Genimi936的個人專頁

今日同朋友試咗呢間Couch Club，係T.O.P入面，地點好方便。二人餐頭盤可以揀餐湯或者沙律～今日嘅餐湯係龍蝦湯，飲落有海鮮嘅鮮甜，唔會太鹹。而沙律好有誠意，有成個牛油果，又配埋啲紫色嘅菜，加上黑醋汁，顏色同味道都超級開胃！小食方面嗌咗煙燻蘋果木安格斯牛粒，上菜嘅時店員會提醒如果蘋果木味出啲可以等佢焗多一陣先再打開玻璃蓋～食落有淡淡煙燻味，牛粒肉質嫩滑juicy👅另外仲叫咗個松葉蟹膏味噌格羅燒配多士～蟹膏味噌幾香濃，搽落多士度食幾惹味，而且多士烘過搽咗少少牛油，食落更香口。主菜叫咗阿根廷紅蝦波浪意粉～意粉個醬汁係蛋黃同蝦醬炒香，食落超濃郁嘅海鮮香味同蛋黃嘅味，而且好貼心咁比咗啲龍蝦湯，可以按個人嘅喜好，加入去溝淡，紅蝦用咗刺身級嘅蝦，肉質嫩滑鮮甜。另外仲有香烤紫蘇比目魚～外皮煎得香脆焦香，入面魚肉滑嫩，紫蘇味唔會太搶反而增添咗風味！甜品方面叫咗波波Tiramisu～係波波造型，幾得意，咖啡味同芝士味平衡得唔錯，唔會太甜，作為結尾幾滿足。 飲品好推薦士多啤梨乳酪梳打！fresh得嚟唔會太甜，好解膩！…查看更多

😋烤栗子湯 配香煎羊肝菌平時甜品栗子mousse就食得多栗子湯真係第一次飲 質地綿密卻不會過於厚重 飲落nutty得嚟又帶鹹香 同時又有少少椰奶嘅香味再配埋煎得恰到好處嘅羊肝菌 外層微脆 內裏保留菌類的鮮嫩 😋澳洲穀飼和牛板鍵扒配豆豉牛油汁欣賞Chef 一路切 一路望住肉中間呈現完美嘅粉紅色 真係口水都流埋 食落口和牛板鍵扒外層煎得香脆 入面肉質柔軟 極juicy豆豉牛油汁係驚喜 鹹香中帶着奶油嘅圓潤 唔會搶過牛肉的風頭 旁邊嘅配菜簡單烤過 提供清爽的口感對比 😋慢煮黑毛豬黑松露印度長米焗飯黑毛豬肉慢煮至叉燒般嘅軟嫩 油脂分布均勻 黑松露的香氣明顯但不會過於霸道 配埋芝士同蛋黃一齊食別有風味😋自家製酸種菠蘿包配奶茶雪糕酸種菠蘿包外皮酥脆 奶茶雪糕茶味濃郁 唔會過甜 融化後滲入麵包的氣孔中 冷熱交織的質感令人印象深刻 整體來說 Daap 的嘅fusion 菜式有心思 不論味道賣相都好正 而且Chef如何可以好好控制時間一個人負責晒所有煮嘢食同擺盤 真係好似一場表演咁！大推👍🏻👍🏻👍🏻…查看更多

觀塘工廈真係好多隱世小店 今次試咗呢間Cobber Noodle & Waffle 坐落唔會太逼 啱晒同朋友傾偈食飯🍴炸魷魚配芥末籽蛋黃醬魷魚炸得幾脆身又唔會太韌 秘製蛋黃醬中芥末籽顆粒分明 微辛帶甜完美中和油膩 幾開胃🍴鹹蛋黃雞翼鹹蛋黃夠晒香 雞翼又juicy 食完一隻接一隻 勁邪惡🍴山葵柚子八爪魚忌廉意粉配搭幾特別 八爪魚彈牙 忌廉汁加咗山葵同柚子 食落清新得嚟唔會太膩🍴芒果斑斕糯米窩夫擺盤好靚 斑斕窩夫外脆內軟糯食落煙煙韌韌咁 仲有椰子雪糕同芒果 淋埋椰漿好似食緊一個芒果糯米飯咁滿足！！☕️Espresso Tonic☕️Iced Orange Coffe橙味同咖啡出奇地夾 夏天飲好啱食物質素唔錯 價錢都合理 一開頭為咗佢哋個窩夫而嚟 果然驚艷 物超所值 而且鹹食都一樣好食！…查看更多

