likeeatgoodwest's Profile

已經一段時間沒去南丫島，今次星期五晚專程入去食個海鮮餐。餐廳有船來回中環尖沙咀，船程約半小時，都可以話係非常方便。可能真係多左人北上，即使星期五晚上，餐廳都唔滿座。雖然以家天氣唔算凍，但坐室外餐廳亦有暖爐提供。今次食到南丫島經典海鮮餐，非常惹味。海鮮餐真材實料，今餐樣樣都好味！冇得彈最喜歡椒鹽瀨尿蝦，外殼炸到勁脆。吉列鮮魷都係必點，既唔油又食酥脆新鮮嘅魷魚🦑炒蟶子非常入味，最後我地仲加點了天虹炒飯及炒麵。…Read More

前幾日同朋友行街落雨涼涼地，想食d熱既野，經過見到依間邊爐就行左去試太肚餓既關係，我地叫左個精選套餐$796/2位，包左鴛鴦鍋、上選牛小排、精選滷拼盤（滷大腸、滷牛肚、滷豬肚）手工制瑤柱滑、綜合餃（蛋餃、魚皮餃）、日本帝王蟹棒、稻庭烏冬、濃香豆皮、蔬菜盤另外再叫左老油條、招牌手工三色滑（蝦滑、蟹滑、瑤柱滑）湯底雖然選擇得兩個，分別係麻辣鍋&酸菜白肉鍋，但的確係非常出色，可以揀酸度 同辣度，麻辣鍋有豆腐同台灣直送既鴨血，鴨血非常野味，口感好q彈，味道仲好足，而酸菜切到一條條，易咬味道好，酸酸地好開胃，最加分係鴨血、豆腐、酸菜都係任添😍😍總括黎講 我同朋友都係最鍾意老油條、招牌手工三色滑（蝦滑、蟹滑、瑤柱滑）同埋豆皮…Read More

今時今日 ，香港仍有這種服務水平 實在令人難以置信。看回openrice 的負評，更怪自己當初沒有先參考 ，就前來受氣。為慶祝即將來臨的母親節，本人於三星期前已預訂四人份量等母親節飯。並已訂好餐單內容以及當中菜式。但本人於今天5月5日（一個非常普通的星期五）抵達餐廳時， 等待足足一小時 ， 都還沒有上菜， 在此期間，本人與家人已多次反映，餐廳亦承諾廚房已預埋了，數分鐘會上菜。但結果足足一小時，也沒有上菜，甚至連最基本為何拖如此長時間都沒有解釋，只是說廚房預備中。 最諷刺是此餐廳其他食客即使比我們晚到， 也已用餐了。 如此有規模的食肆，服務態度及安排十分差勁。也不知道為何能在銅鑼灣屹立不倒，實在非常失望。 一個慶祝母親節的飯局，最終等不到上菜，我們就離開了。絕對列入黑名單，永不光顧…Read More

同朋友去屯市行街，商場食肆食到厭厭地，就去附近置地到食（揸車去附近仲有錶位泊添）見依間日本菜門外幾有feel就入去試，我地各自叫左個lunch set三色丼定食*•吞拿魚：軟身、有啖啖魚香味•三文魚籽：大大粒又晶瑩通透，金配飯一流•海膽：入口即溶，鮮甜•蔥碎吞拿魚腩蓉：幼滑，魚脂香十分重咖喱炸蝦蛋包飯定食*最驚喜係蛋同飯之間有層炙燒芝士，令成件事昇華左！炸蝦唔會食到好厚粉，配上咖喱汁、滑蛋、溝埋飯，真係一啖一啖咁食唔停* 奉送日式餃子、麵豉湯、檸檬綠茶（自家製檬檬綠茶好清甜！）…Read More

平日夜晚都超多人…抵食既港式大排檔風味菜式點了：1. 鮮麻海花蛤2. 芥末牛柳粒3. 避風塘尿蝦肉4. 鍋炒西洋菜5. 豉鹽炒花蛤6. 薑蔥桶蠔煲7. 金豪濃湯雞煲翅8. 紅燒乳鴿款款都好食，呢個價格都算係冇得彈。唯一一樣就係 ，黎就要預左你食完都好快比人叫埋單，同勁快汁枱，速度比得上未車仔麵檔lol…Read More

元朗小店真係特別多，今日同屋企人去完元朗公園玩， 去了呢間泰式小店， 真係有驚喜。我地點左青芒果沙律、泰式炸蝦餅、海南雞冬陰公功湯河、香葉肉碎煎蛋燴飯、珍多椰汁冰、同紅豆珍多椰汁冰。青芒果沙律諗唔到前菜份量都冇咁多， 呢碟青芒果沙律酸酸甜甜。 甜味高了原因係加入了醃製嘅小蝦乾，十分惹味。另外仲有香脆既花生， 同爽甜既洋蔥，配合青芒果係開胃既前菜。泰式炸蝦餅店員推薦既炸蝦餅，厚底多蝦肉， 面既炸粉岩岩好， 食落亦都不油膩。海南雞冬陰公湯河呢碟真係我最愛， 冬陰公湯好入味 好好飲， 真係連碗都飲埋， 配合埋滑既雞， lunch menu只係52蚊 ，真係性價比極高。香葉肉碎煎蛋燴飯十分正宗既泰國味道， 肉碎加大陽蛋撈飯，冇得輸。飲品我地加左兩杯特飲珍多椰汁冰同同紅豆珍多椰汁冰。 珍多冰配泰菜先有feel…Read More

