95529294L's Profile

喺太子始創中心海港飲下午茶呢度下午茶真係好抵食，大中小點全部當小點價錢，$18.8一款今次食咗：黑糖馬拉糕（好濕軟，黑糖味夠）鮮竹卷（皮薄，餡多）雞包仔（普通正常味道）雞蛋叉燒腸粉最正係佢哋嘅叉燒腸，腸皮特別加咗蛋一齊蒸，蛋香好突出，叉燒又多釀青椒同釀茄子（茄子軟淋淋魚肉完全吸汁，青椒爽脆填滿魚肉，小小辣又入味，一啖咬落去超滿足）潮州粉果（皮薄，餡香口）真係$18.8一款，無論你點大點定中小點都係呢個價，份量又多，質素穩陣，強烈推介！…Read More

經過灣仔入敏華食下午茶滑蛋叉燒粒湯米$36真係經典之選！包杏霜，性價比幾高。佢個滑蛋真係滑到一個點，叉燒粒又香又唔柴，湯底都幾鮮甜，杏霜嗰陣濃郁杏仁香一飲就醒神沙爹牛肉湯意粉$38包咖啡都幾抵，佢嗰個沙爹汁真係香到爆燈！牛肉切得薄薄哋又入味，意粉吸晒汁，一啖咬食去成口沙爹香，怪不得一上檯就聞到。熱辣辣酥皮蛋撻同菠蘿包出爐各要一個每款$8菠蘿包就0k蛋撻敏華真係比唔上太子嗰間「傳奇級」茶餐廳（你懂我講邊間啦😏）。不過敏華勝在整體出品穩定、快、平尤其佢招牌黯然銷魂飯都保持到水準，平民下午茶之王名不虛傳…Read More

今晚又去咗我最愛嘅茶木食晚餐啦！人均大概$100，超抵食！叫咗四款主餐：香酥鴨腿鮮茄野菌配手作麵 $92鴨腿皮超脆，鴨肉腍滑到飛起！三杯蚵仔淡淡滑雞配手作麵 $102蚵仔唔係細粒，粒粒肥美；雞肉好入味，超香！柑桔醬芥末蝦球配手作麵 $102蝦球爽口彈牙，一份起碼有8-10粒，好誇張咁多！黑醋味淋豬軟骨配飯$92豬軟骨淋到入味又軟糯，連幾塊蕃薯都好好食～最愛佢哋嘅手作麵，煙韌有咬口，真的好正！每款餐都跟一杯熱飲，打卡仲送流心蛋會員滿$100（會員再減$10），今次四個菜加飲品先$380幾，平均一個人$95左右，性價比爆燈！強烈推介！下次仲想試佢哋嘅新菜…Read More

今日午市去咗銅鑼灣一間西餐廳食lunch有咁足料嘅海鮮雜錦燴飯同埋嫩滑嘅蒙古豬扒真係令人驚喜海鮮雜錦燴飯:海鮮份量多而且新鮮尤其2粒帶子大大粒，仲有大虾青口同魷魚其他海鮮，個飯有啲辣，未必適合"唔食辣”嘅朋友值得推介：蒙古豬扒厚切豬扒，切開仍保持粉紅色，肉質幼嫩，顯示火喉掌握得恰好烤雞胸廚師沙律好正雞胸烤得香口又嫩滑沙律菜新鮮爽脆，醬汁開胃輕盈，食完滿足又無罪惡感…Read More

喺科學園發現一間高性價比茶餐廳$38下午茶套餐真心驚喜鐵三角主食一款揀咗榨菜雞絲米粉➕火腿絲奄列➕牛角包另一份揀雞絲公仔麵➕腿奄➕菠蘿包榨菜微辣爽口唔會過鹹味，雞絲份量足夠湯米粉多餸多全餐亮點絕對係即叫即煎嘅火腿絲奄列外層帶少少焦脆，入面保持嫩滑，仲要係爆喊級數，火腿絲多到每啖都食到火腿，誠意十足牛角包，酥皮鬆化，牛油味突出公仔麵煮得啱啱好掛湯力強，味道濃淡適中諗住跟餐，都好似某間快餐店個菠蘿包，細細個，估唔到呢間"蘇哥“唔算細外皮酥脆，內裡鬆軟以科學園地段來講$38有齊三樣嘢，份量夠飽，味道有驚喜絕對係園區內抵食之選…Read More