呢間餐廳嘅裝修係走韓式居酒屋風格，木枱木凳、暖黃色燈光，加埋牆上貼住啲懷舊韓劇海報同霓虹燈招牌，成個氣氛都好輕鬆。背景音樂播住輕快嘅K-pop，又唔會太嘈，反而多咗份熱鬧感，好啱同friend一齊食飯或者放工飲兩杯。章.腸.蝦鍋呢個辣鍋係店內招牌，上枱嗰陣個湯底仲滾緊，紅噹噹嘅辣湯聞落好香，有啲韓式辣醬特有嘅甜辣味，辣度中等，唔會太刺激，但食落會有少少出汗，愈食愈開胃。章魚好新鮮，咬落彈牙，店員會幫手切到啱啱好一啖size，煮耐咗都唔會韌，吸晒啲湯汁之後仲鮮甜。牛腸處理得乾淨，店員會問吓你想剪細舊啲入味啲定大舊啲爽口啲，食落冇腥味，煮完之後外皮有少少脆，入面有啲脂肪嘅香味，咬落去會爆油，但唔會覺得膩。蝦都幾大隻，肉質實淨，鮮味入晒湯度，令成個鍋更加好味。個鍋底仲有水晶粉同泡菜，吸哂啲湯汁勁正。呢個鍋份量夠晒，2-3個人share都得。餐廳氣氛輕鬆，服務又親切，上菜快，好啱一路食一路吹水。如果鍾意韓式辣嘢，呢個章魚牛腸蝦辣鍋真係值得試吓，尤其係凍天或者想食啲濃味嘢嘅時候。而且佢地仲有愛情鎖event，大家可以自己親手設計自己嘅愛情鎖然後掛去佢地嘅愛情牆到…查看更多

成個vibe好舒服 帶點居酒屋的輕鬆感 而且店員都好熱情好客 都有好多熟客捧場📍竹簽南蠻漬第一次食呢款料理 魚經過油炸後再用南蠻醋浸 食落酸酸甜甜 好清新📍帆立貝刺身貝肉切得厚薄適中 入口時能感受到貝肉的清甜和細膩的口感 沒有絲毫腥味📍特盛碎蔥吞拿魚腩卷滿滿的吞拿魚腩加埋碎蔥鋪在壽司卷上 完全係吞拿魚山咁 魚腩的脂肪分佈均勻 入口即化📍牛肉鵝肝卷牛肉經過煎烤 帶著微焦的香而鵝肝則滑嫩濃郁帶滿滿油香本身以為兩者比較濃味嘅嘢放埋一齊會好撞但入口時兩者的味道融合得很好搭配埋特製的醬汁更加突顯肉嘅鮮甜同減低油膩感📍鐵板牛舌牛舌係厚切食落啖啖肉 口感軟中帶韌 加埋秘製嘅燒汁 食落更加突顯牛肉嘅鮮味同更juicy📍甘鯛立麟燒這道甘鯛的烤法好特別 魚鱗經過高溫烘烤變得酥脆 同魚肉的細嫩形成強烈的對比外層金黃酥脆 內裡白嫩細膩📍兵庫縣 黃金武士蠔這款蠔大細適中蠔肉飽滿 入口帶有濃郁的奶香和鮮甜的海味加埋三文魚籽 味道更加清新📍免治雞肉棒雞肉口感紮實咬落好爽口 搭配埋蛋黃醬汁食食落咸甜咸甜咁 好岩送酒📍自家浸梅酒入口時甜味和微酸的梅味很平衡 味道有啲似平時嘅梅酒再加上話梅嘅獨特酸甜味喝完口會留有梅子的回甘和清香十分順口 配海鮮或肉類食都好夾另外平日啤酒仲做緊promotion $19蚊就有一杯生啤 好啱同朋友嚟啤啤佢食吓嘢傾吓偈📍日式鮮奶布甸賣相好可愛 有個鳥巢係底 而布丁用一個好似蛋殼嘅碗去裝 布丁入口非常嫩滑奶香濃郁但不會過於甜膩埋單個陣店員仲提我地星期一至四嚟食都有9折 超抵食啊 …查看更多

