vvkurashi的個人專頁

阿妹生日,因為見到餐廳畫碟好靚所以就即刻book咗呢度,畫功太靚了😍平日夜晚人流都非常暢旺，建議大家提早book位！🌿煙三文魚凱撒沙律前菜先黎碟沙律，份量都幾足，掛滿咗啲凱撒醬同芝士碎，開胃之餘又唔會太漏🌿 金沙蟹黃蟹肉QQ捲捲意粉近期真係好流行呢款捲捲意思，口感夠彈牙又掛汁，個汁超濃郁，配合蟹黃同蟹肉嘅鮮甜，每啖都係滿足感🌿 西班牙蒜油大蝦配酸種麵包蒜油蝦配酸種包非常出色，蝦夠哂大隻食落啖啖肉，蒜味好香，加上橄欖油，直接用麵包點蒜油真係一流，脆邊吸汁超正🌿 明太子雪山芝士炸薯條明太子醬加上鰹魚花，充滿和式風味，「雪山」係芝士碎，配上熱辣辣嘅粗薯條，鹹香惹味🌿 蝶豆花柚子梳打個顏色好靚好夢幻😍味道好清新，用嚟打卡一流🌿 凍草莓蜜桃果茶少女心滿滿，士多啤梨同蜜桃味好夾，不過略嫌味道偏甜🍰 紅莓脆脆草莓蛋糕呢個係今次嘅主角，選好蛋糕就可以畫碟(要提早預約呀)，畫功非常出色，今次我地都突登揀返個粉紅色蛋糕襯返，蛋糕體好軟熟，面頭嘅紅莓脆脆帶嚟少少酸味同脆口，兩個人share一件岩岩好，為成餐畫上完美句號！餐廳畫碟靚，食物有心思，而且份量十足，絕對係一班朋友慶祝嘅好選擇🥰慶祝生日餐廳仲送左一張即影即有服務添…查看更多

又到了生日月，多謝朋友選了這家Omakase為我慶祝，不過當日餐廳的席前位置已經滿座，我們只能坐房間內，失去了和師傅的交流是有點可惜，但房間內私隱度也較高，我們也可以輕鬆暢談今次我就選了Omakase Sun套餐🌿先付內有八爪魚、地膚子、沙白、松葉蟹、柚子啫喱及海蜇，八爪魚的彈嫩與松葉蟹的甘甜、柚子啫喱的清新酸香、沙白貝與海蜇的脆爽在地膚子點綴下，令口感層次非常豐富🌿刺身三款▫️真鯛清透薄切彰顯本味，簡單配上調過味的醬油已非常出色▫️北海道象拔蚌脆嫩中帶有海洋香氣，口感爽滑彈牙▫️鰹魚旁邊配有蒜蓉及蔥，激發魚脂深邃風味🌿御料理 - A4黑毛和牛這個菜式十分驚豔，A4和牛脂香如綢，表層用了紫蘇花及海膽點綴，內裡配有鮮甜的瑤柱與道明寺糯米，香氣都在舌尖共舞🍣壽司九貫▫️富士山白三文魚白三文魚油脂豐厚，肉質有彈性而且帶有甘甜味▫️帶子肉質細嫩且鮮甜▫️銀鱈魚銀鱈魚獨特的鮮味，比起熟食會更明顯，肥美程度不輸拖羅▫️鮫鰈魚裙邊炙燒後的鮫鰈魚油脂滲入飯內，非常滿足，喜歡吃油脂感較重的朋友千萬不能錯過▫️煙燻鰤魚煙燻過的鰤魚油脂感滿滿，吃起來是啖啖的幸福感▫️鯖魚個人很喜歡吃鯖魚，味道較為濃郁而且肉質結實▫️金目鯛金目鯛色澤亮麗，味道鮮甜且肉質非常細膩▫️拖羅拖羅肉質肥厚但油脂感適中，恰到好處不會感油膩▫️海膽用紫菜盛上，灑上滿滿的淡雪鹽，起初還以為會很鹹，但味道吃上去是非常清淡，襯托出海膽的鮮味🌿吸物吃過主食後，以蜆清湯的澄淨鮮味洗滌味蕾，亦能暖胃🍮甜品以提子及哈密瓜作為甜品，建議先吃提子，兩款味道都非常清甜，為晚餐劃上完美句號謝謝朋友為我準備了蛋糕，餐廳也特地將蛋糕裝飾了一番才上桌，非常驚喜！…查看更多

