ahlee's Profile

一早想試呢間餐廳,咁啱見到openrice有 $1 coupon換12" pizza~即刻決定食呢間~因為去到8月尾就到期~餐廳比較暗,氣氛很好~坐低一陣就有侍應送上麵包籃,長長一支支的好脆好食~而長方形的就麻麻地,上面舖左豆豉,好香,但好難入口啊~點完食物後,仲有免費沙律送上~由於唔知份量幾多,就點了三樣食物:鮮茄肉丸燴意粉 : 好得意～三粒好大既手打肉丸係面,肉丸大太大所以好漏,意粉都好爽醬燒肋骨 : 肋骨幾多肉,醬汁好正pizza : 唔記得叫左咩pizza,好似係肉腸....味道ok,無因為$1而偷工減料~可樂 : 呢度可樂都係免費添飲,但我唔太鍾意呢度的可樂,太甜了~加了自己的style(似加了雲呢嗱)兩個人當然食唔晒咁多野食啦~不過下次會知點樣叫啦~…Read More

難得有兩小時lunch~梗係揾間酒樓慢慢食啦~唔係好熟呢區,但係在附近做野~又見到呢間幾新,就試下啦~一試就出事....d 點心唔係好得~唔係唔新鮮,而係味道唔得...皮蛋瘦肉粥 :食完成碗粥加埋都無1/4隻皮蛋,瘦肉全部係肉絲,不知所謂仲要係正價點心都咁既質素咸魚蒸肉片飯 : 等左好耐好耐....一見到上枱時,眼都突埋~第一飯個size嚇親,第二咁既size等左大半個鐘,第三d 肉唔新鮮.....十幾蚊食d咁既野~第二間酒樓幾蚊既特價點飯好過多多聲另外叫左金錢肚&鮮蝦腐皮卷就ok...味道正常小小…Read More

今日係mega box搵食,正諗緊食咩好既時候....無意中經過魯一居門口有啲二人套餐都係$188,好似好抵食~咁就一於試試...差不多七點,但不用等位,都幾多人食,大多數都點套餐西洋陳腎豬骨湯~~~老火湯,都煲得幾溶白灼蝦~~~二人份量都幾多,大約20隻!半隻脆皮雞~~~皮多晒脆,不過份量是細size半隻蒸肉餅~~~等左好耐先上,因為即蒸,似茶餐廳質素套餐雖然$188,但又要茶介,小食,而且另外加兩碗白飯$20.....所以total要$260~不太抵食!…Read More

一行七人揀左呢間酒樓慶祝爸爸生日~7點幾去到....差唔多7:45p.m.點菜~唉!!真係唔多掂,要咩無咩,睇到佢d推介,有冬瓜盅+魚+叉燒,點知竟然話冬瓜盅賣晒喎~轉老火湯得唔得~好啦~咁我地唔要啦~點過其他野啦~到點燒鵝時...又話賣晒~我心諗7點幾賣晒d野,咁呢間野唔洗做啦~真係掃興~咁大間酒樓,咩都無~出面是但一間都多野食過呢間~點了8個菜:鮑參翅肚羹:要左個例牌,都夠咁多個人,每碗都有幾條翅王立倉:$98....一條迷你魚~真係差椒鹽白飯魚k通菜鮮魷:味精很重,菜都好多tim富貴花蝦人帶子k竹笙上素:乾淨淨...無汁又無湯薑蔥龍蝦球煲:唯一好食既菜,龍蝦球彈牙薑蔥霸王雞:唔知點解同平時食既霸王雞唔同~有d似白切雞到d菜黎左時,叫汽水,跟住又出事啦~又話某隻汽水賣晒喎~我地就問她點解汽汁都可以無架~呢個唔知係咪女經理既人答左個白痴既人先會信既答案:<因為比樓下間酒樓借左d汽水>哼~~~.....吹佢唔脹仲有記得有一次係呢間飲茶,埋單$19x....咁諗住簽卡啦~點知<唔知係咪女經理既人>同我講唔夠$200唔可以簽卡喎~但酒樓無貼過任何一張紙寫住....而且消費者委員會講左唔可以有限定消費金額先可以簽卡啦...好多間公司都改左無限~總體...服務唔太好,侍應都唔得閒招待,可能只顧房入面的飯局啦~加上要咩無咩,所以絕對唔會有下次~…Read More