呢間係銅鑼灣嘅樓上bar 好適合朋友聚會或隨意小酌如果坐outdoor 可以望到維港之餘又可以望到馬場個邊📍啤酒方面嗌咗個6杯tasting set分別係Jasmine wit，Berlin Calling，Lychee oolong，Grape gose，Golden dawn，Star boy最推薦佢地fruity味道嘅啤酒 水果味突出之餘又唔會太甜 飲落好fresh 而且店員好細心將啲啤酒跟番由淡至濃咁擺 可以跟番個次序飲📍黑松露雜菌薄餅一上枱黑松露的味道勁香 薄餅的餅底薄脆 配埋豐富香氣的雜菌和濃郁的芝士 口感層次豐富📍香辣油封鴨肉意粉今晚最鐘意嘅菜式 鐘意食辣嘅必叫！ 鴨肉選用油封的做法肉質嫩滑且有深層的香氣帶一點鹹香的油脂感 辣味可以減少油膩感之餘 食落都更惹味 意粉煮得唔會太淋 帶少少煙韌 📍番薯薯條番薯薯條炸好酥脆 帶著自然的番薯甜味 冇過多調味 簡單灑了咗啲鹽 配埋特製醬料一齊吃 送酒一流…查看更多

📍香茅雞翼雞翼炸得剛剛好 外皮酥脆入面還保留著嫩滑的肉汗 香茅味道很突出 令到食落又唔會太重油膩感 📍泰式蝦多士吐司炸得酥脆但不油膩 裡面的蝦餡鮮甜彈牙 搭配泰式甜辣醬 酸甜加上鮮蝦嘅鮮甜 好滿足📍酸辣無骨鳳爪去咗骨後吃起來很方便 個酸辣汁惹味得嚟非常開胃 📍炭燒豬頸肉豬頸肉嘅邊邊帶一點焦香 口感偏嫩咬落又好爽口 燒得剛好唔會柴特別適合當送酒小食📍炭燒沙嗲牛肉牛肉肉質嫩滑 個秘製沙嗲醬花生味香濃 咸香咸香咁配搭埋一齊食好惹味📍泰式椰子鮮雞湯椰汁的香甜和雞肉的鮮味融合得很好 飲落暖胃又解膩 又唔會愈飲愈頸渴📍酒香火焰骨上枱之後店員會幫手點火 視覺效果好吸睛 火焰骨肉質特別嫩滑 個汁辣得嚟但不會太重口 係個種好爽口嘅辣 送飯一流 而且份量超大 3-4個人食都得！📍泰胡椒和牛炒糯米河炒牛河就食得多 但糯米河真係第一次 糯米河粉本身的煙韌口感讓整道菜更加有趣 和牛炒得剛剛好肉質嫩滑 📍黑糖椰子雪糕椰子雪糕甜而不膩再加埋黑糖的濃郁香味 係一個good ending！📍mue thai加入咗lime同香茅 飲落好泰式風情之餘又好refreshing📍pineapple punch呢杯成人微醺版嘅pineapple punch Whiskey 同rum嘅酒香再加埋菠蘿甜味 …查看更多

