yenomh's Profile

話說坐緊月既我不便煮飯/準備團年飯，今年就為大家準備外賣啦。因為上次baby shower 食完覺得唔錯，所以今晚團年encore 多次！我係上星期問定年三十晚會唔會收早，幸好佢收6:30，所以叫先生去拎既。我覺得值得讚既係炸雞，我6:30攞到手，7點半左右食（3個輕鐵站away)，雖然預咗會凍咗，但炸雞係冇淋到既，仲係脆既，even 我叫咗3款炸雞，有兩款係有醬（甜辣同蒜味），都唔會淋。而且3隻炸雞味龍剛好，我相信熱食更好味。拌飯、粉絲都可以既。韓式炒粉絲料不多，所以唔會好油，只係如果有多少少肉味既配料會更出色。叫咗泡菜煎餅，外賣大家都以為係午餐肉，食落不錯，如果份量多少少就perfect～至於kimbap, 試咗3款都好味！唔會太濃或者太淡，整得剛好，冇散出嚟。我大致上覺得同上次一樣，價錢同味道各樣都唔錯，可以再encore 既。（plus customer service 有禮，值得加分！😊）如果可以改善嘅話，泡菜煎餅份量多少少就更好。…Read More

同同事黎開呢頭上workshop, 試下呢間新開嘅台式飯。 $75（連加一）鹽酥雞滷肉飯，以環境同味道，都值值地呢個價。要加分既位係可以選室外或者室內，同埋店員既友善，唔需要等太耐。另外，鹽酥雞炸得乾身唔油，味道剛好、滷肉飯夠汁夠味。大食嘅我都覺得飽。其實想試埋飲品，見大大杯，但時間唔容許，有機會再試～ …Read More

$68 雜錦魚生飯味道都可以既，不過份量偏少，新鮮程度只能說不過不失。而呢個價錢我認為合理。不過豉油方面，真係爭D... 味道麻麻地同有D稀。餐廳服務上可以改進少少，飲面豉湯，問可唔可在俾匙羹我地，但2個人食，只係俾1隻我地。呢方面可以改進下。整體而言係okay既。…Read More

其實我已經食咗好多次雲川，但係今次真係好食好多。之前一直都係叫麻辣微辣，但係總覺得冇咩味，同一啲都唔辣。之前叫過麻辣腩肉，加左落湯先覺得有D麻辣味，但麻辣腩肉既肥肉真係好肥，好大片肥豬脂肪（比起X仔X哥）。今次叫左豬頸肉貢丸米線+小辣，豬頸肉醃製得好味（只係切得太幼），貢丸亦都好香，因為叫咗小辣，所以味道好味好多。另外亦叫左炸豬大腸（無影到）但外賣返屋企食都仲有D脆，唔錯！今次外賣比起堂食更脆。我其實之前都食過鮮魚湯，湯底都okay，豬骨湯就普通。整體幾種湯既湯底係比較味精，但確實好味。…Read More

新開張，所以入去試一試，裝修用返之前山葵大部份嘅材料，但係改裝左，貼左新嘅牆紙、枱亦鋪過晒新嘅貼（包左貼）、換左新既椅（懷舊椅）、環境都算乾淨、衛生都OK。我哋叫咗個芝士雞扒滑蛋撈丁，另一個係厚切西冷牛扒煙肉配意粉。整體味道屬於普通，芝士既汁無咩芝士味，好粉溝出黎既味，但確實係經典茶餐廳會整嘅味道。而厚切西冷牛扒並唔係厚切，係正常嘅厚度。黑椒汁夠味，滑蛋整得好滑。所以味道係符合返餐廳個名，經典嘅普通茶餐廳既味道。店員都好有禮貌，雖然味道普通，但服務態度值得加分。…Read More

