Lewisecret's Profile

可能星期日啦，一樓都幾滿座，想搵個位坐下都無。見呢度舖位大，人唔算多，所以揀咗呢度。之前好間中都會嚟，但花膠雞米線就真係第一次，再者喺東廣場都有好幾間揀，所以從來無諗過喺度食。一試知錯，我唔想再喺度食嘢了 😒成碗嘢都勁失望，差到我耿耿於懷咗個午餐時間 👎花膠唔係滑捋捋且淋，而係軟骨狀態但唔係硬到咬唔開。總之就唔係好食嘅花膠囉，有陣腥味？！🤷‍♂️雞件五件得兩至三件係有肉 🙄。咸雞件？！食到唔屬於呢個湯嘅味囉只可以咁講 🤷‍♂️。仲有啲細細嘅骨碎 👎👎湯亦都唔係好味，咸先係主角 😒同我心目中嘅花膠雞米線一段距離 🤷‍♂️$68 真係無下次，連其他嘢都唔想再食了，反正我都唔算好啱食 😂…Read More

港島區食粥，我本身有個固定嘅選擇。又粥又麵嘅舖頭，我認識好少。諗起朋友帶過我嚟呢度食都ok，今日我自己又嚟一趟先！（之後都有再嚟 😛）豬膶粥：粥嘅份量呢個價錢正常吧！杰稠程度適中。豬膶亦唔少，都是嫩滑的。試過熟了一點，但都不致於老柴。鯪魚球：不會過咸。蜆介有些菜脯、蔥花、紅辣椒，比起什麼也沒有好看。（食過一粒有骨，所以食嘢時候要小心 🙂）麻辣牛筋：真係有“麻”，牛筋夠淋夠入味 ❤️，蘿蔔 👍餐牌上好多選擇，可能好多我都啱食。胃就只有一個，一個人食得幾多吖。我嚟得都係為啖粥架啫 😛，好彩唔係住附近唔係呢頭出沒開 🤷‍♂️😆…Read More

初次食焗飯係覺得唔錯，先繼續有第二第三第四次。。食多幾次，就覺得抽盲盒咁囉 🤣，都唔一定好食架 😆餐牌都頗多選擇。有沙律、燒牛舌飯、薄餅、夾餅、小食、焗飯、便當。。估唔到舖面細細有咁多得揀 😆三文魚牛油果焗飯炒飯底 👍：整體不吝嗇，對得起那價錢。牛舌焗飯 👍：牛舌砌粒頗為少見，夠腍咬得開就好。蒲燒鰻魚滑蛋丼飯：略嫌伴菜南瓜剛熟，有一舊直情咬唔開（生 🙄）。軟殼蟹明太子夾餅：第一次午餐時段：整體都不錯。係食嘅時候頗為狼狽 😂，枉費店員砌嘅心思。唔拆散我真係唔知點入手 🤷‍♂️。軟殼蟹有啲椒鹽味好似唔多襯，但隻蟹嘅整法好過地下果兩間了 😏。第二次下午四點後：完全唔好食，隻蟹又硬又咸，差很遠 😒👎。好食唔好食，食得出架嘛，呢度扣晒分 👎😒比目魚便當及雞肉軟骨：我睇漏咗以為係淨雞軟骨 😂，錯有錯著；咁我都僅僅夠飽嘅。我無認真望有啲咩，只見比目魚就揀 😆。一打開 🤔，係唏噓啲囉，比目本身都唔平嘅。假設俾多件魚，再貴啲可能無乜人揀 😛。鹽用量不夠均勻 🤣，南瓜熟透夠腍，柚子沙律？！有啲乾水？！ 😅，白飯唔係好記得 😆店員都傾向有禮貌。因為隻蟹嬲咗了 🤣…Read More

上次都想寫食評，事隔太耐無咗件事，記憶都模糊了 🤣對我嚟講呢個商場啲食肆都偏高消費。唔係有下午茶特價我應該唔會嚟 🤷‍♂️。坐得自在啲，環境好啲嘛！（但見對面隔離，有個男人講嘢勁大聲 🙄。彷彿喺我對面坐，其實遇到呢啲情況可以點 🤷‍♂️）前菜：花生炆栗子 👍擔擔麵：今次偏辣，第一啖湯覺得有啲辣，食落都不錯。麵條屬偏幼。湯雖然偏厚，但食完都無變成糊仔。小籠包：皮不容易穿破，上菜時都飽滿 👍。整體都係我喜歡的。醋樽身有啲痴笠 😅，攞上手你就知 🤷‍♂️服務都算不錯。…Read More

