East_gengar's Profile

為老友慶生，預定該餐廳，本滿懷期待，未曾想竟成為有記憶以來最差體驗。總結📝：食物味道尚可，但食到保鮮紙。向waitress反映，態度極差；向主廚反應，態度竟更差，甚至趕我走。我幾乎將異物吞落肚，等待同餐廳溝通期間不敢再食，竟被主廚話我侮辱食物。這位主廚未處理乾淨食材，就擺上客人的餐桌，恐怕才是侮辱廚師之名。—————當日入內坐低，選了菜式，不久後即開始用餐包和餐湯。餐廳氛圍不錯，但侍應質素普通，莫講話介紹食物，甚至連菜式名稱都沒有告知，只放下便走。杯中酒飲完也久久沒有添加。全場2名侍應，waitress操不純正廣東話，waiter講國語。黎到前菜，招牌的凍鵝肝，竟食到有疑似膠紙的物體。本以為係可食用的（類似糯米紙），但實在感覺不對，於是吐出。向waitress反映，對話如下。我：凍鵝肝似乎有膠紙，請問咩回事？waitress：哦，因為鵝肝本身係用保鮮紙包住。我：喺，咁所以呢？都唔應該係連保鮮紙上？waitress：咁你係咪唔滿意？我叫廚房幫你換？（其實聽到佢如此應對，內心已不太舒服，但始終高高興興出嚟食飯，多一事不如少一事。自己已食咗一半，朋友都話算了。）我：我食都食咗，算了，就咁waitress：係OK呀嘛？咁就咁（轉身走）老實說，已經無心情enjoy餐飯，朋友同我傾計都心不在焉，越諗越嬲，再叫住個waitress我：其實你係咪至少應該同我講句唔好意思先？waitress：（音量提高）我咪即刻同你解釋囉，鵝肝係用保鮮紙包我：我知你有解釋，但你完全冇講sorry喎？waitress：咁你想點？我問你使唔使幫你換你又話唔使喎我：我明白咗你個解釋，但而家係你哋處理食材有問題，咁我至少都要反映返？我諗住做個好人唔使咁麻煩，你仲「你想點」，你而家咩態度？waitress：咁我而家同你講唔好意思囉得未？我：我覺得你態度有問題，叫你經理出嚟同我講waitress：（大聲）好！！（轉身走）waitress全程聲大夾惡，我真係莫名其妙，似乎是我專程陷害他們，來找麻煩。（5分鐘後）waitress：經理入邊忙緊，佢得閒嗰陣會出嚟同你講我：ok之後我一路飲酒，同朋友談天，一邊等。我對於食品安全有疑慮，在餐廳釋疑之前不敢繼續食，同時認為需要保留住呢碟食物。不經不覺已經過咗一段時間，我聽到waitress叫waiter問我仲食唔食，唔食就收走。我（對waiter講）：你叫她自己來跟我說。waitress過黎：係，呢位小姐，你想點呢？我：我呢，喺你經理出嚟同我解釋返件事之前，唔會繼續proceed，因為我對食品有疑慮。waitress：佢係入面忙緊，佢今晚有時間會出嚟同你講我：我可以等。但總之我要解決左眼前嘅食品問題先。waitress：其實我冇經理，入邊個個係老細黎㗎，佢準備緊主菜，你係咪要我搵佢同你講？我：冇問題。waitress：（大聲）好！！（轉身走）今次好快主廚就出黎。於是我再一次講返件事，之後對話如下———我：我知佢有解釋，但係我唔會expect呢個態度。我作為客人我見到食品有問題反映返，係咪至少應該要同我道歉？chef：係咁嘅，正如waitress所講我哋嘅鵝肝本身係用保鮮紙包住我：我已經明白，但係我認為佢態度有問題，我需要佢道歉。chef：不如咁，係我做錯，我同你道歉，我入邊仲整緊主菜，你俾我返去整我：我明白人會有疏忽，呢一part我接受你嘅歉意，你feel free返去整主菜。我而家係希望個侍應可以就態度問題道歉chef：唔會叫佢道歉，因為而家真係好難請人我：吓？所以就可以咁嘅態度對客人？（其實我聽到呢個邏輯已經好莫名其妙）chef：咁你想我地點做我：咁你是否應該對員工train返？chef：佢唔會道歉架啦，你搞咗咁耐，啲嘢擺係到唔食，擺到凍晒就唔好食㗎喇。你咁樣侮辱咗啲食物！我：？？我食緊㗎喎？？我係因為等緊你處理先要喺度等咋喎？？chef：（收走檯面嘢食）我諗我都唔會整主菜㗎啦，你侮辱食物（轉身走）然後個chef就叫waitress唔收錢，趕我地走喇。我真係從未見過咁荒謬嘅事情。首先，鵝肝用保鮮紙包住又如何？大把食物都係用嘢包住，普通餐廳食個蟹柳都會幫我拎起膠紙，一間人均過千嘅餐廳，食物有異物竟如此理所當然？其次，服務態度差到難以置信，因為而家難請人，我就要俾錢受氣？最後，呢位主廚將未處理乾淨的食材提供給客人，仲侮辱反映問題的客人，顛倒黑白厚顏無恥的程度，實在令人嘆為觀止。已就食品安全問題投訴食環，食環職員告知我因為餐廳冇收錢，同埋已經極速收走咗食物冇咗證據，所以無辦法就呢個case處理。我諗呢個都係主廚唔收錢趕客走嘅目的。聽聞主廚即將退休，都係好事，廚房畢竟是十分精細的工作，既然力有不逮，與其死雞撐飯蓋，不如接受寶刀已老的現實，以免害人害己。…Read More