今日爸爸生日,本身打算訂蛋糕,不過想到食完晚飯後,大家未必再食得到大蛋糕,於是係去酒樓前即興買左個經典款式-------->雜果蛋糕,唔係貪佢好食d~係覺得佢好色彩,影相時好靚!!用hsbc visa仲有9折,蛋糕沒有生日牌,只有一個卡紙牌插在蛋糕上~相比第二間即買都有生日牌就差了些~服務態度宜改善,因為我睇完呢間去左第二間先返轉頭再買~但店員既態度就好似覺得""你咪又係買"".......有些不友善~問她有無碟有無生日牌,先跟比我~又唔主動問人要唔要生日牌~唔知係咪趕住放工咁!!好彩同行有人提我問佢攞渣~~味道方面:揀得這款就差極都有限~普通啦~唯一覺得好就係個款同出面的不同~靚d~…Read More

工作忙過不停,夏天又熱又焗...難得有一日得閒些...男友專登BOOK左位,今晚黎呢度試試~因為我係好鍾意食pizza~入到店舖,待應禮貌地招待了~店舖不大,座位很小~好快已經full晒~就係因為不大...所以氣氛很好~很舒服~加上,食到一半時~出面落大雨,雨點打左玻璃門上~看到朦朧的街道...感覺更好~兩個人點了三食物,都比較多人點的:雞翼秘製雞翼 : 要了原味帶小小辣味,味道很香,很惹味,而且雞翼好大隻~煙肉芝士肉汁焗薯條 : 新鮮,薯條卜卜脆,加上煙肉芝士肉汁,絕配,不過份量好似比起之前網友的細size啊~大隻佬肉食pizza : 唔....呢個我唔鍾意~pizza好食...好大個~但呢款口味不太啱我~好多肉,好咸,我諗有女仔就唔好叫這個口味~…Read More

今日放假...family day~入左南丫島行行~上網搵過呢間豆花係出名,梗係要試試啦~但由碼頭向沙灘方向行都要行一段路才到~沿途都有好多食店有豆花食~要左3凍1熱豆花...賣相唔吸引,而且每一片豆花都好厚,一啲都唔滑...凍豆花完全唔凍,而熱豆花就夠熱...衛生欠佳!!!…Read More

好時沙嗲一直都在尖沙咀人氣高企,今晚終於有機會試到啦~不過我唔覺得咁好食~好普通...好普通...:(6:45到都有位,叫左海南雞飯,半打沙爹串,炒貴刁,排骨荼...海南雞飯:好食,雞夠香滑半打沙爹串:普通,唔夠香,細串,九龍城好食好多炒貴刁:麻麻地,炒到一餅野咁,又勁多油排骨荼:可以啦,很濃藥材味環境無咩裝修,因為唔係正舖到~服務都係一般,我覺我只係TST無呢類食店,而唔係真的很好食~…Read More

今晚夜小小要去親戚的生日飯,但係要食齋....食齋出名好快肚餓...所以要打左上上底先去啦~朋友介紹過去呢間食麵唔錯選擇...一行二人叫了一碗雲吞麵,一碗豬手麵!雲吞麵:雲吞小,入面有蝦同肉,但肉唔夠滑...個麵就好好食~好爽,彈牙~豬手麵:好好食,豬手燘到好腍,好入味,而且很濃的南乳味!由於兩碗麵SIZE都很小~所以打底就啱晒~我覺得唔好就,店鋪迎非常污穢....坐得唔舒服,見到女工執枱就梗加影響食慾!!…Read More

