定要試咗清湯先🤓清湯幾清甜😛食到一半再加辣油仲可以試到第二種口味🌶烏冬嘅口感啱啱好，唔會太淋又唔會太硬🤪平時好少食生蛋，所以幾鍾意佢嘅日式糖心蛋，唔會太流心🥚好少見車仔麵有得叫響鈴所以專登叫嚟試下，響鈴浸一陣就吸晒啲湯嘅味，成啖食落口好正😍鮮腐皮好滑😜紫菜都好吸味👍🏻.總括嚟講覺得幾抵食，加埋底都只係$49，可以食到好飽😻…Read More

位於K11嘅哩間茶飲店地理位置好方便🗺👍🏻係商場行街行到攰覺得有啲口渴就可以去買杯嘢飲🤪見到佢嘅皇牌系列有我最鍾意嘅焙茶，所以就叫咗杯焙茶Latte嚟試下🥰.🐽日本焙茶Latte🐽焙茶嘅味道好出，好香焙茶味，配合埋牛奶味道啱啱好😋而且本身係預設咗半糖，絕對唔會太甜，啱哂想減肥但又忍唔到口要飲嘢嘅女仔😉.總括嚟講佢嘅茶品都幾高質，員工服務態度都好好，值得再去幫襯😁但下次決定要試下佢嘅綿花糖朱古力🍫見到張相有一大粒綿花糖係上面好似好吸引😍…Read More

難得山長水遠入到屯門搵牛牛🐮緊係唔可以咁快就返屋企，要食多幾餐先夠抵🤣所以就搵咗哩間甜品小店😋不過對於好少嚟屯門嘅我嚟講都要搵咗陣先搵到路😝一打開餐牌就俾佢嘅椰皇吸引住🥥望落好似好好食，仲要有咁多款揀😆但作為一個榴槤控，就決定要試下佢嘅榴槤椰子皇🤪.🐽榴槤椰子皇🐽。💰$66為咗懶係健康養生啲，專登叫咗個熱嘅榴槤椰子皇試下🤣一上枱嘅時候已經聞到濃濃嘅榴槤香味😍佢個底係椰皇燉蛋白，食落好滑溜好易入口😜椰皇上面仲有一大舊新鮮榴槤肉，再加多少少口感爆爆嘅海藻珠🤓配合埋椰汁一齊食好夾🥰.🐽芒果糯米糍🐽。💰$26咁耐冇去長洲都好掛住長洲嘅芒果糯米糍🥺見哩個餐牌張相同長洲嘅糯米糍有幾分相似，同樣係冇椰絲嘅，所以都叫埋嚟試下😇咬落去佢糯米皮覺得好煙韌，加埋入面仲有粒粒好甜嘅芒果🥭好好食!! 😽仲要細細粒咁，一啖就可以食哂😆.總括嚟講幾好，雖然我都好鍾意食佢嘅榴槤椰子皇，但相較之下更加推薦佢嘅芒果糯米糍😻如果唔鍾意食椰絲嘅朋友更加要試下佢嘅芒果糯米糍😼…Read More

成日都聽住觀塘嘅朋友講觀塘嘅工廠大廈好多隱世美食，今次嚟開觀塘就一於搵幾間小店試下😆OpenRice search竟然見到哩幢大廈同一層入面有兩間都有賣千層蛋糕😳個個女仔都有個甜品胃，而哩個甜品胃就好似無底洞咁食極都仲有位👧🏻所以食完對面鋪嘅Holam Bakery就決定要試埋Call Me Chef嘅千層蛋糕🤣佢太多款所以都揀咗一陣先揀到哩個藍莓芝士千層蛋糕，原來諗住只係食一件蛋糕都唔係幾好意思話堂食，但店員好好咁話可以坐低係入面慢慢食都冇所謂，好貼心🥰.🐽藍莓芝士千層蛋糕🐽話明千層蛋糕就緊係有好多層🤩而每層皮之間都會充滿滑滑嘅藍莓芝士忌廉，覺得佢食落去比較厚身，藍莓味都幾重，但又唔會太甜😋同埋上面真係會有兩粒藍莓仔😆.總括嚟講都唔錯，店員服務態度幾好，千層蛋糕又幾好味，下次會再嚟試埋佢嘅正餐😁…Read More

