Two Start26's Profile

天氣開始轉凍，就約左三五知己一起去食韓燒，食d脂肪黎御寒，咁就當然選放題啦，終於最後決定左去食韓燒，就係網上search左附近既新高麗苑韓國餐廳，價錢適中可以任食，韓燒係最佳選擇。開始拿左幾味前菜：泡菜、白雲鳳爪、芽菜、白菜仔、甜薯仔……食完d熟食前菜就開始燒烤啦，我地拿左既肉類有：雞翼、牛肋骨、金菇肥牛、牛肉、牛肉粒、豬頸肉、牛扒、辣雞肉、牛仔骨。牛仔骨肉質軟熟。海鮮類：墨魚仔、魷魚片、魷魚蘇、多春魚，魷魚烤起身好爆香，口感爽脆，必燒選擇。燒左咁多肉黎d青菜互補下先，我地拿左生菜、金菇、冬菇、南瓜飽肚後就食d甜品：布丁、蕃薯糖水、木瓜雪耳，仲有唔少得既人蔘雞湯潤一潤喉。歡樂時光都係過得好快既，話咁快時間就過左，個肚都飽左，好滿足～…Read More

近年韓風仍然大熱，韓式餐廳成行成市，但日式居酒屋仍然都有唔少嘅支持者，我就係其中一個！上星期去到尖沙咀辦事，之後就同幾位好友去到位於赫德道嘅“石亭居酒屋”店面雖小，但和風味濃，陳設雖然簡單，正正就是居酒屋的特色。坐低後店員先奉上一份前菜，當日有魷魚軟骨沙律，軟骨係魷魚的頭部與爪嘅中間位置，食落非常爽口彈牙。再黎份涼菜醒醒胃先，“冷日本春菜”，上面有D木魚絲，菜爽脆，味道有D苦苦地，但好食！餐廳上菜嘅速度都幾快，我地order嘅菜式好快就送上，刺身拼盤: 活北寄貝，肉厚甜美，口感爽脆吞拿魚大腩，好肥美，脂肪比例平均 ，食落滿口油香  珍寶牡丹蝦(兩食)，蝦肉晶瑩通透，非常新鮮，爽口彈牙。珍寶牡丹蝦蝦膏、春，師傅就整左做壽司，蝦膏似一粒粒綠色珍珠提子，晶瑩通透，非常吸睛，口感非常脆嫩，而且鮮味濃郁！有佳餚，當然要有美酒黎烘托，大家一致贊成點左枝好好飲架“獺祭” 天扶良：有花竹蝦和目光鱼，炸得酥脆，蝦鮮甜及香味濃郁，目光鱼外形有點似多春魚，但口感比多春魚香滑  和食就點咗清酒煮蜆，蜆大隻肥美，無沙，配以清酒烹調，鮮味無比  餐廳整體食物質量有水準，服務亦殷勤，係三五知己消閒暢飲嘅好地方，值得介紹俾大家。…Read More

聽同事講起，有間隱藏於尖東南洋中心的日本料理～沃川，食物質素好，價錢大衆化，正擔心晚餐唔知食乜好，於是放工後就約咗班friend一齊去試下啦。鰝鰺池魚，餐廳自製的酸汁，充分帶出鱼肉的鮮味，食落肉質細緻，亦可以捲著長長的芽蔥一齊食 ，味道更鮮美拖羅，脂肪分布均勻，係吞拿魚最肥美的部位，好新鮮肉質非常肥美，入口即溶鹽燒牛舌，燒得香口之餘仍能保持肉汁豐腴，口感嫩滑而有嚼勁，佐酒一流柚子鹽燒白鱔，燒得皮脆肉滑，好香 清酒煮蜆，蜆好新鮮大隻，食落一D都唔韌，配合清酒的芬芳馥郁，真係鮮甜無比天婦羅，沖繩涼瓜，味道甘甜爽脆；舞茸，味道清香四溢，肉質脆嫩 ；栗米係天婦羅係第一次食，聽店員介紹係將栗米蒸熟后再炸成金黃色，表面炸漿薄，仲可以睇到一粒粒嘅栗米，炸過後仲好多汁，食起來栗米香脆飽滿，一D都唔油膩 朋友果然無介紹錯～下次會再黎幫襯 …Read More

