HConee's Profile

之前看飲食報道推薦炮台山這家拉麵店 —「幸」，小店由一位曾在日本學師的港人主理。開業幾年，搓麵、熬湯、廚房的一切都是靠他一雙手，誠意好比日本人料理的拉麵店。今天特意來朝聖，店舖門面不大，也沒有引人注目的招牌，一不留神便走過了。雖然店舖面積小，但裝潢設計簡潔，而且採光充足，給人一種舒適的感覺。午市1時過後人流才漸多，幸好我們1點前入坐，只需等一張枱。等位期間，店員先幫我們下單和量度體温。餐牌前後中英對照，詳細易明。入座後，店員隨即為我們換上一瓶冰水，並送上拉麵，很有效率。「幸」以製作博多拉麵為主。博多拉麵採用一種叫「極細麵」的傳統乾麵，麵條需經過加熱和乾燥處理。雖然工序比製作生麵繁複，但麵條含水量較少，口感較勁道。報道說「幸」的麵條製作過程都是由老闆一手包辦的，不會外購，他對拉麵的熱誠真的令我佩服。1\白豚湯底很白濁，質感稠稠的，帶點膠質，並傳來陣陣的豬骨香味，非常誘人。由於豚骨湯底十分濃郁，吃到底時感覺有點膩，這時把紫菜吃掉，轉換一下口味，解除湯底的油膩感。最後我把整碗湯喝掉也不感口乾，感覺很真材實料。吃麵時，湯汁會附在麵條上一併品嘗，而麵條的硬度會影響麵與湯的平衡感。因為極細麵容易吸收湯汁易糊，而很多餐廳都未能控制好麵的軟硬度，所以我平常只吃粗麵。然而這碗博多系極細麵拉麵以硬度稍硬來呈上，保持拉麵的勁道，不會被湯汁蓋過它的美味，口感非常好。叉燒選用肩胛肉，帶筋又帶點脂肪，肉味較豐富。肉質被燉煮得軟糯，而且比一般叉燒切得更薄，更能吸收湯汁。薄薄軟柔的口感吃下去都不覺得肥膩，更多一種少吃多滋味，讓人吃過翻尋味啲感覺。半熟蛋生熟程度掌握恰到好處，蛋白很嫩，蛋黃呈琥珀蜜蠟狀，稠稠流流的狀態令人垂涎三尺，味道比一般的更甜蜜。2\赤豚紅通通的辣蕃茄豚骨湯底讓人胃口大開。蕃茄的酸甜緩解豚骨湯底的肉膩感，微辣令湯頭整體味道更有層次。不過愛吃豚骨拉麵的朋友會覺得豚骨味不夠，還是白豚味道比較濃郁。拉麵上加了一些香辣蕃茄肉醬，味道比湯底更辣更濃郁，可按自己口味拌勻再吃。每枱都放置調味盤，當中有一瓶赤豚專用的芝士粉。芝士粉令拉麵味道更豐富，更有層次感，但沒有讓辣蕃茄豚骨湯味道更突出。若想嘗試不同味道的拉麵配搭，不妨一試。「幸」保留了博多拉麵知名的「替玉」制度。「替玉」源於福岡博多地區，拉麵店店家為了防止極細麵糊掉，麵條份量較少，待客人吃完覺得不夠，再免費追加麵條。老闆知道我們點了替玉，特意提醒我們不要一次把湯喝掉。雖然朋友留了湯和辣蕃茄醬，但追加的麵條沒有起初吃的那麼入味，大概麵條吸收湯汁的時間不夠，下次讓麵條在湯裏放久一點，味道會更好。…Read More

在工業區上班，早餐都離不開茶餐廳或士多的蛋牛治茶走，多吃生厭，星期五就心思思想要轉個口味。牛頭角的29 Coffee是一個不錯的選擇，今天我和朋友就來一份Bagel & Latte「行街」！走文青風格的29 Coffee 與四周的工廈和茶餐廳格格不入，很引人注目，也很好找。狹小的店舖只有三個座位，其中兩個都是露天，行人路上另設兩張高枱給客人站立用餐。在車來攘往、塵土飛揚的街道上，堂食不是一個明智的抉擇，所以我們外帶到附近的海濱公園用餐。店裏的早餐款式不多，餐牌簡潔清晰，容易選擇，不怕舖面堆滿拿不定主意的客人。咖啡款式頗多元化，有Baileys Latte 和 Cucumber Latte，頓時給我再次光顧並嘗試新口味的動力。今天我們先小試牛刀，嘗嘗普通的款式 — 凍朱古力和焙茶拿鐵。小店人手有限，早餐時段客源不絕，一般都是來買咖啡的。我們等了15分鐘才能取餐。1\Iced Chocolate 一杯冰涼的朱古力總給人帶來甜甜的幸福感，不論心情好或差都想要一杯，大概這就是它獨有的神奇魔力。一杯好喝的凍朱除了可可味道濃厚，還要入口順滑。29 Coffee用牛奶調製，口感滑膩，奶味香濃，但有點蓋過可可的味道，整體甜度適中。以跟餐加$6的價錢來講，性價比不低。2\Hojicha Latte最近天空都被烏雲籠罩着，早上的微風格外冰涼。早餐喝一杯温熱的焙茶拿鐵，胃暖提神，適合胃不好或者對咖啡因非常敏感的人。焙茶的獨特香氣混合牛奶，比咖啡更易入口。就算外帶，店員也做了一個很美的拉花，這種獨有的熱誠就是我鍾愛光顧小店的原因之一。3\Avocado cheese bagel西方的貝果口感乾硬紮實，傳到亞洲後經過改良，變得外皮酥脆內餡軟綿。29 Coffee 的 brown bagel 經過烘烤，有少少脆口，可惜整體口感比一般已改良的貝果更為軟糯，而且非常黐牙，有點扣分。相反，餡料配搭令人喜出望外。微微熱溶的芝士和牛油果配搭出creamy的口感，蕃茄的清新感平衡整體味道，不錯。4\Smoked salmon cream cheese bagel朋友點的煙三文魚貝果味道也不錯，燻香的煙三文魚搭上青瓜和奶油芝士，感覺清爽，很適合早上胃口不大的人。與牛油果貝果相比起來，這份早餐性價比較低，因為貝果的質感像普通麵包，所以即使饀料好吃，也總覺得有一點美中不足。儘管不完美，但29 Coffee 那種充滿個性的魅力讓我想再度光臨。…Read More

