Jollyjelly's Profile

附近開左間新cafe，上星期去左試下。間cafe裝修得好靚，座位舒適，坐得好舒服👍🏻大蝦蕃茄露荀意粉，色香味俱全，d蝦爽口彈牙。 叫左個雞扒菠蘿漢堡配薯角，麵包外脆內軟，菠蘿同個雞扒呢個配搭相當有驚喜，再加埋沙律菜，口感好豐富。本身好鍾意抹茶，所以嗌左個Matcha latte同keto抹茶卷蛋試下。卷蛋唔會太甜，份量啱啱好，值得一試。好開心喺popcorn開左間咁高質既cafe，有機會一定再黎！…Read More

早排去咗九龍城一間朋友推介嘅居酒屋食串燒，非常有驚喜。餐廳有兩層，我哋被安排坐喺上層tatami座位。餐廳環境好有氣氛，坐得幾舒服，好適合情侶或者三五知己約埋食下野、傾下偈。前菜嗌咗古早蟹籽沙律同埋黑松露枝豆。第一次食黑松露枝豆，味道好特別，值得一試。特別鍾意佢個免治雞肉棒配醬油蛋，好出色👍🏻串燒全部都好好味，一定要試富士蘋果豚肉卷同埋青森青提豚肉卷，水果夠juicy配埋燒到啱啱好嘅豚肉，估唔到咁夾。食親串燒都必嗌既明太子雞翼同燒菠蘿😋呢個蟹羔玉子燒不得了!! 熱辣辣，入面好soft，好美味👍🏻燒原隻魷魚，燒到剛好，唔會韌👍🏻南蠻炸雞，外脆內軟，雞肉嫩滑，配埋個特製醬汁，唔錯唔錯👍🏻網燒月見牛扒丼，薄片牛肉，配埋d蔥一定食，好滿足。甜品嗌左豆腐雪糕同抹茶雪糕🍦整體食物高質，店員服務好好，價錢又唔貴，一定會再嚟😃…Read More

今日試左旺角一間新開既拉麵店，估唔到咁高質，真係超有驚喜!! 環境好靚坐得都舒服，特別鐘意佢d燈籠裝飾，好有feel😍大家一定要試下個蕃茄蝦湯沾麵，湯底好出色，一試難忘😋 d配菜好豐富，竟然有兩舊溏心蛋，仲有塊Pesto多士好特別👍🏻蟹肉蟹湯拉麵，呢個都好食，湯底濃郁，勁多蟹肉好足料，食到勁飽😂連個小食芝士燒年糕都好正👍🏻好鐘意呢d特色小店，香港好食既拉麵店真係唔多，希望佢可以keep到個質素啦！…Read More

搬咗嚟將軍澳，發現海旁真係有好多特色餐廳，環境靚食物又高質。今次試左Monterey 嘅一間泰式料理餐廳，非常值得推介俾大家。餐廳裝修得好有格調，坐得非常舒服。食物方面，頭盤嗌咗鮮蝦柚子沙律，好開胃而且好足料，加咗d炸蒜同花生，好夾。軟殼蟹米紙卷，大大件，除咗軟殼蟹，仲有青瓜紅蘿蔔生菜喺入面，有豐富嘅口感。主菜嗌咗個泰式濕炒河，又係好多菜好健康。河粉嘅質感都唔錯，可以一試！飲品嗌左椰青，椰汁鮮甜，果肉好鮮嫩，好正！下次一定會再encore😋…Read More

將軍澳南開左好多新餐廳，沿住海濱長廊，環境好chill好舒服。今日試左間台式料理，有好多野食選擇，味道都唔錯👍🏻餐廳裝修好有風格，坐得幾舒服😌嗌左個晚市二人套餐，超級豐富，幾抵食👍🏻上菜速度快，用app落單，轉個頭就有得食！前菜係木耳同青瓜滷肉菜心，估唔到咁match👍🏻肉骨茶滷水雞翼，整得幾入味，唔錯！三杯雞!! 熱辣辣好夠鑊氣，d雞好嫩滑，好多蒜頭，正啊！蜜桃咕嚕肉，酸酸甜甜，好開胃。滷肉飯兩碗，份量都幾多下，好滿足！餐飲嗌左黑糖薑母茶同埋桂圓紅棗茶，好滋潤。…Read More

