JoeSio的個人專頁

北角地鐵站書局街出口的錦屏後街，已經漸漸成為一條食街，近期又開咗間港日式居酒屋最正就係清酒放題$158/位，仲要係無限時，飲到佢收工都得，而且選擇多，揀唔到就叫 Waiter介紹，佢哋非常樂意又健談，而且不時有新貨返，唔會次次去都一樣餐廳主打港式居酒屋，用一啲地道嘅港式食物配搭清酒燒北寄貝，雖然 Size唔大，但生熟度啱啱好，新鮮又鮮甜串燒牛舌蕊，用牛舌最靚嘅位，爽口唔韌，油膩感爆燈串燒墨魚腸，自家製墨魚腸，加入墨魚汁及粒粒墨魚肉，味道鮮上加鮮椒鹽豆腐，外脆內軟，調味適中，送酒一流滷水牛舌，先將牛舌滷水，煮到又腍又入味，有 order時再X粉炸香表面，做到鬆脆口感之餘裡裏又鬆軟又有肉汁，好味美國特級牛扒，屬於日本混種嘅和牛，既有牛味又唔會太油膩，燒到七成熟，慢慢咬，愈咬愈香口川椒脆魚皮，非常惹味先辣後麻，川椒味突出，愈食愈過癮麻辣墨魚咀，呢個反而唔算辣，用墨魚嘅吸盤，炸香再撈麻辣粉，又係送酒良品🤣…查看更多

星期六半天上班，放工後通常都想食好啲，見到潮盛館做緊週末套餐特價，一於幫襯吓紅燒砂鍋翅（2位）：上枱熱焫焫，個湯汁好濃好杰，雖然翅係裙邊，但份量都好多，加埋墊底嘅芽菜，好大碗好豐富生炸BB乳鴿（一隻）/鹽香雞（半隻），我哋揀咗鹽香雞，上枱都幾大隻又肥美，肉質好嫰，唔點薑蔥醬都夠味滷水拼盤（鵝翼拼墨魚）：鵝翼好入味都算腍，容易咬開嚟食。墨魚夠新鮮爽脆，份量合理。墊底嘅豆腐吸哂滷水汁非常好味海味什菜煲，好大煲，菜嘅種類有多款，湯底有魚湯味，啲菜吸咗魚湯鮮上加鮮…查看更多

旬先付三點沖繩水雲配酸汁，好開胃蟹膏豆腐配三文魚子，味道濃上加濃磯煮鮑魚配鮑魚肝醬，鮑魚又腍又入味海之幸刺身四點：帆立貝，中拖羅，牡丹蝦及海膽全部都新鮮，温度 keep得好，食得出係靚貨色極上海膽和牛一番卷，非常矜貴嘅組合：和牛用上A5配北海道海膽，裏面包住蔥白，平衡咗和牛嘅油膩感，味道層次豐富厚切牛舌芯，用上牛舌芯最嫩嘅部位，煎到八成熟，配上辣蘿蔔蓉，淡雪鹽及生洋蔥，中和咗牛脷嘅油脂感，慢慢咬就滲牛脷嘅牛油香日本A5和牛西冷，用上關西嘅壽喜燒做法，先煎香再淋上壽喜燒汁，咁嘅做法牛肉多咗一份煎香嘅效果，甜甜嘅汁配蛋黃一齊食，滑上加滑，牛肉就完全係入口即溶，食兩塊已經好夠飽再加上大量蔬菜及豆腐，滿足程度爆哂燈柚子檸檬冷蕎麥麵，最後嘅冷麵細細碗，但係非常Fresh，酸酸地充滿柚子香，平衡之前嘅甜味，完結得啱啱好甜品係好少食到嘅栗子味雪糕，裡面有細細粒嘅栗子肉，有牛奶味但唔算好濃。哈密瓜就係正常發揮😋…查看更多