第二次來到這座大廈，都是被這裡的環境吸引，餐廳位於銅鑼灣地鐵站附近，但卻擁有無敵海景景色，而餐廳內環境亦非常雅致，無論是談生意或是與長輩共餐，都是非常適合▪️茶點雙拼糖漬柑桔 : 外層沾了桂花，嘅有柑橘的酸甜，尾韻亦帶有一絲回甘香氣海苔麻花 : 細小造型容易入口，酥脆麻花纏繞著鹹鮮海苔粉▪️瀟湘三拼辣椒魚乾、筍片、花生鍾意個筍片，食落味道酸辣，十分開胃，魚乾非常惹味，三款小食都帶有微辣▪️樟樹港白辣椒炒肉半肥瘦豬肉片，肉片油潤光澤，伴有辣椒､蔥及蒜頭，底部配有燭火持續加溫，令醬汁漸漸收濃，送飯一流▪️家郷海蛋蒸蛋口感軟棉，內有粉絲、木耳及馬蹄、令整道菜變得清爽彈牙，口感層次豐富▪️剁椒魚頭魚頭份量足料，足夠3-4人享用，用gas爐熱住，令辣味更加容易滲入，魚肉肉質亦夠鮮嫩，但都建議盡快享用，以免肉質變得過老▪️茶油蒸花石香乾以豆腐乾及辣椒組成，豆乾薄得黎而不失彈性，以辣椒油為基底，以簡單食材將湘菜特色盡情顯現，調味亦恰到好處餐廳內亦設有包廂，如果一家大細或團體聚餐都非常適合呢！…查看更多

朋友話好耐無見喎,咁就當然即刻約佢食飯啦我揀左間印度餐廳然後佢一臉疑惑🤔佢認為我揀嘅餐廳一定好fancy你咁諗就岩喇😝因為呢間印度餐廳真係好fancy✨說真的,由於門外完全睇唔到入面環境直至打開門口一刻我係有俾入面嘅環境驚艷到✨餐廳內都非常寬敞,分咗好多唔同嘅用餐區域充滿住浪漫又帶點神秘色彩嘅氣氛今次我地就揀左佢地期間限定嘅Express Menu先來兩杯CocktailsManuel's Paloma & Green Mule🌿Chaiwala Express MenuChicken 65炸雞配上香料及辣蕃茄醬非常惹味,雞件不會太過乾身,旁邊配有檸檬,有助平衡油膩感Tandoori Prawn香煎大蝦配上黑胡椒,蝦肉質彈牙,而且已經剝左殼,無論單食或配合紅菜頭raita都非常適合Lamb Chettinad食印度菜點可以少得咖喱呢,呢款以Chettinad Spicy Sauce配上羊肩肉真係超惹味,羊肩肉煮得非常軟腍,入面仲有薯仔,今次我地就冇揀naan,直接配上印度香米,印度米飯比較乾爽不黏,但飯嘅質感一樣軟熟Semiya Payasam第一次食呢款印度甜品,入面分別有Vermicelli細麵線,加上西米及椰奶製成,味道係香港人對甜品嘅最高評價——｢不會太甜｣😝Chai Tea最後來多兩杯Chai Tea,淡淡香料味,仲有少少薑味餐廳除咗環境雅致外,職員都非常熱情友善絕對係令我非常有驚喜嘅印度餐廳…查看更多

見到佢地尖沙咀新開咗分店，當然要同朋友去感受吓新場啦，餐廳座位寬敞，設有吧枱位置，可一邊欣賞師傅精湛手藝，一邊品嚐美食！餐廳主打串燒，價錢非常親民，每串$10起蜜糖燒菠蘿串燒一定要有菠蘿🍍菠蘿燒得剛剛好，有焦香味但Juicy惹味燒雞腳筋第一次食雞腳筋，口感有啲似雞軟骨，微辣口味超惹味豚肉荔枝卷豚肉軟腍，加上香甜嘅荔枝，剛好平衡油脂感汁燒雞膈膜推介！橫膈膜部位肉質夠哂彈牙爽滑九肚魚用椒鹽及紫菜一起酥炸過嘅九肚魚，非常香口，配埋泰式辣醬一齊享用夠晒特別蒜蓉欖角燒蟶子蟶子都幾大隻，肉質非常彈牙，加上蒜蓉欖角及粉絲調味蒜蓉燒蠔燒蠔望落唔算好大隻，但肉質飽滿，加上蒜蓉風味十足山椒鰻魚汁燒白鱔鰻魚汁配白鱔絕對係最佳組合，白鱔肉質彈牙墨魚滑＋紫菜十大蝦呢款好特別，以卷物方式用紫菜包住墨魚滑及大蝦，外層香脆，內層亦有彈牙肉質，口感層次豐富鰻魚飯團如果怕只吃串燒不夠飽，建議可以點埋呢個飯團，飯團跟紫菜有一層膠片分隔非常細心港式蜜糖多士夾雪糕呢個超有驚喜，有啲似港式嘅奶醬多，但內層轉左做雪糕，麵包外層帶有烤過的蜜糖，非常邪惡餐廳整體氣氛不錯，不過可惜餐廳暫時未有酒牌，但現時可自攜酒精飲品！…查看更多

