cho man yee's Profile

題目係: "睇戲後的快食變成慢慢嘆" , 有兩個原因1: 食兩碗麵, 預計好快有, 但係等左20分鐘先到, 變成慢食...2: 食完麵, 覺得味道幾好 (或者佢地真係慢慢煮...), 反正唔趕, 就食埋甜品拼盆先走, 一食就坐左個半鐘先講麵:所謂的火車頭, 用上牛丸, 柏葉, 腩, 蘿蔔等, 份量其實不多, 女仔食都ok, 麵身滑滑而薄身, 牛骨湯本身味道尚可, 但加青檸及辣椒粒會更加好味友人sarah 點生牛肉檬, 味道跟我的火車頭相若, 湯很夠熱, 牛肉片都被灼得熟透本想到附近的甜品店食甜品, 但因為惰性發作, 又見餐牌上的相片好似幾靚, 就試一客越式甜品拚盆甜品 -- 永遠係我地女士恩物, 怕肥但忍唔到口 拼盆有點越, 有點泰, 更有點西式, 最美味係焦糖燉蛋, 雞蛋意料之外地香同滑, 口感特別在dap落有些一點點的vanilla籽, 而面個浸焦糖都好脆同香口, 比一般甜品店更好味, 仲以為自己身處tony wong芒果糯米係兩球白跟黑的組合, 佢地出現, 令我confuse係泰式定越式, 不過芒果夠哂甜, 糯米飯都好香同煙靭, 所以我都放低國藉上的成見將之一掃而盡綠色的係拉椰糕, 熱食的小糕點, 就係因為佢, 令我坐得更耐, 因為我發覺食呢件甜品係唔可以快食, 否則會有點漏, 一口一口食就好好味滴漏咖啡同個拉椰糕十分match, 味道帶苦澀, 一邊傾計一邊睇住佢滴, 時間就係咁流走呢間餐廳係一間好hea的餐廳, 但繁忙時間就好rush, 我發覺9pm後人流變得少, 坐得更舒服…Read More

題目係馬拉松串燒店, 係因為從店員口中得知, 間串燒店由上午11:30 開到 第二朝 5:30, 18小時.... , 厲害!未講食物, 單看外表, 真係唔會聯想到佢係一間泰式串燒店, 雖然招牌有幾隻泰文字既然一場黎到, 就試最貴的一串 --- 燒大花蝦, 要等六至七分鐘意料之外係.... 1. 隻蝦長過我隻手板2. 的肉好爽口3. 有鮮甜蝦味4. 個酸辣汁超美味, 好醒胃 加支saigon啤... 我諗去過一次嘅人, 一定會再去食, 新開的店, 好快會排隊...仲要開到5:30am, 都唔驚摸門釘…Read More

今次要入沙田買床單, 行完一田之後就在下面的飲食樓層找吃的, 鼻鼻聞到好香的鐵板燒味, 又見內裡都乾淨企理, 就不作他選點了二人前龍蝦2隻 + 比目魚扒餐食龍蝦size中等, 肉質鮮甜, 新鮮度十足, 不過調味一般, 沒有對龍蝦的味道有太大幫助, 比目魚扒味道都係偏淡了, 即使點醬汁食都不外如是...但蝦跟魚都肉質不錯, 美中的不足隨餐配上白飯2碗, 沒有日本飯的香, 只是一碗加了少少黑芝麻碎的珍珠米而已, 但不像是日本入口的好貨, 也是入得口而沒驚喜的食物如果不太要求高, 其實晚飯未嘗不可, 因為價錢都唔係太貴, 不過又唔會專登去食呢…Read More

我想講, 當食完之後, 成日心思思想去食的食物, 對我來講唔係好多, 其中之一, 就係早幾日去食的油炸鬼配熱豆漿三隻手指公, 真係情不自禁地打出來, 因為寫食評的時候, 已經吞口水中可惜食物評分只有五粒星, 其實我想俾十粒, 女仔就係咁傻係好好食牙麻..豆腐好有豆味, 口感幼滑, 油炸鬼通常只會在粥舖食, 浸落豆漿食我好少試, 原來效果都好好豆腐花€男友叫了一碗, 都好滑, 但我都係鍾意食呢碗油炸鬼配熱豆漿…Read More