幾年前食過一次，覺得都唔錯。係趕啲囉，皆因時間有限。今次仲揀75分鐘添 🤣記得周邊出品就麻麻，睇餐牌相就好靚仔嘅 🤷‍♂️今日再戰都一樣啦 🤣，出到黎都唔係果回事。唔緊要啦，致在食蟹嘛！四點幾就到咗門口，舖面在準備中。。整體上蟹速度都算快，唯獨第二輪等候需時 🤣大閘蟹 👍蟹粉時蔬：所謂嘅蟹粉都變成芡汁 🤣蟹粥：無得頂！胡椒粉粥帶微辣。你可以唔食，但一定要請朋友食 😂糯米飯：一舊舊且少硬，無咩料 😛蟹粉水餃：目測厚皮，我掂都無掂過 🤷‍♂️薑茶：只有室溫，略為失望。罐裝飲品及啤酒任飲 （食大閘蟹飲啤酒 😂）店員都有禮貌有服務。總結：75分鐘，都食得過嘅。對我嚟講就趕啲囉 😅😆。假設再嚟，我會揀返90分鐘輕鬆少少 🙂…Read More

是晚聚餐喺度吃，我跟著大家來 😛三文魚千色拼盤：醬汁偏甜，素燻蹄做得似，擺盤亦花時間。翠映金元寶：同枱話 “西蘭花唔腥，湯好味 👍”紫芋松露月：多吃一件也不會膩芝士焗酪梨蛋白：以為酪梨帶creamy，不是那回事。焗蛋白，口感不懂欣賞 🤣松姬茸椰子養生湯 👍黃金百寶袋：熟悉的味道。椰香咖哩雜錦配黃油法包：咖哩汁👍、豆卜👍愉悅花錦繡配藜麥飯：最惹味 ❤️金沙高湯菜膽：清淡杏福果撻：正常鮮磨合桃露：好滑。同枱話：“有啲苦”整體不過不失，沒有什麼驚艷驚喜。黃金百寶袋同椰香咖哩有“愛嘉”的味道。目測食材都是大路的，至少我沒有看見什麼而感到 😮店員都有禮貌有服務。…Read More

又到放飯時間，本身個胃唔舒服咗成個上晝，諗住觀廣買碗淨雲吞咪好囉 😅。行咗去第二條行 🤦，將自己跌入深淵 😔我聲稱無帶電話落樓，店員幫我落單，期間，都讓我感到一點伏。落單過程十分複雜及混亂。店員接過我張一百蚊後，揸咗幾分鐘，用手機幫客落單，手機確定咗再找返錢俾我，硬係要喺我隔離落單囉唔知做緊乜架，讓我感到"odd" 🤦。之後叫我揀飲品，就係咁，我揸住支凍飲幾分鐘，好凍 🤷‍♂️。隔咗一陣，俾咗張手寫單我，然後話“你可以將個飲品擺喺呢度” 🤷‍♂️。心諗："究竟你想我點 🤣？！"成個過程都覺得唔順暢，錯晒次序 🙄午餐大概等咗十分鐘就到手。柯打：鍋爸啫爆魚腩 $60白飯：太多水，但唔係爛 👎魚腩：（魚腩？！係咪我呀！ 😒）份量都幾少吓，肉質差到爆 🤬，無腩位可言，亦唔係魚肉應有嘅質地，完全係唔知食緊乜。咁嘅出品都夠膽攞出黎賣唔係嘛？！新開喎？！$60喎？！就算兩餸飯都唔會係呢種”魚肉”嘅質素。薑就切到薯仔咁大粒 🤷‍♂️🤔嬲到要同身邊嘅人講，千祈唔好試伏，好x難食…Read More

