迪基牙's Profile

終於等到放暑假，約埋成班同學去cafe hea下先 。上openrice揾番上次去嗰間喺旺角先施大廈嘅cafe，因為夠方便，D嘢食又好食，所以我哋就一行八個同學一齊上去hea返一個夜晚 。cafe嘅好處就係有得食有得飲，仲有board game玩，好容易就可以消磨咗一晚 ，我哋約咗七點鐘上到去，一玩就玩到夜晚十一點幾先返屋企。上面個環境好舒服，而且啲嘢食仲好好食 ，最難得嘅就係唔會同樓下啲餐廳啲服務態度咁差，坐一陣又畀人趕走， 而且呢間cafe我哋唔係第一次來，每次店主啲服務態度都好好 ，食物嘅份量好充足，足夠我哋食飽飽 ， 近排仲轉咗新menu，多咗好多唔同嘅嘢食，不過我都係鍾情佢嘅安格斯牛肉漢堡，因為大大個， 塊牛肉又好juicy，配埋啲芝士太美味，而且配埋黑醋沙律、薯條好好味，嚟緊漫長嘅暑假我哋一定會再來。…Read More

微雨的週末中午，慕名而來深水埗大南街近黃竹街由綠皮大排檔搬入舖的人氣食店「漢發麵家」。按照老友推介，點了豬扒蛋丁、豬膶米、和必吃的西多士。豬扒非常厚身，但就煮得好腍，帶點獨特酒香，食得出係揀手新鮮貨，煎蛋煎得好香（經常話而家唔少平凡茶記係連蛋都唔識煎的），兩個孩子就頻呼碟豬扒飯好味轉眼就食哂；豬膶我唔食，冇得評，但太太話除咗厚之外亦係好腍冇臊味；西多士就真係令人眼前一亮，個心非常夠熱，花生醬、牛油和煉奶香味融為一體；奶茶夠滑，非常夠茶味，係上品，留意到牆上曾經做過的「飲食男女」專訪，原來佢地杯茶係舊蘇屋邨嘅「杜鵑茶餐廳」個師傅教的，唔怪得咁正啦，清拆前嘅「杜鵑」同青山道嘅「新華」在奶茶來講當時真的是一時瑜亮啊！總體而言，我對「漢發麵家」的評價甚高，絕對值得專程前來。…Read More

返深工作，冇好似往常咁先停靠在上水石湖墟去「廣成冰室」或「陳六記飯店」，改為入咗粉嶺聯和墟，幫襯久違了嘅「漢興茶檔」。午市時段嘅「漢興」當然係人頭湧湧，點咗佢馳名嘅鹹牛肉蛋餅福麵，蛋餅煎得恰到好處，有燶邊，但個心就剛剛熟，蛋香鹹牛肉香交織在一齊。天氣太熱，好少飲凍飲嘅我叫咗杯凍奶茶少甜多奶，茶底好靚，好飲。滄海桑田，聯和墟近年的發展好快，十年前港味濃郁，楊千嬅陳奕迅主演的電影「每當變幻時」取景所在地「聯和市場」，已經變為四五十層高的巨廈。近年來，純港產片已逐漸如鳳毛鱗角成為瀕危品種，但是港產片在我的青少年時代帶給我的無限歡樂和對香港的自豪，就一生都不會改變。…Read More

香港好吃的星馬菜素來不多，想找一家有新加坡吉隆坡水準的一貫不易，難得有一家正宗的很多時卻難逃結業厄運反而好些三不像的又能生存下來。這或許與普遍港人的口味和對星馬食物的接受程度有關。身為星馬菜的忠粉，在港是較難感到滿足。所以一向喜歡這家位於石塘咀皇后大道西山道口Hotel Jen內的「馬來一」，菜單選擇雖然不多但絕對忠於真正馬來西亞風味沒有妥協，該辣的辣，味蕾應刺激的夠刺激，雖然還不能媲美親自飛去南洋一趟，然而在香港來說已屬上選。…Read More

下午茶時段去到中環威靈頓街近半山電梯，開業不久已成名店的「四季常餐」，兩點半依然全院滿座，午餐時間肯定一位難求。此店標榜炒蛋出色和以和牛油渣製作的滑蛋叉燒飯。在下不吃飯，還是點一客常餐便可。店面不大，裝修平常，中環茶記常見的狹窄座位，循環播放著陳百強梅艷芳的歌曲平添一點港味。招牌炒蛋據說混合日本美國中國蛋製成，顏色深黃，蛋味濃郁，滑不溜口，的確是佳品；真.雞湯火腿通粉店裡解釋是以雞骨熬出湯底，吃得出與其他茶記有所不同，也是誠意之作；然而茶記靈魂所在的奶茶只是平平，不夠味不夠滑，要扣分。…Read More