响尖沙咀食日式串燒的話，我通常會去厚福街嘅Mokumoku ，因為D酒好低飲，長期做買一送一原條池魚刺身+炸魚骨刺身薄切，新鮮，魚味濃，點薑蔥酸汁食有助提鮮炸魚骨香脆送酒一流因為想試多啲串燒款式，所以全部叫一串 share九條蔥卷，用青蔥部份，淡淡的蔥香味芫茜卷，芫茜用莖嘅位置，茜味特別濃紫蘇豬肉卷，點用紫蘇葉做嘅酸汁，味道特別濃露筍豬肉卷，露筍爽甜，感覺清新豬顎骨肉，爽口但不太濃味，冇重內臟的味道豬脷串，冇牛脷咁重油份，但同樣有咬口西班牙黑豚肩肉串，肩肉較瘦，但肉味香濃，愈咬愈香口西班牙黑豚豬頸肉串，爽口中帶點油份，好食豬喉結串，好少食到嘅部位，勁爽口，肉味就不重豬聲帶串，有連住少少肉，同樣爽口西班牙夾心肉，燒到表面香脆，肥瘦比例適中厚切牛舌，食串燒走唔乜，呢間係高質出品厚切白金豚肉，比夾心肉更厚，口感更佳豬肉蠔卷，特別的組合，蠔味燒完之後更濃郁西班牙黑豚肋骨肉，份量外，足足有成條肋骨肉，表皮脆，裡面 juice最後食番啲蔬菜 Balance吓茄子芝士翠肉瓜日本銀杏日本長蔥日本青椒仔厚揚…查看更多

銅鑼灣有好多鐵板燒，但質素參差，通常我會去虎鐵，出品穩定，價錢實惠今次食嘅係日式和牛海鮮套餐，價錢實惠又多嘢食，仲每人送半隻活龍蝦，超抵食前菜係沙律同茶碗蒸：茶碗蒸上枱時淋上高湯，加埋蟹肉同素魚翅，口感豐富，味道又有層次虎蝦拼銀鱈魚：虎蝦慢慢用心煎脆蝦頭，蝦身煎到九成熟，鮮甜又爽口銀鱈魚煎脆兩邊入面仲充滿油分，而且份量都唔細，食得好滿足南非鮑魚本身都夠腍，切薄片再炒香，淋上鮑魚肝做嘅醬汁，味道好濃郁贈送嘅活龍蝦size都唔細，同樣唔係煎到全熟，比虎蝦更爽甜更彈牙煎鵝肝做到外脆內軟，鵝肝味濃郁，配上自家調配嘅黑醋汁，減輕咗油膩感A5和牛薄燒配香煎野菜，因為和牛本身比較肥，我哋要求煎到七成熟，師傅都掌握得好好，加上大量嘅青蔥同炸蒜，惹味又香口蟹肉炒飯配麵豉湯：蟹肉份量多，炒飯就炒到乾身，雖然已經好飽，但係都成碗飯食哂最後嘅甜品係疏乎厘配雪糕，師傅用鐵板逐件疏乎厘慢慢煎香，再加上朱古力漿，紅豆蓉同開心果碎，口感又豐富又有層次…查看更多

呢間居酒屋主打日本燒酎，超多選擇。店員介紹咗鍛高譚，有淡淡嘅紫蘇香，飲落順喉Glow 番薯燒酎，重花香，回甘有荔枝味，女仔會喜歡刺身拼盤有海膽，大甜蝦，油甘魚三文魚及帶子，新鮮而且溫度控制好，大片又爽口，非常抵食烤牛骨髓配辣蘿蔔蓉及日本蔥，牛骨髓烤到半熔，有啲似食白子嘅口感，蘿蔔蓉有助增加味道嘅層次厚楊豆腐，燒到外皮香脆裏面充滿空氣感，又有豆香，配薑蓉木魚絲食，好有日本風牛心，比較少食到嘅位置，口感實淨越咬越有肉香，反而唔覺得似內臟燒雞翼，見到師傅好俾心機慢慢燒到表皮香脆金黃，仲將烤燶嘅部份剪走，調味剛好，食日本串燒一定要食雞翼，呢間質素非常高車厘茄煙肉卷，車厘茄烤熟咗更加清甜，配略鹹嘅煙肉既平衡又減低油膩感青椒仔，食燒肉必點，呢間都做得好食雞肝，單睇外表已經好吸引，點上甜甜嘅燒汁加上粉嫩嘅內部，好食又唔覺滯牛沙瓜，又係稀少部位，先炆腍在燒脆表面，咬落油香豐富牛小腸，用上福岡牛腸鍋嘅相同部位，烤到外面脆入邊Juicy，幾特別牛肋條，點上甜汁燒香，愈咬愈有肉香明太子飯團+鹹牛肉飯團芝麻餡嘅燒丸子，其實始中式湯圓，但用燒嘅方法更加香口…查看更多

