NJL51的个人专页

同男人係旺角行街，記起朋友介紹附近有間出名魚麵，就幫襯下啦～餐牌種類比較多，麵有三款：稻庭烏冬、魚烏冬、魚麵。湯底有兩款：麻辣魚湯同花膠魚湯。🐟魚之戀濃魚湯魚麵（魚麵用了70%魚肉）配料有魚蛋、魚皮鮫、魚片頭等等，全部食材採用魚，無魚骨。湯底好香 清甜濃郁，有花膠嘅味道，十分滋潤。至於魚麵，無魚骨無腥味，仲好彈牙，麵浸在魚湯更細滑，係食過最好食嘅魚麵！讚！🐷日式豬扒濃魚湯魚烏冬(魚烏冬用了50%魚肉）即炸豬扒，外層鬆脆，肉質唔乾身，配上沙律醬，美味！魚烏冬比魚麵較粗身，更煙靭，口感出眾。Fish Nachos on the boat魚皮上鋪了一層醬汁（芝士肉醬、牛油果蓉）第一次食呢個新配搭，幾特別，口感豐富。🐥避風塘雞翼沙律即炸嘅雞翼加上主要靈魂炸蒜，幾好食。整體唔錯👍👍👍…查看更多

知道大埔開咗間寵物friendly餐廳，就突登入去探下哥基店主，真係好得意，亦有其他食客帶自己嘅寵物一齊食飯，氣氛唔錯。至於環境方面，乾淨企理，裝修有格調，工業風。晚上以串燒小食為主，而且還提供寵物menu，價錢算適中。叫咗西冷牛扒，燒雞皮，沙嗲豬肉串，燒翠肉瓜，惹味蒜容焗扇貝。串燒大致ok，惹味，値得一提嘅係惹味蒜容焗扇貝，蒜蓉味十足，扇貝鮮甜。另外叫了門神系列生啤，孫悟空蜜桃焦糖味啤酒，容易入口，味道帶微微焦糖香甜，幾啱女仔飲。…查看更多

朋友介紹九龍灣呢間泰國菜，因為食物不單只好味而且裝潢設計用心。一到餐廳，門面係車站車卡，餐廳內還有扶手、行李箱等飾物，座位係一卡卡車卡，有座位號碼，增添效果感。小妹叫了主菜：正宗泰式豬手飯（無骨）豬手肉質鬆軟，醬汁雖然比較稀身，但入味，配上泰色醬汁，十分美味。蒜蓉包 侍應一上菜，好香，可能保持脆口，所以包有少少乾身。小食併盤 有即炸蝦餅、春卷、鳳凰卷同魚餅，種類同埋份量都多。叫了兩杯消暑飲料：西瓜冰，珍多冰 .大大杯 解渴不太甜，值得一讚，珍多冰椰汁味濃 ，最愛吃綠色啫喱狀的 Cendol。…查看更多

依舊我最鍾意食嘅陳皮魚蛋今日叫車仔麵，沙爹湯底，魚蛋通菜，附送辣菜脯。米粉爽口，吸收湯底汁，入味！菜有點老，所以大部分食菜葉。湯底可接受，略咸。陳皮魚蛋保持水準，好味！…查看更多

男人買咗柚子蛋糕獎勵我，蛋糕好迷你，兩個人食岩岩好！口感好鬆軟，柚子味清香，內餡有些少柚子皮，感覺有啲似飲緊柚子茶。配上頂層嘅雜梅同忌廉，好清新，甜度適中。價錢合理，50幾蚊，夠兩個人食。…查看更多

今天去元朗食船麵，止下旅行的心癮。牆身壁畫很有意思，有泰國的大象、四面佛等，有泰國象徵。桌子上則魚露、白砂糖、辣椒粉等，可自行加配。湯底牛味好香，十分濃郁，原來湯底是加牛骨、藥材熬足12小時，沒有味精，小妹整碗湯喝掉，帶陣陣藥材香，好喝！金邊粉好爽滑，麵吸光汁，好滋味。豬肉丸細細粒，好彈牙，原來食材有8至9成都來自泰國，怪不得有泰國風味。很喜歡吃船麵上的菜，泰國叫怕醜草，香港叫「通菜」。炸豬皮、花生碎、芽菜等配料點綴整碗麵。至於服務質素方面，員工好友善好禮貌。…查看更多

