雪菜肉絲炆米's Profile

今晚仲於有機會同媽媽黎試下呢間野, 睇下係咪如 其他食評講得咁好, 點知大失所望叫左兩個 set, 餐湯冇得揀, 只可飲白湯第一個係肉醬千層麵, 亦都係最快黎, 一上菜, 簡直離哂譜, 係一層都冇, 只係一堆肉醬闊麵, 肉醬仲要勁咸, 咁既貨色仲要索價 $65, 仲衰過茶餐廳d肉醬意粉 第二個係羊架, 算ok, 肉質嫩滑, 但有兩舊好多根 放係旁邊既餐具不太乾淨, 有隻羹黏有一大塊紙巾, 十分嘔心 唯一好既係凍飲好大杯, 但係要加三蚊…Read More

團購見呢間野幾平就買左, 點知中哂伏 服務算 ok, 冇漏單同埋落幾多比幾多, 但食物質素認真唔掂..... - 三文魚切到超細粒- 甜蝦勁細條, 發育不良咁款, 又冇左個頭- 赤貝又細又薄, 色水又唔靚, 成塊蕉皮咁- 燒菠蘿竟然用罐頭菠蘿仲有落 order 要逐個 no. 寫係張紙, 成晚係到罰抄最衰係食完個零鐘返到屋企即痾, 絕無下次 …Read More

晚飯時間 8:30pm 同朋友黎到, 差唔多全場滿座叫左蠔皇上素同雜錦串燒肉燥飯, 過左5分鐘先同我地講冇雞肉, 要轉豬肉, 又冇辦法啦, 繼續等.......等左15分鐘蠔皇上素終於黎, 但份量奇少, 只有幾舊豆腐, 西蘭花同粟米仔,咁就叫上素?! 碟野只係微熱, 懷疑係用微波爐番叮, 仲有碗飯勁淋, 好似BB糊仔咁再過多15分鐘個肉燥飯仲未黎, 隔離有兩三檯同我地差唔多時間黎又係乜都冇得食, 搵 d 靚仔完全幫唔到手, 再搵過高級 d 既又唔理,最後嘈到經理最於肯出黎 say sorry等多陣個肉燥飯終於黎, 完全唔明點解要整咁耐囉, 串燒唔熱既, 味道亦唔見得有咩特別埋單個陣經理再 say sorry 同免加一, 條氣先順番少少…Read More

夜點七點幾係附近行街, 見呢度$148任飲任食就走上黎一坐低就每人上一個清湯底, 湯底料就自己出去畢, 因為自己唔食辣所以就食蕃茄湯底, 不過落左成碗都冇乜味咁 菜, 菇類, 同公仔麵就出去拎, 其他就剔紙, 連刺身都有得食, 三文魚, 甜蝦, 北寄貝, 八爪魚都有, 正呀, 仲好鮮味 海鮮有蝦, 翡翠螺, 蜆, 青口, 象拔蚌, 珊瑚蚌等等, 其他牛肉, 駝鳥肉都唔錯飲品有好多選擇, 雪梨水, 酸梅湯, 豆漿, 果汁, 汽水甜品有芝麻糊, 杏仁茶, 餅乾, 啫哩糖同牛奶公司雪糕我地食個晚唔算太爆, 所以都冇乜漏單, 最後每人$148 唔使加一, 而家仲做緊優惠每人送兩隻廣島生蠔, 又有咁多野食, 都OK啦 …Read More

團購有優惠, 睇食評又幾好就買啦, 點知去到環境係闊落, 但只限 reception 出面, 入面同 buffet bar 既範圍樓底矮, 好侷促, 好細刺身: 預先切定擺係盒入面, 你要就夾比你, 一d都唔新鮮熱盤: 款式唔太多, 燒烤都 ok冷盤: 只有蝦, 青口甜品: 款式冇之前食評既咁多, cake 唔係太甜就太酸, 還是食雪糕好了飲品: 你揀定左就成晚都係倒番相同既比你結論: 冇下次…Read More

友人搬左去星街, 同佢黎打邊爐慶祝下, 星期日九點幾黎到竟然得幾檯客 亦因為咁4個人可以坐大圓檯, 舒舒服服睇住電視黎打~叫左個皮旦芫茜湯底, 其他有:1. 三文魚刺身: $58 得六七塊, 唔夠喉又叫多碟2. 響鈴: 脆卜卜好好食3. 海蝦: 得五六隻, 但幾大隻下4. 黑豚肉: 唔錯5. 駝鳥肉: 幾滑6. 四寶丸 (鯪魚丸, 梅菜豬肉丸, 墨魚丸, 蝦丸): 墨魚丸同蝦丸好彈牙7. 脆肉鯇: 正常8. 金菇: 正常9. 皇帝菜: 好新鮮10. 竹蔗茅根水: 沒有特別服務幾好, 加水收碟都算快手, 走個陣唔知係咪得返我地, 個個侍應都同我地講 bye bye九點後配料有8折, 但四個人要九百幾蚊, 又冇茶水供應, 應該冇下次了…Read More

團購左個二人餐, $108 以為好抵啦坐低冇耐見冇茶咪問下, 點知話要八蚊杯 你 D 係咩茶咁巴閉呀, 真係激死人 等左陣竟然上海南雞先, 又唔上埋飯, 攪到以為冇飯 然後係肉骨茶, 幾足料同好香, 凍冰冰既天氣飲番碗正 跟住先上番兩個油飯 再黎係黑蘿蔔糕, 辣辣地幾惹味 上湯浸娃娃菜, 得好少上湯 到甜品環節, 想食班蘭香茅奶凍點知賣哂, 個陣九點炸喎 轉食紫米露, 點知成碗野杰 pat pat 既 服務又懶殷勤, 收碟個陣見我仲食緊, 冇啦啦爆左句:「咁我幫你 hold 住個甜品先」 當堂 哂囉 …Read More