想食日式串燒，我通常去銅鑼灣鳥居居酒屋，食物水準穩定，飲 Sake 仲好低，因為佢哋長期做買一送一，清酒控一定瘋狂鮮菜沙律，新鮮爽口，點甜麵醬最夾時令刺身三點，北寄貝，三文魚腩，牡丹蝦全部新鮮甜美和風蕃茄沙律，蕃茄清甜，配柚子酸汁一流手造豆腐，豆味濃，搽上麵醬木魚絲，好有日式風味酒煮風文貝，文貝新鮮配上濃濃嘅胡椒湯底，飲落好暖胃煙肉車厘茄，加熱後嘅車厘茄特別甜，配上鹹味重嘅煙肉好平衡豬頸肉燒到脆口，配上大蔥，特別爽口清甜梅子雞肉串，雖然係雞胸肉，都冇燒到好乾，配上梅子醬同紫蘇葉，味道有層次串雞丸，自家製非來貨，加入雞軟骨增加口感。配日本蛋甜豉油一齊食特別滋味蒜香燒牛肉，牛肉薄片燒香仍然有肉汁，蒜蓉味濃薄燒牛舌，生熟度控制得啱啱好，咬落去柔軟又有油脂香燒赤蝦，新鮮爽甜燒味噌半殼蠔，熟咗嘅蠔濃縮咗特別有蠔味，加上味噌芝士味道豐富燒飯團三文魚燒飯團鱈魚子Suntory黑白啤Suntory生啤…查看更多

任食雞煲火鍋愈開愈多，但講性價比，我通常去觀塘為食火鍋公司，價錢簡單易明，冇隱藏收費好似平日任食套餐，每人$288加一，就可以任食雞煲，然後再打邊爐，仲有啤酒汽水任飲上菜次序分4 round，第一 round係餐前小食：揀咗日式炸雞，新鮮即炸，粉漿薄脆，裏面仲有肉汁蟹籽沙律，青瓜絲切到好幼，爽口新鮮鮑汁雞腳，炆到又腍又入味第二 round係刺身，每日精選三款，今日係三文魚，北寄貝同特大甜蝦，全部都新鮮冇雪藏怪味第三 round就到雞煲，落單時特別 order咗多芫荽，果然嚟到無失望。而雞煲就响面前由生煮到熟，但要經常返炒，否則易燶。味道香濃，辣度自己揀，愈食愈過癮，而且係無限量任飲，正最後一 round就揀個鮮茄薯仔湯打邊爐，而每日五款海鮮就只上一次，包括有大元貝，大蜆，鮮蝦，脆肉鯇同白鱔片，雖然只上一次，但其他配料任食，所以都好足夠肉類就揀咗特級牛頸脊，牛板腱肉及日本千歲豚，之後再加咗羊卷肉，單睇肉嘅雪花紋已經好吸引，食落有肉味又唔太肥，之後係咁 encore其他餃子類午餐肉蟹柳等配料可以逐粒 order，靈活又唔會浪費食物其他菜類就响一入門口個大雪櫃任取，食幾多攞幾多，而且選擇多又新鮮飲飽食醉非常滿足…查看更多