之前經過太和都唔為意佢喺度，係最近再經過先見到，然後就發現佢只係開咗大半年😳OpenRice見到嘅啲嘢食相好靚，所以專登打去Book咗位嚟食晚餐試下好唔好味😝哩間Blue House裝修好靚，佢嘅設計簡約，主要係用藍白色，俾人有好寧靜嘅感覺🧜🏻‍♀️.🐽香煎百里香厚切豬扒伴夏威夷芥末醬🐽。💰$78佢一上枱嘅時候我都嚇親，通常人地出面話厚切豬扒只係細細塊有少少厚咁，但佢嘅豬扒冇呃人，真係好大塊又好厚，咬落啖啖肉🐖仲有唔好睇佢咁厚就以為佢一定好實淨好難咬，佢咬落係好淋，仲要煎得好香，完全顛覆我對厚切豬扒嘅印象🤩仲可以點埋佢嘅夏威夷芥末醬，甜甜地好開胃🤪連佢嘅伴碟薯條都我最愛嘅粗薯條🍟.🐽烤菇黑松露牛乳意粉🐽 。💰$68一上枱已經聞好香嘅黑松露味，食落口就更加香，更加濃黑松露味😋加上佢啲汁好Creamy，真係會令人食唔停口😍而佢啲烤菇都同平時食嘅唔同，平時食嘅可能會好淋，但佢嘅烤菇係有少少彈牙🤓仲有叫嘢食嘅時候店員都好貼心🥰知道有啲素食者係唔食洋蔥，會專登提醒話入面有洋蔥，如果係唔食嘅話可以幫手同廚房講唔落洋蔥🧅.總括嚟講覺得哩間小店好高質!! 雖然你可能會覺得我講得好誇張，但我真心覺得好好好好味😻仲有同相同質素嘅西餐廳比嘅話佢真係好平，性價比好高👍🏻絕對推薦大家嚟試下🥰…Read More

今日去開西灣河，唔係太肚餓但又口痕想食啲嘢，所以周圍行下睇下有咩好食。本身係想去附近食Cs’ Bakery試下佢嘅蛋糕，但去到嗰陣啱啱好賣埋最後一件，唯有下次先再去🥺點知行前少少竟然俾我係門口望到哩間入面有Luffy牆!! 😍作為One Piece Fans嘅我就忍唔住衝咗入去食啦😝.🐽甜爺爺🐽哩個甜爺爺個底係椰皇果凍，上面有個焦糖雞蛋布丁，再有椰汁同花奶😋佢嘅椰皇果凍好濃椰子味🥥焦糖雞蛋布丁好滑，仲好有蛋香🍮配合埋椰汁同花奶一齊食真係好好味!! 😻.總括嚟講幾好，見到佢嘅One Piece牆已經加哂分，仲要哩個甜爺爺都好好味👍🏻下次會想試埋佢嘅榴大爺/芒少爺，好似都會幾好食🤤…Read More

作為甜品愛好者嘅我每次出街都會好想係臨返屋企前食埋甜品先，覺得咁樣先係完美嘅一日😽今次食晚飯嘅時候只係食到七成飽，個胃就仲有Quota可以去食啲飽肚少少嘅甜品😆之前成日都見人Post哩間樓上小店嘅蛋糕，想過嚟食好耐，所以襯今次就嚟試下啦😝行樓梯上到一樓就會見到「小念頭」嘅牌，一入到去已經好興奮咁去咗蛋糕櫃度睇下有咩款可以揀，一向鍾意茶味甜品嘅我就揀咗焙茶戚風蛋糕😋.🐽焙茶戚風蛋糕🐽佢嘅戚風蛋糕好鬆軟，咬落都幾有彈性，而且仲會有好淡嘅茶味🤓而焙茶醬嘅焙茶味好突出，好濃郁，食完仲會有少少回甘，唔會好膩🤪加埋好幼滑嘅忌廉三樣一齊食，味道啱啱好👍🏻仲有粒甜甜嘅士多啤梨架🍓.總括嚟講幾唔錯，蛋糕好食之餘環境都幾好，店內嘅枱主要以木枱為主，仲會周圍都有好多綠色植物，令人有好放鬆嘅感覺🥰.題外話：啱啱睇佢Instagram先知佢嘅網店新開張！🤩宜家疫情嚴重未必成日有得出街食甜品，但佢嘅網店有得外賣送芝士蛋糕去到屋企樓下，好方便，好貼心，決定遲啲要外賣個試下😍…Read More