皇后大道西近水街的老牌街坊潮州打冷店「金興」，每次晚上開車經過都見其門如市一直想來試一下，早幾日終於「的起心肝」call齊一班兄弟同來食飯。一樣的高朋滿座，訂了座都等了廿餘分鐘，但在等候過程中已經見到每碟出品都非常吸引。入座後「一輪咀」叫了很多菜式，果然絕大部分都是材料正，味道足，大家食完又點然後再加，食到捧住個肚走，消費都只係時光倒流嘅價錢。…Read More

最近有台灣朋友嚟香港旅行順便探下我，佢租咗佐敦附近啲酒店，今日佢第一日到，我費時佢咁攰，所以同佢係附近揾食，經過德興街一間西餐廳叫 Pom’s Kitchen & Deli，朋友覺得裝修幾吸引，情調都唔錯，所以走咗入去試一試。我地分別叫咗兩個套餐，一個係蟹肉龍蝦意大利飯，另一個係美國安格斯肉眼扒。當中套餐有蒜蓉包同餐湯跟，個蒜蓉包香噴噴充滿蒜蓉味，而個意大利雜菜湯，有好多雜菜好足料。至於，兩個主菜都好吸引，個龍蝦意大利飯佢哋啲龍蝦係預先剝咗，啱晒我啲懶人，食得好方便。另外，牛扒煎得好靚，又有炭燒格仔紋，望落已經流晒口水，至於成數又啱啱好，台灣朋友都讚好好味。…Read More

「左麟右李」嘅呢一味「克勤叉燒」，肉夠腍，半肥瘦，蜜味夠香，有脆脆燶邊，口感滿分，加埋餐廳內「月半小夜曲」嘅背景音樂陪襯，應該可以話冇辜負到李克勤以自己名字來命名。…Read More

今早冇食早餐，做完運動來到鵝頸橋軒尼詩道新開張的「棋哥燒鵝」來一碗燒鵝brunch。已在天后站一段電氣道開業多時的「棋哥」可說人氣鼎盛，但我略嫌該段馬路抄牌頻繁一直未有幫襯，而鵝頸橋「棋哥」一開加上旁邊也是新開的「紅磡冰室」，馬上為該段軒尼詩道聚集更大人流。棋哥燒鵝都算係皮脆肉滑，鵝皮帶著煙燻味道，個人雖然都很喜歡煙燻食物但就覺得燒鵝加煙燻是不是有一些不太協調，老實說還是喜歡「一樂」「甘牌」「甘飯館」，元朗「天鴻」和深井「傅記」「裕記」多一點。…Read More

今日來到中環安蘭街嘅「禮賓傅」，由前禮賓府總廚開設，特首食得嘅出品當然有水準，招牌師傅五味炸子雞皮脆肉嫩，柱侯安格斯牛腩味道濃郁，蟹肉大良炒鮮奶成碟掃清，加上環境舒適，係中環商務、家庭和朋友聚會的不俗地點。食完再行落去昭隆街永樂園買杯奶茶，成件事就perfect哂！…Read More

灣仔軒尼詩道「益新」是自孩堤年代老店在駱克道近橋底時已經常去的餐館，近年得到米芝蓮的推介生意保持平穩。「益新」的幾道名菜包括琵琶鴨、西檸雞和今日所點的懷舊點心拼盤都是傑出作品，偶爾想起去一次，總不會令我失望。有好幾位朋友問過我，好像你不太去中式酒樓和飲茶吃點心呢？其實我的確很少去香港的中式酒樓，主要是不少酒樓做得越來越馬虎苟且，我寧願選擇傳統舊式菜和特色粵菜館，或者是街坊小炒一類鑊氣夠的，飲茶吃點心也只去出品比較精緻的。我一向主張要自己覺得吃得好，情況就如我去茶餐廳一樣，很多朋友知道我愛死香港茶餐廳文化，但我對茶餐廳是有一套自己的高要求，我相信香港沒有很多人會千里迢迢跨區訪尋合心水的茶餐廳，而在下就為此不亦樂乎。不過有一點是肯定的，香港的各大本地和美式快餐集團，加起來一年也做不到小弟的一兩次生意。…Read More

