廚神樂的個人專頁

想簡簡單單咁食餐西餐，但係又唔想去灣仔呀，銅鑼灣呀個啲，太遠啦。於是就去咗鰂魚涌嘅一間西餐廳，又近又方便去。蒜蓉包好香脆可口，忌廉南瓜湯夠濃郁，南瓜味都好香而且賣相都幾靚仔牛柳非常厚身，完全唔會韌，好嫩滑又入晒味！炸薯角又香口又脆，連埋啲汁一齊食堅係好好食！碟意粉落咗少少醋，所以酸酸地幾開胃，而且個軟殼蟹外脆內軟，好食又開胃，食得我好開心！雜果賓治嘅顏色好鮮艷，而且帶微酸，都好開胃雖然杯Lychee Paradise係青色，但其實係荔枝飲品嚟，仲有淡淡嘅荔枝香，好清新餐廳位置雖然未算十分就腳，但食物真心煮得幾好食，所以我本人覺得行多少少路都OK既~~…查看更多

今日老細心情好，見我係外邊做嘢都唔洗我趕返去做文件，話飲埋下午茶先返去喇，其實我係因為要做嘢，邊飯都求無食，只系求其食左D嘢，辦完出邊嘅事就飲個下午茶先返公司。咁就去糖朝，嗰度選擇比較多，有甜品，小食同事埋可以點菜，去到睇下想食咩再決定。本嚟想點個糖水，但又覺得肚餓，之前食過一次呢度嘅一品粥覺得還可以，今日再食覺得的確幾好，配料好足腐竹，皮蛋，雞胸肉同埋應該系墨魚丸嘅丸子，粥煲得好綿，料好足所以粥好清甜。蝦餃嘅鮮蝦仲算新鮮大只，但皮整得一般，鮮蝦腸粉感覺幾好，點心類仲系去專門的點心店食比較好，相比之下仲系鐘意呢度嘅糖水同一品粥。…查看更多

今日下午要外出做嘢，所以就打算午飯係出面解決，林住去大家樂食個套餐解決，但上樓嗰時突然淋起沙嗲王就係樓上，嗰度嘅香茅白咖哩豬扒飯唔錯，就轉上一樓去沙嗲王食豬扒。對于中午趕時間，需要快速解決午餐同埋對品質有要求嘅不妨考慮呢度，環境唔錯，服務態度就有D好，有D唔好，睇人嘅，服務態度可以仲有D提高。豬扒好大件，白咖哩算系呢間點嘅特色，無黃咖喱甘濃嘅辣味，但白咖喱有佢獨特嘅香味，帶有淡淡嘅奶香味，仲有一D淡淡嘅咖喱辣，豬扒分量夠大，而且煎得幾香，啖啖肉，食完豬扒，用白咖喱嚟送飯好啱，細細一羹就可以食曬一碗飯，豆腐外脆內嫩，豆腐品質幾好，幾重豆香味，好香滑。…查看更多

今日下晏同同事過尖沙咀做野，準備走果時，離遠聞到好香，望吓前面好多人排隊，行埋去睇原來喺利強記雞蛋仔，難怪咁香喇。門口放住大鍋魚蛋，啊姐唔停甘整緊雞蛋仔。又胃食喇，排隊。同事擔心唔乾淨，街頭小食咁嘅環境算乾淨喇。雞蛋仔喺即做嘅，要等。整番串咖喱魚蛋先，魚蛋好新鮮好彈牙，咖喱味好濃辣辣，加d醬，辣中帶甜，好正。雞蛋仔人氣最旺，好香嘅雞蛋同奶味，表面金黃色，每格都飽滿，水準相當高。雞蛋仔皮脆內鬆軟，又唔會好甜，口感好好。天氣甘凍食個熱辣辣既雞蛋仔暖粒粒好舒服。格子餅都好多人買，餅身喺一格格嘅，所以叫格仔餅。皮烘得淡啡色，幾厚身，質感鬆軟，好香嘅蛋味，內面有花生醬。雞蛋仔就食得多，格子餅第一次食，都幾好食喎。…查看更多