觀塘華嫂午市$45粉麵套餐真係無敵好抵！豬扒湯米線餐煎豬扒金黃厚切內脆肉多汁湯底清鮮帶豬骨甜，米線彈滑幼溜，超滿足！牛肉湯米線更加誇張！牛肉片鋪滿整碗，完全見唔到粉，每塊牛肉都軟腍入味，湯底牛香濃郁，飲到啖啖甘。每碗粉都淥兩片生菜跟餐兩杯熱奶茶絲襪奶茶香滑，飲完即刻醒曬神！觀塘性價比無敵華嫂真係良心食店…Read More

今日行西貢塔門去咗小島一間新惠和食嘢叫咗蝦醬鮮魷炒麵$68個鮮魷係食得出用新鮮魷魚好爽口又唔會死鹹配蝦醬炒麵好好味海膽煎蛋三文治$65用海膽嚟整煎蛋做三文治，好鹹香好特別，好好味，呢個值得讚另外叫咗飲品，無冰樽仔奶茶$32濃滑、香醇、口感冰涼爽口，帶有丁點點苦味回甘…Read More

今日去白加士街嘅喜贏茶餐廳醫肚下午茶時段真係超級抵食！🍜 豬扒炒公仔麵$44豬扒厚切又 juicy，煎得金黃香口，汁同公仔麵炒得好乾身一啲都唔油膩🍛 星洲炒米（重料版！）$42呢個真係今日 MVP！有蝦仁、叉燒香口、火腿絲、炒蛋、紅椒、洋蔥... 材料多到要用個大碟先裝到晒！辣度適中，香氣四溢，米粉又多🦆 燒鵝瀨粉$42燒鵝皮超脆！一咬「啪」一聲，油香即刻爆出嚟，肉質嫩滑完全唔柴，湯底夠味又唔太鹹，瀨粉煙韌，仲有一大條菜心☕ 飲品部份下午茶凍飲熱飲同價，超抵！我哋三個一致決定叫熱飲：奶茶（絲滑茶味夠濃）熱咖啡（啡香到醒神）熱杏仁霜（香甜暖胃，超治癒！）整體環境乾淨舒適，侍應服務態度好好…Read More

今日午市嚟到灣仔呢間泰國餐廳叫咗泰式肉碎九層塔煎蛋飯拎埋嚟聞到即刻流口水金黃脆邊煎蛋+爆香九層塔+辣度夠喉嘅肉碎,辛辣開胃,咸鮮得嚟又夠辣,超好食,呢個組合無敵,真係唔夠喉唯獨係青咖哩雞今日有啲失手味淡咗真係有啲掃興,尤其泰國菜最緊要係嗰團濃濃椰香同香茅辣勁衝擊,一淡就即刻失色,不過有時廚房出菜都會有狀態起伏,希望下次過嚟食會好啲不過肉碎煎蛋飯值得推介飲品：泰式綠奶茶甜品：鹹蛋果仁豆腐雪糕又鹹又甜衝擊味蕾…Read More

今日經過觀塘南洋商業銀行樓上，見到恆生大酒樓已經靜悄悄轉咗名做「糧道酒樓」，招牌雖然換咗，所以上去試下早茶點心如何！平靚正孖寶套餐 $34.80（早茶粥／飯任選＋一款點心）叫咗三款孖寶，性價比真係無得頂！炒米粉唔係淨米粉那種！加咗少少韭菜、椰菜絲、火腿絲、紅蘿蔔絲、西芹絲，好香口，鑊氣夠，粒粒分明，完全唔油膩。叉燒腸粉叉燒切得厚厚的不碎屑，醬汁滲得均勻；最驚喜是腸粉皮超薄，入口即化，多年沒試過這麼薄的皮了！鳳爪排骨飯排骨腍滑入味，骨肉分離得靚；鳳爪中規中矩，夠入味不鞋口。可惜飯底淋了太多汁水，變得濕淋淋，喜歡乾身飯的我會有小小扣分。鮮蝦菜苗餃白菜苗切得幼幼的，爽口解膩；鮮蝦彈牙，仲吃到少少薑粒提鮮，熱辣辣上枱真係好好食！上湯鮮蝦水餃水餃個餃皮薄得透光，蝦肉餡多到爆，湯底清鮮，一啖一個超滿足。蜜汁叉燒包包皮鬆軟到扯得起絲，叉燒餡鹹甜比例剛剛好，唔會太甜膩，classic中的classic。11點半埋單，兩個人食到七七八八，茶位每人只係$8蚊！在觀塘區有呢個質素同價錢，真係難得。總結：環境同以前恆生大酒樓一樣，，點心水準完全保持到，性價比仲高過以前！下次真係可以早少少嚟試多幾款，強烈推介觀塘街坊同上班族試試這間「換咗名但冇換心」的糧道酒樓！…Read More