朋友生日,當然要好好慶祝一番,今次就揀左中環呢間餐廳酒場,餐廳環境雅致,擁有落地大玻璃感覺非常開陽,除咗享受美食之餘仲可以飲返兩杯咁就至盡興啦!我哋就揀咗每位$1380嘅極上omakase套餐前菜分別有海膽豆腐､蒜頭漬及小松菜,海膽豆腐口感軟滑,蒜頭醃製過後味道容易入口,係一道非常開胃嘅前菜🦪岩手縣岩蠔黎自岩手縣嘅生蠔,肥大肉厚,海水味較重,味道及口感都非常滿足▫️鰤魚腩位及金目鯛鰤魚腩位肉質緊實但不失油脂感,而金目鯛味道就比較清新鮮甜▫️長崎鰹魚 鰹魚味道濃郁,上層以鰹魚乾作為點綴,加上師傅嘅秘製醬汁,味道層次豐富▫️大拖 + 中拖雖然食過好多次拖羅,但一半大拖羅加一半中拖羅嘅切法真係第一次食,既可食到大拖羅嘅油脂,但又唔會過份油膩,質感恰到好處🍣赤蝦好鍾意呢款,味道鮮甜之餘肉質飽滿又嫩滑🍣北寄貝肉質爽脆又鮮甜🍣赤貝外表色澤亮麗,肉質爽脆而不失柔軟感🍣左口魚裙邊炙燒過嘅左口魚裙邊除左香氣十足,亦能逼出油脂感🍣燕鰶肉質紮實且鮮甜🍣海膽每次食omakase都係最期待海膽😍呢款超鮮甜▫️鰤魚鮫肉質緊實,醬汁夠哂濃味▫️北海道帆立貝黑魚籽海膽杯呢款夠哂Ig-able,內裡有齊帆立貝、黑魚籽及海膽,非常滿足▫️雞肉刺身 （九州) 柚子胡椒以前喺九州食過一次雞肉刺身,喺香港都係第一次食,呢款雞肉刺身同樣都係黎自九州,師傅用咗柚子胡椒調味,食落唔會腥湯品🍨搽茶雪糕配Tiramisu Cake因為同行朋友生日,師傅仲幫我哋寫咗生日祝賀,為晚餐劃上完美句號…查看更多

成日都會同朋友去呢度聚會,鍾意佢有獨立房私隱度高佢哋最近推出咗週年慶鉄板燒套餐,CP唔錯,低至HK$555就可以享受多道菜式嘅套餐🌿前菜 ▪️蘿蔔絲沙律上層嘅蘿蔔絲炸得非常香脆,內裡就加入左新鮮蘿蔔蓉,仲有番薯及沙律菜,層次感豐富▪️水雲特別加入咗酸薑,非常開胃🌿刺身分別有赤蝦、間八及吞拿魚,肉質夠厚身,鮮味十足🌿大蝦天使麵呢款非常特別,天使麵炸得非常香脆,加上煎香嘅大蝦,色香味俱全,雖然油炸過但食落唔會油膩🌿南非鮑魚烹調期間已經見到鮑魚色澤亮麗,會跳動好新鮮,食落肉質彈牙鮮甜🌿鱈魚鱈魚煎得外脆內軟,非常驚喜🌿鵝肝鵝肝配合迷你漢堡包一拼呈上,剛好平衡鵝肝嘅油膩感,外型亦非常可愛🌿美國牛肉厚燒、美國牛肉薄燒分別點左厚燒及薄燒同朋友share一齊食,厚燒可以配合味噌醬､岩鹽､海鮮汁一齊食用,而薄燒就包了滿滿嘅香蔥🌿炎の北寄貝(追加)配上火焰燒過十分有睇頭,北寄貝口感爽脆🌿炒飯、味噌湯食鐵板燒一定有炒飯及湯,炒飯粒粒分明唔會太鹹,不過此時其實已經非常飽肚食完飯後,仲可以同朋友喺外面酒吧再飲多兩杯,唔使再轉場真係好方便!…查看更多

