Rice2FixYou's Profile

咁啱嚟開觀塘駱駝漆呢邊行吓shopping完，Feel到有啲肚餓，行多5min. 就嚟到一間外觀好Chill嘅餐廳。基本上呢間餐廳外觀已好attractive, 仲估唔到加埋入面嘅interior 環境好特色，感覺正到飛起～小學凳、黑板、體操跳箱… 個黑板仲有Chiikawa加持～呢晚想食飽少少，想食暖少少，所以揀咗個豚肉鍋。豚肉味道一流，加上個鍋係有爐底keep住熱力，嗰種溫暖感，very nice~如果下次再嚟開觀塘，或者會再嚟呢間試埋其他美食。 …Read More

今日喺平日剛巧放假，嚟咗德福呢度食個下午茶。 是咁的，話說睇完場movie，想食少少嘢，而又唔想食得太飽，就不如食個下午茶。 睇過同層嘅其他餐廳之後，就揀咗入呢間。 唔係講其他餐廳差，而係呢間餐間嘅外觀同裏面都吸引到想入去。 Comfort ～入咗去坐低後，揀咗個下午茶係越式包包陪薯條。脆脆的包，咬了一細口，流出少少嘅肉汁。 Very nice ：）至於薯條方面，雖然唔能夠媲美大型鏈鎖店或者某些美式餐廳。 作為一間越式餐館，味道尚算合理。今次無嗌咖啡，或者下次可以飲埋杯越式滴漏咖啡。…Read More

拉麵最緊要係湯底~今日夜晚過開沙田新城市廣場呢邊，就行吓街，搵吓嘢食啦。咁啱見到地層有啲餐廳，就走嚟望吓啦。咦，有間食拉麵喎，不如試吓啦。等咗一陣就可以入座。 呢度主要嘅係食麵嘅，即係拉麵，沾麵等等。我揀咗個塩味拉麵。 塊紫菜都緊要嘅，成個拉麵嘅外貌就係因為有咗塊紫菜，靚仔晒。麵質好好嘅，叉燒醬正，而小編覺得個湯底真係好緊要，食唔停，有種想飲晒成碗湯嗰種感覺。 美味指數5粒星😋。下次，如果有機會嘅話會試埋個沾麵。…Read More

2025年1月1號，難得嚟到上水，泊低架單車。搵到一間可以食拉麵，點都要試吓啦。店面同埋店入邊都環境好好，就好似去咗日本咁。有陣時就係鍾意呢種感覺，你知啦我哋呢啲打工仔唔係下下都可以即刻飛到日本鄉下㗎嘛。二話不說，坐低之後就嗌咗個一鳴拉麵，仲加咗個餃子。本身諗住飲番杯啤酒，但一陣要踩車（踩單車），注意安全，咁就飲少咗杯啦。為己為人呀嘛。講返啲嘢食先，個拉麵我揀咗太麵。太麵嘅麵質一流，簡直係無得頂。咁當然塊叉燒都重要啦，外軟內脆。唔係，係外脆內軟先啱。食過返尋味。當然，個餃子都超正。如果假期難得踩單車，或者都可以過呢邊食個拉麵補充體力。 順祝各位新一年身體健康。…Read More

嚟到科學園附近行吓，剛好見到一間環境舒服嘅cafe店，就入去坐吓。如果Weekday返工嘅日子，呢度附近應該好多人。 咁啱Sunday嚟到，就無𠴱種好趕忙嘅感覺。對小編嚟講感覺休閒嘅話，簡簡單單，都已經好滿足😌地方唔算大，有drinks，有嘢食，有desserts。好隨意Order咗個甜品，Less is more呀嘛. 品嚐一吓，讓心中寧靜。亦係俾自己Charge charge電，放空一陣。Veery nice!…Read More

放長假期，嚟到西貢，咁就簡單食吓喇。今日嚟到Little Cove，排咗一陣好快就可以入座。點咗個Smoked Salmon on Sourdough Rye , 再嗌個French Toast, 同埋Breakfast Bowl.Smoked Salmon 睇落唔大，而慢慢食落去都好唔少份量嘅Breakfast Bowl就係健康之選French Toast 方面，如果你係食開甜品嘅話，呢個真係無得輸😋樣樣都mm7 ，好味。值得推薦👍🏻…Read More

有一段日子冇放過假，難得放假，今朝就嚟Boundless坐吓Chill 吓。環境優雅，寧靜舒適～簡單嗌咗杯Cappuccino, 同埋…嗌咗個焗薯皮。係呀，一時興起就嗌埋個焗薯皮。Cappuccino 係用嚟俾我放鬆頭腦(尤其當望到佢嘅拉花），薯皮就用嚟讓我Charge charge電（味道當然係very nice)。今朝咁啱有啲靈感，就帶咗本細scratch pad喺度隨便畫吓。總之，今朝喺度對我嚟講就係好Chill ～ Again～…Read More