今次同個frd黎到位於中環My Central 1樓嘅Prime Pho食dinner，入到餐廳好快就有侍應帶位，餐廳座位好寬敞坐得非常舒服。今次我地叫咗Prime Pho bo招牌河、醬燒茄子、炸軟殻蟹米紙卷同埋兩杯飲品。Prime Pho bo招牌河份量十足，尤其係中間舊牛尾超級大舊，第一次見有餐廳放咁大舊牛尾落碗pho😂。除咗牛尾之外，重有封門柳、牛脷、牛腩、牛丸、牛𦟌、牛筋同札肉，個人覺得最好味係充滿骨膠原嘅牛尾、牛味濃郁嘅封門柳同自家製嘅油炸鬼👍🏻，另外佢地熬咗廿四個鐘嘅湯底都係好出色，湯底極之鮮甜。醬燒茄子原條茄子燒，size非常之大，中間落咗啲米餅、櫻花蝦、魚子醬同芫茜蔥。侍應教我地切開一份份之後卷埋黎食，食材配搭好有新鮮感，口感亦都好豐富。炸軟殻蟹米紙卷最外層嘅光紙卷好煙靭，入面包住咗軟殻蟹、檬粉、生菜同蘿蔔絲，軟殻蟹非常脆，生菜夠新鮮，配合既醬汁有餐廳自製嘅花生醬同埋美味既魚露，最緊要係好味得黎份量十足👍🏻飲品方面我地叫咗同蜂蜜牛奶越南咖啡同青檸梳打，咖啡係越南滴漏咖啡，客人可以睇住啲咖啡慢慢滴落啲蜂蜜，另外牛奶重溝咗啲椰奶，成個combination好新鮮，似落就似有蜂蜜味嘅latte👍🏻…Read More

李家炸雞一向係我favourite..有時睇睇下韓劇間唔中都諗起佢。今日黎開大角咀 門口見間分店座位闊落， 又燃點起我食炸雞既慾望。李家炸雞向來都大大件，外面脆卜卜內裡嫩滑😋😋今次我冇點到最愛既醬油味，陪同行朋友叫左蜂蜜蒜蓉同甜辣味。黎李家最好就緊係叫雙併， 尤其如果一個食辣一個唔食。而個人黎講，會覺得有骨既好味點。 一黎到 見到蜂蜜蒜蓉大大隻雞髀 真係流曬口水， 一咬落去又鬆又脆，加埋香香既蜂蜜蒜蓉味 ，真係好好味呀！甜辣味同樣大大碟， 又甜又辣超開胃， 十分惹味。兩款雞都超出色， 試過就知道點解深宵睇韓劇特別餓。今次除左炸雞，我地仲叫左 泡菜餅 加鐵板燒牛肉。泡菜餅同樣係大大份， 足餡料泡菜 加埋醬汁 食到lamlam脷呀。 鐵板燒牛肉，d牛肉超級入味，如果唔係怕食得太飽，我直頭想叫到碗白飯～yummy yummy嘢飲方面，我哋叫咗兩杯- Terra rita（他拿麗塔） 同埋NON-ALCOHOLIC BEERITA。Terra rita（他拿麗塔）好飲又靚。因為我哋其中一位揸車所以唔飲得酒。但呢杯NON-ALCOHOLIC BEERITA 有啤酒嘅味道，配炸雞真係一流。呢間分店不只乾淨闊落，而且侍應嘅態度非常有禮貌，更加笑容滿臉。真係好加分…Read More

陪屋企人食個早餐啱啱開張嘅時候食過一次，果次覺得呢間餐廳好高質素㗎。可能而家人太多，呢度亦都好忙，衛生情況真係麻麻哋，而且食物質素有一點下降。今日我哋叫咗一個A餐通粉 ，c餐雪菜肉絲米。兩個都有蛋同埋餐包。…Read More