每次經過都好多人排隊...行過附近都見到好多人食緊豪華蛋撻!之前雜誌都成日介紹~所以今朝早餐試了~我覺得唔係真係咁好食啦~D人講得太好啦~$18買了兩個酥皮葡撻,兩個酥皮蛋撻啦!我每樣食左一個,先講兩個都一樣既蛋酥皮先...一食落口,好乾,又唔鬆化!到個蛋,不是特別濃,唯獨葡撻就甜D~總括黎講~咁既價錢一個蛋撻,都唔係太值,試過就好了~:(:(…Read More

諗唔到食咩~又好耐無食過越南野~就試下呢間啦~7點幾去到,坐滿人,但等左5 mins就有位啦~menu有點殘...打開發覺得好小選擇渣...即刻覺得入錯左黎~好彩最後食完覺得水準ok...由於食物選擇有限,只點了三樣野食~牛油雞翼---有5隻,每隻都有d蒜係面~幾香口生牛河---河粉份量正常,湯太清越式豬扒飯---其實我地係叫碎米o個隻架~不過我地未食過,唔肯定,睇番食評先知佢上左越式豬扒飯囉~但都好好食,竟然有好多塊豬扒啊~錯有錯著!!…Read More

食飽飯後,個肚仲有位食糖水,但呢個商場得滿記,所以再試,之前試過apm,西貢都覺得麻麻地!!但今次有d改觀啦~叫左海底椰白雪黑糯米~好好食呀~鍾意黑糯米一粒粒可以咬,海底椰都有好多條,而白雪即係云呢拿冰...好香,好滑,好凍...…Read More

:)今日請朋友食lunch...揀左Ruby Tuesday,之前食過dinner都不錯,所以再試下lunch!不過我覺得lunch就唔係好多野食,而且份量同價錢都一樣成正比呀!服務很好,侍應招呼都很有禮貌!所以食得好舒服...叫了兩個lunch,都有餐包餐湯同餐飲跟的!卡邦尼蟹肉意粉:用左芝士汁,汁唔多,啱啱好包住意粉,還有一片蒜蓉包,蟹肉就唔多珍寶蟹肉餅:蟹肉餅配飯,蟹肉餅很好食,很多蟹肉,飯就較淡,但配蟹肉餅就ok兩個餐都跟龍蝦湯,我覺得麻麻,唔啱我口味~兩個餐其實都唔太差,但份量小左dd,而且食物唔夠熱,扣左d分~…Read More

上個月睇雜誌...見到介紹一支類似珍寶珠既朱古力~仲要係黑朱古力添~真係好吸引~男友知我想食,專登買比我食,首先佢去尖沙咀分店,點知去到先知無晒黑朱古力味啦~再問先舍得3間分店,咁唯有打去中環問,好彩有貨...所以就買左兩支啦~總共有3隻味,黑朱古力,焦糖,牛奶朱古力...我淨係鐘意黑朱古力,所以兩支都係呢隻味~今晚心情不佳:(,即刻食一支試下啦~比我想像中大粒,初時食時,會食到個口有啲累,味道都不錯,好濃黑朱古力,唔甜...我食晒成支要25 mins~~但我見有啲人食得仲耐d~可能我口大啦~haha包裝精美...但一支要$60...其實都貴,因為只是一粒朱古力...不過值得試呀!…Read More

有朋友生日,一心打算買個蛋糕慶祝,但就失晒預算...買唔到我想買o個間!番到入黎大埔,諗坉得A1揀...所以就去睇睇啦~見到佢啲普通蛋糕,賣想不太吸引...好像不太新鮮~最後見到另一面個雪櫃有雪糕蛋糕,現貨款都好多,所以要左一個名叫花花世界的雪糕蛋糕啦~~價錢比h雪糕平,一個一磅,我呢款入面係妙趣曲奇味...店員仲用朱古力筆寫左個牌,值得一讚呢位小姐~我個名好多筆劃,但仍然細心寫...用Jusco卡,原來仲有9折呀~味道當然不錯啦~好香奶味,曲奇分佈平均,有口感~而且唔太甜,但兩粒士多啤梨就唔甜,得個大囉!!…Read More