SophiaTsoi8845's Profile

成日都覺得呢間d食物好好食特別係蕃茄焗豬扒飯/意粉但係今次比錯左雜扒飯雖然都有d失望 😅😅但味道都唔錯午餐好似都係五十幾蚊左右始終比多左錢，所以覺得好唔抵🥹屋企離餐廳都有d距離 就廢事返去換喇🥲…Read More

最仲意食日本餐既我一早就想食呢間餐廳🥰而掛住湊囡囡既我都好耐無同老公出街撐下枱腳今次經過見到唔係咁多人排隊就即刻去試下以前大家想食牛肉飯就會諗到吉野家但依加愈來愈多日本人氣平民餐廳登陸香港多左好多選擇令大家忍唔住一窩蜂走去試吓而我就唔太仲意太多人要等好耐今次就終於等到機會冇乜人排隊去試🥰—————————————————🔸牛丼 (M) $29一開始見到個價錢以為會好細碗唔夠食所以先叫多個火鍋食🙈呢個價錢真係好抵食👍🏼洋蔥夠晒淋，而且牛肉同飯嘅份量都好足本身想要多啲牛肉汁，但係侍應話冇得另外添🥲💔不過食下食下就覺得其實啲汁已經好夠唔需要再另外加-🔸鰻魚牛肉丼（M) $79老公平時最仲意食鰻魚，就叫左呢個飯試吓鰻魚夠晒大條但係稍為有啲腥，所以感覺一般-🔸牛肉壽喜燒鍋 $60湯底好夠濃❤️有少少偏甜，好好食，但食耐左覺得有啲甜平時以往吉野家打邊爐都係有飯/烏冬選擇而呢到係飯同烏冬都包埋，夠哂飽而且價錢平民！另外想講碟菜比人感覺唔太新鮮同乾淨，所以無食到🙈-🔹珍珠特濃宇治牛奶抹茶 $32珍珠係黑糖珍珠🧋抹茶味夠濃，但係唔知係咪抹茶粉唔夠溶，飲到成口都係抹茶粉🤣整體來講唔會太甜亦唔會太淡-🔹牛奶紅茶 $22口味比較淡 啱晒唔鍾意飲甜野嘅人另外我覺得用外賣杯裝飲品幾好，雖然唔係話好環保但係客人飲唔哂可以拎走，而且又夠晒衛生…Read More

#📍友·拉麵📍 荃灣西樓角路202-216號昌寧大廈1樓53-54號舖 Tsuen Wan, Hong Kong————————————————疫情既緣故少左出街食野，前幾日約左朋友仔見面食個Lunch傾下計，就黎左呢間新開張既日式拉麵小店🍜諗住試下呢到既拉麵🥰最吸引我入去既其實係呢到既裝潢同埋貓咪🐈主題既設計😻真係岩哂我呢啲貓痴打卡！真係勁多貓貓相片同圖案❤️-🌟辛肉碎拉麵因為我實在太仲意食辣😻就點左呢款拉麵，個份量岩岩好！有我最仲意食既竹筍、味玉、海茗做配菜🥰（因為我唔仲意依食蔥，員工好貼心咁幫我走左👍🏼）-拉麵軟硬程度我簡左普通，呢到既麵可以依照客人仲意既軟硬程度選擇！而湯底又香又濃，加埋啲肉碎一齊食辣辣地仲好開胃好過癮❤️🌟魚介拉麵呢款既拉麵一樣湯底夠哂濃郁，正所謂拉麵既靈魂就係個湯底👍🏼一啲都唔會令人覺得飲緊味精湯又咸又口渴！仲有呢到既豚肉食用火炙過，食落會更加香，仲肥瘦適中🤤唔會太肥或太瘦，口感一流👍🏼-🌟完熟桃子🍑炭酸汽水我超仲意桃味既飲品，呢款汽水飲落幾fresh ，有淡淡香桃味💕一啲都唔會太甜或者只係得啲「汽」，更加唔會藥水味，幾值得推薦🤣-蘋果味我以前都飲過都ok嫁😉以往我去過既拉麵店都係得一兩款口味，呢到既口味選擇比較多！連蕃茄味都有🍅-🌟三重芝士春卷一見到三重芝士，第一時間就諗到會唔會好膩？但無諗過好好食🤤內軟外脆既口感好正，炸到脆卜卜好香口！我仲另外點左沙律醬，沙律醬點炸野係最佳配搭（茄汁都係❤️）…Read More