睇戲之前, 只係想找一間餐廳快食, 三個女仔也沒有planning之下, 就在戲院樓下醫肚去首先上枱的冬蔭功湯, 濃郁的檸檬, 辣椒, 蝦味, 給了三隻, 每個女仔一隻另一款好好食係椰青海鮮焗飯, 炒飯以大量椰汁混合, creamy口感, 海鮮有蝦, 吊筒仔, 魚塊等, 用料十足, 價錢不成比例, 很抵另外炒通菜都幾老, 後悔叫了, 記得媽說冬天通菜不靓雞絲炒金邊粉都ok可惜係趕時間之作, 唔係應試青咖喱軟殼蟹, 一黎餐廳講係招牌菜, 二黎回家上網才知係出名野唯有下次再來…Read More

今日在"好奇心"驅使之下, 用六十六蚊的價錢, 買了廿二塊"夏威而果仁牛油曲奇" 一塊三蚊!論味道, 唔算好突出, 只可說比七十一買到的DENMARK...曲奇好食一點, 但覺得唔值呢個價錢, 只係包裝比較靚, 好有渡假FEEL 咁啦..曲奇餅咬落唔係好脆, 優點係牛油味幾香幾濃, 但試過一次, 相信都唔會買了…Read More

哥哥新婚在即, 婚後即入住上水之新居, 所以我就去到鴨利洲的海怡工貿中心揀精品送俾哥哥賀入伙二樓的傢私店, 有好多好得意的工藝品, 眼花暸亂, 最後揀了心頭好之後, 就在小食亭食少少野!除了CHOCOLATE鬆餅之外, 就只有火雞PANINI可揀, 襯一杯CAPPUCINO, 估唔到係... 件PANINI, 好好味麵包肉軟熟, 皮鬆化, 包肉有少少香草味, 加上冷冷一片火雞肉, 配生菜同意大利式的DRESSING, 達至出奇的美味, 雖然只有一款食物可揀, 但品質卻很高CAPPUCINO過得去, 只係咖啡味唔夠濃…Read More

上次經過呢間甜品店的時候因為店內無客, 所以唔敢入, 因為唔知會唔會唔好食前晚經過見入面都坐左一半客, 所以就大膽入去試!我呢杯甜品, 名堂係: 綠茶雪糕芭菲, 盛惠$32雖說是甜品, 但份量都幾多, 有綠茶蛋糕, 雲呢拿CREAM, 士多啤梨, 威化餅同藍莓, 底屠仲有紅豆 一杯甜品有多種食物, 感覺會複雜D, 無咁單調件綠茶雪糕幾軟熟, 威化餅夠脆, CREAM滑, 只係底層的紅豆同杯芭菲唔算好襯仲有好多其他選擇, 最利害見有個人一口氣食了二份豆乳布丁, 係唔係真係咁好食架? 下次要試吓先得…Read More

新港中心由一間殘舊的商場變成都見得吓人, 大食代都可算是功不可沒, 其中一樓的TOAST BOX更是潮流食店的表表者, 有時我都喜歡去BREAD TALK買麵包是次幫襯了TOAST BOX的傳統多士配牛油加央, 另加一杯美祿! 盛惠$31, 都唔平...不過件多士好脆, 白麵包好好食, 只係件多士有點迷你, 食完好似唔係好飽杯美祿好鬼好飲, 因為佢地唔孤寒, 落好多美祿粉, 所以味道比較濃, 所以一杯好飲的美祿要夠"料"先得價錢係貴D, 但質素搭夠, 要彈的, 係客人食完之後, 枱無人執, 給人骯髒的感覺 扣了少少分…Read More

見各大食家對此店讚不絕口, 今晚同衰佬去食之前有人指此店之價錢貴, 但我去到見餐牌就無呢種感覺, 例如一隻避風塘炒蟹都係二百幾蚊, 而且叫套餐一個人都唔使二百蚊, 已經可以"炒蝦拆蟹", 都OK啦食左個油鹽水煮蜆, 榨菜味的湯, 夾雜粉絲, 酸尾尾之餘, 有鮮甜的蜆肉食, 好好味啊 湯帶少少辣, 因為落左胡椒粉, 只係呢味菜, 已經讓我送了碗半白飯炒蟹都係高水準之作, 我食呢隻蟹好新鮮, 蟹鉗內的肉係一排排的, 有彈性之餘仲好甜, 而且隻蟹仲好大隻, 真係好得!難怪咁多人大讚…Read More

發牙痕的關係, 一個人入去峰壽司食壽司, 或者壽司店只有下午四點幾係比較少人, 唔使迫點了鱆紅魚, 墨魚同BOSTON ROLL 食:鱆紅魚: 肉帶彈性, 味微甜, 其實都幾鮮美, 不過有點乾身墨魚: 唔會覺得膠, 幾爽, 不過又係乾, 可能係因為擺了比較長的時間, 所以水份流失BOSTON ROLL : 好食! 芝士同蝦的配搭很合襯, 加上蟹子, 咀嚼時"啪啪聲", 味道又好, 不錯!食物OK的, 但最唔喜歡去廁所要出去側門的廁所, 有點骯髒, 扣分…Read More