今年週年紀念，男朋友很用心地挑選了這間西班牙餐廳🍴。鑒於疫情，我們偏好較清靜，位置闊落的餐廳。不負期望，餐廳晚市的人流不多，而且我們被安排坐卡位，私隱度亦較高。店員都在角落隨時後命，不打擾客人，我們不知不覺就吃了兩小時，感覺非常休閑放鬆。餐牌菜式選擇多，選擇困難症又發作了。經過一輪掙扎，我們挑了前菜、主菜、甜品及飲料各兩款。店員按序烹調並傳上菜式，節奏不快不慢，同時亦勤力幫我們加水，服務周到。1\青檸蜜桃沙冰沙冰加上幾塊蜜桃作點綴，外觀裝飾讓人眼前一亮，而且質感非常smooth，青檸讓沙冰味道清新不膩，挺好喝。2\桂花荔枝茶熱果茶只要三、四款，我挑的桂花茶裏放了兩大顆荔枝果肉，賣相沒有驚喜，所以就沒拍照片。反而在味道方面讓我頗驚訝的，這壼果茶完全不甜膩，以甘酸味道為主，適合配搭味道豐富多變的西班牙菜式。3\西班牙炒麵包酥我一直都不喜歡炒過的油炸麵包丁，因為廚師一般會做成油浸麵包酥。既然男朋友想吃，就給面子嘗一嘗吧。結果比預期少油，還能吃到油炸麵包丁的鬆脆口感，配料微辣開胃，很惹味。4\烤香菇蠔肉我在翻餐牌時已被這道cheesy菜式深深吸引着。上菜時，磨菇表面看起來有點乾，卻很有嚼勁，質感一點都不乾。不過蠔肉有點腥，需要夾着被烤得焦香的芝士和菇一起吃來蓋過腥味。芝士份量充足，能做到拉絲的效果喔。5\芝士汁黑毛豬扒黑毛豬扒肉味香濃，配合芝士汁，味道更有層次。伴碟沙律份量不少，足夠配着吃完整塊肉扒。我挺喜歡蟹肉啤梨沙沙的配搭，雖然蟹肉很少，但啤梨的甜、蕃茄的酸及生洋蔥的辛辣已經是解膩開胃的最好配菜。因為生洋蔥份量不多，所以整體感覺清爽不辣。6\西班牙海鮮飯我對西班牙海鮮飯的印象是鮮紅鮮黃、香氣撲鼻，就算不餓的也來蹭一碗飯。果然，La Postre 的擺盤令人涶涎三尺，可惜蝦肉不太新鮮，蜆和青口不過不失。值得回味的是加入櫻花蝦的焗飯，香氣豐足。櫻花蝦雖然細小，但其鮮味絕不下於其他海鮮。經過焗製，濃郁的蝦香把酸酸辣辣的焗飯昇華至更高境界。7\焦糖燉蛋店員請我們填問卷後，送上一小客伯爵茶味的焦糖燉蛋。由於這道甜品很小巧，面層焦糖做得很薄，調控不錯。而伯爵茶的新鮮感亦是加分位。茶香與焦甜的燉蛋取得平衡，不覺膩。8\肉桂蘋果卷以前對烹調過的生果不感興趣，現在能接受烤過的蘋果，該說是一大進步。蘋果經過烤焗，果酸味道較重，加上肉桂獨特的辛香，沒有半點違和感。熱騰騰的酸辛果肉搭上薄脆可口的酥皮，非常暖胃。這份甜點份量頗大 ，兩個人吃覺得有點濟，伴碟有三小塊brownies，中和一下味覺，再繼續挑戰。9\西班牙油條churrosChurros和梳乎里pancake一樣，蛋香味越濃郁就越好吃。雖然蛋香沒有正宗製作的濃，但夾着濃稠而不甜膩的朱古力醬一起吃，我的味蕾還是很受落。男朋友覺得剛炸的churro內餡有點濕，而我覺得外脆內軟的口感對比強烈，每一口都玩味十足。普遍來講，西班牙菜份量比較大，我們這個量也足夠三人吃。下單時要量力而為，不要浪費食物呀！…Read More

2019年最後一個周末，下着毛毛細雨。我和朋友都沒有甚麼大計劃，打算以漫活步伐享受一下生活。廿一由八分為 cafe及傢具陳列室 和 木工課室 兩部分。我們在cafe挑了個窗邊位，再到櫃台下單。餐牌簡單，菜式選擇不多，朋友點了lunch set 軟殼蟹米型麵配意大利黑醋沙律，加$28把餐飲轉成咖啡。由於份量較精緻，所以我們可以多嚐其他菜式，再點一客煙三文魚薯餅。米型麵比較罕見，外表像一粒粒米，郤吃到煙韌的麵質，感覺特別。雖然軟殼蟹沒有做得很出眾，但我們驚喜地發現軟殼蟹裏有蟹膏，還算不錯吧。下圖：意大利黑醋沙律、Dirty、薯餅 (小吃)沙律菜新鮮，以黑醋調味，味道比一般沙律醬或麻胡醬清新。Dirty的反差感做得不錯，嚐到鮮奶和濃縮咖啡不同程度的融合，很有層次。煙三文魚藜麥薯餅外形小巧精緻，但因藜麥和薯泥都是充飢食物，所以吃完也很飽。餐牌上寫著以牛油果醬作配搭，可是只有擺盤般份量的牛油果醬，而且牛油果混合沙律醬，就只剩下沙律醬的味道，感覺餐牌的描述不太準確。比起軟殼蟹米型麵，這款墨西哥餡餅能吃得飽一點。除了沙律醬和燒汁，杏桃的清甜提升了餡餅的整體味道，感覺更清新、不膩。Flat white一直是我的咖啡首選☕️，奶泡軟幼細絲滑。這杯喝起來，有淡淡的豆香味，大概是用豆奶取代牛奶吧。不用擔心喝完以後出現乳糖不耐症。😉蛋糕是不可或缺的飯後甜點。面層脆口的口感有點像菠蘿包，夾心果醬增加濕潤感，🍰整體味道也不錯，下次再來回味一番。陳列區放置一系列木工制成品，還有一隻黑貓。幸運的話，可和它合照一張。📸…Read More

