BBSANDY's Profile

經過快樂小半，好想食火鍋, 見今晚得閒便上去品嘗美食囉。餐廳地方夠晒闊落，乾淨整齊，食材新鮮，價錢亦公道。點左濃湯同菌湯鴛鴦湯底，湯底係即日新鮮熬製，配以當歸、黨參、白蔻、枸杞等天然草本調味，溫潤滋補而不燥，所以「不蘸料」就已經夠晒味，極為健康有營。點了好特別嘅草原沙蔥，菜新鮮且幼滑，食肉前要先食下菜打打底先啊。不蘸料、包克圖大片肉，羊肉卷，同牛板腱肉，各款的紋理都好靚，肉質新鮮幼嫩，沒有很多肥肉，羊的羶味不重，都很合我哋口味。碗豆凉粉，呢個醬汁酸酸的夠晒清爽，令人食得開胃且無負擔。特色自製土豆粉，滾到熟透後便食，口感煙韌有彈性，很唔錯啊！需要澱粉質的友人點了蔥油餅，薄脆且煎得香口。特色羊肉串，羊肉有嚼勁，微微的孜然味道，送番杯啤酒🍻就最捧啦。…Read More

經過IFC 見到有間木系裝修，環境舒適又有至愛鰻魚食；即時食指大動。先叫咗鐵鍋照燒鰻魚飯。 全鍋鋪滿鰻魚紫菜洋蔥菇菌，熱辣辣鐵鍋食到尾都仲有溫度，好味又暖身。佛跳牆米粉套餐，佛跳牆十分足料，有花膠鮑魚海參，湯味濃，配埋幼嫩米粉；十分好吃。套餐可選蟲草花淮山燉雞湯同小食，口感清爽而不油膩，是溫補靚湯。蜂窩海蠣酥。咬下去時外殼酥脆，與海蠣的鮮味融合在一起，外酥內鮮。黑松露蘆筍帶子鮮甜嘅帶子配以爽脆蘆筍和黑松露濃郁的香氣，味道豐富。最後加配椰奶銀耳桃膠，今日晚餐暖胃養生，完美配搭。…Read More

今晚同老友聚餐，到旺角食下呢間燒物做得唔錯嘅燒烤堂。仲有$48啤酒買一送一，好抵飲，現場氣氛亦相當唔錯。燒羊架，熟度剛好，柔軟且肉汁豐富。明太子飯團，煎得香口。泡菜五花腩，油脂香而不油膩。A4 和牛、牛小排、和牛棒（配松路一口飯）同牛舌拖羅，以上的牛肉味香濃，肉汁滿滿。欖角蒜蓉燒蟶子跟蒜蓉燒生蠔，新鮮爽彈蒜蓉多，很美味可口。麻辣蒜蓉茄子🍆、鹽燒淮山同鹽燒萵筍，健康有營好捧。蒜香牛油酒煮蜆，牛油🧈味十分之香，蜆肉大隻鮮甜，好讚啊！餐廳串燒好吃，味道調整得適當，不會過重口味，款式多大人細路仔都啱食，確係唔錯啊。…Read More

經開尖沙咀赫德道，見有間燒肉實驗室，主打食牛的餐廳，喜歡嘗新的我哋當然唔會錯過啦。餐廳地方需不大，但都整潔企理。美國牛小排套餐, 包湯、炒蛋、泡菜及白飯，加$20有罐汽水，親民抵食。牛小排的肉質鮮嫩，牛味道香濃，本身已煎到面層熟了，內裡還是生的，故熟度按自己喜好再燒烤，搭配微甜嘅日式咖哩，加入炒蛋伴飯，好捧啊。手打漢堡大滿足，漢堡有牛舌、豚肉及日本免治雞肉，餐廳先煎至微焦，我哋食時再加熱，漢堡肉汁爆出，肉質紮實有令人滿足的口感。 …Read More