剛從沖繩回來不夠兩星期, 好掛住日式的烤肉店, 特別係"豚"兩口子決定踩上盛八開餐 店舖的裝修, 讓我們想起了在沖繩HEA 的日子, 好回味呀, 唔知幾時先再有得去呢? 希望年尾有花紅分啦, 哇哈哈哈哈講番盛八, 烤肉都幾多選擇, 我地除了和牛之外, 仲叫左個海鮮拚, 特別喜歡隻燒帶子, 燒完之後食, 味道好鮮甜, 帶子糕仲好香好好食, 好彩BF唔識食糕, 只係食肉, 等我可以食到兩隻帶子的糕燒牛舌都係好好食架, 燒完的牛舌咬落好爽呀, 味道仲好好, 未嚟得切影相已經食哂, 反而牛柳粒就趁未食之前已經影低左, 兩者比較, 我就鍾意食牛舌多D, 因為無咁肥, 用檸檬汁吱落牛舌度食, 更加美味因為唔夠飽, 所以仲叫左一客冷稻庭烏冬食, 烏冬好滑, 一路食一路發出滋味的"雪雪"聲, 因為個冷麵汁都做得好好價錢同沖繩的差唔多, 味道不比沖繩的烤肉店差, 未去沖繩之前, 我就要嚟呢間止癮啦…Read More

睇戲贂九點二十分, 距離開場一小時, 附近好多間餐廳都等位等到九彩, 反而花園餐廳唔駛點等, 因為坐位多, 見時間唔多, 都唔敢要求多多了西冷牛扒餐, 五十幾蚊有交易, 塒扒大大塊, 侍應把黑椒汁淋上塊扒度, "咋"完, 先放到我面前, 等我唔駛俾D汁彈到成身都係, 雖然唔係好肉地的牛扒, 但勝在夠大份, 好似都幾抵食餐包係熱的, 但就比較鞋, 一般貨色, 另外仲叫左焗田螺, 田螺沒有"汁"可言, 但薯茸都OK香, 入口都可以的總體而言係唔算好好食, 但勝在大大份…Read More

清清地, 食餐"住家菜" , 都幾好的 特別係成日食好多味精的餐廳, 清一清腸胃, 唔錯! 唔錯!呢間住家菜, 都幾好生意, 要等位架, 可能附近的OL, OG, OOL, OBOY等等食得飯盒多, 都特別鍾意嚟飲碗湯, 清菜淡肉一餐同太興的STYLE好唔同, 住家菜都真係唔多味精, 好似我今次食的肥牛粉絲煲, 炒白菜同梅子蒸排骨, 都好似在家食咁, 依家搬左出來住, 已經唔係日日返阿媽度食飯, 食完呢餐之後, 搞到我有想聽晚就返阿媽遮食飯TIM特別鍾意食碟梅子蒸排骨, 夠酸, 排骨半肥瘦, 兩個人, 成碟清哂, 特別推介…Read More

新開的商場THE ONE, 吸引了我去飲茶. 因為據友好講酒樓個 "VIEW" 無得頂上到去, 廿幾人塞喺個車立口度等, 有位已經係幸運, 想坐海景WINDOW SEAT, 願望已經落空, 唯有自己行埋去望一望啦, 哇 都幾高, 但如果放煙花又係無得彈的點心我食左黑魚子燒買, 棉花雞, 义燒腸, 馬拉千層糕同一口潮州粉果比較好食係個馬拉千層糕, 糕身幾軟熟, 椰汁味香噴噴的, 賣相都幾靚, 黑魚子燒買除左係幾粒黑魚子之外, 其實同普通燒買無分別, 不過味道都OK啦义燒腸就又係SELL賣相, 但腸粉本身唔算好突出, 粉皮唔係好薄同好滑, 不過都係OK啦潮州粉果我都係鍾意比較大SIZE的, 咬落要熱辣辣同有汁先好食 (即係R花生同白蘿蔔粒都有汁嗰種), 呢度的就太細粒, 一口潮州粉果的方向似乎唔係好WORK 棉花雞就真麻麻了, 魚肚有陣怪味餐茶唔討厭的, 但除風景之外, 又無一個好特別的理由要我專登再上嚟…Read More