天氣凍個個都唔想郁，晚餐都唔想煮咯，一家三口落街食，佢地話唔喺好餓，唔想食飯，想食麵，豚王又出名又近就嚟咗豚王，雖然店面比較細，但坐得都算舒服，而且比較乾淨。日本feel，鵝黃色燈光，喺咁warm嘅環境食野，個人都冇咁凍。我點最普通嘅豚王，原味豬骨湯，湯底好濃嘅豬骨味好清甜，飲多都唔會覺得膩。豚肉肥瘦適中，口感細膩，叉燒我揀咗肩肉，肩肉無腩肉甘肥，肉質好鮮嫩，唔會好硬。麵好爽滑。老公比較重口味揀咗黑王，成碗都喺黑嘅，真喺名符其實囉。個湯充滿墨魚汁嘅味道，好香好濃。鮮美嘅墨魚汁加上芝麻更加香。叉燒佢揀咗腩肉，腩肉有雪花紋嘅，肥瘦相隔，入品爽滑。食完嘴同牙都黑曬。勁！貪靚嘅朋友仔諗過先好點喎。囡囡點左翠王，翠王喺青綠色，望落好靚，用咗唔同嘅蔬菜製成調味料嘅，有橄欖同芝士粉嘅香味，個湯濃而甜。囡囡怕肥同我一樣揀左肩肉，佢話好好食。來豚王點可以冇糖心蛋嘅，蛋白好嫩，蛋液系金黃色嘅流心，半生熟且無腥味，食落仲有d 甜，對得住糖心個名。…查看更多

今日同事話帶我去食牛人牛腩麵，我有d唔明，問邊間啊新開嘅？佢話去到你就知喇。暈！原來喺九記，佢話九記周日同公眾假期休息，仲唔牛。我笑住話無錯，真喺好牛。裝修好一般但幾乾淨。剛開鋪就坐滿人咯，等左幾分鐘先有位。服務都幾好。感冒未好想食清淡，點左個上湯牛腩麵，聽講湯底放咗藥材同牛骨熬嘅，好香藥材味又有牛骨鮮味，個湯好濃好清甜，牛腩又稔又入味，又唔會太老，而且無騷味，伊麵吸左湯嘅鮮味爽口彈牙。同事點左咖喱牛筋麵，咖喱比清湯要重口味d ，有d辣。個湯都好濃好香。牛筋好多，又稔又入味，伊麵索左咖喱汁，口感更加好，辣得來好好食。熱奶茶香滑濃郁，好正宗嘅港式奶茶。同事話食左咖喱飲番杯凍檸檬茶衝擊嚇味覺，好爽。…查看更多

今晚唔駛OT，囡囡話想食甜品，老公又啱翻到，既然人齊，去食甜品嚕。食甜品去邊好呢？？緊喺嚟聰嫂度喇，出品好服務好，又夠抵食喎。今日去到唔使等就有位。環境麻麻地，地方比較細，都幾逼嚇嘅。我點咗榴槤水晶珠，好臭嘅榴槤香味，聞一聞好精神！唔喺只得香嘅，睇下，大大塊榴槤響上面嘅，夠曬滑。榴槤沙冰好似食緊雪糕咁，正！水晶珠好冰甜，輕輕一咬就爆好過隱。榴槤控嘅我食完榴槤水晶珠都未夠喉，要點多個榴槤班戟，榴槤好香，餡好新鮮好甜。榴槤同Cream 嘅比例啱啱好，個皮好軟，一啖咬落去好滑，簡直可以直接滑入個肚度啦。老公點左個椰果龍眼冰，老公話喺用新鮮龍眼肉同椰汁打成冰渣嘅喎，椰汁好香，有好多塊椰果，水晶珠口感好好，佢話好似食緊三文魚籽咁喎。囡囡話佢好凍唔想食凍嘅，佢點左個熱生磨杏仁茶，杏仁好香好滑，而且冇渣。…查看更多

今日老公升職加薪，甘開心嘅事，當然要食翻餐勁嘅慶祝嚇喇，一米芝蓮3星嘅中菜龍景軒一直都好想試，不過幾貴所以冇嚟過，趁今次難得的機會嚟試嚇。環境相當好，裝修得高貴有氣派得來又幾清雅，有種好舒服輕鬆嘅感覺。服務不過不失。松子叉燒菠蘿包奶香四溢 ，做得好精緻，熱辣辣嘅菠蘿酥皮好香好脆，一啖咬落去包身好軟，裏面好多叉燒粒同松子粒。好正！原隻鮑魚雞粒酥，鮑魚喺原只嘅大細適中，肉質彈牙燜得軟滑入味，好香嘅鮑魚味，鮑汁嘅味道較得好好，唔會太鹹又唔會太甜，酥皮夠薄夠鬆化，吸左鮑魚和雞肉湯汁仲鮮味，餅底牛油好香。焗釀鮮蟹蓋，蟹蓋炸得金黃色，外面嘅炸皮都幾薄, 炸得好脆。蟹肉份量都算可以，咬落去啖啖蟹肉，蟹肉幾新鮮，蟹肉裏面有洋蔥，配搭幾好。龍帶玉梨香做得好靚，個名好清雅，而且味道好好。外面薄薄一層炸粉，炸得脆而不油，炸功非常好。裏面有龍蝦、帶子和梨，一層果一層，層次感豐富，龍蝦膠爽滑彈牙，帶子鮮嫰，啤梨清甜，整體味道鮮味濃鬱。龍景軒炒飯有龍蝦肉粒, 蟹肉、帶子、雞蛋同蔥花，好足料，口感豐富，用料新鮮。飯炒得粒粒分明夠曬鑊氣，好似粒粒蛋汁咁，好有水準。龍太子蒸餃造型好靚，翠綠的餃皮，喺用波菜汁做出嚟嘅皮，好特別，響上面鋪左只大蝦，增添左一份美味。咬開裡面餡料好足，有龍蝦肉和帶子，鮮甜味美。上湯青菜清清哋，無咩特別。…查看更多