約左朋友去食飯,佢搵左呢間位於荔枝角嘅日式料理,就算平日夜晚人流都非常暢旺,係放工同朋友聚會嘅好選擇🌿金龍珠海膽吞拿魚蓉卷金龍珠其實係鹹蛋黃,配上海膽及吞拿魚蓉卷,顏色鮮艷,打卡一流🌿金糖盒 (海膽三文魚籽日式豆腐)打卡必點✨用最中餅盛住用海膽製成嘅豆腐,配上海膽及三文魚籽,底下竟然有一層棉花糖🤩難怪叫金糖盒,可以將全部材料夾埋一齊食,口感層次豐富🌿粟米脆餅壽司 (海膽三文魚籽)用粟米脆餅取代紫菜,外層非常香脆,內𥚃同樣包住飯,但特別加左沙律菜,上面配上海膽三文魚籽,係西日合壁嘅感覺,非常飽肚🌿日式金柑帆立貝刺身金柑非常香甜,配搭帆立貝刺身色彩繽紛,旁邊亦有沙律菜,整道菜式口味非常清新🌿串燒▫️自家製雞皮蝦 ▫️厚燒牛舌心▫️嚴選松阪豬 ▫️安格斯牛肋肉串燒好有驚喜,味道夠惹味但又唔會過鹹,食落亦唔會好乾身肉質夠軟腍,雞皮蝦就夠哂特別🌿戀丼 (月見特厚燒牛舌三文魚籽)望落去細細碗,但其實份量十足,牛舌超厚,口感彈牙,配埋三文魚籽及蛋黃,超級邪惡🌿桃丼 (月見海老拖羅蓉)海老份量超多,蛋黃被滿滿嘅拖羅蓉包住,份量超足非常飽肚🌿木村完熟水蜜桃汽水食日式料理配返日本汽水就最岩啦✌🏻…查看更多

成日做野都要去荔枝角見客,見到呢間冰室好有特式,岩哂返工日子快速醫肚🌿滑蛋叉燒飯賣相非常精美,色彩豐富,而且超足料,蛋味夠香而且夠哂滑,叉燒肥瘦適中,加上蔥花及豉油汁一齊享用,絕對係簡單又安心嘅食材🌿沙嗲牛肉煎蛋麵湯底濃郁,牛肉亦夠軟腍,麵條亦好掛汁,加上濃邊煎蛋,值得一試🌿金莎朱古力流心西多士超邪惡首選,份量足夠兩人share,多士夠哂鬆脆,配上大量金莎朱古力脆脆,無論大人細路都咁岩食🌿熱香餅漢堡（沙嗲|牛肉芝士)呢款熱香餅漢堡外型也太可愛了吧😍餡料揀左沙嗲牛肉&芝士,淋上楓糖漿,味道層次非常豐富🌿麻麻地豬扒其實係麻辣豬扒,肉質軟腍,帶有麻香但食落唔會好辣🌿椰汁紅豆冰 & 阿華田脆脆火山飲唔揀左椰汁紅豆冰 & 阿華田脆脆火山,兩款都非常足料…查看更多