最近口痕，心思思想食日本野，一個星期兩次專程再到位於大角咀嘅黑木堂 — 一間有濃厚日本風味嘅小店🏮。（好瘋狂...）店內裝潢好有居酒屋嘅感覺，温暖舒適。如果想小酌一杯，黎黑木堂就最適合不過啦！🍻平時去迴轉壽司店，都會鍚住荷包黎order💸，但每次黎黑木堂，都係想食就叫。因為每道菜都非常高質，👍🏻完全係物有所值，所以即使埋單要付比平時更貴嘅價錢，依然覺得好抵食。😋黑木堂有熱茶供應，我地另外試咗呢款喺香港唔常見嘅蘋果可樂，味道好清新👍🏻。（相片out focus咗🙈）丼飯選擇多，唔岩口味嘅話仲可以嗌自選款式。1\三文魚帶子海膽丼店員話呢個係人氣丼飯🥇。果然！海膽好鮮，係香港好難食到呢種高質素嘅海膽🤤。帶子好肥美，爽脆有彈性。三文魚脂肪分布均衡，入口結實飽滿，肉質非常細膩，無渣。👍🏻2\自選款式炙燒三文魚腩、炙燒帶子丼如果唔食得生冷嘢，不妨試下炙燒丼飯。指定嘅炙燒丼飯選擇唔多，之前食過炙燒三文魚脂丼飯，滿滿嘅魚脂甘香齒頰留香。可惜白飯太濕，粘到一舊舊，口感好差。☹️今次我地自行配搭炙燒款式，雖然炙燒三文魚腩冇三文魚脂咁重油香味，但肉質口感較為豐富。白飯冇上次咁濕，口感有改善👍🏻，但如果再乾啲啲就更好。😉要仔細咁品嘗各刺身獨有鮮味，中間可以食片薑，令口腔清新啲喔～3\三文魚海帶麵鼓湯麵鼓湯有濃郁嘅三文魚味😋，飲完都唔覺口渴。沙律新鮮足料，有好多櫻花蝦。👍🏻只加$15就有咁足料嘅前菜，都幾划算～兩次黎食（午市、晚市剛開門18:00）都未有厚燒玉子供應 😢，下次要再晏啲黎試下⋯⋯上圖牆上寫咗啲餐牌以外嘅菜式📔，我地試咗下圖後面嘅⭐️左口魚邊壽司⭐️4\燒左口魚邊壽司左口魚邊部位油分較多，經過炙燒後，魚油變得甘甜，味道更濃郁甘香，入口即溶。魚油香味長留口腔中，揮之不去。5\炙燒三文魚脂壽司呢款比較罕見嘅三文魚脂雖然冇一般三文魚口感咁豐富，但因為脂肪比例比一般三文魚高，一經燒製，味道就更加鮮美油香👍🏻。三文魚脂入口即化，並融入壽司飯當中，油香可以係口腔內徘徊一段時間，香味四嗌。🤤6\炙燒三文魚壽司丼飯白飯粘度用黎做壽司恰到好處👍🏻，炙燒後嘅三文魚油脂滿滿，一啖過，幸福感爆登☺️。7\鰻魚壽司鰻魚Q彈緊致嘅口感，同埋唔甜膩、唔過份濃味嘅蒲燒醬汁係加分位。鰻魚肉質柔軟但唔鬆散，好滋味。👍🏻8\醬燒廣島蠔廣島蠔加上千島沙律醬及芝士焗製，依然保留咗廣島蠔甘甜嘅海水鮮味，蠔味非常濃郁👍🏻。經過燒製後，口感依然脹卜卜，豐厚肥美，帶點清爽嫩滑😋。加上一直做推廣價，$48/4隻，CP值超高，成為我地每次必食嘅小菜之一。✅9\串燒拼盤圓圓嘅蔥燒牛舌(左一) 選用舌尖部分，薄切燒製，口感嫩滑。免治豬肉棒(左二上) 沾上打勻嘅蛋汁及醬油，好特別😋。如果怕食生蛋，可以唔沾醬汁，就咁食都好正。👍🏻廚師把雞翼(左三) 扳開兩邊，方便食用👍🏻。雞軟骨(右三)正常發揮，唔太特別。京蔥雞肉(右一、二) 係我最愛嘅一款串燒🤩，香嫩嘅雞肉夾住燒過嘅京蔥，味道更清新香甜，忍唔住嗌多串😋。10\燒鯖魚本來對呢碟普通菜色唔抱太大期望，但原來越簡單嘅餸，真係越考驗廚師功力同食材質素。呢份燒鯖魚賣相普通，但食落非常juicy，魚脂豐富香口，😋淋上檸檬汁，更能釣出鮮味。如果黑木堂獨立推出燒鯖魚定食，我必定係捧場客。🤩…Read More

