打基佬's Profile

先不說食物味道賣相好定唔好先，淨係基本衛生常識同要求都做唔好，開放式水吧，工作人員可以係個客面前徒手（手套都冇隻）攞檸檬，個杯就直接插入冰機度剷冰，多士又係咁用手放入攞出，個五香肉丁仲要用手摸一摸（唔知係咪想試下熱唔熱），咁樣已經夠啦，其他野都唔洗多講…Read More

一個人係尖沙咀搵間茶記食個飯，成日經過呢間古惑仔做主題嘅冰室，諗住懷免下70，80後回憶，終於上去試，點知瀨晒嘢。叫左個午餐吉列流心雞柳跟飯，其實即係炸雞扒飯加隻煎旦，成個飯又乾又硬，得果幾滴茄汁做裝飾，我覺得其實比心機做好啲食物，總好過攪咁多門面野，因為起碼我唔會再返頭幫襯，完。…Read More

本身唔係諗住食呢間，但係想食果間因我冇訂枱所以冇位，跟住就一路行，行過見到呢間食fusion泰菜，裡面冇咩人，環境裝修都光鮮乾淨，所以就入去試下，點知中左伏，點左一客烤餅，出黎又凍又韌，自己係超市買返黎烤仲好食過佢整，跟住黎個柚子沙律，味道都可以，但係份量真係少到唔夠攝牙罅，柚子得果幾舊，洗唔洗咁少家呀，仲有個炸春卷，$68得果兩件，乜而家啲食物成本真係咁貴咩，最後黎個烤魚，味道都係一般，加埋兩杯飲品埋單4百幾，又唔好食又唔值呢個價，大把其他選擇啦。…Read More

三個朋友去到Mega box 見呢間食評都唔錯，諗住可以一試，點知瀨野收場，叫三個晚餐加一個side dish 拼盤，南瓜湯味道ok不過得兩啖，重點係果塊所謂肉眼扒5成，塊野仲衰過快餐鐵板，收成3舊水，舊垃圾無味又薄又鞋，比咩人食？煮又煮得難食，野食又唔熱，收呢個價錢，有無良心架老細，半價都唔會再黎，做得一次生意唔會有返頭客，係自己做成嘅，真係越食越火，忍唔住一路食一路寫，無諗過咁多好評嘅原因，係咪要求真係咁低？…Read More

中秋節當天，8點多跟女朋友一起去這間店，當時人不太多，安排到一張跟後門的二人枱位置，坐下來看看餐牌，未點餐的時候，根本好像沒人理會，當點了$268海鮮餐，侍應才有一點笑容。點了雞煲湯底，雞還可以，可是再送來的所謂海鮮盤，根本就不鮮，全是急凍，吃起來全無鮮味，另外跟餐的牛肉才較為可以入口，其他都不用說了，只是一盤火鍋質素，以這個價錢，很多地方的雞煲火鍋一定比他們出色，所以試一次之後不會再去，根本不值一試。…Read More