susanna leung's Profile

如想和4至5位女朋友在上環食lunch就可考慮這社企法國菜！地方夠晒寬躺，環境舒適，食物夠份量及味道合格！因肚餓，今次诀定自己食一份羊架，七成熟剛好，賣相美觀，味道合適。另三位朋友只了沙律，青口及意粉。每樣食物的份量相對豐富，對不太肚餓的三位女士分享也非常足夠。另一位order煎豬排，份量也多，細食的朋友也未能食晒，所以也由其他朋友共享！餐後甜品是美味的拿破崙旦糕一小件，當然少不了一杯回魂咖啡來round up 這一頓美食！…Read More

平日也人山人海的尖沙咀想揾間冇咁擠迫的小店便再度幫襯蘇媽。之前朋友帶過我來，有飯麵類或咖央多士，屬馬來西亞式的茶餐廳。雖然再度光顧但尤於餐牌實在太豐富，始終仲未有機會試到佢嘅肉骨茶。今次各自只想輕食，所以朋友只叫一碗魚麵。而喜歡濃味的我便叫了船麵，喜歡船麵的原因是它有類似叻沙的湯底但又冇叻沙咁油，湯底味道相對也適中，也有蝦，蜆，魚片和菜。店內枱的空間係細枱，之間距離合理舒服。其待下次再肚餓多啲先試佢嘅肉骨茶！…Read More

大坑這小區從以前維修車房為主的民生小區演變至由林林種種的休閒小店。分別有各類型的咖啡小店，茶記，日式小店，越南河粉，pizza 及中高檔西式等美食。六月中去探住在此區的好友，打完波就咗哩間咖啡店醫肚，貪佢有半開放的大窗可清楚睇到街外人來人往很自娛。加上小店位於corner 位置是有點優勢，開揚感覺又不會侷促，大窗令空氣更流通大大增添輕鬆氣氛，再者店內選取純白色的顏色感覺乾淨簡約！ 我點了一份weekday combo $120 chicken breast & cheese bagel +$22 coffee，其實對退休的我是十分奢侈。但一場來到都想支持吓這些小店的創業年青人。同伴們各自order 咖啡並無點餐！目測店中都是年輕廿十出頭似是外訪少女們，打卡目的為注。這類型格小店全靠她們多啲幫襯咯！…Read More

星期日筲箕灣東大街超多食肆真係有排試。如果冇早餐時段限制可試吓金東大，有中式點心，有排骨粥，人多又可配炒粉麵。除咗中式茶之餘，至特别係有latte, cappuccino哩啲特式咖啡添。真係多花欵。隔離兩位剛行完山的朋友一坐低就要支大啤加炒麵，爽呀!我哋三個人就叫咗是日白粥，中大碗。煎旦牛肉盅頭飯，飯底多，煎旦是煎定的，情願以前窩旦或太陽旦更理想。牛肉球算大件，棉花鷄內裏有件似花膠的小驚喜，但不肯定。义燒包三小件一籠，因放在counter耐咗忘記拿來，所以凍咗都算數。食物不過不失，價錢合理，可以再去。…Read More

行完PMQ帶朋友到哩度食lunch, 因多年前印象此地方濶落環境舒適。果然保持到水準，set lunch有前菜，主菜及一甜品。仲可以加錢飲白酒或非酒精飲品添！每枱有麵包6至7塊放在紙袋中，入座時同時倒 橄欖油及黑醋。女同伴和我各選風乾火腿及沙律前菜。份量足，每人可有5塊。沙律也新鮮，汁也味道適中。主菜有意大利雲吞及千層麵，雲吞茄汁味道很配合，不太酸。千層麵也很大碟，多芝士，是我的至愛！好彩大家share, 免太膩。甜品是tiramisu and pana cotta, 意外地是高杯，味道一流，奶凍口感非常幼滑，對女人來講是全個餐的亮點！服務人員也非常有禮和有笑容，話天氣太熱所以常常添水，值得一讚！午飯時段入席率高，九成滿，很熱鬧。只要不怕行斜坡應多來享受其他食物及其環境！…Read More

行太子花園街後再逛花墟前揾地方醫肚，行咗一兩條街見到哩間門口較多學生排隊所以有啲信心至少抵食。店內裝修一般，燈光偏暗。入座後都見八成滿座，有OL，一家大細及很多中學生。餐牌大張清晰，中午套餐包罐裝汽水。亦可加錢選特飲，因心急叫咗波子汽水，原來加10元。好彩飲品全是原封上，唔飲可以袋走。要留意餐廳似乎冇提供熱飲服務，但有麵豉湯代替汽水的選擇。點了海膽什錦壽司飯和大蜆帝皇蟹棒石鍋手打烏冬。壽司飯的飯量足一碗半，什錦壽司有五種。賣相及味道ok, 烏冬的蜆就不是大蜆。和街市的細沙白蜆差不多，味道及份量ok，夠食又夠滾熱辣！…Read More