一週內第二次來到銅鑼灣皇冠假日酒店「御寶軒」，預訂了大家都期待的馳名乳豬釀糯米飯和黑椒炒蟹，加上火候用料俱佳的白汁燉豬肺湯，又滑又夠味的豉油雞等等，是一頓令人非常滿意的週末晚餐。…Read More

今日係尖沙咀學完拳，兼約咗朋友食飯，原本諗住係返尖沙咀食，但係朋友又唔想，之係就揀住佐敦食飯。臨時改地點，當然要靠openrice揾吓個頭有乜好食，最終我地揀咗食西餐。我地一行三人就行去佐敦，間西餐廳叫Pom’s kitchen & deli，喺佐敦地鐵站附近都好易揾，間餐廳裝修行工業風，地方都幾大下。由於太肚餓關係，我地一坐低就好快揀咗心水嘢食，我因為打完拳，唔想白白晒咗啲努力，所以揀咗焦糖蘋果黑醋沙律，個沙律啲菜好新鮮，而果個黑醋汁又好醒胃。由於佢份量都唔少，所以我雖然做完運動都覺得足夠。而我果兩個朋友，一個係食肉獸，一個係卡邦尼控。所以佢地分別叫左一個肉眼扒餐五成熟，另一個叫咗個卡邦尼餐。朋友個兩個餐，雖然我冇份食，但係見到佢地都食得好開心。我就梗係問下得唔得，等我下次可以試下。朋友話個肉眼扒，肉質OK，而成數亦都準確，啱啱好五成，而賣相方面都唔錯，烤到有格仔紋。而個卡邦尼望落賣相好creamy，意粉都好多汁，個卡邦尼控我望落佢都好滿足，應該都幾好味。…Read More

今日約埋成班朋友食放題，之前已經食過好多間，但係食放題始終係大喜屋最好，款式齊全，啲魚生又新鮮，啲款式又成日都有變化，有驚喜。六點鐘去到已經好多人，我哋一入座，當然係第一時間叫魚生食啦！呢度依然冇令我哋失望，啲魚生一樣好新鮮，特別係啲蝦，好大隻、好甜美，三文魚同其他海鮮都一樣好新鮮，而且上菜速度快，唔使等好耐。跟住梗係要叫壽司食啦！啲壽司有好多唔同嘅款式，啲飯唔會大大嚿，等我哋唔會話畀啲飯室飽，仲可以食好多其他唔同嘅嘢。每次嚟都一定要食芝麻雞翼，佢啲芝麻雞翼應該係秘製嘅，好香口，而且味道很好好，芝麻味很香濃，而且啲肉仲好滑添！所以每次嚟我都一定要食幾隻。天婦羅亦都係唔少得嘅，大蝦天婦羅就更加，尤其係啲大蝦天婦羅，炸得好香脆，而且啲蝦好新鮮。 跟住仲食咗串燒、甜品、小食應有盡有，都係大喜屋每次都唔會令我哋失望。…Read More

日本築地市場就去過，仲記得當年要一早起身搭JR去嗰度，嗰度啲魚生好新鮮好好味，香港嘅築地就未試過，今次就試下睇下有冇日本咁新鮮咁好味， 順道回味一吓！打開menu發覺原來這裏很抵食，啲壽司大部分都係十幾蚊一件，其他嘢都唔貴好抵食。我哋叫咗好多壽司、手捲、同埋魚生飯，碗魚生飯有各種唔同嘅魚生，啲魚生好新鮮，仲大大碗，啲海膽仲好甘味。 另外手捲我哋叫咗軟殼蟹手捲，同埋鰻魚玉子手捲，啲軟殼蟹食得出是即炸的，好香脆，至於鰻魚玉子手捲嘅配搭都好配合，好好味。另外當然唔少得叫日式煎餃子啦！去到邊度食日本嘢，我都會叫日式餃子，因為我好鍾意食，啲餃子煎得剛剛好，裏面啲肉熱辣辣，皮薄，而且煎得剛剛脆口，配埋餃子汁，一流。叫得太多嘢食，最後大家都食到好飽 , 連甜品都食唔落啦！下次一定要嚟試下佢啲甜品 ，我見到佢有南瓜雪糕好似好吸引，下次一定要嚟試吓！…Read More