… 夠香 …夠勁 …夠醇講乜啊 你？小編講緊嘅咪就係…Coffee雪糕 夠香！檸檬Tart 夠勁！Heart太軟 夠醇！今日下午茶時間，踩單車 踩到嚟呢個海濱旁嘅cafe. (海景令人心曠神怡)泊好單車 就入去cafe ~話明係下午茶時間，咁梗係睇 下午茶 甜品 menu先喇。踩咗陣單車係有啲口渴，但見到甜品menu之後，就係想食多啲甜品。一口氣嗌咗 3款甜品 再 加多1杯嘢飲。Coffee雪糕 - 配搭同味道一流。 尤其最初倒入coffee嗰吓更加係99.99%好治癒~檸檬Tart - 味覺上 勁醒神 (酸中帶甜)至於Heart 太軟 - 入口即溶，溫度、味道都啱啱好。每食一口，都停唔到口😋之後 呢杯 綿花糖朱古力，朱古力上嘅每粒綿花(糖) 都錦上添花 🌸感覺weekend 或者節日，如果踩開單車嘅朋友不妨可以試吓～…Read More

今日黃昏稍為有點時間，就過咗嚟啟德呢邊，由啟德站出 行10分鐘度就到 (因為暫時沿行人路有啲工程，提提唔好行錯方向)。剛好小編入座時唔需要排隊，甚至可以坐到樹下嘅位置，簡直就係 “小確幸” 。簡約清靜，立即讓人有放鬆嘅感覺。點了一份吐司，一款甜品(苔玉)，一杯chocolate.精緻嘅美食 隨後端來。 慣性動作 打吓卡，俾部手機食先都緊要嘅。苔玉 呢款甜品真係要先好好觀賞才好品嚐。 苔嘅外觀，小甲蟲嘅靜。“Quiet in Mind"然後，小口品嚐裏面入口即溶嘅朱古力，就係樹下嘅一份甜美。This is Tree and Me time.…Read More

過去嘅個半月，Project 企劃 籌備 ... 跨越後 小編想搵一個 可以俾到小編寧靜嘅地方Calm grows in a quiet place. May be...感覺呢一刻 擁抱到呢個CalmCappuccino嘅拉花 加上呢度嘅環境 Ultra舒服∼ʕ•ٹ•ʔ…Read More

今日收工之後，晚上嚟到沙田新城市呢度，諗住簡簡單單搵間餐廳坐吓食吓，點之餐廳喺呢度多到花多眼亂，一時間唔能夠即時決定到，咁就唯有行吓睇吓先。忽然間行度嚟呢間餐廳門口，深深被吸引嘅，唔係佢門口金碧輝煌 星光璀璨，而係被門口位置嘅貓貓吸引咗視線。起初唔知，仲以為點解有咁乖乖嘅貓瞓喺度 (原來接近係1比1公仔嚟)。 既然停低咗嘅，咁就不如呢間喇。講番啲嘢食先∼小編食嘅係軟殼蟹款塔可，雖然餐牌有標示呢款有“辣”，但一啲都唔辣。 話說都係軟殼蟹，食塔可嘅感覺食起上嚟，比起平時食開嘅手卷完全係兩個層次。誇張啲講，佢就好似打緊舌尖味覺上嘅Final Boss.. (Yes, sounds much, but this's real)壽司塔可 : 滋味無限“分”，外脆內軟，作為餐前小食嘅話，呢個無得輸！無錯，食過番尋味，小編就係推介 “塔可”！(同場加映 - 班尼迪蛋good, 角切魚生丼 都good)…Read More

呢個慢煮紅酒牛肉意粉，肉質夠淋，夠juicy.麵質適中 有咬感。配咗少少車厘茄，少少酸，醒醒胃。當然 如果少番啲啲橄欖油就更好更mm7 (估計咁會更適合係Ladies)題外話，呢度環境坐得都幾舒服。…Read More

今個星期Friday Night難得Chill吓，去咗港島區 呢間食吓嘢 飲吓嘢。3月尾嗰邊人哋睇緊攬球(Seven)，呢度可以稍為靜靜地坐低一陣 嗌咗個light meal “路唇”，暖暖胃先. 飲吓麥啤。 VerY Nice∼∼跟住嚟個慢煮豬仔脾 呢個好味到呢 食唔停... (講真 呢個心想再嗌多一份)其實呢間餐廳甜品都有幾款揀吓嘅(咁當然唔可以對比啲甜品主打店或者甜品鋪喇)最後揀咗有紅酒嗰款嘅甜品，食埋呢個有 紅酒梨 配咗曲奇味i-cream嘅甜品. 細細口梨配住啖啖嘅icream, 非一般嘅享受∼∼Fri Day Night Chill mm7…Read More