jcyy89's Profile

蝦餃皮太厚，但係蝦好新鮮彈牙，叉燒腸太過厚皮，但係都好滑，鳳爪正常水準，百花蟹鉗最好食又抵食，入到去，一定要食，另外，腐皮卷可以再燶少少就好啦，煎虎椒魚肉，太多油同埋中間唔夠熟，蘿蔔糕覺得太過林，同埋成口油，味道正常，銀紙鐵板棉花雞，個樣好特別味道普通，下次再去試埋其他嘢，呢度個冷氣好強勁，好舒服，記住帶多件褸去…Read More

屋企附近開咗呢個華仔冰室，初初喺openrice都未搵到佢個名，而家搵到可以寫食評喇，不過又唔記得咗影相😂早餐有幾個款，佢個招牌沙爹牛肉冇得頂💯，我食咗兩次7，第一次係配米粉第二次配通粉都係咁好食，仲可以配雞蛋火腿腸仔煙肉，是但揀兩樣，仲有塊多士，食得好飽~係要上落樓梯有少少麻煩…Read More

經過好多次都想食㗎喇，今次特意入去食新鮮豬雜米粉，仲有豬瘦肉,都好嫩滑爽脆新鮮,米粉都好大碗好夠食,食完有少少口渴,不過總括嚟講係香港少有新鮮豬雜嘅好地方又吾貴…Read More

早上參觀完屯門T.park後,旅遊巴司機哥哥就載咗我哋嚟呢度食午餐，呢度環境寬闊,樓底高洗手間乾淨又大不過係啲侍應唔夠,所以我哋個領隊Teresa要做埋PT侍應呢度啲燒鵝真係冇得頂，試過就知道，其他小菜~包括蝦仁炒滑蛋,欖菜炒四季豆,粟米斑塊，上湯蒜子浸娃娃菜，仲有糖醋排骨都好好食，隔離枱細食仲送咗燒鵝畀我哋枱添食，同枱朋友叫咗青島啤酒飲得好高興,搞到我都忍唔住叫咗一罐可樂飲下，佢仲有條好似用石雕嘅龍，栩栩如生，雕工精湛侍應雖然人手不足但係態度都好親切…Read More

中旅社一天遊包餐:滷水拼盤有滷水鵝片,紅腸,布包豆腐,五花腩之後有碗翅好似有竹笙，再上方魚炒芥蘭炒飯，菜甫蛋餅,最後有蒸烏頭出場，茶是原片茶葉我們全部清碟真係好…Read More

疫情之前,來過夜晚堂食,不過而家就焗住叫外賣啦,但係份量一啲都冇少到,西蘭花炒鮮魷,依然係咁爽脆新鮮,仲送埋蝦醬,椒鹽豆腐拼九肚魚,九肚魚同豆腐外脆內軟好好食,本來係叫一份例牌白灼海蝦嘅,點知冇咗海蝦,我即刻落去街市行咗兩個圈,可能太過夜喇,都六點幾,一隻游水蝦都冇,跟住老細就建議轉食腰果蝦仁/咕嚕蝦球,最後我哋決定揀咕嚕蝦球,酸酸甜甜啲蝦好爽好大隻,另外老闆好好人,送咗兩個例湯畀我哋飲,清甜滋潤,😊食到好飽,甜品都唔使食…Read More

已是第二次來早餐,今次食沙爹牛通配熟蛋同司華力腸加凍檸茶走甜,牛肉又入味又冧滑，今次食到一條小小的筋咬吾到,無影響水準,司華力腸界花後再炸香口又靚,飲品也OK,會再來…Read More

下午茶餐堂食由十一點半去到夜晚六點就可以叫,本來諗住咁嘅價錢啲嘢食都係一般ok就算係甘，點知出奇的好好食我叫咗招牌豬扒麵,擔擔麵湯底加小籠包,仲有可樂,朋友就叫咗回鍋肉擔擔拉麵配烤麩,可樂，兩個面雖然話下午茶，但係份量都唔少,豬扒有兩大嚿,炸得好鬆脆好好食回鍋肉入面除咗椰菜仲有豆腐乾條都好大碟,小籠包有兩個熱辣辣香脆鬆軟,上海烤麩菜甜甜地吾錯,真係食得好滿足,今日晚餐都唔使食，下次再嚟試下其他嘢食先…Read More

