超級餓底's Profile

終於。。終於。。終於食到喇久仰大名好耐，但我一直好怕排餐死，怕等到餓到躁底都未食得，但今次我括出去! 地理位置都好方便易搵，一到漢口道，見到一條長隊，抬頭一望，就知係呢度喇! 等等等，由街排。。排到入鋪入面，等左40分鐘，終於有位喇 我地一坐低就即點野食。。唔似一般餐廳manual，呢度既manual好似報紙咁，打破傳統，慨念非常新穎!首先黎既係凍鮮果茶，呢個飲品係同事極力推介，有凍有熱選擇，呢個鮮果茶材料十足，眼見已經有蘋果，橙同青檸，我見仲有d黑色核，所以應該唔止呢三種生果，的確係唔錯既推介!兩個字:新鮮! 而煙鴨大大粒總匯三文冶，入面有菜，蕃茄，火腿，旦，同煎雞，材料豐富，比平時食開既公司三文冶仲要大件!!食既時候我仲夾幾塊粟米片同旦沙律，好好食!玉米里肌起司可頌，超勁好食! 餡料勁豐富，除左有片裝芝士，仲有芝士醬，ham，煙肉粒，粟米粒，蕃茄，菜，芝士味勁重勁濃郁!! 我好鍾意食牛角包，平時食煙肉芝士牛角包，我已經覺得好滿足，食呢個巨型多料既牛角包，我覺得超級幸福!超厚既waffle,皮脆內軟，伴碟有吉士，朱古力雪櫃，鮮香蕉，香蕉片，朱古力醬，為呢餐寫上完美句號食咁多野埋單只係$455，而且店員招呼一流，不但不停refill水，仲會見我地最後一道係甜品而同我地換過哂所有餐具，細心又貼心! 無論食物，環境，店員都一流，要排隊都抵呀!…Read More

每次黎葵芳不得不食~~三文魚反卷雖然加左價($17)，但仍然係咁抵食架! 每次去到都排哂長龍，因為所有都係即叫即包架^^，絕不欺場，唔會因為十幾蚊而hea你，入面舊三文魚仲大大舊，仲要上面吱沙律醬，無論味覺同視覺都值回票價!…Read More

登登~ 我的確唔係食最多人食既酸辣粉同手抓餅，我係食炸燒賣 $12就有10粒，好抵食，即買即炸熱辣辣，每粒都漲卜卜，有得揀蜜糖味/椒鹽味，我就揀左椒鹽，越食越辣辣，辣得好過癮! 我見仲有炸蜜糖腸仔同炸墨魚丸添! 下次一定試埋…Read More

我一直叫嚷住想食片皮鴨，所以同事們就了我心願^^ 呢度既環境幾舊下，但都乾淨，侍應全都係叔叔伯伯，但佢地好友善好搞笑~ 我地叫左個6人餐，怕唔夠食，再加多兩個 頭盤係三絲拌粉皮，平時出面食既雞絲粉皮都只係比麻醬黎撈，但呢度除左麻醬，仲有芥末醬的，粉皮又唔會煮得太淋 菜肉餃，上台時隻隻都出哂煙，熱呼呼的! 每一粒都又大又漲卜卜的，好食! 賽磅蟹，中間應該係黑醋，我唔識欣賞 呢兩味我比較鍾意食四季豆，因為我係食肉獸，上面真係齋黎，而下面有d肉末去炒，香口又惹味好多 山東燒雞，好食! 估唔到佢可以咁滑咁嫩口 主角出場喇! 個伯伯超好人，見我每味菜都不停影，佢片完我地碟鴨後，仲比多隻未片既放埋一齊比我影~ 講番個主角先，其實有點失望架，因為用黎包鴨既果塊皮太厚同好多粉響面，而我食開cheap cheap既片皮鴨係只片皮，但呢個就每一塊既肉既比例多過皮好多，將所有野包埋一齊食時就嫌唔夠脆口。。 鴨架湯，當伯伯未同我地分一碗碗時，遠遠已經覺得好香! 一飲入口，超甜 (當然唔係甜品果隻甜啦)超好飲! 我見我碗野都無咩特別多既材料，得鴨架小件同冬瓜，用鴨架但一d油都無，但真係好好飲!!! 我地已經食到好飽，所以都無咩人吼呢碟野，我食左舊，略嫌硬左d同唔係熱呼呼。。 走時見到隔離好多人都打邊爐，下次一定要黎試!…Read More

以前響良景若果想食糖水，只可以買宵夜檔的雜撈，又或者走過建生食，但而家唔同喇，因為有左木子>3< 以上係我幾次用餐既相，呢度既甜品糖水真係好抵食，都係十幾廿蚊個，雖然平但又唔會將價就貨，每樣野食都好足料，環境又乾淨舒服，真的要給一個大讚…Read More

尋既去左荃灣廣場搵食，唔知食咩好，周圍搵下搵下，見到一間門口寫住米芝蓮推介--->小王牛肉麵，見價錢又唔貴，所以就揀左呢間。。入到去坐左好耐，舉極手都無侍應比餐牌，等左5分鐘先有人理-_-"，之後點左兩碗麵。。 男朋友點左呢個牛筋麵，湯底怪怪咁，牛筋同少少腩炆到係好淋但都無可以無味，麵太煮得太淋-_-" 我就點左呢個沙茶醬撈麵，OMG! 一d沙茶醬味都無，d牛肉唔知用左咩黎醃，淋到根本唔係一塊牛! 我覺得平時去茶餐廳食碗沙嗲牛肉麵，好食過呢碗野好多倍! 是次用餐好失望，除左食物唔好食外，侍應態度都唔好，不只因為我等餐牌等得耐，我都見到隔離台有兩個後生仔埋單，AA咁夾錢好正常，但我見個男侍應一臉不耐煩既樣，爭在未出口話班後生仔阻住哂~_~…Read More

同一班同事都講左成兩個星期，等到頸到長埋， 尋日終於食到。唔講咁多，去圖 其實另外仲叫左炸豬手同琵琶豆腐，掛住食唔記得影 呢度既野食的確好食夾抵食，但唯一要批評下既係埋環境勁嘈，嘈到我地都要鬧交咁大聲講野…Read More