襯朋友生日就同左佢去跑馬地食飯,師傅積極同客人交流,係一個非常驚喜嘅Omakase體驗🥰🌿前菜賣相精緻,分別有京都銀杏,用左松葉穿住,口感煙韌,第二款係太刀魚八番卷,內裏捲住牛蒡淮山,口感清爽,第三款係粟子甘露煮,味道甘甜,第四款係唐墨,即係烏魚子,加上鯛魚明太子配山椒葉🌿燒秋刀魚木の子木の子其實係指秋季嘅雜菌,用黎煮成湯品,味道香濃🌿刺身—九繪(くえ)九繪用中文黎講係龍躉嘅意思,配上紫蘇葉及酸汁一齊食用,味道非常清新🌿刺身—間八間白即係鰤魚,口感清爽,肉質肥而不膩🌿炸沙甸魚仔(畳みイワシ)疊起黎炸過嘅沙甸魚仔好香脆,作為餐中小食非常有特色🌿北寄貝口感爽脆鮮甜,建議一片可點鹽一片可點醬油🌿日本北海道水八爪魚師傅一拎條八爪魚腳出黎,大家都齊齊打返個卡先🤩分別有吸盤部分及切片刺身,配上醬油漬Wasabi及即磨Wasabi,其中醬油漬Wasabi令人印象深刻,食到大家感動流涕😂🌿筋子三文魚子蘿蔔溶呢款同樣令人印象深刻,同出面食到嘅三文魚子好唔同,咬落非常爽脆彈牙,配上蘿蔔溶,剛好平衡魚子嘅鹹香味🌿唐揚目光魚用了唐揚製法,酥脆可口🌿海老真丈其實即係炸蝦丸,口感鬆軟棉滑,用左富山白蝦去製成,配上日本青椒伴碟更添風味黎到壽司部份🍣靜岡熱海金目鯛第一款係靜岡熱海嘅金目鯛,肉質清淡鮮甜且色澤亮麗🍣九洲關鯖呢款係新鮮鯖魚,味道較濃,但個人好喜歡🍣鰤魚用左天然鰤魚,油脂感重,有入口即溶嘅感覺🍣青森帆立貝昆布漬口感軟滑,已用昆布漬調過味🍣三重縣甘海老緊記唔好拆散食,唔係師傅會嬲嬲豬的😂食落口感軟嫩獨特🍣北海道秋刀全年只有兩個月食用期,外表色澤閃亮,滿滿甘香濃郁嘅魚鮮味🍣中拖羅係三款吞拿魚中個人最鍾意嘅一款,油脂感適中,係口感最好嘅一款🍣大拖羅油脂感滿滿,絕對係幸福嘅油脂🍣吞拿魚醬油漬用左稀有部位 - 天身部位,肉質柔軟,唔需要額外再點醬油已經好夠味🍣馬糞海膽師傅特別為我準備嘅海膽,仲有得encore😳不過因為太飽嘅關係我都無力戰鬥了😂🌿麵豉湯加左魚落去煮嘅麵豉湯,味精夠哂清甜🌿南瓜蒸布丁 & 哈密瓜南瓜蒸布丁口感好特別,軟棉得黎又唔會太甜,加上清甜嘅哈密瓜,為晚餐劃上完美句號師傅整晚絕無冷場,一晚只安排一輪食客,時間非常充足👍🏻絕對係一個唔錯嘅Omakase體驗🫶🏻…查看更多

成日聽人講話神燈好好食,見佢地喺銅鑼灣登龍街開左新店,趁喺附近做完野就去食個飯先🥰夜晚7點去到,已經近乎滿座😳🌿燒汁芥末大尾魷魷魚就食得多,但用芥末炒就比較少見,加上紫洋蔥一齊炒,味道都幾夾,魷魚肉厚但唔會韌🌿黑松露玻璃燒鵝1/4隻第一次食黑色嘅燒鵝,原來係加左黑松露,除左香氣十足之外,咬落亦夠皮脆肉嫩,肉汁濃厚,油而不腻🌿糯米炒膏蟹雖然等得有d耐,但招牌菜係值得等待嘅🫶🏻上枱時熱辣辣,油香四溢,用上原隻膏蟹,份量超大份,足夠4-6人齊齊享用,糯米口感綿密得黎又帶有飯焦,仲完美地吸收哂膏蟹嘅精華,糯米飯內亦沾有蟹膏,非常惹味🌿拆肉瀨尿蝦元貝釀玉環節瓜包住左元貝,上面加左已拆肉嘅瀨尿蝦,味道好清新但啖啖鮮味,加上用蛋白炒過嘅芡汁令菜式更顯香滑,上層配以蟹籽做裝飾,色香味俱全🌿上湯萱威火腿浸津白上湯非常濃郁,充滿金華火腿嘅香氣,火腿唔會好油膩,津白口感爽脆,吸收哂湯嘅精華👍🏻佢地d菜式份量都夠大,最後我地係食唔晒嘅😂不過店員好友善,仲幫我地諗埋點樣打包係最好🫶🏻希望下次可以約多幾個朋友一齊食啦,咁就可以試多幾款唔同嘅款式喇🥰…查看更多