呢排比較忙，好耐無陪老豆媽咪去飲早茶喇，前幾日無意間聽到媽咪同老豆講好耐無一家人去飲早茶喇，聽左之後個心好唔舒服。今日無甘忙摞左半日假陪兩老去飲茶。媽咪雖然把口話做野要緊，但系睇得出佢好開心。無嚟甘耐環境仲系甘好，閑日都好多人，不過好彩唔使等位，不過D服務好似變差左，媽咪唔飲茶葉茶，叫佢拎杯開水過嚟，十幾分鐘都未拎到嚟。蝦餃皮薄餡多，薄到可以睇到原只蝦，蝦肉好鮮甜又彈牙，一啖咬落去肉汁好香。豉汁蒸鳳爪，顏色好深未食以為會好鹹，食落又唔系喎，入味得嚟唔會好咸，仲有D 甜甜地。鳳爪炸過又蒸過，皮同骨入口就好自然分開，好軟最啱老人家食喇。發菜豪鼓排骨粥好香，料足，火喉更足，入口鮮滑，好似自己屋企煲甘。正！軟硬海皇腸粉，裏面有脆薄餅，又夾有蝦肉，腸粉皮又夠滑，咬落去又滑又脆又彈牙，加埋D 醬，好食既到簡直無法形容。叉燒包好軟綿，叉燒切得好細粒，有肥又有瘦，口感好好春捲炸得好脆好幹身，唔會好油。加醬更加好食。…查看更多

收工同事話有d 餓，又見Via Tokyo唔系好多人，入去食D野先，間鋪好細，座位又少，要排對吖，不過等咗十分鐘左右就有位喇。店內以橙啡色為主，有低座長檯，高檯位。長檯那邊有吊椅。我地今次坐高櫈，比較逼。抹茶拿破崙望落好細件，個樣普普通通無咩特別，但食落真系一D都唔普通好好味，而且份量都好足，餅皮又薄又鬆化， 中間既抹茶味吉士好creamy每層都有9粒，仲話細件喔，點知食唔曬。白玉抹茶雪糕，雪糕綠茶味好濃，濃得黎唔會太澀，雪糕質地都幾實，唔會好易溶，而且仲好滑。呢個時候食有d凍，不過冬天食先過隱。配既生果有奇異果、士多啤梨、香蕉、橙等。白玉好彈牙，好有口感。紅豆茸紅豆夠曬大粒，不過太甜喇。總體來講性價較高。宇治抹茶卷，外形普通到不能再普通，不過蛋糕質地好松軟裡面有濃鬱既抹茶cream，正吖！抹茶拿鐵就一般般喇，今次好似失左水準喇，抹茶太濃，濃到有d澀，拉花拉成了hello monster,無上次拉得甘靚仔。…查看更多

前几日上嚟搵好野食，見食家們对BURGEROOM既评价都几好，今日得闲去试下。间铺唔系好大，仲有D逼逼地咁，不过D野好食就得喇。点左双份鹅肝牛肉汉堡，用料十足，鹅肝大大块仲好肥美鲜嫩喔，煎到深褐色，入口即溶，牛肉唔太老火喉岩岩好。店员仲好NICE将汉堡切开两块，如果唔系都唔知系边入口好。辣味牛肉汉堡，牛肉唔会好老火喉岩岩好，牛味好浓，而且好JUICY，辣味适中，先至几十蚊底食喇。牛油果芝士薯条颜色缤纷，不过个味唔系好OK，食唔出牛油果味。食左汉堡觉得有D热气点多个沙拉平衡翻先，又唔想太斋喔最后点左个软壳蟹沙拉，蟹加左麵粉炸过，炸到金黄色，D粉唔会好厚。成只蟹都可以食既，蟹好新鲜，配蔬菜沙拉一d都唔觉得腻，蔬菜新鲜爽脆。…查看更多