有日睇片，立到喺觀塘新開咗間食肆。輕輕睇過餐牌，知有小籠包我就當係上海菜嘞 😅。。本身星期三（15號）都想嚟試下，但我過了時間，呢度有落場架，大家記得留意喔！初時我唔敢用黑色筷子。心諗：對筷子磨到蝕仲用 🤣，睇真啲，其實個設計係咁 😅人蔘烏龍：飲落似蔘蜜多於平時嘅人蔘烏龍茶 😆前菜。涼拌蓮藕車厘茄：味道平均，不會嗆口。XO 醬炒腸粉：只能說普通（由於一個人，平時的我定必選擔擔麵，我只是二選一而已 🤷‍♂️）招牌小籠包：皮薄、餡料、湯汁都 ❤️可能新開張啦。侍應送上免費黑豆漿，但我婉拒了 😅（自己知自己事嘛 😆）平台追蹤有四選一特價優惠。我揀 $8.8 蟹粉小籠包（一籠四隻）。等咗一段時間，唔追單因為我飽 😆，但最後都覺得咁抵唔係唔食呀 😛。侍應話“之前的賣完，要整過新的，等多五分鐘就有”，果然 🙂蟹粉小籠包：可能我都飽咗七成，再加上我有啲趕時間 🤣。湯汁較厚身，兩者來說我較喜歡招牌的。有吓心急，湯汁都嗶遠咗，希望無人睇到啦 🤣服務方面：夠主動，helpful and nice 👍。雖然係QR code 落單，但都感受到那服務體驗 ❤️…Read More

食過咁多次都係晚餐，今日嚟食個下午茶先，其實係我午餐嚟，成四點先食餓親了 🤣卡邦尼意粉。嚟咁多次都未食過 🤷‍♂️，今日終於試到。比我想像中啲杰，我期望係較乾身那種，食起嚟會無咁漏嘛！意粉質感原本可以好啲，就因為個汁太厚影響咗個粉嘅本體。煙肉份量不算少，可能再少嘅我也見識過 🤦。食完見到有兩塊蒜片，見到蒜片係好事還是不太好呢 🤔？！ 另外，都有食過沙律、薄餅、豬鞍架、燒雞、羊鞍；水準就不太穩定，或者係餐廳忙碌程度影響出品吧 🤷‍♂️Margherita Pizza：略嫌太濕，個餅淋晒 🤦Carbonara Pizza：味道不錯，多吃之選Parma Ham Arugula Pizza：不能固定配料在餅上，吃嘅時候略為狼狽 🤣平時嘅沙律👌。有款夏天限定？！個醬杰撻撻，我完全不能接受，吃過一次怕怕 😂豬鞍架：嫩嘅時候 👌，有時就 over 了 🤷‍♂️羊鞍：嫩嘅時候 👌，出街食飯都睇彩數嘅 🤷‍♂️燒春雞：少吃，肉嘅出品可能較難掌控 😅外出用餐都要碰碰運氣，唔係話次次好食架，比例上唔差太遠還可以接受 😏。餐牌好似食黎食去都果堆，變化不大。亦無咩小食得揀 😛。地點方便就腳，環境算係咁，樓底高坐得算自在（但如果人多好難講 🤣，枱與枱之間近距離，枱細碟大 🤣）；服務亦👌之上。門口嘅麵飽類我一直想試，但每次喺 apm 都想唔起呢度 🤔，緣份 😆…Read More

時間係晚上20：40事緣我見要排隊等候，喺怡和街舖入面手機落單，諗住 app 會識辨到我嘅位置嘛，實唔會錯啦 😅（而我當刻未清楚身在那地址 🤦）。交易完成，睇到號碼已經心知不妙，就面懵懵問前台 “係咪呢度” 😅，一問之下真係出錯。。咁我只好跟gps定位去波斯富街吧！距離唔算好遠，不過都行到我大汗淋漓 😂。忍唔住反映下意見 “點解會咁架？！” 🤣🤣。。當中有位著黑衫有風褸嘅員工，（而我當刻還未知道他身份）；他客氣的給我重新一份餐，亦安排同事奉上；我欣然接受吧 🙏就這小事，令我想喺呢度 Like and Share 👏…Read More

磨到將近 21：30 都未知吔咩 😅。22：15 開場，睇完先食就太夜了 🤣。較少嚟銅鑼灣，眼見都好多吉舖，西餐日本餐都少了；多咗兩餸飯以及來自國內的食肆，驟眼睇不太像本土似的。行過見到呢樹，有生菜魚肉，有粥。。粥，我一定食唔切 😛。食咗一陣已經 last order，可想而知有幾妟 😆生菜魚肉：菜不是全綠色 😅，有啲黃？！賣相不太討好，魚肉無咩記憶點，略為失望。香煎蝦米腸粉：蝦米只作吊味？！眼見並沒有。豉油偏甜，可能撈咗麻醬所以甜啲卦 🤷‍♂️。腸粉都脆嘅，唔係硬。當然唔係每一舊都脆，但都收貨啦！…Read More