多謝朋友為我安排慶祝生日,佢揀左上環嘅鮨燐同我食Omakase🤩呢度主要食材係來自我最愛嘅九州及北海道等等,食材非常新鮮,師傅非常健談,上菜速度節奏亦控制得非常好👍🏻見佢哋最近仲做緊周年祭有6折,14貫壽司每位只係$828,CP值幾高🥰🌿前菜 ▫️靜岡蕃茄味道香甜,上面有少少淡雪塩▫️靜岡鰻魚骨炸香後加了少少海鹽,非常香脆▫️慢煮法國鴨胸配上蜜糖芥末,下面伴有洋蔥可一齊食用🍣熊本雅鯛魚本身味道較淡,師傅加左炒香嘅蛋黃喺刺身上面增加香味🍣北海道墨烏賊 配上青檸汁口感更爽滑🍣北海道平貝用左柚子塩調味,味道清新🍣右口魚右口魚即係鮫鰈魚,上面部分用燒左嘅裙邊加上辣椒蘿蔔蓉&芽蔥,除左帶黎視覺嘅享受,咁能夠提高味道層次感🍣靜岡縣金目鯛金目鯛色澤亮麗,油脂甘香,中間加左萬能蔥🍣岩手縣赤貝口感清爽且味道鮮甜🍣島根縣池魚仔味道香濃,口感軟腍🍣中拖羅魚肉與脂肪比例平均,滿口甘香🍣兵庫縣甜蝦味道鮮甜而且色澤亮麗🍣北海道馬糞海膽超鮮甜份量又多,非常滿足🍣北海道顏鱈魚用左柚子胡椒調味,魚有燒過非常香口🍣九洲黑睦魚高級香身魚,脂肪滿滿且帶有甜味🍣長崎縣新鮮鯖魚鯖魚上面加左白昆布,食落更顯鮮甜🍣拖羅 (腦天部位)腦天屬矜貴部位之一,軟滑之餘亦充滿幸福嘅油脂,輕輕燒過後伴上紫菜及Wasabi 莖一齊食用,非常邪惡🍮抹茶奶凍非常驚喜嘅一道甜品,香濃嘅抹茶味且口感軟滑,配以黑豆點綴,為晚餐畫上完美句號…查看更多

生日月真係好多飯局,今次就去左呢間位於銅鑼灣嘅”圖書館”食午餐餐廳環境典雅,岩哂我呢d注意儀式感嘅港女🥰午餐就分別有3-5道菜可選擇,今次我地就揀左4道菜🥰先黎一份餐包🌿French Duck Breast Tartare外層係香脆嘅烤卷,內層係用52℃煙燻製成嘅鴨胸肉,味道香濃,配合Greek yogurt及法國韭菜,口感層次豐富🌿Cedar Smoked Salmon & Raw Tuna呢款係三文魚+赤身,配上泰國醋及芥末醬,口感清新,刺身上加左岩鹽調味,係一道十分開胃嘅前菜🌿Hummus & Artichoke Bisque用鷹嘴豆、黑蒜、茴香、番茄乾煮成嘅湯,用雞湯熬製而成,味道唔算好濃但豆香味十足🌿Lobster Bisque 酥皮香脆,旁邊仲配有Brandy鮮奶油,直接加落湯度令龍蝦湯更香滑,湯內亦有龍蝦肉,但如果湯底可以更濃郁就更好喇🫶🏻🌿Red Wood Charcoal Grilled Spanish Cuttlefish & Octopus個人黎講相比起肉類我更鍾意海鮮,一碟已經有齊墨魚&章魚,章魚用52℃低溫烹調,兩款肉質都好彈牙🌿Red Wood Charcoal Grilled U.S. Prime Beef Flank Steak牛扒用左側腹部位,肉質較瘦但不失濃郁感,每一片都呈現出完美嘅粉紅色,嚼勁十足,旁邊配有焗薯、蘆筍及黑松露片🌿Lemongrass Mango Mousse Cake🌿Strawberry Mousse Cake甜品非常有誠意,賣相精緻,為午餐劃上完美句號…查看更多