老友生日嘅日子，要賀下佢又大了一歲，知佢超鍾意食日式料理，就book左食材新鮮嘅南瀛水產，大家邊飲邊食嘆下🥂。🦀蟹味噌甲羅燒，即場燒到香噴噴的甲羅燒，有豐富的蟹膏同蟹籽，併入鵪鶉蛋一齊燒，美味😋啊！南瀛極上刺身丼，刺物美味又新鮮，原隻爽彈的牡丹蝦，豐盈的吞拿魚、拖羅，三文魚跟油甘魚都可口美味，厚身帶子同鮮味海膽，完全好吃。雲丹蟹肉卷，海膽滑又柔軟，搭配蟹肉與青瓜的爽脆，非常之好味。羊架同骨付腸，燒烤得熟度剛好，我地掛住傾計，食個時放凉了，都仲好好味😋。軟殼蟹天婦羅沙律，炸醬很薄炸得脆口，配上清酒🍶、啤酒🍻十分滿意。沙律配黑醋，清爽開胃。…Read More

到坑口購物後，順便食埋飯才回家，到附近的海南雞專門店-咖吔食我哋至愛的海南雞飯。跟友人均選了海南雞飯轉髀位跟白飯配肉骨茶，另一個則跟配喇沙湯麵🍜。喜歡💕一個餐可以食到2樣野，滿足晒我哋嘅口味，海南雞皮薄油香，髀位嘅肉好嫩滑，胡椒肉骨茶嘅肉骨大舊且有咀嚼感，湯味香中帶點微辣，飲完個人都暖身左。另一份的喇沙十分足料，流心蛋、蝦🍤、魚片及豆卜，食才齊晒，湯味香濃，有齊幼麵米粉。配埋杯凍檸茶就係爽啦！…Read More

又係品嚐大閘蟹嘅時候，莆田嘅大閘蟹價錢合理，品質有保證，趁假日預先約好友人，去品嘗下美味嘅食物囉。即蒸新鮮大閘蟹，拆開見蟹膏己好吸引，味道鮮甜可口，肉質新鮮嫩滑，好滿足，最後餐廳亦貼心地送上香濃薑茶，驅寒暖胃。家常豬蹄凍，好像啫喱的晶瑩剔透，入口滿滿的骨膠原，好可口的前菜。芋香鴨，炸得鬆化脆口，裡面嘅芋頭軟綿綿，鴨肉有咬口感。椒鹽豬手，豬手椒鹽味唔會過濃，味道剛好，皮脆肉很柔軟，入口滿滿膠質感。農家擦粉，食材豐富，有豬腸、豬紅、蝦🍤及菜，口感幼滑清爽，又幾好味喎。金銀蛋豆苗，菜新鮮爽口, 湯底濃郁，健康之選。…Read More

在坑口經過見開左間伝説のすた丼屋，呢個品牌係日本已經超過50年歷史，招牌係傳說丼(すた丼sutadon)，所有丼飯都用蒜做既汁，同埋大量既豬肉製成，係即叫即炒，Suta係取自Staminaすたみな，即係體力。呢個飯就係希望為普羅大眾，上班一族、學生或體力勞動者，以相對便宜既價錢，食到美味又可補充體力!而且唔使去日本都品嘗到， 實在太好啦。招牌原味傳說丼-豪塊牛岩鹽燒肉定食，牛肥瘦比例適中，飯粒分明煙韌，包埋泡菜同味噌湯，好抵食。期間限定- Pizza丼，粟米片配搭上香濃嘅芝士🧀，用香濃蒜同豚肉替代傳統pizza餅底，融入意日嘅風味，滿滿的芝士配合，美味加倍。原咪唐揚炸雞，炸得皮金黃香脆，雞肉嫩滑肉汁豐富，點上沙律醬一併食，就更加正啊！…Read More