翠園抵食晚市自由配 $468仲可以$88追加兩隻炸乳鴿星期五晚爆滿不是沒原因呢個$468自由配晚餐，認真係近期最抵食的選擇！可以揀一條魚、一個素翅羹、兩款小菜，在加多兩隻炸乳鴿，份量多到四個人食都完全夠飽！今晚叫咗呢個組合先上兩隻$88追加的炸乳鴿上枱兩隻炸乳鴿都係好大隻一開四皮脆到「啪啪聲」，肉嫩多汁，一啖咬落去油香滿滿！好好食（強烈建議一定要加！！）餐前小食（免費）通常酒樓一定收錢，同埋份量小小碟，翠園就唔孤寒份量完全唔似「送」的格局！花膠竹笙仿翅羹真材實料，花膠厚切、竹笙爽口，湯底濃而不膩，啖啖都好有口感蒸沙巴龍躉（斑）魚腩位肥美，蒸得啱啱好，肉質滑如豆腐，鮮甜無泥味，火候100分！粉絲撈珊瑚蚌呢碟係全晚MVP！珊瑚蚌彈牙，粉絲炒到乾身又入味，仲帶少少辣椒香，超惹味，越食越停唔到口！瑤柱蝦乾雜菜煲絲絲瑤柱、蝦乾香氣逼人，雜菜粉絲吸晒汁，暖笠笠好舒服，冬天食最正四個人食到飽飽離場，計落每人只係$170左右（已連加一、茶芥、$88乳鴿），仲有晚市茶錢只是$15/位，維持翠園一貫高水準，唔怪得星期五晚全場爆滿，一枱難求！想食記得要早少少book位！真心話呢個套餐唔只「抵食」咁簡單，簡直係「抵到喊」級別～…Read More

今日要去葵興，順便喺葵興廣場美心快餐食下午茶叫咗個四寶車仔麵 + 熱飲 $46豬皮同牛腩真係炆得入味軟腍，兩樣都好好食，救返成碗麵。不過雞肉丸完全冇味，豉油雞翼又普通，幼麵就一般般。總體靠豬皮牛腩贏。公司三文治 + 3隻雞翼 + 熱飲 $47三文治同雞翼都係填肚級數，冇驚喜，正常味道。最大亮點係：食滿$35就畀一個印花，儲夠5個即是$20現金券！葵興附近要醫肚或者想慢慢儲印花嘅朋友，可以考慮吓…Read More

今日Pizza Hut午餐食得幾滿足～香蒜大蝦炒意粉一上檯已經聞到好香蒜香，意粉煮到al dente，咬落彈牙，蒜油味好香，仲有香草碎、紅椒絲同紫洋蔥絲落去炒，微微辣辣甜甜，幾開胃。蝦真係多，數過有8–9隻，彈牙爽口，完全唔小氣。海鮮焗闊條麵白汁醬超濃超多，包到成碟闊條麵都係，上面有好多雜錦海鮮，焗到啱啱好表面微焦，超香口。兩款都保持Pizza Hut一貫水準，而家做緊買一送一平均$5-60左右有呢個質素同份量，真係好抵食。下次再黎食買一送一pizza…Read More

經過尖沙咀就去國際廣場6樓茶木食午餐打卡就送每人一份流心蛋1隻叫三份午餐手撕雞調味得幾好跟菜飯，一小碟麻醬娃娃菜跟半隻流心蛋豬軟骨手工麵韌彈有口感，跟一小塊鴨血兩舊豆腐仔蚵仔蛋飯，蚵仔唔係細細粒都算適中，都係跟一小碟麻醬娃娃菜半隻流心蛋每款午餐都跟杯熱飲仲可以加38蚊有兩款小食加咗豬耳同紅豆芋圓豬耳正常味道甜品就太甜…Read More

星期日喺新世紀廣場6樓outback食晚餐職員畀咗一張窗口卡位我哋坐好鍾意呢間西餐廳食嘢因為佢哋啲服務態度幾好首先畀咗兩份黑糖麵包叫咗三款食物12安牛扒一份豬扒一個海鮮意粉先嚟一個忌廉湯，個湯好多蘑菇好飲份牛扒淋滑好食跟炸薯片都好香脆芝士海鮮意粉Q彈美味，跟兩塊多士仲跟份焗薯都好食豬扒跟薯蓉西蘭花雜菜豬扒煎得好味個薯蓉好滑好食樓面服務態度好好我哋喺度傾計見到我哋個杯飲咗一半水就會同我哋補充都不停有斟水呢間西餐廳一向服務質素同埋食物出品都幾好…Read More