上星期經過觀塘，知道有好多樓上工厦餐廳，所以就上網search一下，之後我地就去左巧明街嘅i kitchen，因為網上好評都幾多，所以就去試一下。甫入店內，舖面不是太大，但喺藍光配搭下都幾有情調。第一道菜點左:黑松露香檳忌廉煮鮑魚，黑松露非常矜貴，用作食材確實提鮮不少;而鮑魚則相當新鮮彈牙，配以忌廉汁，別有一番風味。第二道菜係燒大蝦三文魚伴菠菜天使麵，大蝦非常新鮮，開邊煎好入味，蝦肉仲鮮甜無比。三文魚則熟左少少，但仍然保留到原有鲜味，不錯。麵係加芝士、蛋、黑椒、忌廉香煎而成，索左忌廉汁嘅麵食落非常香滑，麥味香濃。南瓜湯，南瓜的香味濃郁，香滑可口檸檬味特飲原來工厦樓上餐廳都非常有水準，下次必定會再幫襯…Read More

呢幾日落雨天，增添了寒意，令人想到食火鍋，而不少餐廳亦“應節地”推出既滋補又暖身的湯水。好似以海鮮作招徠的“尚鮮”，有多款嘅滋潤湯水就幾吸引。今日我就同幾個朋友去到佐敦呢間朝拜一番！我地揀左既清潤又滋補，最啱冬天飲嘅“雲南黑虎掌菌燉豬腳根”，湯料用雞腳、豬腳根、黑虎掌等熬製而成，湯色微紅，菌香撲鼻，黑虎掌菌口感軟糯，味道香郁可口，雞腳又唔會太腍，有口感，而豬腳根應該係豬掛，總之就好香滑，仲保留到肉汁的鮮甜，啖湯更是鮮香滋潤，飲完令人有輕鬆愉快的感覺！牛尚盛，別緻矜貴地放於三層架上四色丸尚成，四種口味我都非常喜歡，皆因真材實料，肉味香濃，爽口彈牙！炸響鈴，好新鮮香脆特色燒烤亦好出色，燒芝心獅子狗卷，一口咬落，頓時滿口芝士香，好好食，而黑椒腸本人就一向唔欣賞！盬燒牛舌，厚切但唔韌，好腍好有牛味，味道亦啱啱好👍👍…Read More

難得星期五可以準時收工，就去平時經常去嘅"鳥居居酒屋"，為左舒緩一日嘅工作壓力，叫左支清酒，點左D佐酒燒物😉“手取川”純米大吟釀，香味清甜甘怡，蜜般清甜誘人，係選用特A級山田錦釀製，正😅味噌燒半殼蠔，香氣四溢，蠔味濃郁，餘韻悠長燒大腸，甘香回味燒鵝肝，表面微脆，內裡軟滑粉绵，令人回味洋蔥燒牛肉，牛味濃郁，肉質濕潤炭燒油甘魚鲛，油甘魚最滑的地方就正正係個鲛位，黏著D肉亦唔少，用炭火燒，又能充分帶出油甘鱼的獨特甘香，佐酒一流，完美配搭！…Read More

我對食都好有要求，我去得幫襯嘅質素絕對有番咁上下！今次就黎到觀塘工業區嘅隱世餐廳，“金羅道韓國餐廳”，雖然間餐廳裝修平實，木枱木櫈，但D食物就好有水準炆牛肋骨，牛味重，炆得好腍好入味，再配埋湯，飯同兩款前菜，正😊人參雞湯，味道比較清淡，噢，原來冇加味精，保持原汁原味，讚👍海鮮純豆腐湯，鮮味濃郁，內配多款海鲜，如蜆，蝦等，非常鮮甜，適合鍾意食海鮮嘅朋友。總括而言，餐廳標榜無味精而代用水果調味，非常配合現代香港人追求健康飲食嘅概念，值得鼓勵😊…Read More

上星期放假陪媽咪，佢就最鍾意食放題，因為包羅萬有，種類多，適合三心兩意嘅她😊當日我地就去左兆萬中心嘅日韓放題"神戶屋"，聽講口碑唔差，所以就去一試😄我地預訂左位，早於十多分鐘前到達，以為客人應該會少D，但依舊人山人海在門前等候，足見其人氣旺盛😅甫入店內，地方雖不大，但卻充滿日韓風情，我地被安排坐一張卡位，抬上放了一個order纸嘅架，由A到I共十多張，種類繁多，我地首先叫了多款刺身😛當中包括有貝柱刺身，玉子刺身，甜蝦刺身同虎蝦刺身，三文魚海膽等，件件厚切，肥美新鮮;壽司款式亦不少，火炙款式都有，賣相精緻味美；未夠盡興再黎個火鍋，烚下烚下又幾過癮；沙律亦有凱撒三文魚沙律同日式柚子大蝦沙律同沙律，味道清新，醒神🌿仲有好多日韓炸物都非常美味，食足120分鐘，最後真係捧住個肚走，超值👍👍…Read More