去九龍城買茶葉又俾我泊到咪錶位于是去創發食個妟。入到去見到枱面有兩碟咸酸菜及魚仔就知是未叫菜已先俾人打三十大板，盛惠60大元，味道太咸，送粥還可以。先有四杯仔潮洲茶醒吓晨先，都好濃味。問完條大烏頭要成二百八十就即刻唔感亂叫嘢！是關食咗早餐又不太饿，所以叫了二人份的一窩蠔仔粥。蠔仔大隻新鮮，但加埋各樣料就略咸。九菜豬紅好香，但食多幾件都覺得太咸。食完雖然又送上功夫茶，但不貪心冇要怕今晚瞓唔著。不過後悔冇飲，因為咸到好頸渴要走去七仔買支水隊晒佢！目測其他客都過六十歲，似遊客，食得豪氣。可能為咗老人家啲口味先咁重手，其實為健康也不應咁重鈉！再者，哩啲舊式老舖的洗手間必定要經後面好濕的地方，至惨是踎廁，真的不是我杯茶。埋單兩嚿有啲不值！…Read More

係中環覆診完就醒起必要去上環生記食嘢！同老公散步去到時巳是2:30休閒時段，但都坐滿八成客。當然先各自叫了腩蔔河和腩粗嘆番吓先，一放底碗河粉即刻食啖久違的湯底先啦，再食嗦滿湯汁又爽的大大嚿蘿蔔啦！之後先再細嚼半肥瘦的牛腩，好嘢放在最後食！食完河粉後點可以唔追加哩度至正嘅魚腩魚骨豬潤粥。是關細細個第一欢見到隔離啲食客食得好滋味，從此就愛上了。食魚粥最特別係多個兜用來放骨，另一小碗內有薑絲葱豉油已感覺到又識食又招積的豪氣，如果一個人來就食唔到又粉又粥。滿滿的粥內放咗成七八嚿魚腩，鱼骨及魚鰭仲有四件啱啱熟的豬潤，成碗粥嘅賣相香噴噴兼滿到瀉，難為啲阿姐雙手可以傳到咁熱嘅粥到客人面前！因老公怕哽骨所以啲魚大部份是我享用，真係得益不少，佢就十分欣賞嗰軟綿綿又好味嘅粥底了。啲魚係剛剛熟，師傅控制時間非常到家，是關剛放低碗粥時啲魚肉係剛熟好嫩滑。如果怕過火就要將魚肉放到另一碗中，反之放在粥肉仲可以靠熱力在食客食其它料的時間將魚肉再煮熟啲。通常識食魚粥的食客都會點啲豉油連埋啲薑絲細味品嚐每一件魚骨魚腩。就算我以前大熱天時都唔會怕熱照食粥，因為唔知下次又要隔幾耐才番來，個肚又唔夠試其它嘢。所以首選點都係食魚腩粥，今日十分幸福可以一次過食到兩欵食物，又要盤算下星期邊日再來了！…Read More

母親節晚上訂好位與家人合共四人到屋苑會所用饍因是日晚上落住雨兼長老双腳冇乜力行唔到遠。簡單啲食個飯，好彩5:45提早落去叫咗賽螃蟹，雲吞雞湯，酸菜魚，奶油津白及炒蟮糊。每樣餸菜份量相當適中，而酸菜魚和雲吞雞是用湯窩上的。雞湯好足料，雖然是半份雞，足夠每人飲兩大碗。酸菜魚啖啖大嚿魚肉，新鲜彈牙。仲有芽菜湯底，埋單叫個鷄絲餵麵外賣加埋我們食唔啲食物仲可打包俾姐姐加餸添。可能是節日，座無虛席。但小館人手不算足夠，出菜冲茶埋單包外賣全場只靠樓面四名員工都做到無停手。嚟得哩度就要俾啲耐性了！…Read More

母親節上午與太極團體十多人參加活動完畢想揾地方食晏，以為體育節兼母親節好難揾食，竟然俾我哋打電話book到黃大仙富臨皇宫。由蒲崗村行十分鐘就到。一点半入到去部長已安排好兩張大枱，點心也好快到。可能大家肚餓又dup濕身，覺得啲煎釀點心不錯，不太油也不太燶。燒賣好味過蝦餃，啲蝦餃材料不靚，失水準。义燒包大隻，炒飯ok但米不靚，燘米啲肉絲黏埋一嚿未推開，好彩熟，炸麵就料靚麵底好夠咬口又大碟。整體水準一般，目測都街坊多仲有大把位剩。相信鑽石山有好多其它選擇！…Read More