朋友之前講過呢間野嘅手工拌麵無味，而且問左餐廳都唔肯俾多D汁。但我覺得要試試先知既，點知⋯⋯我初頭試咗一啖，真係無味嘅⋯⋯再試，係有少少味，但係都係冇咩味。我決定打電話落去問清楚係咪俾少左包汁我。點知佢話可能啲汁已經俾個麵「朔晒」，所以睇唔到（又食唔到）⋯⋯佢話佢哋都鼓勵客人盡快食，但係我已經一買上嚟就即刻食，都係10幾分鐘內就已經冇晒味⋯⋯所以有D無奈。另外，椒鹽鯛魚醃製得比較鹹，炸粉好厚，可以食既魚肉真係好少，而麵既份量真係太太太少⋯⋯。價錢係正餐既價，份量係下午茶/輕食再少D⋯⋯（當我大食啦）不過，呢間餐廳係值得讚嘅係我反映完之後個女仔轉頭再打俾我，同我講已經反映咗，而且同我講下次嚟嘅時候可以問攞多啲汁。雖然我未必幫襯多一次，但係我覺得佢嘅服務態度可能值得幾個月後，再想食台灣野再去多一次。希望會有明顯改善。（亦鼓勵可以用少個紙袋或者膠袋，環保D又可以俾多啖麵俾大家）…Read More

朋友話想試，即使見到個名轉左，唔緊要啦，都試一試。 其實初頭見到外面餐牌價錢都幾離地（$498二人餐）～ 因為周圍既西餐都冇咁貴，但朋友想試，咁就試下啦，但試個套餐。我地叫左$168套餐A既霜降牛排配牛脷，有餐湯餐飲。而且佢話送埋出面簡簡單單既沙律甜品bar。我覺得質素係唔錯，有mussels and 煙三文魚，都幾鍾意食沙律既我都覺得okay。而忌廉湯，味道幾好，只係食到點點既麵粉小團。主菜呢，我覺得材料同side dish係一流既作品，牛排有跟據我地既要求medium rare,係juicy ~ 牛脷爽得黎好味。汁同salt既量適中。薯條都好食，冇好油既感覺！Side dish 旁邊既有似脆肉瓜+猜不到似紫薯+果肉波波好好味！呢個係surprisingly yummy and impressive. 不過食物既溫度確實有待改善，牛排同牛脷係好味，但溫度偏暖，感覺唔夠熱。湯都係偏暖。整體而言，我覺得味道質素係95分，係食物溫度扣分（可能係A- 扣到B-)。服務員哥哥好有禮貌，態度非常好，我咳，叫左檸水少冰係真少冰，變返B+。所以我真心覺得呢間絕對值得一試。…Read More

車仔麵就是如此味道！佢既咖哩原來利東街好靚！第一次去！魷魚同豬腸冇介紹錯，真係舊式果種豬腸。另外加辣既咖哩醬係好夠味！不過真係要叫個大麵，（小8蚊，大16蚊）正常一個大人叫大既份量先足夠。總括係好食既車仔麵！可以再去！…Read More

今次已經係我同同事第二次黎食team lunch, 因為環境舒適、易book位、同覺得要second try⋯⋯仲有食$400平$100優惠劵。 說真的，我地都覺得未必會黎第三次。上一次我地都覺得味道真係唔夠，唔入味，連配菜都唔夠入味，包括kim chee... 上次叫既牛骨湯唔夠味。所以今次叫石頭窩飯配牛肉，飯有點”林”, 之後我再加辣醬，加左好多次都唔多夠味，而且醬唔辣，偏甜。 而其他同事有叫冷面、炸醬麵同石頭窩飯，大家都對第2次既嘗試較為失望。 今次值得讚既係進步左既服務態度同速度！上甜品亦快左！…Read More