香港租金高昂，令愈來愈多餐廳趨向上樓發展。因此平時逛街時，都會對樓上食店多加留意。好似前幾日，我同幾個朋友就去左樓上韓燒餐廳"Running 燒"，呢間餐廳主打海鮮同烤肉，強調海鮮來貨新鮮先黎三碟前菜，味道唔錯再黎芝士排骨，D排骨炆得好腍、好Juicy，肉質嫩滑帶少少辣，撈埋奶味濃郁又軟綿綿嘅芝士，一個字～正👍，腸仔、薯仔、粟米撈理D芝士，味道出奇地夾，啱曬中意食芝士嘅朋友食完個芝士排骨，爐邊D蛋也熟了，唔單止好睇仲好好食清曬爐邊蛋後，就轉個爐燒野食我地點了扇貝，大蝦，帶子同青口等，完全可以一次過品嚐到不同海鲜😃除左海鮮出色之外，肉食亦極富水準，有二三十款豬牛羊無限任燒，且有極之罕有嘅豬枕頭，肉質嫩滑非常，绝對必試😁 韓劇效應，“噴火係雞”點可以唔食呢！初時仲以為好辣，但原來唔食辣架我都接受到，加上外脆內軟酸酸甜甜嘅醬汁，令人一試難忘，值得推介！！…Read More

荃灣有不少嘅 韓國餐廳，但講到正宗韓國地道卻不多。最近我同女友經過福來邨，發現有一間“韓正屋”，在好奇心軀使下就入內一試。餐廳雖然唔算大，但都幾舒適，經店員推介下，我地點了個二人套餐～A餐，包括有“炆牛肋骨煲”，“韓式海鮮煎蔥餅”，“石頭傳統雜錦牛肉飯”，另外再叫咗個“柚子豆腐沙律”首先店員先上餐前小菜有蓮藕，波菜，海帶同泡菜，味道唔錯炆牛肋骨煲，之前食開果D牛肋骨係乾身嘅，呢個有湯嘅牛肋骨一樣咁好味，蘿卜好清甜，最後連湯都飲埋，值得讚👍👍韓式海鮮煎薄餅，餡料非常豐富，有鲜蝦，鱿魚，蜆肉同大蔥，食落香軟煙韌可口，正！👍👍石頭鍋飯，熱辣辣嘅飯香加隻生蛋及自製醬汁撈勻，真係香氣四溢！！最後黎個柚子豆腐沙律，仲以為係一粒粒果D柚子肉添，原來係柚子味果醬，林喺豆腐及生菜上面，食落令人有種清新的感覺，超讚👍👍👍！整體各方面都唔錯，有地道韓國風味，價錢又相宜，會推介俾朋友！！…Read More

前一天經過佐敦吳松街，發現有一間新開韓國餐廳“韓東子”，（好像曾經在尖沙咀見過），雖然舖面不大，但裝潢陳置挺有韓國風情。所以決定入去品嘗一下，經店員介紹下、點了不少肉類，有五花腩，雪花牛肉調味雞肶肉烤豬腸等，非常豐富先來一碟雞肉，這碟雞肉看似平平無奇，一開始煎，滋!滋!的聲音洋溢整個環境。數分鐘後，雞的香味也開始散發出來。我不太喜歡韓燒，因為每次食完由頭到腳一陣燒烤味！奇怪在這𥚃韓燒，燒烤味沒有。我們的卡位對面便是水吧，八掛地問水吧內女店員有關為何沒有太大烤煙，店員忙碌中回答說，他們以前在尖沙咀店是很大燒烤油煙，現在的烤爐是新款內部抽煙，在韓國採購的。説了2句她便忙著工作，這裡採用開放式水吧格局，我們可看到水吧衛生情況一清二楚，食也食得安心！與此同時，雞的香味也開始散發出來。雞肉燒熟後，爐面沒有焦黑的痕跡。（坊間很多食肆的燒烤爐燒完後也會出現一塊一塊焦黑的痕跡，相反這小店的烤爐就沒有出現這種情況，相對食物也健康D）我把烤肉放落口，雞肉口感鬆軟，嚐到雞肉的原味。除此之外，我還配搭生菜一齊食（店內的生菜、泡菜、前菜是任食的），夾著生菜進食、感覺烤肉完全不油膩。推介給我的朋友。…Read More