之前未搬舖嘅時候已經想去,今次趁佢搬左去新地方,即刻約埋朋友去食返個Omakase晚餐先!🌿波菜蟹肉及白酒啫喱蕃茄前菜有兩款,首先係醃製菠菜上面有蟹肉,蟹肉鮮甜,有菊花花瓣伴碟更添清新香氣,而白酒啫喱蕃茄非常香甜,伴有紫蘇花及菊花🌿岩手県米崎生蠔岩手縣米崎生蠔望落肉質飽滿肥美,師傅加左土佐醋去調味,夠哂鮮味及開胃🌿關鯖魚肉質結實有彈性,配上蔥花,色香味俱全🌿地金目鯛地金目鯛係金目鯛中嘅極品,甘香油脂味道濃厚,配上烏魚子碎令味道層次感更豐富🌿北海道大帆立貝簡單用岩鹽及柚子鹽調味已經鮮味十足,肉質柔軟細膩🌿皇帶魚又稱為地震魚,肉質白嫩,燒過後加上味噌調味,口感香脆🌿生死戀佢地嘅signature之一,分別有燒好嘅熟拖羅及赤身刺身混合一齊,故得到客人賞賜左｢生死戀｣呢個名,配上紫蘇葉及紫菜一齊食用,香氣與油脂感平衡得剛好🌿磯煮鮑魚 同樣都係佢地嘅signature,鮑魚慢煮左一晚,口感軟腍,配上鮑魚肝醬,非常出色🌿立鱗燒配南瓜湯分子料理立鱗燒表層炸得好香脆,肉質嫩滑,配上紫蘇花及紫蘇葉做點綴!南瓜湯則用分子料理方式呈現,將湯做成球形,食嘅時候建議一口放入口,咬開後全部都係湯,口感非常有趣👍🏻🌿北海道大帆立貝帆立貝色澤亮麗,肉質柔軟飽滿🌿深海池魚魚油甘香,肉厚鮮嫩肥美,配上葱花更添色彩🌿金線鯛同我地香港常見嘅紅衫魚屬於同科,肉質結實有彈性,食落味道鮮甜🌿粒貝即係海螺,味道鮮甜且口感爽脆🌿拖羅選用左稀少部位,表面有炙燒過,油脂感滿滿🌿平村馬糞海膽海膽鮮甜,用杯子盛起特別有氣勢,底下仲有壽司飯,滿足了肚皮🌿甜品最後嘅甜品係鮮甜嘅蜜瓜,為晚餐劃上完美句號餐廳雖然地方唔大,但整體氣氛唔錯,師傅亦同客人有充足嘅交流,不過可能因為星期五晚上人流比較多,師傅上菜速度迅速,如想慢慢享受建議可以揀返平日嘅日子🫶🏻…查看更多

上次去過蘭桂坊嘅加州大廈後,發現呢座大廈真係有好多野食,今次我地再去就揀左間意大利餐廳,餐廳環境雅致有情調,岩哂注重儀式感嘅VV🥰先黎餐包及白酒,就開始我地正式嘅晚餐喇🫶🏻🌿Carpaccio di Ricciola呢款係薄切油甘魚配香橙,油甘魚油脂豐富,加入了醋調味,伴有香橙及青辣椒,混合一齊食用令味道層次感更豐富🌿Capesante, Arance Rosse & Nocciole 擺盤精緻且顏色鮮艷,主角為香煎帶子,配上瀨尿蝦汁及榛子,味道清新香口🌿 Aragosta用鮮蝦他他配上龍蝦湯,鮮蝦他他口感嫩滑,混合埋青檸更顯鮮味,配上濃郁嘅龍蝦湯,味道平衡得剛好🌿I Fusilloni alla Carbonara di Quaglia呢個卡邦尼螺絲粉好有驚喜😍口感非常creamy,味道雖然偏鹹,但完全不會覺得膩,配上鵪鶉肉醬,滿足了味蕾🌿Asparagi & Parmigiano香煎蘆筍配上帕馬森芝士,配合主菜一齊食用非常適合🌿Controfiletto M5澳洲黑安格斯M5西冷配合Rosemary以香烤方式烹調,肉質軟腍,呈現出漂亮嘅粉紅色🌿Signature Tiramisu 佢成功入選比我食過嘅Top 5內😍口感超Creamy但味道又唔會好甜,咖啡味好香濃,絕對適合大人嘅口味🌿Sicilian Cannoli傳統意大利甜品,外層香脆,內有香軟夾心配上開心果碎,為晚餐劃上完美句號…查看更多