同事覺得今日落大雨，冇人排隊就決定試！太好！真係冇人龍，一去即入！我地4個人都叫左海南雞飯！雞有雞味，雞好滑，有落蠔油整既汁，食落好鮮。點少少旁邊辣汁仲好味。飯都夠香，香得黎唔會太油，剛剛好。 但我覺得雞件確實比較少，唔夠喉～ 總括而言，值得一試，如果唔洗排隊既話。😋（我地都計過，如果4個人叫一隻雞，再加2-3既人既飯，每人只係慳左$1，所以都係各有各叫，一人一碟）建議：12:00pm 落大雨去食就唔洗排隊…Read More

其實我係鍾意食佢個忌廉蘑菇咖喱奄到飯，係一個月內我黎左食2次。我第一次純粹以為我唔好彩，所以我啲蘑菇小到五隻手指數得晒，點知今次都係咁少。好味還好味，份量的確比較少（比起其他咖喱飯係少啲）朋友食完都有同感。（唔知係咪碟既份量比大碗少嘅呢）。建議認真考慮多D磨菇⋯⋯…Read More

今日我帶咗我阿爸阿媽去上環搵好嘢食。我媽睇報紙睇到呢一間鋪頭嘅介紹海南雞飯，所以特別去試一試。初頭入去嘅時候都唔覺得有啲咩特別，因為上環有好多特色嘅冰室或者餐廳。因為好多人，所以初頭我哋就坐路口位。但係對於兩個老人家來講路口位唔係好方便，所以我哋就要求轉去隔離果張枱（剛剛有位）。嗰個店員都好有禮貌幫我地轉台雖然係等左一陣，但係睇得出佢哋唔會嫌我地麻煩。好！講返食物嗰度。我地叫左3個午餐，分別係炭燒香茅豬扒同埋三色魚飯。我哋都覺得食物味道唔錯，加埋佢有啲沙律菜喺面配合得很好。特別要讚嘅係特色小食迷你拼盤，有春卷、蝦醬雞翼同埋泰式鳳爪三樣都好入味。春卷炸得剛剛好！特別鍾意係蝦醬雞翼，淡淡的蝦醬味配合放上面嘅炸蒜片=正！雖然我嘅屋企人有唔同嘅要求，但係店員都好有禮貌。另外，因為接近收爐，所以好多食材都冇晒，所以我哋一去到就已經冇晒咖喱類同埋冇晒海南雞飯。但係好彩其他嘢都好好食。想賺多一句，就係臨走嗰陣店員唔小心滑手倒左DD豉油係一個女士嘅背後，我相信嗰位女士其實一定唔開心，但係見到整間店嘅廚師同店員都好緊張，即刻幫手抹同攞濕紙巾出嚟，所以我見到佢哋真係好認真做好店舖所有嘅嘢，包括顧客服務。所以我覺得值得推介，下次會再早D嚟食海南雞飯！…Read More

我真係覺得朝早買個飽，當你夾緊個一睇就知唔太新鮮但又想食既包既時候，一句「我畀個新鮮熱D既你」真係好窩心。其實唔係第一次，但我今朝我早左返工，好肚餓又勁病既時候，就會特別覺得世界真好！The lady made my day!Btw, 最抵食又好食既，我都係揀餐蛋包，佢面果層野加蛋同餐肉，真係好食！…Read More

其實唔係第一次黎，每次同胞同事都愛黎。特別係食餃子！其實最抵食係叫10隻餃子，但又可以叫五隻餃子加麵。 餃子加個豆板醬就最好食！今次我同朋友叫咗10隻韭菜餃+北方炸醬麵一齊share，炸醬麵裏面有青瓜、肉同南瓜，啲南瓜係炸醬麵，食落都幾特別。所以可以encore 再encore!（12點黎食最好，唔洗咁迫）…Read More

上環街市瑞記㗎啡聽過好多次，但第一次同同事去。同事話最出名係奶茶，但宗教關係，我唔飲茶。眼見佢用樽裝奶茶，係好有特式，我叫左蛋牛包$14！同西多士$23！重點推介：入味既蛋牛+鬆軟嘅麵包！好令人回味！…Read More