傳統中式菜館生意越嚟越難做，要留住客人個心，一定要保持出品水準。今晚約咗幾個朋友去灣仔盛記酒家，出品一向穩定食物有質素先嚟個煎蓮藕餅，大大件，煎到兩面香脆，蓮藕爽口，豬肉調味適中即燒乳豬，我哋四個人叫咗1/4隻，上枱仲微暖，皮脆肉嫰，醃料味夠傳統。雖然只係 order 1/4隻，都有跟埋甜包夾住食，窩心又貼心乳豬咁好食，決定試埋另一招牌菜：燒鵝下庄，果然唔錯，皮固然夠脆，肉又嫰，唔會過鹹或者太肥，水準之作小炒皇，配料超多，有鮮蝦，蝦亁，鮮魷，腰果等。最特別有炸芋絲，令口感更豐富。微辣更啱送酒鮮拆肉泥鯭粥，雖然唔係貴價食材，但就係心機之作。鮮泥鯭拆肉夠鮮甜，仲加埋好多配料：生菜絲，蔥花，芫荽碎及大頭菜粒，令粥底更鮮甜，口感更豐富飯後送甜品，紫米露，微甜潤喉，結尾最合適…查看更多

鮨逸真係一間久唔久就想食嘅Omagase，因為佢個set豐富又好味，性價比超高沖繩水雲酸咪咪，好開胃北海道鮟鱇魚肝，油潤甘香，越搭越有味平政魚包住海膽豆腐，上面再灑上烏魚子碎，味道複雜有層次汁煮黑梅貝，用甜豉油味醂煮到入味又腍身輕輕火炙日本鯛魚再配上青瓜漬，食落清新，魚肉有熟成過，肉較腍北寄貝配日本柚子皮，再輕輕火炙過，有助提升鮮味沖繩活小龍蝦，即場生劏起肉，肉質勁爽口，加上蝦汁調配嘅豉油，蝦味即時提升煙燻鯛魚刺身配洋蔥漬，用煙燻槍打氣，煙燻味勁濃，响口腔久久不散松葉蟹膏豆腐，蟹肉鮮甜，蟹膏濃郁，蟹迷最愛縞鰺即係深海池魚，上面放啲昆布海藻鹽，肉身爽口，油份適中鮮赤貝配蕃茄香草醬，赤貝新鮮爽口，配香草醬成件事即刻西式哂池魚三星漬。白身魚嚟講算重魚味，加咗三星漬有中菜 feel鰤魚配柚子胡椒，油份勁重，柚子胡椒有平衡作用秋刀魚，好少响八月已經食到秋刀魚，雖然未至於好肥美，但已經好感動超toro 蜜糖芥茉醬，toro熟成過，魚肉緊致咗，醬汁平衡咗熟成嘅酸味火炙銀鱈魚配少少蒜蓉，銀鱈魚油份爆燈，落少少蒜蓉，有提鮮作用岩手縣產赤崎生蠔，海水味蠔味金屬味平衡，一貫日本蠔嘅鮮甜北海道牡丹蝦二食，首先食有蝦膏配蝦，蝦膏濃味蝦肉甜。之後食底嘅蝦豉油配蝦，鮮甜味加倍松葉蟹肉配蛋黃醬紫蘇花，蟹肉新鮮拆肉，配紫蘇花好特別又幾香北海道白海膽配鱈魚片，再輕輕灑上淡雪鹽，鹽係用米做，鹹味唔重，唔會蓋過海膽本身嘅鮮蝦甜味4小時慢煮鮑魚配蟹膏味噌，鮑魚腍香，醬汁更有助提升鮮味日本沙𩺬魚天婦羅，沙𩺬魚細細條，好啱做天婦羅，魚肉炸到啱啱熟，口感鬆脆炸蔥絲加Otoro ，配鮮蛋黃及淡醬油，唔會蓋過Otoro嘅鮮味，炸蔥絲更有提升作用Toro魚蓉手卷，好多餐廳都會做，但今次加咗炸過嘅紫蘇葉，口感更豐富有層次玉子布甸龍蝦頭舞茸湯柚子雪糕配北海道赤肉蜜瓜…查看更多