有香港夜海景🌠既韓燒最近疫情下 少咗出街食飯 見近排情況冇甘緊張 就出咗去尖沙咀行吓街同朋友行到好肚餓唔知食咩好就上咗HKTVmall睇吓附近有咩至抵優惠然後就買咗個二人韓風BBQ套餐 都只係$328仲包埋加一服務費岩晒我地鍾意食韓國嘢嘅港女😂-上到去真係好有驚喜呀 冇諗過原來餐廳係有香港夜景睇架 望住香港嘅夜景第一次食韓燒真係好有feel-餐單上面係冇寫有包前菜 原來餐廳係有包五小碟嘅前菜 蘿蔔非常之好食 好醒胃 重點係唔夠食可以飲加添呀👍🏻👍🏻👍🏻-芥末沙律🥗燒烤拼盤入面包左大虎蝦 蜜味鴨胸 汁燒雞翼 醬烤牛肉 仲有一碟嘅五花腩 全部都非常新鮮仲會另外比一碟生菜我哋包住燒肉食 完全唔會覺得油膩-海鮮煎蔥餅呢個蔥餅值得推介 非常香口 好鬆脆一定要趁熱食-豆腐煲因為我哋見套餐入面冇包飯同面 以為好少 驚唔夠飽就叫多咗個豆腐煲 入面嘅材料真係好足料又唔會太辣 點知原來我哋食晒上面嘅嘢都已經好飽 所以淨係食咗一半就冇食到啦-原來優惠嘅套餐都可以食到咁飽㗎餐廳仲可以加$25可以任飲 飲品 啤酒 燒酒如果鍾意飲酒一定會鍾意呢度🍻…Read More

以前中學超仲意黎呢到食豬頸肉肉燥飯同埋蕃茄湯米線🍜出到黎社會做野就好少食呢啲店鋪今日無啦啦好想食就黎左外賣自取拎返office食肉燥同蛋都仲同以前一樣咁好食但唯獨可惜既係豬頸肉無左以前咁香咁惹味唔知係轉左貨定換左新整法🤔…Read More

超大塊既豬扒❤️配埋芝士同茄汁超好食食過咁多間餐廳既豬扒飯一哥豬扒飯係無可取代☺️又足料 仲有個炒飯底係好滿意 唔似出面個啲淡而無味淨係得白飯同少少蛋絲成日都心掛掛 今日叫個外賣拎返公司食超滿足❤️…Read More

就黎父親節，唔想同人迫，所以年年我地屋企都會提早慶祝， 不過今年因為疫情關係，兩老想留係屋企慶祝，避免去人多既地方。 加上因為懶得煮飯洗碗關係，叫外賣套餐就最好! -上網搵到喜記蟹將軍推出多款外賣套餐， 全單免運費，就算住係新界既我地想食都勁方便! 我地最後揀左雙蟹宴，HK$1688/4位用。 -有喜記正宗炒辣蟹一隻、 薑蔥炒蟹一隻、 豉椒炒蟶子或蒜茸粉絲蒸北海道扇貝選一款、 辣酒煮東風螺、薑蔥焗沙巴龍躉魚、 椒鹽骨、金銀蛋浸時蔬、 招牌蟹油炒麵或瑤柱蛋炒飯或避風塘牛河選一款。 超級豐富既套餐，兩老樣樣都好滿意。 -外送食物全部都會用鋁箔保溫袋， 送到黎屋企仲係熱辣辣架！ 兩老最欣賞以下菜式： 辣酒煮花螺好惹味，煮得入味，啖啖爽脆鮮甜。-薑蔥炒蟹味道鮮美，肉質鮮嫩清甜。 -薑蔥焗沙巴龍躉魚口感嫩滑，肉爽味鮮， 用薑蔥焗更能提鮮。 -我既大愛招牌蟹油炒麵炒得好香，麵條彈牙，沾滿蟹油香氣，口感極佳，非常特別。…Read More

