agneskong's Profile

去鴨記買野，見下午茶時間尼間最多人就入去試試，首先環顧四周食客食緊乜嘢，見最多人食撈丁，其次就係朱扒包，就叫左個雞扒包配沙律同蔥油豬扒撈丁，店員服務真係好好，係香港真係買少見少，好老實，個撈丁真心麻麻但個雞扒包好有驚喜，大大件不在話下，沙律菜好新鮮，不過個包大到食得有點論論盡盡，見隔離枱叫左個金沙雞亦好似好好味，下次有機會試下，飲品就唔推介，杯咖啡飲得出係咖啡粉冲出嚟，檸檬茶就檸檬同茶味都好淡，普通普通，整體來講好好滿意👍🏻…Read More

早一段時間係街聽見2個後生仔講尼到有間老友粉，完全唔知佢哋講乜，咁啱今日行過就係門口睇吓個餐牌，一路見有食客出出入入，應該唔錯呱，小店地方唔大，等左一陣先有位，唔識點就叫個2人餐，先上左個口水雞，真係有少少出乎我意料，以為小食係得2-3件，點知份量比酒樓例牌仲要多少少，之後上左個脆皮肉乾撈，即係廣東人嘅燒肉，雖則個皮只係少少脆，不過個味係ok嘅，個通心米缐就一般般，但要講下佢另上果碗湯仔，飲落係好似自己煲果D家常豬骨湯，唔似味精水，最後係麻辣豬扒米線，少辣都唔少嘢，食到流鼻水一心以為員工會好似譚仔阿姐講嘢有口音，但發覺佢地完全冇鄉音之餘仲好靜好溫文，雖然地方細人又多，但都算唔錯…Read More

好細個已經聽過德興火鍋，不過從來未去過，見商場樓下廣告牌寫無限時，於是就約三五知己一齊去傾餐飽，時下流行新式限時120分鐘火鍋店，跟本大家都趕頭趕命咁塞啲食物落肚，仲要未夠鐘已經叫你起身，今次終於有得食吓傾吓啦，一去到門口排隊攞位，絕大部份都係班年長人士，尚算順利好快入座，可能樓底矮，真係比較嘈，舊式酒樓任食火鍋，全部都係寫紙仔入單，真係唔好咁大期望，漏單係好平常，送黎嘅食物同你點嘅食物可以完全唔同，蝦落左3次單，係上過一次，仲要係部長推住一車問你要唔要先比一碟5只，再落單已經完全冇反應，元貝同牛脷直頭從來冇出現過，所謂嘅手打蝦丸同牛丸，細到手指頭咁大，又唔係話真係好好食⋯⋯彈完一輪又讚下佢啦，基本上員工都好快手快腳，忙到飛起都會理你嘅，收碟速度都好快，自助區嘅食物亦補得好快，牛肉，羊肉比我想像中好，脆肉鯇都好新鮮，飲品選擇都幾多，最後仲有一杯movenpick雪糕，$2xx無限時算係咁啦…Read More

第一次係openrice買券，試吓尼間，我同朋友都覺得唔錯，一心以為用優惠券會份量少D，一上枱個生牛河好大碗，同隔離檯散叫嘅份量一樣，係尼個時侯，樓面姐姐好醒目放低左枝越式蒜辣醋，牛湯味好濃，河粉好滑，不過較容易斷，之後上咗碟蠔油生菜，菜好脆，不過個人覺得較油，黃金魚皮其實冇乜咸蛋味，有少少失望，米紙卷味不過不失，但碟邊幾幾條青木瓜絲就變咗味，扣曬分，跟住黎個扎肉凍檬，倒左少量醋去撈勻晒個檬粉，已經夠晒味，最後一杯三色冰，一杯青檸梳打，普普通通，唔難飲，以$98有咁多嘢食算好抵食…Read More

睇完戲搵野食，見唔洗等位就食尼間，叫左2個午餐，炒金邊粉普普通通，味道偏甜，另一個咖喱雞，椰汁味好濃，可惜雞肉又韌又硬，真係未試過係用雞胸肉做，無醃味之餘仲帶有雪味，感覺似係用水煮完啲雞胸肉之後加個汁上去咁，另外加$28要左個米紙卷，賣相唔錯，但面頭果半隻蝦又係好重雪味，最後2杯飲品ok，今次個午餐同我上一次食晚餐相比，質素下降左好多，價錢唔算平亦唔算貴，服務都幾好，但如果食物質素可以改善一下，就更好…Read More

在地朋友介紹食尼間牛雜，終於襯新年幾日假期入元朗行街順路去試吓，去到未行入去已經見人山人海，場面頗混亂，枱枱都有人企喺度等位，但店內通道非常窄，店員手拎2個大碗係客人身邊左穿右插，其實都幾危險，好唔容易終於等到2個位，即刻叫野唔好阻人做生意，一心想叫牛鞭，點知一坐低就聽見牛鞭沽清唔知食乜好就叫左個十寶麵其實一上枱有少少失望，個碗就好大啦，但點解咁少牛嘅，基本上同普通牛雜麵店嘅份量冇分別，不過個味係好食嘅，另一碗係崩沙腩河，賣相係幾靚嘅，不過個人覺得太淋，淋到完全唔需要咬已經可以吞，河粉就好滑有米香唔會碎濕濕，個湯飲完都唔覺好口渴，食得出係新鮮牛，但唔會好驚艷，叫做見識過啦…Read More