平時工作咁忙，返工放工食飯搭車都要同人逼，難得放假都想搵個地方好好休息下，所以決定搵間樓上cafe同朋友坐低吹下水，俾自己放鬆一下。哩間樓上cafe嘅位置喺旺角，幾方便住唔同地區嘅朋友去。但佢嘅入口可能會有少少難搵，佢喺登打士街，彌敦道同砵蘭街中間嘅一條小巷，見到條寫住Paris嘅巷仔行入去就啱，唔洗懷疑🤣入到巷仔前行幾步就會見到哩個恒威商業中心嘅入口因為係佢啱啱開門冇耐我地就上去，所以我地係第一枱客人入坐前店員會為我地探熱，然後遞埋酒精搓手液俾我地先入坐望落環境唔錯，仲分配到去窗口位，可以望到旺角嘅街道因為夜晚仲會食晚飯，所以只係叫咗2個tea set，有小食加飲品.🐽粗粗地炸薯🐽佢嘅炸薯條新鮮炸起夠哂熱而且都幾粗，上面又有啲調味粉，鹹鹹地咁，就算唔點醬都夠哂味.🐽麥樂雞🐽覺得佢嘅麥樂雞比起麥當勞嘅仲好味！平時食麥當勞嗰啲會覺得層皮唔係痴住中間啲肉，空氣感比較重但哩間嘅麥樂雞食落嘅口感就實淨啲，而且仲有配埋泰式辣醬.🐽青蘋果綠茶🐽同道地嘅蘋果綠茶相比，哩間cafe嘅青蘋果綠茶嘅蘋果味幾濃🍏同綠茶味好夾🌱.🐽蜜桃紅茶🐽至於蜜桃紅茶比青蘋果綠茶再甜少少，有甜甜又濃郁嘅蜜桃味🍑.總括嚟講都幾滿意，而且餐牌後面仲有埋遊戲指南，連好少玩game嘅人都可以參考下(但唔夠位放埋上嚟OpenRice 大家可以去到幫襯嘅時候睇)，唔洗一頭霧水，覺得幾貼心💕樓上cafe嘅環境會比較清靜，坐窗邊位仲可以飽覽旺角嘅街道😆係上面hea下，玩下game，同朋友吹下水就好快過咗幾個鐘，啱哂忙碌嘅香港人想放鬆下嘅時候去…Read More

今日去開油麻地，就想食哩間用椰子做主題嘅小店，其實之前已經試過覺得好好味，所以今次要再食😆.🐽招牌原味椰凍🐽今次嘅椰子係用泰國嘅椰子，所以個椰子會大個啲🥥個椰凍好濃椰子味，係好似布甸咁嘅口感🤣上面仲有好多曬乾咗嘅椰茸，好香口🤓如果食完個椰凍仲可以叫店員幫手刮埋啲椰肉出嚟食架，口感爽爽地咁，唔會浪費個椰子😋.🐽彩虹雪球椰凍🐽彩虹雪球椰凍係普通原味椰凍上面加上椰子雪球🍨佢嘅雪球係類似雪葩 又有少少似冰咁，食落有淡淡嘅椰子味🥥配埋椰凍嘅口感好有層次感🤪.總括嚟講如果係鍾意椰子食品嘅話好推薦大家試下🤤除咗有椰凍仲有椰子嘢飲架😝…Read More