kaywongkapo's Profile

呢間乳豬飯一直好出名，食飯時間成日都大排長龍，但都無阻我食乳豬嘅決心！食咗幾次之後，推介比同事食，一行十個人慶生，事前膽粗粗問可唔可以要全隻乳豬！老闆仔話做比你！結果當晚捧出嚟真係全場矚目😂連隔離枱都忍唔住過嚟問，可唔可以同隻豬影張相打卡。除咗乳豬之外，樣樣餸都好有水準，我自己最鍾意馬介休球同埋蜆，係食完一啖又一啖嘅水準👍🏻另外佢哋嘅蛋糕原來都係自家製，因為同事生日，同佢哋提早訂定蛋糕，有隱藏版芝麻巴斯克，唔係講笑個芝麻係香濃到喺個口爆開，連唔食芝士嘅朋友都話芝麻夠香！佢都食到！雖然唔想推介比大家，因為佢已經成日排長龍，但今次佢哋服務同食物都係水準之上，無辦法唔留個好評🙏…Read More

新開餐廳lunch time同同事試食由坐低個下已經feel到張枱下面條柱勁頂腳頂足全程 坐得勁唔舒服之後落單佢枱面有online order嘅QR code就諗住都係自助落單入到去個頁面勁難用去到比錢個下仲要入個人資料email電話號碼之後係要即時埋單去到credit card個頁仲要填埋地址my god🙄🙄麻煩到一個點最尾先發現原來係可以搵人落單佢哋仲話唔建議人哋online落單咁點解又要擺個QR code喺枱面呢？落完單（比埋錢）先過嚟話其中一款意粉無晒叫我哋轉 都唔緊要最後要退錢個下又係好麻煩埋個單都搞成10分鐘嘢食方面前菜酸種麵包配吞拿魚醬係好好食個包夠熱 外脆內軟但得呢一款好食其他幾款都係一般無咩味主食卡邦尼更加係大失所望意粉同平時食開嘅手工好唔同佢係爽口 但爽到有啲假去到似蒟蒻麵嘅感覺亦無乜蛋香未食早餐好肚餓嘅情況下都食剩一半係失望到我一定要出post話比大家知千祈唔好幫襯🫠…Read More