第一次食由牛角包整成嘅漢堡 原來係咁好食㗎小店原來係新鮮製造即叫即整🔥 雖然佢係即叫即整 但係都唔係要等好耐㗎咋叫左個牛魔王一食落口嗰陣真係好香口  好鬆脆入面有美國牛肉漢堡 個牛肉完全唔會“鞋”餡仲有炒蛋啲芝士溶咗落去個蛋到 真係天作之合 成個包既配搭真係好match👍🏻👍🏻👍🏻仲有好耐未食過熱辣辣嘅薯角啦 真係新鮮炸出嚟叫漢堡包加飲品 🥤就可以有送薯條🍟或者薯角 超抵食😍 仲要有埋海景睇添 唔知以為自己去咗馬爾代夫🏝芝士奶蓋綠茶🍵店員仲好細心咁問我使唔使少糖少冰我平時唔係好鍾意飲甜野 少糖呢個真係好細心真係唔太甜 夾埋係芝士係一流下次再過嚟食要試吓食屯門牛…Read More

今日同班朋友仔食生日飯🥰就前幾日係Twinkle Baker Decor 訂左個🌸櫻花樹下🌸既4.5寸蛋糕🎂黎到門市拎蛋糕既門口已經有好多人買蛋糕-因為呢到既蛋糕真係好靚同好得意我個人都幾仲意🍬扭扭擰擰🍬同✈️一飛沖天✈️蛋糕 因為都真係幾得意 充滿住童年既回憶-食完晚飯就逼不及待係餐廳食埋個蛋糕🎂個蛋糕粉紅色又夢幻 我地個個都咁仲意 岩哂少女心既我地🙈仲要係用櫻花做主題 真係超仲意🌸💓岩哂仲意打卡影相既我地-而蛋糕材料方面有用黎做裝飾既棉花糖同朱古力❤️而蛋糕既外層就鋪滿哂白桃慕絲、而裡面就係我最仲意食既白桃果肉🍑同埋鬆軟既海綿蛋糕🥰-題外話💓呢到既員工好有耐性同禮貌、非常滿意呢到既服務👍🏼…Read More

早排疫情較嚴重嘅時候好想好想食雞煲，朋友介紹咗呢間佳記雞煲小廚俾我，朋友極力推介所以當時就試咗佢嘅外賣雞煲，一試上癮🥳-今日同男友大戰堂食任食雞煲😏直奔主題，唔好望佢店面細細，原來隔離仲有個舖位，而且仲有2樓添，所以可以放心唔怕等位等好耐，我地今次選擇咗加$20嘅花雕雞，首先一定一定要讚一讚佢嘅雞真係冇得輸，啲肉嫩到食唔停口呀，勁大舊勁多肉，重點係佢呢度係無限加雞😍-同埋對於打邊爐黎講🍲肥牛係最最最重要，我同男友勁滿意利到既肥牛，唔單止啲色好靚，唔肥唔瘦啱啱好👍🏻，而且肉質鮮甜，打邊爐食嘅嘢呢度應有盡有，呢個價錢食到呢個質素完全可以話係超值呀🤤🤤…Read More

