morimorisam's Profile

本身在西營盤返工，同事介紹在水街新開既一間店，主要係食車仔麵和台日食物的。本身我諗住食車仔麵架！但同事推介我試吓台系食物，咁就叫推介必食台灣牛肉麵，但點知賣完🤷🏻‍♀️！咁今次就食鹽酥雞啦！店員推介配麵線會無咁乾，所以就試吓！雞件雖然係炸，但一咬落好juicy😋，味道很香好好食~ 而且仲有薯格配埋唔錯！👍🏻 加埋凍檸茶$8，埋單$58。雖然格局不太大，坐位稍唯細小而且有啲迫！好彩仲有窗口Bar檯位坐吓舒服啲～下次都會再來食必食推介牛肉麵，希望不會令我失望。…Read More

朋友極力推介火炭的一間私房菜，心諗有冇咁勁呀，讚不絕口咁，上星期終於約齊腳去試(因為要六位起）。地點在工業區，但都算就腳，火車站行去約5分鐘路程。室內環境很舒適，有一幅由紅酒箱砌成的 feature wall，映相位冇走雞！成個 menu 由前菜到甜品共十一道菜式，免茶芥冇加一，不收其他收費，實價$520/位。講真，訂位時覺得有小小貴，但食完我覺得超值！講返食物，前菜有芥辣雲耳及話梅芭樂（唔記得映相)，兩款味道都恰到好處，好快被掃清！主打冷盤前菜，海胆肉鬆凍豆腐，要按大廚的規矩來進食，加埋秘制 sauce，真係正到冇朋友！然後再來燉湯，蒸魚都係水準之上！另一款signature dishes，黃金一口鮑 (掛住食無影相)，規矩係要一口食，滋味我唔識形容，最好比我食多幾隻試清楚！😋跟住來的龍皇多士，3D造型好特別，店員說已演進至V3.0，由剌身級帶子鑲蝦膠及原條蝦尾，以豆腐卜包住來炸，蝦頭以椒鹽泡制，再配以自家制的酸甜醬，冇得輸！👍🏻已經飽飽地，鮑魚雞煲上枱，份量十足，一人有一隻鮑魚，睇落重有成隻雞貢樣。。。。。好味道，食唔晒打包走!尾聲啦，上湯農家雜菜，顏色配搭好吸睛，食左咁多好嘢，清清地唔錯喎！ 壓軸的邪惡炒麵，店員話點飽都要試，可以挑戰下佢地嘅黃辣椒醬，超香超辣！甜品是藍莓慕斯生日蛋糕，店家自制的，蛋糕的味道比外面買的要清淡，因為是用新鮮水果制成，沒加添色素及合成香科的味道添加劑，純天然的味道，外面食唔到囉！整體來說我覺得超值，環境，食品及服務都非常滿意，我都會同我朋友ㄧ樣，極力推介比其他朋友 ！好嘢要分享嘛！…Read More