之前朋友極力推介又請咗我去北角分店食都ok, 自己一個人又食過石門嗰間都好受迎。所以行過見到柴湾哩間就同老公入去試吓，是關老公同學都推介話抵食，又見未夠鐘睇醫生就當食下午茶啦！入到去冇乜人，任坐。環境唔錯有大玻璃街景尚算光猛。食客有小情侶一對及兩三枱媽咪帶住肥肥的小學生，似是放下午先來充飢跟住又要去補習的家庭。老公點咗鷄扒套餐，有湯，有汽水，有沙律配菜。我點咗黑松露長通粉，不過來似湯通粉冇諗過啲汁咁多，不太夠熱。老公啲食物都ok，我食咗佢份沙律。沙律菜尚算新鮮。佢喜歡自助汽水因為任飲。其實小朋友或大人俾你任飲咪至多兩杯起三杯止，都飽啦！個雞扒份量中小，味道不過不失。如當午餐份量少咗啲，但下午茶就足夠有餘。…Read More

太極團體三十多人為師傅慶生，識食的師兄選擇了位於馬頭圍道的囍宴。大部分港島的同們就跟大隊啦，需然遍遠但師兄話同啲天光道波友賽後常來光顧此酒樓嘅晚飯酒席係抵食嘅。所以今次特別推介俾大家，先飲茶再雀局及晚宴。聽聞飲茶點心至貴價錢約18.5，師姐話下次再來必叫的就係豉油皇炒麵。全晚的飯席可用色香味俱全來形容， 就頭一碟乳豬都連豬頭斬件食埋，另外回味的是班頭腩非常鮮味蒸嘅時間又控制得準確，我食咗三大件。燒鵝是自家製的，肉質及味道好OK，難得莧菜也非常幼嫩，咕嚕肉多肉及汁底酸甜適中，西芹炒帶子花枝片上枱時賣相光亮但不過油，拉尾油十分精準。到壽包出場已飽到只能三人分一小口也不放這樣靚又加似自家制兼大碼的包包，散席時當然大家又食又拎都只係每位260元。步出門外右邊已有多條過海隊巴直達港島，大家半小時已各自開心返到屋企咯！可過時過節推介俾住係九龍的親友來哩度共聚。…Read More

約咗小學同學兼我保單agent共享早餐，佢又肯就我咁就近近哋10:30am人流較少，地方寬敞又新派的意樂。早餐大大份，價錢經濟。因不是煩忙時段又可以坐耐小小的地方特別優閒，啱哂講解保單內容。叫咗個茄湯流心胆野菌通粉。湯底好味冇乜味精，飲晒之後都冇口渴的感覺。朋友叫兩大份厚多士，有双旦及餐肉的早餐，夠晒男士食飽去開工。員工也肯幫手落單兼有禮貌提示轉特飲要加錢，讚！其實如果想乾濕兩吃可選期間限定，有牛角包炒蛋及細份火腿通粉，賣相不錯，下次再試！…Read More

工人姐姐放假，瞓醒已11:30，唔想煮，於是決定出外去屋苑最多人去的茶餐廳食lunch。叫咗嗰滑旦牛飯加華田，老公食牛腩粉加凍飲。啲飲品杯身收窄咗又身高，視覺上好大杯，抵飲！哈哈，尤於太肚饿，我碟飯一來到又香又大碟又樣靚，食到一半先忘記冇手機食先。平時佢早飱都好多人捧場，食物水準好好，環境光猛，坐位略窄。自助落單，但如果長者可以揾waiter直接落單。下次好想試葱油肥义飯，見到menu嗰賣相好正，好想食!…Read More

應朋友請食lunch，目的要揾個地方請教行家一些諗法，希望可坐耐啲又舒服兼想之後行吓駱駝漆大廈， 所以揀選咗去apm食西班牙菜。 四人行都係細食人， 隨便點咗個風乾火腿 ，燒乳豬 ，沙律及西班牙炒飯。 如果選擇食brunch其實仲抵， 但大家又唔想走嚟走去 所以單點但都ok。份量不是太大，價錢略貴， 但明白這地點近地鐵熟優質的商場餐廳，所以用膳的價錢應該如此。 目測 buffet brunch 的種類都有很多選擇，又可有两小時泊車優惠，好想回來再試佢哋嘅brunch， 感覺不錯。…Read More