銅鑼灣渣甸街勁多日本菜，要揀一間性價比高嘅都要花啲時間朋友介螢雪而家做緊75 折優惠，所以就中午嚟食個壽司 set前菜有沙律及小女子，沙律汁酸酸甜甜，沙律菜新鮮，好食開胃北海道魷魚配明太子海苔醬，魷魚新鮮度爆燈，配上鹹香嘅醬更惹味九繪魚配柚子皮，屬石斑魚科，白身魚肉質結實，魚味清淡，柚子皮有助提香日本鱸魚，口感結實啲，咬耐咗魚香味慢慢滲出右口魚稿鰈魚，同左口魚同科，肉質軟滑，肉味清淡真鯛連魚皮，加上烏魚子碎，皮位越咬越香，烏魚子嘅鹹香更加提鮮日本櫻鱒魚，魚肉鮮橙紅色好漂亮，肉質細緻柔潤脂肪感重煙燻間八魚，用橡木輕輕煙燻過，用呢個方法處理高油份嘅魚最啱醬油漬吞拿魚赤身，再配上帶微酸嘅芥末籽，特別組合但又好夾北海道根室赤海膽，海膽夠新鮮就唔使額外太多添加，少少嘅即磨Wasabi加兩滴醬油已經好好味炭燒喜之次，啲魚油多到响口中爆發天然超Toro吞拿魚配米通，用米通嘅強大吸油力，平衡返Toro嘅油脂，完美組合最後上嘅魚湯超濃郁蒸蛋嘅面灑上少少炒香嘅櫻花蝦，提鮮又有咬口…查看更多

最鍾意星期六放工食好嘢，當獎勵自己尖沙咀中間道H Zentre 愈嚟愈多高級食肆，今日就試炑前菜係酸汁白雲海蜇頭配青瓜菊花，酸酸咪咪，海蜇頭爽口，青瓜 fresh，完全提升食慾元貝乾蒸蛋，即係我哋中國人講嘅乾瑤柱絲，反而日本菜比較少見，加埋鮮百合冬菇木耳青豆，口感豐富三款刺身包括：靜岡縣產白鮭魚，屬於三文魚科，比較罕有，size細細條，口感較正常三文魚略爽，油脂同樣豐富北海道仙鳳趾生蠔，配酸汁柚子皮辣蘿蔔蓉。蠔本身非常鮮甜，口感勁creamy，金屬味响口腔越咬越出炙燒北海道銀鱈魚BB刺身，火炙過嘅魚身油份爆燈，魚肉柔軟，魚味唔算重，加柚子胡椒剛好平衡咗油膩感北海道十勝A4和牛牛板腱煮物，用上煮牛內臟嘅汁同方法，煮到牛板腱又腍又入味，慢慢咬就滲出牛嘅脂肪香，同煮嘅大根又係另一出色位，鮮甜入味，只係份量少咗啲沖繩海蝦天婦羅，先食蝦頭，脆到似食蝦條。蝦身炸到剛剛熟，彈牙鮮甜，配自家製咖喱鹽，又出奇地夾炸北海道粟米芯，連埋粟米鬚一齊炸好特別，粟米鬚香脆，粟米芯細細粒都好鮮甜煎鵝肝飯，鵝肝唔煎到全熟，保留裏面少少流心嘅效果，油脂非常豐富，配上少少即磨Wasabi，平衡得啱啱好所以配上紅麵豉湯，同樣比較濃郁，呢個襯法係出色嘅安排咖啡雪糕，加咗果仁粒，有咬口又更香濃…查看更多