留意咗佢地嘅冬甩好耐咁啱經過ifc 記得佢地開咗pop up store順便過去睇吓 見到佢有迷你冬甩超可愛 啱哂想一個人獨食但係又想試好多唔味嘅人🤭最後見到佢有買3送1嘅優惠揀咗4個正常size donut準備去野餐食📍海鹽焦糖一開頭以為會太甜 外層有一層脆脆焦糖包住入面嘅cream咸甜咸甜咁又唔會甜到太膩係我最鐘意嘅味🥰📍朱古力花生醬朱古力味好濃郁得嚟唔會係死甜 仲有少少可可豆的甘甜再配埋花生醬嘅nutty香味 好邪惡但停唔到口📍吉士冬甩口感好鬆軟 吉士醬份量十足 咬落去完全係爆餡 好creamy得嚟唔會太膩📍咖啡佢地嘅coffee donut同咗nodi合作 用咗nodi double expresso去製作成內餡 咖啡味香濃 感覺就好似將一杯nutty香嘅latte變咗做固體咁 係大人口味嘅冬甩除咗冬甩之外見佢地仲有牛角包同bagel 下次有機會要試吓🤗…查看更多

前菜係一個拼盤 拼盤入面有芥辣八爪魚、炙燒北海道帆立貝同炙燒三文魚。八爪魚加入芥辣後更加惹味 同 開胃，而且八爪魚富有咬口，相當好食。第二道菜係串燒拼盤＂溏心蛋豚肉卷 紫蘇雞腿肉 明太子山藥 金菇肥牛卷＂ 入面有兩道串燒印象幾深刻，第一次食溏心蛋豚肉卷串燒，溏心蛋嘅蛋黃配搭醬汁豚肉係一個幾有創意既串燒，推薦大家試吓。另一款推薦就係明太子山藥串燒，淮山口感偏向爽脆配埋明太子，整體口感同味道係幾出息同特別。第三道菜係甜甜辣辣炸雞，初頭以為係韓式炸雞，點知原來佢係偏向日式個種甜辣醬汁，幾開胃，而且炸雞既雞肉係幾嫩口，雞皮炸得幾鬆脆。第四道菜係唐揚炸豆腐，呢道菜屬於簡單野，但係味道唔錯，外皮唔算太脆，豆腐係好嫩口，配埋蘿蔔蓉相當清新，完全係可以淨化左個胃，因為前面係食串燒同炸野。第五道菜係兩款太卷，第一款係牛油果忌廉芝士太卷，依個配搭亦都係創意菜式之作，牛油果和忌廉本身都係屬於比較creamy既，無諗到兩者組合來食，個口感幾特別，成個口腔都好full牛油果味，一流！另一款就係壽喜燒牛肉太卷，牛肉燒得幾香，本身個醬汁係壽喜燒，整體組合會令到個太卷冇咁乾，相當好食。第六道菜就係主食＂壽喜燒牛脊肉烏冬＂，廚師以壽喜燒醬汁拌勻烏冬，味道少甜，整體口感香濃，加入流心蛋及軟嫩的牛脊肉，飽腹又惹味，食完成個人都好滿足。最後就係甜品＂烏龍茶牛奶布甸＂，烏龍茶本身自帶淡淡的茶香，配搭牛奶濃郁既奶香和布甸滑順的口感，相信係女仔都會鐘意既味道。Refreshing Wachini呢杯cocktail味道係以青瓜味同微辣的wasabi作為特式，成杯野飲落肚好有驚喜，wasabi 令成杯cocktail 好fresh ! 擺盤都極有心思，好適合打卡!Morning dew呢杯就好似一杯昇華咗嘅gin tonic飲落好refreshing之餘 仲帶有herbal嘅香味…查看更多

香煎鵝肝多士 $98香煎鵝肝多士即叫即煎，鵝肝厚度十足，豐腴的油脂甘香得入口即化，香脆多士平衡油膩感。醬汁係好輕微既酸帶上甜味，平衡了鵝肝的油脂。惹味水牛城狂野雞翼（4隻） $58雞翼本身有落到調味先再炸，雞肉食落去嫩滑。最正係個水牛城辣醬，微酸帶點辣，相當惹味同開胃蟹肉帶子蘆筍羅勒忌廉汁意粉$138鮮甜既帶子大大粒，煎得啱啱好。羅勒忌廉汁做得幾出息，兩者唔會搶左對方應有既味道，而且keep住食都唔會覺得好膩。蟹肉份量都多，配埋幼身既意粉，相當不錯。意式烤雞配特制秘魯辣椒醬 $198店員都有提到 烤雞係即時烤，所以等候時間會耐啲。雞肉食落去俾想像中更加有肉汁，佢嗰個醬汁亦都出色，唔會話太濃。雞皮香脆可口。廚師連配菜都有調味，亦都烤到有少少燶邊，相當可口。…查看更多