朝早10:15分左右，Miam Bakery嘅肉桂捲出爐。濃郁而甜絲絲嘅肉桂香味充斥住成間麵包店。🤤雖然店內有賣法式鹹派、牛角包🥐、酸種麵包、貝果🥯等，但每次都抵抗唔到肉桂捲嘅香味誘惑，點都買返個先走。1\肉桂捲以前覺得肉桂味道臭，而家反而覺得肉桂捲配咖啡一流👍🏻。肉桂嘅氣味來自肉桂樹嘅樹皮。樹皮內含有特殊成分－肉桂醛，係種有機化合物，所以肉桂樹周圍都會帶有呢種氣味。而取下嘅樹皮，不論條狀肉桂定係肉桂粉，聞落都有陣微微辛辣嘅氣味。當肉桂粉加上糖，製成甜點，味道就變得獨特香甜、唔辛辣。肉桂捲係香港唔常見，即使有賣，賣相亦唔討好。難得係Miam Bakery搵到色香味俱全嘅肉桂捲，超開心🥳！肉桂捲真材實料👍🏻，肉桂嘅辛甜香味非常濃郁，而且口感相當札實，一啖咬落去係甜甜嘅滿足感，配返杯我最鍾意嘅Flat White☕️，幸運爆登~💗2\Basque Cheesecake 有別於傳統芝士蛋糕，燒焦嘅外層、凹陷嘅表面係basque cheesecake 嘅特徵。質感比紐約芝士蛋糕軟身，郤比日本芝士蛋糕硬、稠密。蛋糕烤焦嘅外層較硬身，🤤有種微微燒焦嘅香味，入面亦濕潤軟綿，散發住非常濃郁嘅芝士味道🧀。雖然望落一件份量唔大，但由於芝士味真係超濃郁，所以一個人食哂都會覺得膩，同朋友share少食多滋味就岩岩好啦。😋3\南瓜派喺萬聖節嗰個星期，Miam Bakery特別推出南瓜派應節🎃，可選擇加棉花糖蛋白霜。一般餅店只單純用蛋白霜，Miam Bakery嘅蛋白霜混合咗棉花糖，帶點棉花糖嘅粘彈質感，口感好特別。👍🏻派餡係南瓜蓉，南瓜蓉打得非常細膩順滑，食落好smooth，🎃味道濃厚，值得一試！唔好甜點嘅朋友覺得食哂成件會有啲啲過甜，但整體黎講都唔錯。牛角麵包🥐同pound cake都好吸引，下次真係要企硬，試下其他款色💪🏻。…Read More

之前Happy Friday試過呢間酒店附屬嘅bistro，雖然冇飲酒，但食物同菜式已經高質到令我再回頭啦！Happy Friday客人好多，需要訂枱，成功walk-in嘅機會好微🤞🏻。平日非繁忙時段，只有一兩枱客人，唔洗訂枱。今次我地15:30下午茶時間先去食飯，貪佢少人。店員安排咗個位置較闊落嘅餐桌，並附上青檸蘇打水。一入去，店員就熱情問我地想飲嘢🍸定食lunch🍽，呢款餐單全日供應，有好多fusion菜式。店員服務好好，非常樂意為我地介紹菜式，之後又問我地岩唔岩胃口。👍🏻1\Baked Aloo Gobi可選擇半個或全個焗椰菜花，一口size嘅焗薯仔份量亦唔少，烤得香口。醬汁混合咗椰汁同黃薑，香味十足，而且椰汁唔甜膩😋，夾埋椰菜花一齊食非常可口。醬汁都加咗好多堅果粒粒🌰，餐牌寫係杏仁，但食落口感同一般杏仁有啲分別。堅果外層口感似紅豆衣，內餡則較為堅實，無紅豆嗰種沙沙嘅口感。2\Cashew Naan Pizza呢款fusion pizza大約有2-3隻手掌咁大。🍕餅底採用印度主食之一嘅麵餅 — Naan。口感較為彈牙，麵皮更有層次。鋪上腰果芝士醬烤製，食落有陣清新自然嘅甜味。👍🏻以halloumi 🧀 & tomato 🍅 作主要配料，鹹鹹酸酸嘅味道平衡咗腰果醬嘅甜味。😋Halloumi 屬半硬芝士，係地中海特產。有別於平時軟柔粘稠/又乾又硬嘅芝士，halloumi 🧀 經過焗製，表面似煎過嘅豆腐，口感比較似雞肉，有彈性，味道較清新，唔會有種飽膩感。好味過平時食開嘅芝士pizza好多！🤤3\Corn Khichdi and Wild Mushroom CurryKhichdi係一款印度鹹豆粥，綜合蔬菜同米烹調而成嘅料理，呢款暖笠笠入口即溶嘅營養粥非常容易消化，可以調理身體不適。👍🏻起初以為係黃同橙兩款唔同咖哩，原來黃色部分係粟米Khichdi🌽，用粟米代替米，味度清甜。稀飯嘅口感非常容易入口，食完個胃有種温暖舒服嘅感覺。即使材料唔同咗，依然保留Khichdi 嘅食療功效。🉐相信比起印度傳統嘅鹹豆粥，大家都較接受呢款改良版嘅Khichdi啦。😂另一邊嘅wild mushroom curry都係改良版嘅印菜。蕃茄成為主角，蘑菇綠豆咖哩做配角。因為蕃茄足料、味道濃郁🍅，而且咖哩冇落好多黃薑粉同其他印度綜合香料，所以食落都唔覺膩，亦唔辣。粒粒蘑菇都有半隻麻雀🀄️咁大，一口大小，嚼勁十足😋。另外有少少papadum crumbs配搭咖哩一齊食，保留印度風味。份量唔少，而且粟米同蘑菇都飽肚，3、4個人一齊share就啱啱好啦。👍🏻4\Veda’s “Misoy” Ramen 新嘗試咗呢款多人推介嘅素食拉面。 🍜拉面質感較軟，唔算好煙韌，份量唔算好多。醃蛋除咗顏色外，味道同一般溏心蛋沒分別。味噌湯底加咗少少黃薑粉，味道唔錯，但相比起其他菜式，拉面欠缺特色。上次黎Veda試咗呢款印度街頭小食👇🏻5\Street Side Pani Puri食法：喺空心脆波波上鑿個窿，放入spiced potato chaat🥔，再倒入綠色嘅薄荷芫荽汁。Chaat係印菜頭盤嘅專有名詞，代表一啲味道甜甜酸酸嘅菜式。Potato chaat即係冷吃嘅薯仔蓉沙律。食Pani puri嘅有趣之處係咬破可口嘅薄脆皮後，入面嘅薄荷芫荽汁一湧而出，口裏迅間充滿又香又甜嘅冰涼感😋。而脆皮仲未完全吸收汁液，仍然保持脆口感，口感幾特別。👍🏻值得一試！…Read More

