geefore's Profile

趁今個星期未出差，約幾個朋友出嚟吹吓水。老友介紹嚟呢度，因為食過話正。响舊區兼舊樓，環境比較迫夾，冇得投訴！好在搭張大枱又唔滿，所以都未算迫！裝修，格局都幾六七十年代，仲啱我地幾個老餅！食物都係以鑊氣小炒為火，大路嘅豉油皇鵝腸，酥炸大腸當然有（不過冇叫），另外都有啲外面唔常見嘅例如鴨下巴，魚尖（係乜嚟呢？都唔知！）三個人，叫咗：1）冰梅金沙骨 - 個汁酸酸甜甜幾好味，金沙骨大舊又好肉，啲豬肉落過發粉就冇計，同埋有幾件未熟透，炸好在都噁過份。2）潮洲蠔爽 - 蠔仔炸得外脆內嫩，炸粉又有少少魚露味，真係食得好爽，絕對係全晚精點！3）蝦醬通菜 - 佢一碟做得人地兩碟！蝦醬味唔夠，可能炒得太耐，而且碟菜有啲暗（黑），但之後見第二枱嗰碟炒得幾靚，可能師傅偶有失手！4）紅酒汁煎豬潤 - 先點但嚟得最後，嚟到都飽咗八成，結果食唔哂打包。可能切得太厚，豬潤炒得略生但唔老，不過個汁冇乜紅酒味，同埋太濕。不過夾生菜食幾好。5）避風塘九肚魚 - 我本人不太好避風堂菜式，兼且粉漿有點厚，尚幸新鮮熱棘，不過不失！整體嚟食物價錢唔平，但份量足，味道好（偏濃），絕對可以翻啅！…Read More

老友成日推介呢間抵食夾大件，卒之呢日出開鴨記就揾佢帶我去食。食晏時都幾多人，我地去咗兩次都冇位（我兩個人咋喎！）要去黃金行咗兩轉，第三次至有位，證明都幾受歡迎。叫咗一個义燒飯，一個燒鵝飯。好快到！飯同餸分開上，份餸幾大份吓，有菜有肉，菜仲唔係得兩條裝飾嗰隻，唔錯！食物味道唔錯，燒鵝係皮焾咗，但有肉，夠香又唔太乾。义燒半肥瘦，蜜汁又香甜，肉質夠焾又唔乾，係好味嘅！係弊在有兩嚿食到鬆肉粉味，啲飯又有部份太軟（有啲爛），呢兩樣扣咗分！環境嚟講，燒臘飯店，人又多，咁枱面摸落油油地就走唔甩啦！都無謂苛求囉！不過如果再午飯時間嚟呢頭，應該會再試！…Read More

自細己經鍾意食柱侯牛腩河，但近年香港似乎興清湯腩多啲。呢間以前在牛下已經幾鍾意。搬咗之後都冇乜機會經過。今日晏咗出嚟食午餐，一於行過嚟試吓。雖然都有人等位，我因為一個人都唔使等。叫咗牛腩河，唔使兩分鍾就到。先試啖湯，唔錯，幾香甜。碗河粉份量唔多，大食要叫兩碗！牛筋多咗啲，不過牛筋唔會太腍，我比較鍾意呢種。牛腩有啲乾不過都唔硬。整體都可以一試！…Read More

咁啱同事都出哂差，一於傻傻地出去試吓。中午左右去到，基本上唔使等位。但係咁早就冇坑腩，得崩砂同爽腩，我叫完爽腩飯冇耐就連崩砂都冇埋，有冇咁好賣呀，啲枱都未坐滿吖？係咪唔想做午市呢吓？爽腩飯嚟到，飯同腩分開上。碗腩好似幾人大碗，但其實大部份係墊底蘿蔔。湯聞落幾香，飲啖，唔太咸，唔錯。蘿蔔幾稔同清甜，雖然有啲渣，不過可以接受。爽腩的確幾好，稔，香，鮮。單以牛腩計係 OK 抵食。最失敗竟然係碟白飯 - 硬到以為係冷飯！𡁻咗幾啖，都頂唔順，倒佢落碗爽腩變湯飯至食得哂！扣四十分起碼！…Read More

路過深水埗諗唔到食乜，就嚟試試！放眼一望，樣樣都係蝦子！食咗個蝦子豬手撈。真係放咗幾多蝦子。夾起一住蝦子試試幾香，但係撈勻食就覺得啲麵好乾兼有啲硬。碗湯好甜，好似加咗糖咁。總結嚟講，叫做食過就算！…Read More

今日食晏多咗時間，坐兩個站嚟試吓。好長龍！點咗紅燒牛肉麵、柴魚皮蛋豆腐。牛肉麵湯底好味，牛肉似係巴西牛肋條，幾冧但係唔多入味。柴魚幾厚，有啲韌，同埋皮蛋唔係溏心。可以一試，不過唔使專登去，同最好單丁！…Read More