今日天氣又落雨,心思思掛住嫲辣野就大約2點去左嫲嫲辣辣,點左午餐三餸干鍋:雲南菜花,肥腸,鯛魚(麻辣小辣)，等咗大概十分鐘之內就上枱喇，一體發現個顏色咁淺都發現唔對路,點知一試肥腸又濕又韌無乜味,成碗水汪汪，立即叫待應講呢個問題,攞咗嘢入廚房,隔咗一陣又出返嚟,再食係就係鹹咗有味,仲要係有啲鹹到苦嘅添,可惜一樣都係水汪汪,之前食過佢啲嘢,全部都走咗油跟住攞辣椒乾同埋落啲調味料翻炒嘅,都好乾好脆,味道好好'已經唔係第一次發生喺呢間舖喇,係我身上已經係第二次啦,希望舖頭作出改善,因為實在太激氣,我畀錢嘅時候都攞咗張相畀經理睇佢都承認咗係水汪汪，希望廚房大佬唔好糟質啲食材,令到辛苦嘅打工一族,返工想搵個地方抖下食下飯都咁受氣！！…Read More

11:30開門非常準時地方闊落👍樓底高員工勤快有禮💝服務貼心食品精緻＇味道出奇的好＇令人回味無窮新鮮沙薑豬手切得好細粒方便入口入味鮑魚酥無論味道同埋賣相都好精緻好好食蒸齊菜餃， 三隻都包得好好， 皮薄超多餡， 蒸嘅時間剛剛好冇破到皮另外有一個點心忘記咗名， 炸嘅點心，入面有啲海鮮餡料，一咬就會流曬啲海鮮湯出嚟㗎喇仲叫咗隻甜品豬食添～下次再嚟要試埋嗰個十三么我地可能食左辣野＇感覺上冷氣不夠另外茶壼用金屬嚟做，如用玻璃或瓦＂茶壺可能更好今期有＂月餅試食＂當飯後甜品，好正＇希望中秋後繼續有得食，４款月餅各有各好食＇每樣四分一，份量剛好＇岩晒甜品控既我店務員好有禮貌，提醒我哋即時買月餅有折扣， 可惜我哋要行街，所以就無買喇…Read More

趕到在六點前完成堂食晚餐我叫咗凍烏冬，大份嘅，保持水準咁好食👍蝦子餅叫了熱既蕃茄牛肉烏冬＇我試吃了一條熱烏冬也爽滑彈牙另外加一塊炸魚，一串魚餅及一隻炸蝦炸魚反熱後雖然太油膩但味道ＯＫ的＇魚餅也是反炸好好味，最後天付羅蝦是即炸超正飲品可樂同蘋果汁～特別喜歡這種自助式，配料又齊全的正店見到無收搭自己的盤子，人也不見了估計他們可能行動不便或趕時間吧！…Read More

非常時期好多酒店都暫停供應自助餐＇估吾到這裡正常營業，午餐經openrice訂位仲有65折真好～去到酒店餐廳門口要量體温仲有要你即時用酒精初手液清潔雙手，保障大家的健康衛生good入到去＇龍蝦鉗， 白灼蝦， 大蜆， 龍蝦仔， 生蠔都正常供應，只係無得自己 夾，同職員需要食幾多佢就即時在雪櫃攞比你～生蠔洗得好乾淨無碎殼只是太瘦＇蝦正常有Ｄ癡殼＇龍蝦鉗新鮮結實好味＇蜆咸鮮正＇無食龍蝦仔熱食吾多，但大多好食＇每個餸分成好多一小碟＇冇夾同匙，有職員在旁替你取碟＇最好食是牛肋條夠冧夠入味＇每小碟在２塊肉份量剛好＇刺身同壽司在２個師傅即時切同做比你幾好＇另外沙律同水果分一碗碗用保鮮紙包好放在雪櫃比人自己攞。最後甜品也是同職員講要那件佢就汁比你＇全部用透明膠板隔住，你只可以用手指指＇ 一啲都頂唔到好衛生，估吾到甜品九成好食＇仲有豆腐花同雞蛋仔好正＇雪糕係Ｍ字頭貴野我每樣要了一球＇另外每位包一杯飲品好滿足…Read More