事緣係六樓揪薏都幾滿座，唯有轉戰其他餐廳。以前叫外賣，大家都有吃過嘅。見樓下就近，就嚟呢度囉！皆因食飯時間緊逼，只有一小時。我都係第一次堂食，座位一眼睇晒。有一枱當正自己包場咁，大聲傾計，喧嘩亂叫 😒食物方面：求其到呢 🤦。柯打有漢堡扒、三文魚、雞扒都係鐵板上。睇樣還可以，但食落就知 😒。食物都係唔夠熱，鐵板只用於作狀 😂。車厘茄 🙄，沙律就話啫，一陣醋味，居然喺個飯度出現，見識見識 🤦1350落單，第三份午餐員工弄出意外 🤣，件三文魚瀡咗落地。唯有再煮過啦，員工賴舊魚：佢瀡咗落黎 🤣。其實佢行過嚟幾次都自己戟自己，鞋嘅問題，出餐時睇到佢咁戟法都真係會怯 🙄。但係又咁講，啲嘢都唔夠熱，最多污糟架啫唔會燙傷吧 😂等咗一段時間於是招手叫樓面，點知佢地睇到扮睇唔到，迴避你眼神嘅接觸 🤦。最後要大聲喺座位嚷，至勉為其難咁行過來，敷衍回答好快有 😒第四份午餐搞到1420先到，足足等咗半個鐘 😡由於太趕時間，加上員工態度 👎，幾好食都假，好食？！真係談唔上囉 🤣🤣。食咗三成已經放棄了 😒樓面面對問題冷處理方式 👎，敷衍、拖延😒，諗住直到出餐為止 🤷‍♂️。廚就得一個，仲話轉外賣俾你，咁我洗乜出黎食飯 🙄無食一段時間，估唔到依家差成咁 👎🤦咁嘅價錢，我去克招午餐好得多吧 😆…Read More

老實講，我對呢類型食肆一般都係無咩期望。大型商場舖食肆，只要食得到租金，喺邊個場開不是大問題。。是晚聚會，大家建議嚟呢度吃梳乎厘，順便吃個晚飯。香港飲食業服務差都出晒名架嘞，幾錢位好都總有好與壞，睇大家好唔好彩囉 🤷‍♂️落單那個女侍應，態度 👎。有著樓上 cafe 的 rude，個人主義小店啱佢多啲囉 🤷‍♂️其他侍應都 helpful & nice 👍餐廳提供免費水。只有一杯？！無見過有侍應斟水 🤷‍♂️。可能浸過生果或者檸檬？！但我飲到腥嗅味，比起只浸檸檬像洗潔精的還要難飲 😨。意粉有個共通點，都帶著滿滿的酸味。是檸檬汁作掩蓋雪味？！不知道了。百幾蚊嘅意粉，水準就似 $70 貨色，仲要食埋 rude 嘅服務態度就認真 😂。意粉 👎。最有記憶點係卡邦尼意粉，撇除忌唔忌廉，煙肉係淋嘅肥膏 🙄 。可以話大家煮法唔同，但淋嘅煙肉肥膏咁食法真係見識見識 🤣。份量都相對小。餐牌價 $72 䶢蛋黃雞翼：零擺盤，無賣相嘅出品 😱，員工福食 🤣？！講咗唔知食咗唔覺係䶢蛋黃 👎，有人話偏乾，我就覺偏油。單骨有四件，實際得兩隻雞翼，唏噓得很 🙄餐牌價 $68 明太子蛋黃醬配薯條：薯條算 OK！脆嘅，已經唔講醬唔醬！餐牌價 $52 椰香風情冰美式：飲到底，酸甜味都好出，連埋啲椰絲，入唔到口 😒餐牌價 $68 糯米芒芒椰奶沙冰：好假嘅芒果味 😱飲品份量相當小。梳乎厘製作需時，但味道不錯 👍（成餐飯最似樣 🤣）同樣百幾蚊，真係唔好揀吃咸點，差到 👎👎👎是晚埋單有 88 折，就像免加一吧！總括嚟講：個別侍應態度 rude 👎飲品可免則免。咸點，請不要試伏 🙏梳乎厘值得一試。…Read More