是日餐湯兩客首先上菜既係南瓜忌廉湯，濃郁既南瓜味 相當開胃 食落口有少少南瓜蓉 增添口感日式山葵醬餃子餃子煎到香脆可口 表面煎到金黃色 配上特制既山葵忌廉醬 中和煎餃子既油膩感 加上紫菜絲 好食！蕃茄香草肉丸粗管通粉肉丸食落去係肉味較為濃郁 而且無諗到會係有彈性 口感幾好 粗管通粉係煙韌有口感個款 配上香草番茄醬 整體既配合除左有驚喜之外 亦都好開胃香煎美國prime頂級牛小排慢煮烹調既牛小排份量好足 肉質鮮嫩 口感軟淋 本身美國牛小排既肉味相當突出 反而鐘意唔沾醬汁伴碟配菜都煮得出色 蘆筍同薯仔煎得香脆 少許調味 十分滋味柚子牛角窩夫無諗到原來係用牛角窩夫整成雞蛋仔既形狀 口感鬆脆伴碟有麻薯 果子同 蜂蜜脆餅 連埋雪榚一齊食 一流！百利甜酒鮮奶咖啡（左）咖啡嘅苦澀加埋奶酒 帶酒香之餘又甜甜地 一次過滿足朝啡晚酒人嘅喜好🤣白桃芒果冰茶（右）…查看更多

呢間the pearl 係樓上 唔會太嘈 好啱情侶/朋友傾密計🤭平時嚟the pearl多數都係飲吓酒今次第一次食dinner 📍Ceviche tuna salad吞拿魚以蕃茄莎莎醬拌好 on top再淋少少黑醋汁 再配埋最底香脆咸咸地嘅鱈魚脆片 食落開胃又惹味📍Garlic prawn conflict油封大蝦肉質食落嫩口 唔會煮得過熟 而且蒜香味十足 如果將面包浸一浸啲油 再放埋蝦同蒜片係上面 蝦嘅鮮甜配埋惹味嘅蒜片 係好好嘅下酒菜📍Sous-vide Spanish Iberico Pork Loin Rack黑毛豬鞍架熟度適中 肉質保持到好嫩得嚟唔會太生 而且仲keep到肉汁 onside仲有自製嘅紅酒梨醬 沾埋嚟食可以解膩📍Japanese style Risotto with Isoyaki Abalone & mushroom因為加入咗野菌去煮 個risotto食落唔會太膩之餘又有野菌嘅香味 飯粒煙韌唔會太軟 上面仲有原隻嘅鮑魚 食落鮮味十足📍Wandering Voyage(左）Inspired by 泰國椰子斑斕甜品以Rum做base 一入口係椰子班蘭奶蓋嘅甜味然後就品嘗到酒味最後after taste會有班蘭獨特嘅香味 而且仲有粒爆谷係面 一路飲會聞到爆谷嘅香味📍Pearadise（右）用Lillet blanc，Absinthe同Milk-washed Italicus調配而成飲落有甜甜地嘅果香味 帶乳酸味有少少似益力多味咁 好易入口 女仔絕對好鐘意…查看更多