去開深水埗，記得有YouTube’s介紹過尼間餐廳，終於有機會去試吓，滿心期待咁叫左個呑拿魚牛角包套餐配沙律菜及紅茶，想話改咖啡又唔得，都唔緊要，紅茶我都ok嘅.再叫左個雞扒意粉配沙律菜，等左陣牛角包餐，隔住個口罩都聞到牛角包面果個蜜糖味，食落都ok唔差，一望沙律菜超級多，心諗發達啦，我好鍾意食沙律菜，點知望真啲菜，已經唔新鮮，再食下發覺中間夾住好多已經腐爛嘅菜，即刻唔敢食，等個意粉啦，一上枱確實有啲嚇親，咁大碟好似唔洗錢咁，不過個沙律菜又係爛晒嘅，老老實實，個意粉用黑椒蒜茸炒過係幾好食，又夠飽肚，不過件雞扒仍然有陣雪味，好失望，幾大碟都冇用，唔會再去…Read More

午餐時間經過石門，一直想試吓豐鍋個午餐，午餐時段人逼逼就預咗啦，一坐低就送上碗湯水，有章魚花生排骨，超熱好好飲，唔似係味精水，跟手自己填紙點食物，叫左一個海南雞飯同豉汁蒸鱸魚，比我想像中好，好有住家味道，係嫌蒸魚個白飯煮得稍為淋左D，而每個餐都有一碟油菜，起初以為碟菜夾雜左一條其他菜，原來佢係突登咁炒，不過如果可以比多2條就更加好啦，成餐飯都幾滿意，由其係個例湯，最後起身埋先見到隔離枱3碗例湯，原來係有蓮藕，希望下次員工可以留意一下啦…Read More

圓方其實去過好多次，不過次次都係買生餃子，咁啱星期五下午出深水埗買電腦，經過見有下午茶優惠價，原先$30/碗韮菜餃，優惠價$21，梗係要食啦，另一款下午茶特價係墨丸河，但黎得就梗係食餃子，所以冇叫，再另加一碗招牌西洋菜餃，老實講，一上枱碗魚湯有啲腥味（我個人怕腥，但朋友就話ok）落咗d胡椒粉就好好多，本身我都鍾意韮菜餃，但2樣一齊食，西洋菜餃就明顯嬴左，食完就梗係指定動作，買2盒生餃返屋企看門口啦，好滿足…Read More

星期一中午時間，以為會等好耐，點知等左5分鐘左右就有位，係門口已經比定個餐牌我地點菜，所以好快就有得食，第一次食，個湯底真係唔錯，牛肉唔韌，滑蛋都好滑，我真係飲晒個湯，朋友仔就食元貝同蜆，唔知味道點，不過見佢都係食晒飲晒成碗野，我最欣賞嘅係佢可以選生菜底，啱晒我唔好粉麵，另外跟餐加嘅飲品，個人就覺得一般般啦，桑寄生茶個味好淡，蜂蜜茶又係冇乜味。服務算okay ，人多時阿姐可能因為忙，所以比較cool，到我走嘅時候，人少咗，幾個阿姐又幾有禮貌喎…Read More

雖然石門京瑞好多食店，但我個人唔特別鍾意，因為大部分都係細鋪仔，坐得比較辛苦，今次因為整身分證夜左又好肚餓，就入左尼間試吓，首先座位比較舒服，價錢唔貴，質素都唔錯，職員都幾有禮貌，價錢同薩利亞差唔多，但出品好過佢好多，要收加一服務費都合理嘅，試完幾滿意…Read More

朋友介紹尼間食燒肉，book5:30-8:00,早左10分鐘到，帶位即時安排入座，亦有通知要早10分鐘交枱，職員好緊張要求離開坐位要戴口罩，第一轉冇需落單就送上龍蝦半隻，肉類併盤及魚生，最鍾意個海膽，好清甜，肉類都幾好食，樓面好主動清理枱面，及提醒魚生要盡快食，以免滋生細菌，尼點幾欣賞第二轉叫左d串燒、炸物同蔬菜，比較一般，可能我地只叫左3轉食物，冇漏單情況，食物大致都滿意，但如果唔係有個經理級收銀員7:00-7:30已經3次摧我地交枱就更加好囉⋯⋯…Read More

見OPEN rice食評唔錯，生日朋友又鍾意食雞煲，即管試試尼間，訂左11:30枱，11:20去到見職員清潔中，就行埋一邊等，佢地清潔完即時通知我地入座，好有禮貌，我地叫左BB級麻辣雞煲，味道辣度好合我地口味，雖然並不是新鮮雞，但尚算不錯，其他打邊爐配料，除左鵝腸之外，其他都正正常常，芝士響鈴及炸魚皮最吸引，唯一要彈就係枱底個爐會散出熱風，越食越熱，同場見隔離左右食午市小炒套餐，好似好好味，下次會去試下…Read More

二位你咪洗指意坐卡位，佢請願丟空幾張卡位，冇客都唔會比你坐，仲要惡過你，想落order叫極都唔理，想要杯水，叫一個仕應話等等（佢就企係盤水杯隔離），叫第二個又係等等，跟本就係唔比你，只顧自己傾計食物係ok嘅，但比錢受氣，條氣唔順囉…Read More