天氣開始轉涼，友人就約了我食火鍋，book左尖沙咀的牛駅，食下除了有高質牛外，還有佢最鍾意嘅大頭蝦、乳鴿及häagen-dazs雪糕等等。店舖環境同座位都很寬闊，都會放定一壺湯比客人自己加，衛生方便。選了椰子雞鍋湯底，味道十分之清甜。肉類有極黑和牛、牛肩胛片、牛肩胛肉眼片、羊肉片及豬梅肉片，每款都美味可口，令人要再叫多幾碟☺️。超豐富新鮮美味的海鮮類，重點有大頭蝦、海參、帆立貝及花膠，個隻大頭蝦大到手掌咁，蝦頭超爆膏，肉質勁有彈性，海參都好爽彈，大蜆、鮑魚、海蝦及魷魚🦑，都好正🙌。其他食物種類多，有老友一定要食嘅燒肉同乳鴿，燒得皮香肉嫩，麻辣小龍蝦，糍粑、鹽酥雞塊，各款都要食一口才滿足。無限暢飲有自家製花茶、珍珠奶茶、汽水🥤啤酒🍻。各款甜品有奶凍、榚點、雪條、雪糕的Haagen-Dazs，同埋軟雪糕🍦。…Read More

周日在圓方看電影後, 順道食埋個晚飯，好耐冇食小菜類，見呢間-嚐，好似唔錯，剛好有位便進入開餐囉。是日燉湯（老黃瓜煲瘦肉），湯料足，飲落清香暖胃，好適合呢啲天時飲用。咖哩茄子豆腐煲，茄子、豆腐軟爛入味，咖哩醬汁香甜濃郁帶點微辣，層次豐富很可口。涼瓜雞球煲，涼瓜爽口甘香，有清熱作用，雞球份量多且入味，有些蒜頭調味令小菜更加惹味。叉燒炒蛋，叉燒咬落軟淋，炒滑蛋呈少少半生狀態，配個爽口韭黃菜，以上菜式用嚟配個飯食，好惹味轉眼己清晒成碗飯😚。…Read More

晚上到了淘大商場的千海水產海鮮火鍋，食自助撈海鮮放題，進門己見到大型海鮮池，地方闊落舒適，，海鮮可任撈任食，啱晒係海鮮控嘅老友。點左清甜椰子雞鍋，清甜滋潤。先出去撈起海鮮，再交比店員幫忙鮮劏清洗，我地撈起了幾款有-🦀蟹膏飽滿的蟹，肉質鮮甜爽口的基圍蝦，貝殼類的鮑魚、花甲、蜆、東風螺等…好多種類，新鮮又乾淨，好讚啊！自助區的小食有藤椒魚皮、小籠包、蝦餃、燒賣、烤榴槤、菠蘿🍍都係好捧。火鍋配料有唔同款式的蔬菜、丸、菇類、牛柏葉、脆鯇魚片、鵝腸、帆立貝炸同珍寶蝦棒。飲品超多選擇，茶類、可樂、罐裝啤酒，清酒都有，正啊。肉類嘅美國牛肩胛片、澳洲M5和牛、澳洲羊肉片及美國豬梅肉片，厚薄適中，脂妨比例均勻，入口嫩滑juciy。熟食仲有每人一只的大閘蟹，需細隻但蟹膏都鮮甜，另外的燒乳鴿，皮香脆肉幼嫰，燒香草羊胺、西京燒比目魚、川味燒生蠔、蒲燒鰻魚都好讚。甜點的款式亦超級多，食埋雪糕勁滿足，食得開心又滿足☺️。…Read More

K11開左間喫茶ちょうぼ，今晚就約埋好友在此聚餐，地點方便，飯後又可再逛下商店丫☺️。喫茶夏祭屋台小吃盛，包括有清甜的小蕃茄，炸得香脆的炸雞，大粒的章魚小丸子及香腸，豐富的飯前小食。蟹黃膏蛋包飯，蟹肉蟹膏好滋味，炒飯內有洋蔥、翠肉瓜同紅蘿蔔，增加口感，蛋味香炒得好幼滑，熟度剛剛好，超滑嫩真的確係唔錯。蟹黃醬拌烏冬，蟹黃醬份量多，份量鋪滿烏冬上，拌勻烏冬一齊食，味道濃郁。香熟芒果梳打&夏祭金魚梳打，醬汁夠甜，配合清新梳打很夾。蜜漬柿の香刨冰，沙冰🍧大大杯，有4粒鮮甜柿橘，配搭柿橘醬好正，熱天時食凍冰冰嘅冰爽又清涼。逢星期六及星期日，晚間的7:00pm - 7:15pm，即場舉辦《勇氣大考驗》，聽到祭典音樂後，可以到中座位置敲打響鐘，與祭典主持猜包剪揼，玩遊戲贏獎品。…Read More