臨近收工，朋友打電話黎，話黎左銅鑼灣見客，就黎見完要等埋佢咁話！咁唯有一邊執埋D手尾一邊等啦，點知一等就等到七點幾，哩個時候就緊係“屈”佢請食飯啦！“喜來稀肉”日日返工經過都見到，放工又返左屋企，所以要等到今日先有機會一試佢個鎮店之寶“護心肉”！上到去，一切都係意料之中，好有韓國特色的裝潢，每張枱上方都有個煙通，不過呢度人氣好旺盛！！前菜 我個人比較中意吃芽菜，甜甜地，撈埋D醬汁辣辣地幾好味招牌菜護心肉，因不含油份，口感柔和而有嚼勁，配上Seorae秘制的醬汁，非常好味大醬湯 入面有海鲜，豆腐同年糕等，D湯酸酸地好好味蔥餅，香脆可口，點埋秘制醬汁仲惹味第一次食烤豬皮，口感豐富，好似食緊花膠咁！烤大腸亦好咁香！好豐富及滿足的一餐，下次會約埋同事一齊再黎過！…Read More

以豬聞名嘅喜來稀肉，上星期終有機會一試，皆因有朋友生日，我地就上去燒烤慶生，順便一試聞名已久嘅“護心肉”。服務員安排我地坐靠窗位置，可以一邊品嘗美食，一邊欣賞銅鑼灣夜晚嘅街景，真係perfect😃首先黎一些前菜開開胃有泡菜，芽菜，洋蔥等，味道不錯，仲可以添食😁開爐後，服務員幫我地在兩爐邊加蛋槳，一邊原味一邊係泡菜味，各適其色，任君選擇！！當晚我地選了好多肉食，完全滿足到我地食肉獸嘅要求，先燒嘅係鎮店之宝“護心肉”據我所知係豬橫隔膜和肝之間嘅肉，每隻豬只有200-300g,極之真貴😉燒起黎，香氣樸鼻，肉質鲜甜，軟而不靭，正😀再黎係喜來稀肉，師傅將牛肉堆成玫瑰花一樣，净係賣相已經贏曬，且刀工細膩，薄薄地嘅一片，放在爐上好快就熟，入口肉汁四淺，好味！！1之後，再有燒豬皮，豬腸等，最後一個驚喜就係水冷麵，晶瑩通透嘅韓國拉麵旁邊有冰粒作绊，中間加半個雞蛋，仲有蘿蔔和菜絲作配襯，真係好有特色！！係熱辣辣燒烤後，黎一口水冷麵，簡直冰凉入心，透心涼😊這餐確實無令我失望，唯美中不足就係男女洗手門係分兩邊，有好多食客都走錯，指示不足則有待改善，不過整體都非常之好，值得大力推介😆…Read More

女朋友過生日，身為Boy Friend嘅我，當然要帶佢去食D好野。佢最鍾意食海鮮，我就帶左佢去大角咀棕樹街一家海鲜火鍋店。一入店內環境相當寬敞，且樓底挺高，食火鍋就最適合不過，因為熱氣可以散得快！首先店員就向我地介紹店內招牌必食菜式“九層海鮮塔”喜歡食海鮮嘅朋友就可以嘗盡不同海鮮，滿足味蕾嘅要求！九層海鮮塔每層都舖滿晒海鮮，當中包括蒜蓉蒸蟶子、花甲，當然唔少得原隻鮮鲍魚、花蟹，D蟹仲好多羔，睇到都令人垂涎欲滴，好唔好味就留番讀者慢慢想像，之後再加多樣西蘭花鮮鱿，當晚名符其實係全海鮮餐！值得讚嘅係蟶子、花甲都洗得好乾淨無沙！仲有，因為人少無九層咁多，但每層都放滿晒D海鮮，食得相當盡興！當晚可能由於係假日關係，客人非常多，因而等侯上菜時間比較耐，但仍算係值得等待的一餐！！…Read More

宜家喺旺角嘅韓式放題數得上價錢合理，又有高品質嘅食物質素，真係寥寥可數。前幾晚同女朋友到旺角醫肚，經過登打士街呢間韓式放題，見到宣傳單張顯示出多款菜式，有熟食又有燒烤，相當吸引就決定上去一試上到3樓，就見到個好醒目個招牌熟食種類繁多，本人最欣賞韓式炒粉絲，味道可口燒物方面亦應有盡有，間餐廳所有海鮮及肉類全部從外國入口，所以先可以做到價廉物美餐廳會奉送每位客人，兩隻鮮蝦，一隻扇貝，扇貝同蝦都好大隻好鮮甜燒烤完，最後黎一碗豆腐花，有墜火的攻效。整體黎講今晚呢餐相當滿足，值得推介！！…Read More