尖沙咀厚福街不嬲好多好野食，有朋友推介話呢頭近排又開左間新餐廳，好有特色既fusion菜，於是book左位試下😋啱啱開番晩市，星期五既晚上，餐廳座無虛席。餐廳嘅裝修走型格路線，有個open kitchen，我哋揀咗吧枱坐，睇住大廚煮嘢食。先黎兩杯特色飲品，熱帶雨林同埋熱情果有子伯爵茶梳打，好清新，果味濃郁👍🏻前菜嗌左好多人推介既帶子蟹肉牛油果他他配薑油黑醋汁，擺盤好靚，食落非常有驚喜!! 淡淡蟹肉mix牛油果加上脆卜卜嘅多士，配埋黑醋汁，味道好夾，非常開胃。板燒頂級肉眼配阿根廷青醬伴烤菊芋蓉，好新穎嘅配搭。牛扒七成熟，粉嫩多肉汁，煎得剛剛好。配菜很不錯，蘆筍夠爽嫩，菊芋蓉亦好特別，好豐富嘅一道主菜。香蒜橄欖油海虎蝦扁意粉，大蝦彈牙爽口，意粉好重蒜味，食到停唔到口!!成餐飯好有水準，睇得出廚師嘅用心製作，有機會一定再嚟😋😋…Read More

大角咀一向有好多隱世餐廳，上星期去開附近，當然要喺呢頭覓食啦。上網見到到呢間特色西餐廳有好多好評，一於試吓先！Weekend既中午時間唔洗等位就有得入🤪佢推出左個抗疫lunch set，包左沙律同飲品，仲可以以優惠價加小食，都幾抵食👍🏻香草牛油蒜香焗田螺，熱辣辣啱啱焗起，田螺好香蒜味，薯蓉好好味，值得推介！炸蠔都炸得唔錯👍🏻Main dish嗌左個冬蔭功海蝦，蝦好新鮮，好鍾意食呢d手工意粉，個汁好香好惹味，估唔到咁match。最後仲有個安格斯牛肉漢堡配薯條，份量都幾大，厚厚既牛肉，七成熟啱啱好。滿足既一餐😋…Read More

早排經過灣仔見到新開左間餐廳，專係食手工拌麵，見到幾吸引，一於買外賣返屋企試下☺️ 佢有個午市套餐都幾抵食!!野生松茸鮮雞，足料靚湯，好滋潤同埋飲得出冇落味精。小食嗌咗手拍小青瓜，份量都唔少。芥香麻醬雞絲粉皮，麻醬同芝麻醬都係分開上既，食嘅時候先撈埋嚟食，而且份量又係好多，夠哂兩個人食👍🏻鮮茄牛腩拌麵，個醬汁撈麵好夾，啲牛肉好腍，好新鮮嘅配搭。當然要試吓佢哋嘅鎭店之寶，蟹黃拌麵，啖啖蟹肉同蟹黃汁，配彈牙嘅陽春面，食到停唔到口呀😋😋…Read More

我一向好鍾意食車仔麵，有日經過旺角見到有間新開嘅車仔麵，裝修幾靚，價錢又唔貴，於是入去試吓。呢間車仔麵都幾有特色，除咗車仔麵之外，亦都有好多小食俾大家選擇。飲品方面，我哋試咗佢嘅港式奶茶，茶味香濃，值得一試。跟住點左啲小食試吓，熱辣辣新鮮炸起，炸粉唔會太厚，很不錯。炸蠔炸得剛剛好，點埋個醬汁食一流👍🏻另外，呢個南瓜薯餅亦都非常有驚喜，南瓜鮮甜，食到唔停口😂終於到主角車仔麵，一碗嗌左腩肉魚腐蘿蔔芋絲配烏冬加腩汁，另一碗嗌咗糖心蛋蘿蔔魚腐魚肉春卷烏冬加沙嗲汁。糖心蛋好正，蘿蔔好鮮甜。個人鐘意沙嗲湯底多d，唔會太咸。再加埋蠔油生菜，食得非常滿足的一餐。…Read More

平時週末好鐘意去揾d特色cafe hea下，上星期六試左間好高質既cafe👍🏻👍🏻 間cafe係海港城，裝修得好靚，走新潮型格路線。座位舒適，坐得好舒服😌嗌左杯special drink Citron Vodka，淡淡既酒味配citrus果香，很不錯！下次有機會想試埋佢其他特色drinks!!虎蝦risotto，色香味俱全，d蝦大大隻爽口彈牙，洋蔥同蕃茄都好足料，成個飯口感好豐富。呢個菠蘿雞扒burger相當有驚喜，超巨型，個麵包外脆內軟，鮮甜嘅菠蘿同個雞扒好夾，再加上沙律菜，食落一d都唔heavy🤩 最後甜品嗌咗french toast配雪糕同salted caramel sauce，為今餐劃上咗完美嘅句號。…Read More