周末離開繁囂都市，走入馬灣小社區放鬆心情，體驗一下土耳其餐飲文化🍽。呢間土耳其餐廳周末可以walk-in，周日只接受預約，客人亦可預約土耳其菜烹飪班。初次到訪，老闆娘詳細介紹熱門菜式，以及是日精選。餐牌上一共有3款一人套餐，其中一款$188，包括土耳其沙律/凍湯、主菜及飲品，份量較為適中。主菜以古土味烤雞、牛/素薄餅及羊肉烤餅為主。飲品包括傳統土耳其咖啡及水果茶，亦可以跟餐加$15試下其他土耳其乳酪飲料。另外，特色甜品及小食選擇不少，我地額外order 土耳其小麥餅及甜南瓜🎃，滿足一下好奇心～ 1\Coffee On The Sand 熱沙上的咖啡名符其實，土耳其咖啡就係用熱沙煮成的！毋須瀘紙，咖啡粉及糖直接倒入細小圓桶形嘅銅鍋，加入冷開水，以熱沙代替明火，將咖啡煲滾，待咖啡渣沈澱再飲用上層澄清嘅咖啡。咖啡質感較濃稠☕️，香味洋溢，味道偏甜。特別嘅係可以分別品嚐到咖啡果酸同糖味，兩者味道並冇融合。2\Salted Yogurt Ayran 香草鹹乳酪土耳其嘅特式飲品亦唔少得呢款有「土耳其可口可樂」之稱嘅鹹乳酪。鹹乳酪由原味乳酪、水及鹽調配而成，加入大冰塊，提升清涼感❄️。第一啖飲落去，味道雖然怪怪，但好有新鮮感亦唔難飲。香草乳酪雖然鹹，但飲完都唔覺口渴，反而可以解決肉類嘅油膩感。👍🏻喺土耳其🇹🇷，連鎖快餐店及各類餐廳都有配搭鹹乳酪飲品嘅套餐，涉獵範圍媲美可口可樂。若要體驗土耳其飲食文化，就切勿錯過呢款地道飲料啦~3\土耳其沙律材料包括紅椒、黃椒、生洋蔥、合桃、菇、脆肉瓜、青瓜等🥗，配上香料拌勻，味道清新。如果想試更特別嘅土耳其菜式，可選擇凍湯。4\土耳其凍湯老闆娘介紹：乳酪加入青瓜🥒，打成凍湯，加入香草等其他土耳其香料，淋上欖油，拌勻就食得啦。味道酸酸咸咸，好特別。😋橄欖油令凍湯口感更香滑，同時食到青瓜粒同少少冇被打勻嘅固體乳酪，感覺好清爽。👍🏻5\Mersin Chicken 古土味梅爾辛烤雞主菜挑選咗其中一款招牌菜式 — 烤雞。烤雞外脆內嫩，非常入味。慢火烤製，鎖住肉汁😋，juicy嘅雞肉配上乳酪，味道更豐富。🤩6\羊肉薄餅由於我地唔食牛，老闆娘特別轉用羊肉🐑（有時可能用豬肉🐖、雞肉🐓代替）。即烤嘅薄批卜卜脆，蕃茄醬幾fresh，配埋芝士都唔膩。😋羊肉唔係好羶，味道唔突出，有時亦會被中央嘅紅蘿蔔絲沙律搶走味道。7\甜南瓜四塊南瓜，凍食，加蜜糖。🎃南瓜口感綿密順滑，味道香甜，但蜜糖味道較淡，有陣糖味，唔加好過加🍯。8\土耳其小麥餅用小麥粉包住芝士再炸，小麥粉炸得乾爽唔油膩，而且金黃香脆，切開仲有拉芝效果🤩。芝士唔膩，口感煙韌，有啲似年糕🧀。牛奶雪糕同朱古力醬為小麥餅帶黎一份濕潤、冰涼感覺👍🏻。下次再黎一定會encore!總括黎講，乳酪係土耳其菜不可或缺嘅配料，不論飲料、沙律、配菜、凍湯等，都少不免加入乳酪，為食物增添一份清新感，微酸幾開胃😋。我估土耳其人都唔洗面對便秘問題喇。🤣…Read More

1\Sacher 薩赫蛋糕外表有別於一般Cova蛋糕，簡約鏡面設計，冇花俏裝飾，呢個正正係奧地利傳統Sacher其中一個特色。以我嘅理解，Sacher係個層次感更豐富嘅朱古力蛋糕，以brownie作蛋糕體，代替常用嘅海綿蛋糕，並以杏子醬相隔，最後淋上黑朱古力醬。基於之前食過COVA mini cakes🧁，覺得好甜，今次我地保守地買咗個半磅Sacher🎂黎試下。$218呢個價錢頗合理，符合市價，CP值比其他COVA蛋糕高⬆️。包裝設計高貴，蛋糕盒比一般嘅厚同硬正，好穩陣👍🏻。加$12，店員即場寫生日牌，而且寫得幾靚🤩。生日牌係一塊普通白朱古力，味道較甜。如果覺得只有黑朱古力味太單調，可以食返啲白朱古力，攞返個平衡感。🍫蛋糕外層有黑朱古力脆脆，為綿密嘅蛋糕提升口感。同奧地利傳統Sacher有啲差別，以黑朱古力mousse代替杏子醬，可可味更濃郁，但失去嗰種帶丁點酸甜味道嘅清新感覺，如果再食多幾啖有機會覺得膩㗎。🥺Sacher 🎂內裏分層清晰可見，有別於COVA其他超鬆軟嘅蛋糕，🍰砌件後仍然保持可口誘人嘅賣相，呢點對我黎講好重要🤣。👇🏻介紹埋之前試過嘅三款精緻嘅蛋糕仔啦～2\Mango Cream Mini Dome芒果蛋糕一直都好受歡迎，以濕潤鬆軟嘅芒果雪芳蛋糕同香滑忌廉出名。因為芒果🥭切到丁丁粒，並融入忌廉之中，所以即使冇大大粒嘅果肉，依然食到香甜嘅芒果味。我覺得雖然蛋糕有香濃嘅芒果味，但甜度亦好高，而且蛋糕過份軟熟，食落就得忌廉+蛋糕碎，口感一pat pat🤭。3\Blackberry Mousse雖然上面兩粒桑子微酸，但都唔足以抵消mouuse嘅甜味，成個甜品太甜膩啦⋯🥺面層朱古力醬甜中帶啲可可味。下層藍莓mouuse有自然嘅藍莓味，但亦感覺落咗好多糖，超級甜！唔會再食🤭4\Strawberry Tart計計埋埋都有3粒半士多啤梨，🍓味道香甜、唔酸。下面有吉士醬，牛奶味唔算好香濃，但勝在令成個撻食落較清爽，冇之前兩個蛋糕仔咁甜👍🏻。撻皮就不過不失，無咩特別。整體黎講，COVA嘅mini cakes CP值唔高，有種「名氣造就價錢」嘅感覺。因此用黎送禮或當散水餅都幾得體✅，但唔會作為日常飯後甜品嘅選擇之一❎。至於Sacher蛋糕，雖然同傳統版本有啲出入，但味道都唔差，而且香港較難搵到Sacher嘅蹤影，所以遲下仍會再戰。🍫🎂…Read More