今晚同男朋友拍拖拖👫睇完戲行完街肚仔餓就去食個晚飯🥰我地就去左香港地食飯😚我簡左我平日最仲意食既福建炒飯加凍檸茶少甜而男朋友就簡左佢仲意食既海南雞套餐跟湯我覺得賣相同份量我都非常滿意!係食物質素方面，福建炒飯配料夠多又夠味而且啲汁好香，撈飯一流！男朋友亦大讚佢既海南雞肉質夠嫩滑、而且又夠哂淋，最重要係佢去骨啊！岩哂我地呢啲懶人啊🙈另外，呢到既服務態度都幾好，而且我幾仲意呢到復古既裝潢好特別，而香港茶餐廳黎講，呢到真係一個非常唔錯既選擇！…Read More

見母親節就諗住兩家人食個飯簡左呢間聽聞係米芝連星級餐廳先簡左個六人餐再加個炸芋頭整體黎講其實好普通唔係特別好食可能係我地抱太大期望啦當中我覺得個炸芋頭係最好食然後個芋圓花生湯就得個甜字 芋圓又太淋一啲彈牙都無 而且得一兩粒芋圓 唔係我想像中咁連鮑魚都無人爭住食 男朋友甚至覺得好難食雞同魚都ok 個面太淋又太結 全台人都無咩人食可能太忙 都無咩特別既服務 好多時碗碟都係我地自己執 因為無位亦無人（可能忙人手唔夠）另外我覺得個什菜煲都ok 湯既味夠濃荔枝肉都ok 有啲似平時食嘅咕嚕肉不過全家都表示 去茶樓食可能會更好呢間試過一次就好了 唔會再試…Read More

呢日去開黃大仙上面果頭探朋友，佢就帶咗我去附近嘅街坊茶餐廳食個午飯，就咁睇我以為佢淨係賣外賣嘅，原來入到去餐廳都幾大，環境比想像中舒服同乾淨，呢個時勢佢仲有提供紙袋俾我哋放口罩添，抵讚👍👍！椒鹽豬扒飯，呢個係我叫嘅，椒鹽豬扒炸得好香脆，而且啲蒜粒仲辣辣地好過癮呀。🐷🐷豬扒大大啖肉，正，同時餐廳亦都搭咗幾條白菜仔中和一下。食完成個飯已經非常飽啊！牛雜河，呢個係我朋友幾好嘅，睇個樣都幾吸引，因為好足料下。我試咗一舊金錢肚，確係幾正，因為非常彈牙。另外我估唔到嘅就係嘅蘿蔔非常入味🤤🤤奶油多，我哋都非常為食，所以嗌多咗一份奶油多，好彩食得哂，因為好味呀，因為基本嘅口感同味道都做到足。飲埋杯熱檸蜜真係非常滿足☺️☺️。…Read More

小龍蝦蟹子沙律用紫菜夾住一啖放落口，特別既食法，又好食又口感又獨特，食到有有龍蝦嘅鮮味，而且食到一粒粒嘅蟹子！煎餃子煎到好香，點啲汁食更加好味，份量同比例都岩岩好！豚肉拉麵🍜湯底濃郁不會油膩，非常出色！食食下發現原來有隱藏版既食法-加拉麵汁、蒜蓉同辣芽菜😍食落更加開胃！蝦味噌拉麵🍜湯底有強烈既蝦味，又有我最仲意食既栗米配料，配料方面叉燒肥瘦適中，仲有最出色既溏心蛋👍🏼拉麵軟硬亦適中!雖然食物款式不多，但質素非常好👍🏼而且呢度嘅裝潢設計風格都好似日本嘅街頭拉麵小店，整體黎講好滿意！…Read More

平時食開元朗同青衣分店都覺得好好食所以今次就想叫個外賣試下啦雞扒依舊好出色好入味 又香又脆但個滷肉飯啲肉個味同平時食開既差好遠啲肉又偏肥 唔太滿意飯既份量都相對於少整體黎講真係比其他分店差…Read More