好耐冇食韓國嘢，醒起之前朋友推介銅鑼灣有間唔錯嘅韓國料理，一於黎試吓。一入到餐廳，見到d佈置好有心思，d燈飾好靚好浪漫😍 環境唔錯，坐得好舒服😌嗌左個烤肉豆腐韓式火鍋試下，份量都唔少! 配菜有年糕、粉絲，仲有好多菇，好豐富👍🏻 配埋個調味醬，好地道既韓色風味啊!! 熱辣辣嘅火鍋，飲番杯啤酒，好正😂仲有個薯仔煎餅，份量好多，夠3-4人share!! 個煎餅煎得好香口，個面好脆，入面有一絲絲嘅薯仔，加上濃郁嘅拉絲芝士，好邪惡但又好好味，必試😋…Read More

西環一向有好多高質cafe，今次特登黎左第三街一間隱世小店飲下咖啡、食個brunch。嗌左杯Dirty 同cold brew試下，店員介紹今天用既係黎自Kenya既咖啡豆，味道較為fruity d。欣賞cold brew個杯係結左冰既，夠哂凍👍🏻👍🏻本身想試truffle mushroom panini，不過當日十一點幾已經賣晒，想試既可能要一早去。Panini 焗到剛剛好，外脆內軟。我比較鍾意classic ham and cheese panini，口感豐富。朋友點既pesto salami panini都唔錯，個人認為略為重口味。最後到呢個間店必點既burnt cheese cake!!! 好好味啊!!!!😋😋 個texture好正，加上好濃好creamy既芝士，必試👍🏻…Read More

之前係太子已經試過呢間餃子店，成日都見到人龍不絕。原來佢喺中環都開咗分店!! 呢間算係全港數一數二好食嘅餃子店，每次食完都非常滿足。每次必嗌嘅龍鳳松茸雙灼餃，餡料飽滿，菇味濃郁。尤其鍾意佢個狀元九鼎湯，飲得出完全冇味精👍🏻👍🏻如果鍾意食煎餃嘅話，一定一定唔可以錯過呢個香煎軟心芝士餃😋😋 粟米芝士豬肉呢個配搭實在係冇得頂👍🏻👍🏻今次仲嗌左個芫荽豬肉餃拼元貝豬肉餃，兩款都好好食，一試難忘😋 仲有加多碟菜，份量都唔少，幾抵食!! 最後嗌咗杯檸檬薏米水滋潤下，完美的一餐。…Read More

近期香港開左幾間專做日式蛋料理既餐廳，寫到明話d雞蛋係由沖繩縣直送。身為雞蛋控既我，當然唔可以錯過啦！間餐廳係北角匯，地鐵一出過條馬路就到，非常易搵！門面裝修都好有心思，有好多蛋😂😂平日夜晚去食，唔洗等位就有得入喇👍🏻 d位都幾闊落，坐得幾舒服😌先嚟個玉子燒小食，有五款口味，食落熱辣辣，好有蛋香味👍🏻 d配料都好夾，全部都好食😋之後到生雞蛋拌飯，賣相相當吸引！ 軟綿綿的蛋白，配上一切流心的蛋黃和新鮮帶子同飛魚子，賣相可愛治癒之外，食落亦好滿足😆 記得要加埋飯素一齊食啊！店員推介既炸北海道蠔蛋丼，果然無介紹錯👍🏻 個蠔好鮮甜，外脆內軟，d蛋漿好惹味，食到停唔到口🤪最後甜品時間，焦糖菠蘿珍珠梳乎里Pancake為呢餐劃上左完美既句號!!! 個mascarpone cream cheese非常邪惡，好正🙈🙈…Read More

九龍城出名多好野食，見近排開左間台灣菜，於是專登黎試下。平日夜晚7點幾去到，唔洗排隊就有得入喇。我係台灣牛肉麵既愛好者，所以嗌左個紅燒牛肉麵試下。湯底濃郁，牛肉燜到好腍，蘿蔔好入味，唔錯唔錯👍🏻好少台式小店會有得食燒肉，可以揀自己燒或者廚房燒，我地當然揀自己燒過下癮啦。我地點左小牛排同埋牛肩胛，份量剛好夠二個人食。肥瘦肉比例適中，加埋特製醬汁，好好味!甜品嗌左個椰奶芋圓仙草，好足料，黑糖珍珠同芋圓煙靭，值得一試😋…Read More