由於menu菜式多，而且不限時段供應，所以大多數都係新鮮炮製，碟碟餸上菜時都係新鮮滾熱辣。👍🏻1\墨魚煎肉餅即叫即煎熱辣辣，非常香口。食肆一般用油較多，金東大都唔例外，不過由於煎肉餅唔大塊（約2-3啖嘅份量），所以感覺唔會過份油膩。店員附上一小碟醋，除咗豐富味道外，仲可開胃解油膩。墨魚粒唔算好多，只有襯托嘅作用，食落多咗份嚼勁，但無起膠亦唔彈牙，係豬肉肉餅嘅口感。搞笑嘅係雖然menu寫西洋菜，但我地都覺得比較似香蔥。因為我唔係西洋菜嘅頭號粉絲，所以即使唔係西洋菜，只要味道口感好食，我都唔介意。🤣2\手撕雞拼鴨脾如果唔係一大圍人食，可以叫「雙拼」，大約3-5人份量，唔洗加錢就可以拼埋鴨脾。除咗嫩滑嘅手撕肉外，仲有細細塊嘅雞&鴨皮，帶啲油脂嘅雞皮令口感更滑膩，脆卜卜嘅鴨皮亦帶黎多重口感。配上芝麻同薑蓉，倍感滋味。3\豬潤炒蜆店員端出一個大沙鍋，蜆同豬潤上鋪滿密密麻麻嘅蔥花同薑末，即場用gas爐煮熟蜆肉。蜆肉肥大鮮美，份量大，四人share，每人都有15-20隻。薑辣味頗重，僻走腥味。 豬潤同蔥花多到可以塞滿蜆殼。🤩4\配米粉/白飯我地選擇配米粉，店員再用gas爐幫我地微微返熱用剩嘅豬潤同蜆汁，加入米粉再煮。上菜時見到米粉吸乾蜆汁並微微發漲。味道唔再係薑辣同蜆鮮，😋取而代之係豐富嘅鮮甜味，非常甜美！5\雜菌花膠浸時菜時菜種類好多，想食咩菜就即管order啦。我地叫咗莧菜，廚師再加咗啲唐芹比我地。雜菌以雞脾菇、秀珍菇同冬菇為主。花膠數量唔少，但膠質唔高。$118有一大碟菜，都唔期望會用高檔次嘅花膠，合理。6\薑醋花膠雪糕Menu無圖片參考，我地望住個咁fusion嘅甜品名腦補咗幾款唔同嘅present方式：脆皮薑醋包住有花膠嘅雪糕、薑醋味嘅雪糕🍦配花膠⋯⋯ 最終，真相係🤣廚師用瓦煲返熱薑醋，加入花膠，再鋪係雲呢拿雪糕上。冰熱交融、甜酸交替嘅感覺的確頗特別。不過第一次食，我嘅味蕾真係需要啲時間去接受呢種新味覺。食多幾啖，我覺得都幾好味😋，但我嘅飯腳們依然唔多接受呢款fusion甜品。今次塊花膠品質靚啲，口感較軟滑，帶粘性，貨色符合返個價錢。👍🏻…Read More

心血來潮想自製蛋糕🎂，上Bakebe homepage立即預約到bakery workshop，唔洗預早幾星期預約或落訂，非常方便。食材分類清晰，擺放整齊👍🏻。開始製作前，店員逐一講解儀器用法及工具擺放位置，並提醒要預熱焗爐⏲。1\Cotton Love 今次我試整純素嘅可可味海綿蛋糕+栗子忌廉🌰。教學影片指示清晰易明，一步一步跟住做就冇問題。依足食譜攞需要嘅材料同用具，就可以按「下一步」繼續啦。將材料過篩，用攪拌機拌勻，力道強勁有6 levels。每增加1 level前，可以比3-5秒buffer。呢個教學影片冇提到，我都係事後先知。開始制作🎂前，跟iPad教學指示預熱焗爐，並係卡片上寫名，癡喺焗爐上面作記認。用完嘅工具放係清潔區，店員就會迅速進行清潔。下個步驟需要再攞材料用具時，都唔怕唔夠用。👍🏻按食譜準備好2支cream，最後只用咗一支，另一支棄置咗。最大原因係我唔鍾意食cream，所以每層蛋糕之間只塗薄薄2mm嘅cream。由於我無切平海綿蛋糕，所以用咗好多時間塗抹忌廉、修飾蛋糕表面。店員再主動幫我塗靚個頂。😝得咁薄嘅cream嘅蛋糕，岩哂我口味。亦因為咁，蛋糕食落較乾身、唔濕潤。我地用Ginger Beer送蛋糕🍰🍻，爽！2\Tree branches 馬卡龍要焗兩次。焗完第一次要放涼10分鐘再焗第二次，以達到外脆內軟嘅口感。將馬卡龍放上焗爐隔黎嘅涼架，店員就會幫忙開風扇吹涼作品。馬卡龍焗到起裙邊👍🏻，外層脆卜卜。雖然內層食落比較甜同埋有啲啲痴牙，但第一次整算唔錯啦。黑朱古力海鹽醬味道唔錯，唔甜膩。將馬卡龍入盒後，店員幫忙用絲帶包裝👇🏻（如下圖）。店員嘅包裝功力仍有好大嘅進步空間⋯⋯ 我地之後重新綁過，靚好多🤣。若然想自行包裝，不妨向店員提議一下啊。Workshop自助化設計，參加者有較高自由度。🎂作品可以加多/少啲糖或其他調味料，當然味道同口感就後果自付啦😝。蛋糕制作嘅預計時間亦好鬆動。我個Cotton Love🎂預計做3小時，最終2.5小時就完成啦，期間仲有時間飲杯茶🍵同埋周圍打卡📸。…Read More