在佐敦發現一間裝修不錯的西餐廳，門口排滿了客人。心想應該好味道，所以多人排，姑且一試。中午時段比較多人，大約等了 15 分鐘左右才進坐。餐廳環境大致整潔，用了比較懷舊的電燈膽，牆上了水喉通作裝飾，設計有點像工業大廈。小妹點了挪威煙三文魚沙律，再加酸忌廉煙肉薯條。三文魚不腥，加上檸檬汁，鮮味更出，魚甜甜的，好味！沙律菜新鮮，爽脆，配上醋汁，開胃！白色醬是酸忌廉，上面是煙肉碎。薯條即叫即炸的，香脆！整體而言，食物比較濃味，招呼不錯，侍應頗有禮貌。…查看更多

今日又幫襯千之味壽司啦！呢次食壽司同刺身，蟹籽沙律依舊好食！醬汁酸酸甜甜，開胃！開動！食主食先食三文魚刺身，厚厚的，一啖食哂，大大滿足感。珍寶蝦依然保持水準，鮮甜！魚生飯足料，有蟹籽、甜蛋 、八爪魚、青瓜、三文魚腩，好抵食！繼續大大力懲罰，✋☝️…查看更多

今日幫襯日本人開嘅餐廳，朋友必食推介： 炸豬扒！！！set 餐包有以下食物：豬扒有驚喜外層炸得十分脆口，不會乾身。還採用了珍珠米，粒粒分明，燉蛋十分滑溜，好好味，味噌湯 沒有加味精，好飲!整體十分滿意！…查看更多

下午5-6點 嚟大快活食雜排鐵板餐會有優惠，$49 有齊，牛扒、雞、腸、飯同埋可口可樂，個底仲要有雜菜，唔怕冇纖維，菜吸哂肉汁味，好正！食物份量不少，餐廳好有良心一個餐俾兩個人嘅份量，知道呢個時候生活艱苦，冇剋扣食物份量之餘，反而係多份量。…查看更多

麥記炸雞新產品「麥炸雞」依家成為 10 號餐，$35 有雞鎚、雞上脾，薯條飲料外皮酥脆，每咬一啖，都有肉汁雞油流出嚟。雞皮脆卜卜、雞肉嫩滑，口感Juicy，呢三個元素，缺一不可！…查看更多

有選擇困難症的我，看到餐牌有這麼多選擇，落單時真的有點困難，每款都好吸引。最後決定─柚子辛口拉麵，和其他拉麵店一樣，麵質可以選擇硬度，要不要加蔥花。可能自己選錯了麵質，比較煙韌，有咬口，湯底方面，柚子味淡淡的，不咸，偏清。叉燒方面香味十足，口感軟稔。配上一杯啤酒，十分消暑！…查看更多

朋友介紹食「銓仔記」雞煲，$168 仲要任飲任食，完全抗通脹，所以膽粗粗一試！小妹叫了「奇味雞煲」，麻香撲鼻，精髓在於花椒八角、芫茜和紫洋蔥缺一不可，食一啖，十分惹味，已經停唔到，兩個人好快就食完半隻雞。之後可以加湯打邊爐。打邊爐方面，可以自行填寫份量，上菜又唔會比少。肉類丸類、餃類菜類要有必有，味道正常，牛柏葉、水魷 爽口 ,瘋狂order..小妹加錢叫咗「安格斯肥牛」，足牛味份量又多，唔錯！飲品方面，除咗啤酒、紙包飲料外，仲可以叫自家製嘅竹蔗茅根水，足料，唔太甜。埋單嘅時候，店員提一提我哋，清哂食物，可以平$10，仲叫我地慢慢食，唔好急，有教育性好有愛。另外，見到門口個牌寫住齊抗疫不裁員，良心店舖「銓仔記」雞煲，會再試！…查看更多

超多種類，見到咁多款式牛角包真係一片空白，個個都好吸引，好想食。幸運地，有一批牛角包新鮮出爐，係迷戀卡士達（牛角包名）! 內餡係吉士。外層是糖粉，一啖咬落去，爆哂吉士漿😂好足料。吉士超滑順又濃郁，creamy.牛角包嘅酥皮蜂巢組織，有多層次嘅口感，香酥鬆軟。好好食！真係好吃得讓人上癮！…查看更多

一入到去好多菲律賓姐姐同埋爆滿，一位難求，要等位。落單嘅時候，將雞蘸上醬汁（薯蓉汁），一撕開雞，好香，熱騰騰，仲要有雞油，雞皮脆卜卜，有少少蛋黃味，雞肉方十分嫩滑，味道十分滿意！真係超好食，係未食過咁好食嘅雞。薯條粗身，脆卜卜，蘸埋佢地自家蕃茄汁，好正！…查看更多