等到頸都長埋，那網媒終於有自費食評新片嘞！一般都跟著那食評，再自己睇下得出結論而去試 😛八月十四日，風球過後。。由於無對手食自助餐，還是自己來吧！三點先決定上網買單，卻發現兩位起 😱。（心諗：咁架 😒）即刻打去問，前台話電話訂都係呢個價。既然有位當然食啦 ✌️被安排坐最篤篤的位置，電話已經講明今晚好full，係最後一張枱，亦即係往最後的那張枱 🤣唔，一坐低就覺得唔夠光 🥴我第一樣唔係攞魚生唔係攞龍蝦，係攞杯水，個名好似係維他命水。浸住啲咩？！香茅？！嘅凍水。 換著清水，我唔會有興趣飲 🙂魚生真係無攞，食唔落 😆。其實有好多嘢我都無試。食到後段覺得好頂，諗住搵啲消化嘅嘢，無意中夾到舊酸爽嘅唔知乜，食完都係唔知咩嚟。有食客見我夾都忍唔住問：係咩嚟 🤔？！好似無名牌。我一共食咗四粒，係有啲酸，但確實解膩 😮👏沒有太大記憶點，食物大部分都不錯。較為有印象的有青口👍、煎虎蝦👍、海南雞 👍關於年紀那問題，婉轉不如直入，哈哈 🤣下個月轉主題，可能會再來嘅 😛九月八日趁風球過後，再嚟，今晚相當失望。轉咗餐牌，無咩記憶點邊樣好食，相反就多的是 🙄煎虎蝦：翻煎 😂，有別於上次。滷味拼盤：豆腐尚可接受。其他果兩款都乾到一個點 🤦磯煮鮑魚：可能我見到個過程，感到失望，顯得唔好食，另舍凍咁 🤣冷盤豬肉凍：無之前咁好食入口化開。雞絲粉皮：醬汁是甜的。醉雞翼：酒味香甜，肉質不是嫩滑的。酒糟燒雞？！：同醉雞差唔多味，整體再乾柴一點。甘筍橙湯：覺得有趣，就像熱的橙汁呈杰狀。至於襯或否，我也不知道了 🤷‍♂️港式老西餅。杏脯蛋糕：我見咁完整無出手，到切開咗我都飽了，無試。懷舊蛋糕：有啲乾果咁嘅嘢，似莎莉蛋糕？！始終沒有影相，全靠記憶。既然唔識欣賞，忘記吧 🤣本身知道改咗餐牌係有啲卻步，聽到懷舊二字，感覺就像節省成本方向去行 😏唯有當香港人食返本土嘢，有一定要求吧 🤷‍♂️今晚靜到呢。。想再食龍蝦，見佢無 refill 都算。臨完場仲想嗒吓那款粉紅色酸爽解膩（我仲未知果粒係咩嚟，留意過真係無名牌），發覺收起了，那放棄吧 🤣員工們都熱情有禮 👏第一次嚟覺得不錯先有今晚。今晚一戰真係無 下次了，哈 🤣…Read More

未睇到傳媒介紹之前經過舖頭一次，但都無幫襯過。事隔咁耐，今日終於醒起，點都要試吓啦！起初，我前面有兩個客。睇吓食咩先，回頭一望，嘩！咁多人 😮，都有五六個客了。平時，如果後面無人我可能會縮嘅，三十蚊個飽 🙄。換個角度，連鎖都廿幾蚊個飽啦 🤷‍♂️。再者，回頭眼見咁多人，唔係唔買呀嘅心態 😅Focaccia：我第一次食無得比較啦，見都未見過 🤣。連個名都唔太記得添 🤣。質地好鬆軟，一疏疏咁？！油份可能較多？！但係 ❤️👍甜的那個香蕉朱古力：我都係想揀個甜嘅試下。係蕉蓉，好西方嘅味道。質地比咸的實少少。本想買蛋白餅，但又唔知咩黎，$98 一小袋，唔知點入手 🤣老闆都幾熱情，同報導一樣 🙂…Read More