今天同朋友出街，醒起LEE邊有間好出名嘅甜品店叫甜蜜蜜，一聽嗰名就覺得好SWEET，決定過嚟甜蜜蜜HIGH TEA，來到甜品店見到好大一條長龍，排咗20幾分鐘先到我哋，坐低之后點咗我至愛嘅朱古力味梳乎厘，松松軟軟嘅口感，食落口又唔覺得太膩，配上嫩滑冰涼嘅雪糕，入口即化，正到無得彈！楊枝甘露如果平時一個人食嘅話分量剛剛好，不過我哋兩個人點咗幾個甜品，所以一齊SHARE，感覺味道唔算太出眾，就唔重點推薦比各位了！之前都有聽講過甜蜜蜜嘅冰火芝士木糠布甸，今天試咗一下，表面食落好似喺蛋白焗嘅，配上一圈熱熱嘅芝士汁，中間有檸檬味冰冰地，有D似地雪糕嘅FEEL，食落同梳乎厘一樣唔會覺得好膩；甜品食三兩樣其實已經足夠，再繼續食嘅話會開始甜膩，反而錯失品嘗美味嘅機會，于是我哋留返下次有機會再來試距同樣好出名嘅心太軟；最后一道甜品點咗炸香芒春卷伴芒果沙巴翁，睇上去十分精致，單系賣相已經食欲大增，外皮微熱，咬落香香脆脆，入面嘅芒果雪糕冰爽可口，酸酸甜甜，用來做壓軸甜品就至巖喇，食完完全唔會覺得飽飽濟濟！總體來講今天嘅HIGH TEA雖然人好多，但食得好滿足，下次有機會再過來幫襯！…查看更多

每次經過Dazzling Cafe都見D人排曬長龍，剛好今日閑日去唔系好多人，同FD決定食距。等咗一陣間就有位啦，店員態度幾好。裏面裝修得唔错，好有情調，開左一排表面都好乾淨，環境夠安靜，最適合嘆下午茶啦。草莓蜜糖吐司，吐司好大，一個人食唔曬。磚造型吐司唔單外體好睇，仲好好食，外脆內軟，唔會好甜且口感好好，草莓系新鮮的，又大又甜，配上水果茶，簡直就系完美的配搭，食完一點都唔會覺得漏喉，值得推介。建議兩個人一齊share啦。仲夏熱帶水果茶 :一壺水果茶可以慢慢飲. 有凍/熱可選。 我點咗熱的，因為我感覺熱的會香D，濃濃既水果味中有著淡淡的茶香. 最啱女仔飲架。分量都幾多。松露薯條味道都OK，不過同其他薯條對比，除左味道不一樣，都無咩特別既，一樣系香口啦。…查看更多

今日翻媽子度經過Fine Foods ，入去買翻盒媽子最愛既蝴蝶酥先。唔系好趕時間，餅店環境又舒適，一於坐低嘆翻件cake啦 。蝴蝶酥，我要左原味同埋芝麻味，一個系媽子鐘意既，一個系老豆鐘意既。蝴蝶酥好鬆脆，原味蝴蝶酥，好香濃的牛油味同焦糖味，芝麻蝴蝶酥則加左芝麻更勝一籌。今次好好運氣有 Green apple cheese cake，呢個青蘋果系我侄女既至愛，之前來左幾次都無，都唔知幾失望，侄女只系鐘意個造形，每次都唔捨得食，外面係白朱古力，裡面係cheese cake、青蘋果粒，酸酸地甜甜地，味道一般般。藍莓芝士蛋糕我既最愛，每次嚟都要食翻件先肯走，藍莓夠新鮮，芝士味夠濃，加左藍莓醬，成個cake好鬆軟好滑，裡面仲有藍莓啫喱，咬落去好有口感，真系食到停唔到口，幸福到痹。…查看更多

老友成日同我講一蘭拉麵有幾好食，我唔系幾鐘意食麵，都唔點在意，今日同老公出街經過，老公話想試下，唔知食咩好，就陪老公試下。裝修就一般，但好有日本feel。良久。。。待應見我唔知想點咩好，就好貼心咁同我講你第一次食就揀普通啦，後來我就揀左個普通既，所謂普通，但距個湯都幾濃，麵又都幾軟。上面仲有撒D蔥，整體味道算OK啦！老公點左個濃既，加左黑木耳，我試左啖睇下同普通有咩唔同，覺得就系相對鹹小小無咩特別，不過D黑木耳真系好爽口。老公話個麵真系好好食，下次仲要再嚟食，最後距仲嫌個麵太細啦，食完都唔夠飽，呃，無理由食多碗架，夜晚再宵夜啦。老公話呢度既抹茶杏仁豆腐好正，就點咗個，嗯，算距無介紹錯啦，好濃抹茶味，豆腐夠曬滑，好似食緊布丁甘，呢個我好鐘意，值得推介推介。呢個溏心蛋都唔錯，一啖咬落去都是紅心蛋黃，口感一流，正啊。…查看更多