老友相約收工後去食番轉美食，預先book定在尖沙咀的BliBarla，餐廳主要是食特色串燒，而且性價比高，氣氛又唔錯。蒜蓉燒原條茄子及燒汁秋葵，食串燒都有蔬菜類嘅食下，可以平衡返。蒜蓉燒生蠔兩隻，一份有兩隻生蠔🦪，每一隻都肥又飽滿，蒜香味濃。汁燒白鱔、鹽燒大蝦、香燒多春魚，唔會燒到好乾身，好惹味！藤椒魚皮，麻辣味香，送酒一流。燒汁金菇五花肉卷，豚肉包著柔韧的金针菇，好有咬口感。孜然羊肉排，銷魂麻辣和牛面頰，醃得入味，食落口感爽嫩，一層脂肪一層肉好讚。古法窯雞，熱辣辣即叫即做，故需時約35-45分鐘，經窯燒後的完隻雞出場，雞🐓香噴噴有光澤，雞皮香脆，肉質嫩滑滿滿肉汁，好味又吸引。甜品. A5和牛慕斯，脂肪比例剛好，帶點甜又夠冰凍，正喎😘。Hoegaarden 啤酒🍻，食串燒要飲啤酒是常識吧！冰凍夠爽。…Read More

友人相約到銅鑼灣聚餐，大家都超喜歡飲酒跟美食，知道昼月居酒屋🏮，可以任飲清酒3小時，費用只需HK$88/1個人，逢星期一、二、六及公眾假期，若點了任飲清酒，便可享用串燒買一送一的優惠，故當晚都好滿坐，一定要訂位啊☺️點菜後便到雪櫃自取清酒，有差不多20款清酒選擇，我哋就選擇咗幾款慢慢品嘗囉。串燒買一送一，分別點左明太子燒免治雞棒、煙燻日本黑豚肉腸、燒日本黑豚肉、鹽燒三文魚鰭及燒羊架，款款燒得剛好，保持肉汁唔會乾身，佐酒一流。軟殼蟹沙律🥗，炸得香脆卜卜的軟殼蟹，搭配新鮮的沙律，入口清爽令人胃口大開😙。精選魚生刺身壽司盛， 刺身有肥美三文魚，爽彈油甘魚及大隻又鮮甜的赤蝦。壽司則有深海池魚、間八、赤鯛、左口魚邊及蟹籽，款款都各有特色，食材新鮮好美味呢。A5霜降和牛壽喜燒，和牛雪花分佈均勻，牛肉香濃，肉質軟淋油脂味香，叫多隻蛋將牛拌埋一齊食，就更加分啊。一次性品嘗到咁多款清酒，今晚超級滿足😘。…Read More

約左友人在旺角食個晚飯，佢話間唔中會黎食下呢間首爾石鍋燒，覺得唔錯，就約咗我黎聚餐啊。水冷麵🍜，冷麵入口清爽透心涼，令人食得好開胃啊。炒韓國粉絲，炒得濕潤，入口煙韌幼滑，食材有紅蘿蔔🥕、洋蔥🧅、蛋絲同菠菜，調味恰到好處。蘿蔔蔥餅，煎得香脆可口，點埋特製嘅醬汁，更令味道提升。煎泡菜餡餃子🥟，餡料飽滿，泡菜辣辣的夠惹味，餃子皮食落有韌性。巴斯克芝士蛋糕，烤到焦且有些焦糖味，入口芝味香濃，潮濕鬆軟。…Read More