周末特意早起到灣仔一嚐Bakehouse 聞名以久嘅pastries🥨，平日經過都人頭湧湧，假日都唔例外。我同朋友9:15a.m.到達，已見餐廳座無虛席。喺「Dine In」門牌下有5、6位客人等候入座，喺另一邊「Takeaway」，外賣pastries and coffee 嘅客人亦絡繹不絕。由於店鋪規定人齊入坐，所以我地等咗一張枱已經可以跳過前面幾枱未齊人嘅客人，率先入內進餐。🤞🏻即使dine in都可以單點pastries，樣樣款式精美，睇到流哂口水。🤩為免眼闊肚窄，我地精挑細選2款pastries︰人氣蛋撻 & 近期炙手可热嘅法式鹹派🥧，容後介紹。早餐時段只有一張簡單餐牌，同時張貼門外，客人等位同時可以諗定食咩好啦～(⁎⁍̴̛ᴗ⁍̴̛⁎)上菜前先黎兩杯飲品。😋1\Chocolate Equador 66%選用來自厄瓜多爾嘅可可豆，味道帶點果酸，可可味道香濃。近年厄瓜多爾出產嘅可可豆品質受世界公認，排名超越歐洲地區。細嚼一啖，可可味道濃郁突出🤤，苦甜並重，帶點果酸、微微回甘。有啲啲乳脂嘅奶香味中和可可味，甜而不膩，飲完唔涸喉。雖然質感未至於濃如岩漿，但口感尚算豐盈，擺放一陣，面層周圍凝結出一層薄膜。2\Ginger Hibiscus Soda酸酸甜甜，after taste帶點薑味。鐘意ginger beer🍺嘅朋友可以一試。份量較少，CP值低啲，只勝在款式特別，係其他餐廳唔多發現佢嘅蹤影。3\Egg Tart「皮酥餡嫩」四字已能道出Bakehouse蛋撻嘅精要。🤤濃郁嘅牛油同蛋黃香味係口腔揮之不去，撻餡香滑、温熱軟柔，口感好似燉蛋般軟嫩，每啖都幸福感爆登啊🆙！撻皮鬆酥，食得出一層一層又薄又鬆脆嘅酥皮，層次非常豐富，口感近似千層酥、蝴蝶酥。比起港式蛋撻，Bakehouse蛋撻整體較似葡撻。4\Spinach Asparagus Quiche近年，法國鹹派係香港興起，不論早餐、午餐或晚餐都有人食用。派餡以雞蛋、鮮忌廉及牛油揉合而成，可加入蔬菜、碎肉或芝士。今日試咗菠菜蘆荀鹹派，芝士同牛油味道唔濃，唔怕膩。菠菜同蘆筍份量較少，味道同口感都以雞蛋及味道較清新嘅鮮忌廉為主。🥧派餡質地濕潤厚實，細緻軟嫩，口感有啲啲似麵包布甸。派皮依然保持乾身酥脆，派底比蛋撻底更薄同堅挺，同時做到酥層分明，口感層次非常豐富。建議增加菠菜同蘆筍份量，提升口感同味道。若然增加牛奶或芝士份量，鹹批整體味道可以更加豐富出眾。5\Chef’s Daily SoupCarrot+Olives Oil+Sourdough Croutons 甘荀湯分量唔少，口感濃稠、香滑綿密。加咗好多Sourdough croutons😋，味道微微帶酸，放湯浸咗10幾分鐘，依然脆口。份量唔少，我覺得係早餐menu中CP值最高嘅一款。👍🏻6\Big Breakfast 早餐不可缺少煙肉🥓，食落冇平時果啲咁油膩，而且比較厚身，食到肉嘅質感，而非死硬👍🏻。腸仔雖然食得出唔係cheap cheap貨式，但味道同口感只係普普通通，唔係加分位。Fried egg 🍳 半生熟，以鹽同黑椒作調味，令雞蛋味道更濃郁。蛋黃香醇綿潤，入口即化唔粘喉；蛋白都幾有光澤，味道香鮮。🥚雞蛋選材唔錯。麵包🍞烤得完全乾爽脆口，冇附帶果醬，就咁食會覺得𠝹口，而且乾𠲜𠲜。配上煎蛋，流質嘅蛋黃及表面濕潤嘅蛋白，解除咗麵包乾身𠝹口嘅問題。👍🏻選用肥大肉厚嘅Portobello 🍄 ，meaty嘅厚實肉質飽含水分，好juicy好有嚼勁。菇味香鮮，帶啲獨有嘅苦味，調味簡單，感覺清新。👍🏻蕃茄🍅粒粒都又大又圓，好多汁。簡單烤過，味道更加濃郁鮮甜。店員服務態度唔錯，有禮貌、勤加水，亦冇趕客👍🏻。埋單每人$160左右，若然早午餐湊着一齊食，呢個價錢可以接受。間中享受一下悠閒嘅歐陸風情早餐，感覺幾寫意。☺️ 下次經過再試埋其他pastries，再同大家分享吧！…Read More