係葵芳行完街, 記起呢度有間小炒幾好食, 於是就行過黎兩個人叫左三樣野 蒜蓉豆苗 - 落左好多油囉, 成碟菜油淋淋, 碟底仲超多油 胡椒蜆湯 - 呢排咁凍飲番碗暖身正呀, 蜆好鮮味, 胡椒味好重, 辣辣地幾正 黃金蝦 - 隻蝦有著淡淡既蛋黃味, 唔會太鹹, 送飯一流我地 walk in 8:45pm 黎到, 唔使等即刻有位, 仲可以拉多張凳擺下袋,又唔使限食個半鐘, 可以舒舒服服咁食 服務一般小館質素啦, 有個光頭疑似老闆既男人招呼好 d,會同你介紹下今日有咩好食 …Read More

行完一田見到呢度既 dinner buffet 幾平, 只係 $218, 宵夜 buffet 都要咁上下既價錢, 仲唔使等到咁夜 食物選擇唔多, 刺身欠奉, 不過絕對優勝過唔少三四星級酒店既宵夜 buffet 海鮮: 長腳蟹, 翡翠螺, 青口, 凍蝦 肉類: 即燒羊架, 豬手, 魚, 等等, 不過個印度廚師手勢一般, 有 d 燒到燶哂都照比客食 熱盤: 菠菜芝士撻幾好食, 雜菜湯都幾好飲 甜品: 幾款 cake 都麻麻地好食, 唔係太酸就太甜, 食牛奶公司雪糕好過, 仲有部窩夫機比你自製窩夫最唔滿意係冇任何飲品, 成晚都係飲水同湯 不過環境幾舒適, 座位唔迫又有電視睇, 仲有 live band 現場表演 用恆生卡有八折, 每人二百唔使 …Read More

第一次去牛陣食, 點知完來不外如是等位等左九個字, 由於只係想試下, 所以叫左個最平既 $98 清湯鍋牛肉同豬肉尚算 ok, 但配菜十分之普通, 魚柳只係出過一次, 丸同魚蛋個 d 又冇, 淨係得菜呀, 菇呀, 豆腐呀 仲有間唔中會出下沙律, 布甸同涼粉最離譜係汽水要十蚊罐 !!! 一於唔叫, 飲水好過 服務一般, 要叫先有人加湯同加水 …Read More

睇之前既食評見 lunch 同 tea buffet 都幾多選擇,就訂位 boxing day 黎食宵夜 buffet, 點知........ 刺身, 壽司: 刺身得三文魚, 壽司選擇亦唔多 海鮮: 有凍蝦同生蠔, 仲有殼大肉細既 BB 青口, 同埋賣相唔多靚既龍蝦仔,生蠔食到幾隻竟然有殼 熱盤: 大路野, 冇乜驚喜 即煮粉麵: 冇理到 甜品: 只有幾款 cake 同 mosse, 都係食 Movenpick 雪糕好過,最好味既係焦糖燉蛋味同特濃咖啡味 餐飲: 最唔滿意既一項, 竟然只有咖啡機既熱咖啡, 自己沖既熱檸茶, 凍鮮奶, 同埋你檯面既 - 一杯水, 係我食咁多間宵夜 buffet 最 cheap 既一間匯豐卡 8 折, 恆生卡 85 折…Read More

星期日 8:45pm 黎晚飯, 點知叫乜冇乜, 燒汁炸銀鱈魚冇銀鱈魚,欖菜肉鬆四季豆冇欖菜, 有冇攪錯 卒之叫左個魚腐炒米線, 個茨又杰又厚, 見到都唔開胃 仲有 9:30pm 就開始收調味料, 好似唔想做生意咁 …Read More

夜晚九點幾黎到, 等左一陣就入得, 仲有卡位坐 甜蝦多利亞焗飯 - 好香芝士味 蒜蓉青口 - 唔錯 墨魚汁意粉 - 墨魚少左 d 鐵板羊架 - 羊肉勒左 d每人加十二蚊可以任飲咖啡同汽水, 係自助水吧自己攪 埋單 $126, 唔使加一, 抵食也 另留意到有好多人帶埋生日蛋糕係度慶生, 而餐廳會收返二十蚊 "蛋糕雪櫃費"…Read More

本來諗住去木村, 但見松屋連甜品都任食就試下見 order 紙咁多野食都幾開心, 串燒有好多款式, 於是每樣叫 d,頭一 round 都幾好味, 但跟住再叫幾次都超咸囉 燒雞腎, 燒雞軟骨, 燒牛脷, 連燒茄子同燒翠玉瓜都可以係超咸囉,最好笑係燒蝦, 成隻蝦都係鹽, 想食死人咩 2 人檯區域坐得超迫, 侍應又經常記錯檯號, 攪到成日同隔離檯既食物撈亂, 連經理都係咁 唯一好食既係雪糕囉, 夠滑…Read More

係附近食完飯記起呢度有間新開既糖水鋪, 就黎試下 西瓜西米露 - 得三粒西瓜咁大把 木糠豆腐花 - 木糠同豆腐花唔太 match人手嚴重不足, 得一個企堂負責落單同收錢, 廚房有個阿姐幫手出餐, 但經常去錯檯 廚房又整得慢.......... …Read More