員工同老細有仇？直頭趕客檯頭寫住「收銀淨係收現金八達通，要用消費券就用pinme落單」just in case行去問一問可唔可以用PayMe串串共咁話冇，然後數俾我聽visa master alipay wechat pay心諗我本身都係特登行過嚟幫襯黃店後面嗰兩個已經唔知想點算，照order，員工又係燶口燶面，講嘢聽唔到，眼神基本上係想反我白眼咁見胸口牌仲寫住店長order完話八達通，先話八達通機壞，隔離個員工仲要串串共咁攤大手指一指直接掉頭走咗，咁唔憂做唔少我一個…Read More

遲來的正評！當日食完已經好想讚佢但係唔記得咗，執枱搵到張單先諗起當日突然間想打邊爐，睇吓附近有啲咩啊，之前食過大圍616感覺不過不失咁所以又黎食。門口見到手工啤都覺得幾吸引，所以試下，唔會好苦，有驚喜食物質素都不錯，雖然份量黎講唔算特別抵食，但係肉質新鮮滑嫩，都enjoyable非常impressed係服務大家都知打邊爐啲waiter都好忙，基本上上咗菜就由得你自己嚟。但係呢度啲waiters會眼觀六路耳聽八方主動加水加湯，跌咗支筷子，正準備舉手佢哋已經幫我攞咗對新過黎香港服務業揚威國際大家都知，真係好少見到中等價位餐廳咁好service有機會一定再去…Read More

6月去食，豬扒咖哩仲係$37，外賣唔加錢8月去食，就變左$40，買嘅時候已經感覺唔係好同，問咗收銀一句「價錢係咪唔同咗？」收銀大大聲話「係呀！」然後外賣仲再加$2既然覺得加價咁理直氣壯，點解完全冇告示冇盛？如果唔記得嘅人就唔知睇返fb，都係就咁upload兩張新餐牌嘅相，完全冇解釋過通脹都係一年3%，你無端端加價13.5%，唔覺得應該要解釋吓？即使賴疫情乜乜物物，明知你賴地硬，但都無咁嬲完全無PR/marketing…Read More

間唔中都喺度買pizza，質素普通咁，純粹轉下口味。.今日本身都開開心心諗住買晚餐，比完錢之後企埋一邊，等幫我翻熱（有要求，參見單據）見佢直接拎起個夏威夷pizza裝盒，無翻熱。雖然我前面應該冇人（俾錢時候唔需要排隊），但都可能唔係我嘅，就冇行前拎.點知我後面個女仔同我嗌咗同樣款，俾完錢行埋黎，即刻點住玻璃櫃話「哎呀我想要嗰塊冇咗」。唔知係熟客定點，不斷係到依依哦哦話「哎呀我原本想要你已經裝起個塊」.阿叔聞言，即刻轉個手，將已裝盒入袋個塊擺佢係面前。話「咁呢個俾你先啦，都係同樣款姐」.我真係黑人問號，我買先唔係俾我先？我再行前睇真啲，點解個女仔咁想要呢塊➡️原來係因為其他個啲係明顯有燶黑！.我見況已經開到聲話「唔好意思係我黎先」，個阿叔仲要話「其他都一樣咋嘛」。有無搞錯，燒燶都一樣？？.女仔話「我要求咗翻熱，你可以比佢先。」我即刻話「第一我嚟先，我覺得你應該比我先。另外我都一樣要求咗要翻熱」阿叔即刻避開先來後到問題，繼續死雞撐飯蓋，focus係翻熱：「啱啱出爐㗎仲熱㗎你摸吓」呢個時候個女仔已經藉口趕時間，快啲拎埋舊尚算見得人嘅Pizza，拍拍囉柚走咗嚕.第一不遵從先來後到第二燶黑嘅食物仲賣第三寫到明翻熱又唔做.即刻走左去退錢。講多句收銀嗰個，俾錢嘅時候行埋去都見到佢玩緊電話。退錢時唔知有心定無意，$35嘅$5俾咗我$2 $2 $1三個銀仔，仲要跌咗一個令我喺地下執返。.退錢時冇人諗住問吓咩事，係我自己complain，原本企喺舖頭中間嘅人先講咗句唔好意思。而阿叔&收銀女仔由頭到尾毫無歉意。.絕無下次。…Read More

已經食過幾次，米線都ok今日開開心心係openrice叫咗外賣自取，之前都成功過，結果今次等咗半個鐘，準備落嚟攞先發現餐廳無接單⋯午餐時間明白會忙，冇辦法啦咁我自己黎買。結果係門口企咗3個字，都無人出黎無辦法行入去廚房搵人，問佢係咪唔做外賣？佢話冇接就係做唔切，仲叫我等唔到耐就走。其實大家都知米線係多人，就係平快之選。今日雖然舖頭係滿，但出面都只係三四個等外賣，之前見過更多人都好地地接單。個黑衫阿嬸係咪同老細有仇？真係未見過咁嘅態度…Read More

1. 兩個人淨係要咗兩樣嘢，都可以漏咗一樣個waiter仲要有覆述過張單2. 想追一追第二個餐，舉極手都冇人。雖然我坐係入面沙發位，但成個區域都係開揚，明明望咗過黎都好似睇唔到咁。仲要啲人唔係serve緊其他客，餐廳都唔係好多人都係6-7成滿，望住佢地不斷行黎行去但就係見唔到我地咁最後長舉手10分鐘先有人見到3. 買單時候見係落單嘅waiter，講咗一句「有啲surprise點解兩樣野都可以漏一樣😅」。因為係黃店食物都好味，覺得改進吓會更好。結果佢只係啤我一眼講一句「唔好意思」就算。我覺得上至少可以頷一頷首？呢樣可能係我主觀，但當時感覺個態度就係「哦sorry囉」食物係真係無錯，價錢合理。真心希望可以改善服務質素。…Read More