之前New York Cheesecake 買一送一，折實價$19/一件，非常划算🤩。同朋友一人一件做下午茶，芝士鹹鮮味道濃而不膩，亦非常飽肚。光滑厚實嘅外表、實實在在嘅口感、濃郁唔膩嘅味道令我食過翻尋味，感覺cheesecake嘅回頭度比牛角包更加高。而家即使冇咗優惠，今日經過仍然忍唔住買咗件🤤。店員用大小適中嘅紙袋裝住，底部有張硬卡紙。由於蛋糕好挺身、實淨💪🏻，即使唔用蛋糕盒都唔怕整爛。1\New York Cheesecake 如果即日食，一般都可以放室溫。由於今日天氣炎熱，所以放咗喺雪櫃待用，口感比平時硬咗啲。🧀️味道依舊，芝士味道濃郁，除咗芝士獨有嘅鹹鮮味之外，仲帶有淡淡杏仁味。🍰口感細緻滑溜，齒頰留香。🍪餅底唔薄，質感粗嚡、脆口，夾埋口感細緻嘅cheesecake一齊食，有種強烈而有趣嘅對比，口感好豐富而且有層次。👍🏻由於cheesecake密度甚高，亦好重手，飽肚程度同食咗份正餐相若，滿足感爆登🆙。至於係咪fat free，我就唔打算考究啦～😂講返Urban Bakery嘅鎮店之寶 — 牛角包🥐蓬鬆酥脆嘅口感、牛油豐厚濃郁嘅味道、微微烤焦嘅表層🥐 都係牛角包嘅誘人破戒之處。以往我只覺得牛角包油膩，鬆酥嘅口感食落似陣風，完全唔識欣賞。係朋友力推下試咗Urban Bakery嘅流奶牛，濃濃嘅餡料令我覺得牛角包口感唔再虛無縹緲。2\流奶牛流心奶黃牛角包🥐餡料好澎湃，彌補咗牛角包空虛嘅口感，食落更豐富滿足。😋沙沙嘅奶黃味道鹹鹹甜甜，而且非常濃郁，食哂成個會有啲膩。食嘅時候要盡量啜哂啲奶黃醬，否則當你咬左邊，餡料就會後右邊湧出黎，好狼狽。🙊3\加力茜牛（鹹）平時都好鐘意試啲千怪百怪嘅味道，一見到呢個青BB嘅鹹牛角包咁新奇，就即刻買黎試食。🥐餡料：蒜頭+芫茜芫茜同蒜頭味道相輔相成，鹹香味十足，味道充斥住整個口腔，揮之不去🤤。向朋友介紹咗呢個特別之選，評分兩極。🤣如果你都係重口味一派，就要試下啦～不論時候都有新鮮牛角包出爐🥐，即使未見店鋪，已經聞到濃郁香溢嘅牛油味。就算唔識路都無問題，跟住香味走就無錯啦！(⁎⁍̴̛ᴗ⁍̴̛⁎)早餐選擇亦多，除咗牛角包，仲有各式各樣Pies & Muffins。4\火腿芝士牛角包一般牛角包放涼咗就唔再蓬鬆酥脆，油膩感好重。Urban Bakery成功克服呢個問題💪🏻，普通一份火腿芝士牛角包，處於室温放涼，店員無幫我翻熱，口感依舊鬆脆。外層保持香酥脆口，內裏質感軟柔，牛油香溢濃厚、無油溢味，彷如剛出爐般。…Read More

中秋佳節點都要食返個月餅先夠氣氛🌕。比起新式千奇百變嘅月餅，傳統手搓月餅更有一份中秋人情味。🥮上年中秋試過八仙餅店嘅豆沙月餅，回味無窮。今年中秋前夕特意到深水埗，打算一再回味呢份甜而不膩嘅手工味道。「老字號」呢個銜頭果然名不虛傳，即使好多月餅款式都被掃清光，門外依然有條長長嘅人龍。😱1\雙黃豆沙月餅豆沙口感順滑細膩，味道濃郁，比蓮蓉餡料多一份香甜，齒頰留香。從豆沙餡料嘅功夫就睇得出老師傅嘅心機同功力。蛋黃色澤深黃，非常美觀，睇見都流哂口水。蛋黃同豆沙嘅咸甜味道相輔相成，將我嘅味蕾同舌頭收服得貼貼服服。👅可惜今年豆沙月餅早就售罄，除咗五仁月餅外，我地見有咩就買咩💪🏻。2\ 蛋黃椰蓮蓉月餅撕開包裝已經聞到陣陣椰絲香味。月餅皮又薄又乾身，烤至焦棕色，而且容易切開。椰絲味道濃郁，並夾雜住蓮子同瓜仁，口感層次豐富。金黃色嘅鹹蛋黃油潤得黎唔會過份油膩，切件唔怕蛋黃散開或者同椰絲餡分離，口感亦好鬆酥。沙沙嘅鹹蛋黃中和椰絲甜膩嘅味道，食哂成個都唔怕膩。3\雙黃黃蓮蓉月餅蓮蓉口感綿密幼滑，味道清甜，唔涸喉。中秋節同家人一齊開心share一個皮薄餡靚嘅月餅🥮無疑係一種小確幸。…Read More

作為台灣過江龍，每日午市都大排長龍，星期六經過咁啱唔洗排隊，又未過5p.m.，可以一嚐出名嘅台灣蛋餅。1\焢肉飯$45五花肉肥瘦比例均衡，肥肉Q彈唔油膩，瘦肉紮實美口。入口即融，肉質軟嫩，皮脂口感黏稠，膠質豐富。配送熱辣辣嘅白飯大大啖食，感覺好幸福～(*^o^*)起初以為，只有兩片焢肉加少少魯肉唔夠送飯。後來發現，焢肉魯肉肉汁非常香口，少少都夠用一碗白飯。2\阿元魯肉飯魯肉味道濃郁飄香、甜咸可口，用醬油滷汁煮過嘅五花肉切丁，而非一般肉碎，貼近台灣味道。肥瘦比例適中，唔會過分油膩，肉汁同油脂令口感更香滑，乎合香港口味。滷汁分量剛好，可以撈哂成碗飯。配搭醃漬白蘿蔔同青菜，解決滷肉嘅油膩感。加埋半隻滷水蛋，滋味十足。3\肉鬆起司蛋餅蛋餅即叫即製，外層煎得微微金黃香脆，蛋皮柔韌、頗Q、有咬口。肉鬆香口，蓬鬆、酥脆嘅口感豐富層次。 熱溶嘅起司🧀️令蛋餅食落更加柔嫩潤口，唔會乾噌噌。甜辣醬汁同蛋餅味道好夾，食到舐舐脷。4\彰化肉圓見餐牌推介就一於試試。肉圓味道唔錯，香菇味道突出、香口。可惜唔太鍾意外層口感，質地好黏，但唔算Q。醬汁濃稠，建議減少份量，避免搶走肉圓味道。…Read More