鰂魚涌太古坊食晏時間非常繁忙，間間餐廳都好full但到咗夜晚寫字樓收哂工，有好多餐廳都好舒服，有露天座位，微微涼風，仲可以帶寵物，非常 Chill今日幫襯Sage & Salt主打泰國同亞洲菜，不過唔好講咁多，大熱天時坐低梗係要啤一啤佢。啤酒大大杯，happy hour去到八點都係$58杯，好抵飲豬頸肉沙律，份量超多，有紫洋蔥青瓜蕃茄仔，撈埋少少酸辣汁好Fresh，好啱夏天食原隻烤魷魚，燒到啱啱熟，有炭香，食得出係新鮮嘅魷魚，配青檸酸汁感覺非常泰式印度烤雞唔算好大隻，用印度醬料醃到橙黃色。烤焗到啱啱熟，裏面仲有肉汁。香料味重，滿滿嘅印度風最後加多個泰式炒金邊粉，酸酸甜甜，裏面加咗大蝦花生碎芽菜韭菜，爽口又好食吹住涼風吹吓水啤酒飲完一杯又一杯…查看更多

香港主打墨西哥菜嘅餐廳唔多，尖沙咀呢間8Five2 Restobar算係有歷史有質素餐廳有半露天酒吧氣氛好好，但天氣熱都係想坐入啲先用餐首先嚟兩杯大啤，夏天飲啤酒一定冇得輸食墨西哥嘢，Nacho一定走唔甩，揀咗最common嘅款式，加上大量切碎嘅洋蔥蕃茄，食落比一般舖頭做嘅更加Fresh，而且冇加芝士食落唔會太滯BBQ Pork Rib，雖然叫咗半份，但係都成隻手臂咁長，味道濃厚，烤嘅時間都拿捏得好好，肉本身腍，但係都keep到有肉汁 Roast Chicken，都係半隻，size唔算大，烤得表皮金黃香脆，𥚃面肉汁豐盈，而醃味都做得好好，雞胸雞髀都入味，配上串燒脆肉瓜+一小碗黃薑飯，飽肚又抵食由於唔係人人都好食得辣，所以食物本身唔辣，但店家都好細心提供3款辣汁，我咗小辣都已經有料到，果然墨西哥菜可以去到好辣🥵…查看更多

前菜磯煮笠貝，煮到入味又唔韌，越咬越香刺身三點：赤羽太，白身魚比較清爽，加咗梅子醬提鮮，呢個季節啱食嘅魚梭子魚輕輕用火炙過再加柚子胡椒，輕灼後逼出魚油香味更濃初鰹，係比較細條嘅鰹魚，味道冇咁濃，但肉質口感反而更清爽華漣蠔輕輕蒸過，蠔味更加濃縮，鮮甜但仍保留海水味北海道粟米凍湯，夏天嘅北海道粟米非常清甜，將佢煮成凍湯加少少忌廉，簡單但已經好好飲忛立貝壽司，帆立貝用手撕開，見到一疏疏嘅纖維，咁做法口感更佳，鮮甜味無比深海池魚，望落有啲似油甘魚，但魚味口感都更平衡金目鯛，爽口唔油膩，連魚皮食越咬越香關池魚，係白身魚，脂肪比例唔算重，更食到魚本身嘅鮮味鯖魚新鮮無醃製，通常鯖魚都會用醋或者昆布醃製過，今晚食嘅完全冇，反而食到鯖魚柔潤軟滑嘅另一面吉列沙甸魚卷，將沙甸魚切碎混合梅醬紫蘇芝麻一齊炸，口感複雜，但加咗紫蘇就減少咗油膩感，幾好食嘅過場菜北海道海膽三文魚子，將呢兩種高級食材混合都係坊間常見，海膽鮮甜冇怪味，魚子粒粒飽滿，呢間都做得好好食中拖羅，油分適中，又冇筋，係我最喜愛嘅拖羅位置海鰻，先蒸熟再用炭火燒香，調味唔會過分甜。用脆口嘅紫菜包住，入口充滿油分又軟熟，唔使點咬就已經吞進喉嚨子持香魚，即係有魚春嘅，香魚汁煮後再配上入味嘅蘿蔔，有魚春嘅魚真係特別香牛肉素麵，夏天最啱食素面，加上醬油味醂清酒煮過嘅牛肉，作為最後熟食又可以增加飽肚感日向夏，日本嘅品種，口感味道介乎檸檬同橙中間，非常特別，做飯後果甜酸好恰當…查看更多