呢間係西環嘅隱世Cafe，空間好闊綽，可以靜靜咁望住出邊嘅路人人來人往，好啱放空或者嚟呢邊做嘢！📍青蘆荀意大利飯 加配烤三文魚一般忌廉意大利飯會俾人既感覺係較為油膩，今次反而食到一款相對清新，消化油膩感既青蘆荀意大利飯，整體配菜相對健康，而且仲有檸檬皮碎減低油膩感同埋食落更加fresh。飯粒入口食到意大利飯個種顆粒感同咬口，相當好食。另外仲加配咗個烤三文魚。不得不說佢哋啲魚處理同煮得好好，啲肉keep到好嫩之餘魚皮會煎得少少焦香香脆！只係需要$68加配，超抵食！📍香煎尖吻鱸魚配薯蓉鱸魚魚皮煎得好脆口，魚肉亦都好軟身嫩滑，餐廳亦都配埋檸檬俾大家，加埋檸檬汁，做到提鮮既效果，整體口感相當出息。薯蓉方面，帶少少咸味、煎香咗嘅羽衣甘藍配埋口感好creamy好smooth嘅薯蓉，口感同味道提升左一個層次，即使冇用好濃嘅調味，仍然覺得食唔停口！📍Hojicha Oat milk latte焙茶嘅味道好出，帶微微苦澀，配以Oat milk嘅麥香奶味，飲落味道更加豐富。整體嚟講，餐廳嘅菜式以天然健康為主，調味方面都唔會太濃味，比較清新，食落自然唔會太膩，冇咁負擔感！…查看更多

呢間係觀塘嘅pet-friendly cafe 空間好闊落 出面仲有outdoor 一大片草地 好啱寵物活動 📍Gavi全日早餐超豐富 個牛角包好香牛油味 外皮酥脆 內層鬆軟可以夾埋嫩滑嘅滑蛋同炒香嘅蘑菇嚟食又或者配埋煎得好香脆咸香嘅煙肉同火腿一齊食食得個口咸咸地 仲可以食茄汁豆同沙律菜refresh下📍經典卡邦尼意粉醬汁好濃稠好掛汁 超香芝士味 最頂仲有一隻大大嘅蛋黃 撈埋嚟食蛋香味令味道層次更上一層 配埋煎到好脆嘅煙肉碎嚟食 口感更豐富📍日式明太子雞翼雞翼好貼心咁已經起咁骨 裏面包咗滿滿嘅明太子 好惹味外皮煎得好香 而入面肉質嫩滑juicy📍tiramisu Expresso味好出 食落好濕潤 口感幼滑📍抹茶焦糖咖啡抹茶同咖啡嘅比例剛好 入口首先有焦糖嘅甜 然後係抹茶嘅回甘 最後就係咖啡嘅苦📍四季春茶…查看更多

中環不嬲都好多酒吧 不過大部分都係西式 今次經朋友介紹去到呢個樓上嘅隱世日式bar環境好chill 座位隔得好遠 好啱情侶朋友上嚟飲酒deep talk店員好熱情 知道我地少飲開sake 會好詳細講解唔同sake之間嘅分別 話我地知我地飲嘅時候可以expect吓會飲到咩味個taste profile大概係點樣 等我地可以taste得真啲今次試咗佢地第一款嘅House sake 係📍土佐龜泉原酒 飲落帶有熟飯同果實嘅香甜 甜味與酸味比例balance得剛好 好易入口 另外都嗌咗個📍大嶺三粒米Tasting set 店員會推薦我哋飲嘅順序 等我地飲落啲酒之間嘅味道比較更加鮮明📍第一杯係火入山田錦 帶有雪梨嘅清香 入口係蘋果嘅甘酸 📍第二杯係山田錦 無濾過生原酒 店員專登將呢一杯放係第二 因為想同前一杯更加容易比較到味道 比較起第一杯 製造過程冇經過高溫消毒 所以飲落乳酸味道更濃 雪梨嘅香氣更濃 飲落會先係乳酸味同水果嘅甘酸 之後就會品嘗到澀味店員仲話因為係無濾過嘅生原酒 貯存較難 不論運輸、貯倉、販賣時都要保存係雪櫃 如果唔會好易就會變味📍第三杯 美人魚三粒米佢地每個月都係會出一個特別版嘅sake而呢款就係佢地7月出嘅特別版 偏海灘風格 店員形容飲落似蘋果汁溝sake🤣飲落的確係清爽 refreshing啲 好啱食完啲炸物之後飲食物方面：📍吉列炸蠔勁推薦 外層炸皮唔會太厚 外脆然後啲蠔嫩到好似係個口溶化咁 唔會腥 食落係好鮮甜📍日式照燒魚乾烤得恰到好處 唔會太乾柴 食落鹹甜鹹甜咁好啱送酒…查看更多