近排開始有d秋意，都會有想chill下既mood今日收工就去左食蠔😍雖然一心食蠔，但其他食物一樣好有驚喜！登登登 呢個蠔加刺身盤真係好吸眼球，食完d蠔殼仲可以放落下層。Osyter Platter適逢以家呢個季節，店員推薦我地。6款唔同種類既法國蠔，分別係Tia Maraa Pearl- 軟腍juicySpeciales Lambert No.2: 肉質肥美鮮甜，海水味重Krystale No.1: 口感爽脆，蠔肉鮮味突出La Perle Noire：食落creamy, 更鮮甜Tarbouriech Oyster( Pinky) No.2: 同名一樣有粉粉既肉，肉質爽嫩Gillardeau No.0: 厚身飽滿肉，非常鮮甜，食落海水味重d另外仲有法國藍蝦刺身、北海道帶子、北海道活赤貝，都十分鮮美清甜除左大細分別，店員好細心為我地介紹唔同品種既分別，有d creamy d、海水味重d、食落爽口d法式鵝肝多士烘左既多士，鬆脆口感配上煎左既鵝肝，啖啖有鵝油既香氣，簡直係perfect match 十級推薦🤤🤤松露龍蝦卡邦尼意粉除咗蠔之外，相信龍蝦喺舖頭入面第二主打，有超過十種煮法，店員話全部都係自己精心挑選入貨，所以配合到不同煮法。而我地就揀左松露龍蝦卡邦尼意粉意粉中間有流心蛋，配上卡邦尼意粉食好正，每啖意粉都有松露香，掛上蛋汁，另外有磨菇、雞髀菇、洋蔥，令成個意粉更加昇華😍最後真係好想講多次，依到食物令我地好滿意之外，店員既貼心服務令我地成個用餐體驗都好好！一定會再回訪p.s 餐具擺設都係消毒好擺係盒入面，有別於其他餐廳攤出黎。咁樣安排比客人使用，十分體貼…Read More

呢期通菜街有間韓國餐廳好多friend都好推薦，今日就去試一試。餐廳位置好易搵，門口重有霓紅燈招牌非常搶眼，入到去侍應好快就安排位置，跟住又會介紹番有咩推薦菜式。今次我地叫咗韓川菜包五花腩、火山炸雞、溫泉蛋龍蝦芝士湯島冬、時令生蠔12隻同埋一枝青提子味米酒，全部都係呢度最受歡迎嘅菜式。- 火山炸雞韓式辣醬炸單骨雞翼，單骨雞翼食果陣方便好多同埋份量都唔少，雞翼炸到勁脆而且一啲都唔覺油膩，加埋啲辣醬真係勁惹味- 韓川菜包五花腩一共有3大塊五花腩，全部都燒到表面有啲焦香入面又有juicy，上面重落咗啲孜然粉勁惹味，包住啲生菜食晒三塊都唔會覺得膩，另外重有4款配料可以配埋一齊食，有洋蔥、蒜片，芥末醬同辣式魔鬼辣醬- 溫泉蛋龍蝦芝士湯島冬每碗都有半隻芝士焗龍蝦，龍蝦爭啲重大過個石鍋，真係落足料。芝士湯底好濃郁配埋烏冬真係非常夾，啲湯汁掛晒上啲烏冬- 精選時令生蠔12隻生蠔非常新鮮，海水咪好重，一啲腥味都無，最緊要係無蠔殻碎👍🏻- 韓國青提子味米酒青提子味好重，非常之易入口一啲都唔哽，非常好飲…Read More

好好味呀⋯⋯一蘭今次呢個真係拉麵控必點！釜醬汁豚骨拉麵釜醬汁將烹調「釜煮燒豚肉」時留下的湯汁製作成 [釜醬汁」賦予天然豚骨湯更深層次的美味。釜煮燒豚肉充滿豐富油脂的五花肉鲜嫩多汁，越咀嚼越能感受到其鲜甜说味，極具風味。四角重箱麵碗以古時日本於特別節慶子使用的重箱為原型所製作，每個皆於佐賀有田听的事屬然場内精心打造而成。…Read More

約咗幾個frd去happy hour，行過銅鑼灣fashion walk果邊見到呢間餐廳做緊個90分鐘無限任食青口嘅優惠，重有白酒忌廉、龍蝦湯、喇沙三種口味咁多，咁抵食梗係即刻入去試下。每碟青口都有廿幾隻而且唔會太細隻，唔洗驚食得唔夠過癮，另外重有兩塊蒜蓉包俾人點青口啲汁食- 經典白酒忌廉（圖3)最經典嘅口味，個汁夠creamy同埋有少少酒味balance番，食得多都唔會覺得膩- 龍蝦湯（圖1)落足料，個汁同一碗碗嘅龍蝦湯完全無分別，好濃郁嘅龍蝦湯味- 喇沙（圖2)酸酸辣辣咁，酸味同辣味夠晒balance，好開胃- 薯條+30蚊就可以任食啦，新鮮炸出黎熱辣辣，重落咗啲孜然粉，夠晒惹味- 飲品方面，叫咗杯berry burlesque，好fresh，同味道濃郁嘅青口非常夾…Read More

巴打火鍋館聽就聽得多，食就真係第一次。餐廳環境正常，都幾多位置錯。服務上，其實員工都好熱心，但無奈我諗應該都需要再請多啲人手，因為好多時都等好耐先至有人過嚟。食物質素方便我哋叫咗兩款大牛，其中一個係手切牛，另一個係騸牯牛。兩款都好好味，食到我哋舔舔脷。而屋企人最欣賞就係佢嘅紫菜響鈴卷，…Read More

啱啱落船真係超級肚餓所以見到咩都啱食。我哋點咗個沙嗲雞之後發現，T-bread沙嗲雞同沙嗲撈麵都係$35。呢個沙嗲雞真係普通到冇得再普通，所以$35有少少貴，但味道都叫做正常。…Read More